الطلبه القدامى افيدونا

["لين"]

السلام عليكم
الموضوع للطلبة القدامى لو سمحتوا ياليت تفيدونا بطريقة الدراسه وتنزيل المحاضرات يعني لازم تكون الدراسه وتنزيل المحاضرات يوميا ؟
الشي الثاني احس انا بتشتت ماراح ااعرف المحاضرات والواجبات اللي حملتها واللي لسى
اذا ممكن احد يفيدنا بطريقة تنظيمه
وبالنسبه للاختبارات فيه مذكرات نشتريها ولا نعتمد ع المحاضرات فقط؟
:106:

[عبدالله الحربي0]

عليكم السلام
1- المحاضرات ماتنزل يوميا تنزل تقريبا اسبوعيا
2-فيه جدول يساعدك على تنزيل المحاضرات والمناقشات كل ما حملتي المحاضره تكتبين علامه صح
3- فيه ملخصات بالمكاتب المعتمده والمحاضرات اكيد تفيدك والملتقي هذا كل شي فيه بس طبعا في نفس قسمك وبالتوفيق

[هنووويي]

بعد شهرابداءي نزلي الموادتقريبا بعد7محاظرات وسجلي على كل ملزمه في الصفحه الاولى المحاظره اللي نزلتيهاوالمناقشه او تسووي لك جدول بالنسبه للاختبارت تكون من المحاظرات وهناالمنتدى مايقصرو يساعدووفي تجميع الكوكيزات وينزلو اسئله الاعوام السابقه يعني خليك متابعه للمنتدى وماراح تضيعي واي استفسار اسالي ونجاوبك

[وردة تفائل]

انا انصحك أختي بمحتوى المحاضرات لأن اكثر الاسئلة تجي منه
تقدرين تنظمين محاضراتك عن طريق جهازك تسوين لكل مادة مجلد وتنزلين محاضراتك عليه عن طريق المحتوى وبكذا تكون مرتبة وتعرفين وش نزلتي

بالنسبة للواجبات تقريبا كل شهر واجب تقدرين تشيكين عليه وتحلينه
والمناقشات تنزل تقريبا بشكل إسبوعي مع المحاضرات تابعيها وأنصحك تحليها أول بأول لأن الموقع يعلق مع قرب الامتحانات وتكون مشكلة عليك
أتمنى أكون أفدتك
بالتوفيق

[وردة تفائل]

اختي نسيت أقولك على المحاضرات المسجلة والمباشرة عشان تضمنين درجاتها إفتحي المحاضرات بعد ماتنزل بالبلاك بورد أو النظام الافتراضي تنحسبلك الدرجة لو كانت أقل من خمس دقائق

بالنسبة للمباشرة إذا ماحضرتيها تنزل مسجلة بالنظام وتقدرين تفتحينها بعد كذا

[هدوءأميرة]

محتوى المقرر البوربوينت حمليه وذاكري منه كل محاضرة بوقتها
هو اللى يجيبة الأستاذ بالاختبار
وأسئلة الاعوام السابقة تساعدك تعرفين طريقة الاستاذ
فية طلبه جزاهم الله خير يرتبونها ونعتمدها بعد الله
موفقة أن شاء الله

[حفيدة شاعر]

السلام عليكم
الموضوع للطلبة القدامى لو سمحتوا ياليت تفيدونا بطريقة الدراسه وتنزيل المحاضرات يعني لازم تكون الدراسه وتنزيل المحاضرات يوميا ؟
الشي الثاني احس انا بتشتت ماراح ااعرف المحاضرات والواجبات اللي حملتها واللي لسى
اذا ممكن احد يفيدنا بطريقة تنظيمه
وبالنسبه للاختبارات فيه مذكرات نشتريها ولا نعتمد ع المحاضرات فقط؟
:106:

وعليكم السلام

1_في الاسبوع الواحد تنزل محاضره واحده لكل ماده ( باي وقت حابه تشاهدينها او تنزلينها على راحتك لاكن يكون قبل تاريخ 1436/02/17آخر موعد لرصد وتسجيل الأعمال الفصلية ولن يتم احتساب أي مشاركات أو واجبات يتم تسجيلها بعد هذا التاريخ (وستبقى الأنظمة الإلكترونية مفتوحة لغايات الدراسة فقط)

2_عشان ماتتشتتين نزلت لك جدول جدا جميل بالمرفقات بيساعدك

3_بالنسبه للمذاكره الافضل لك ااعتمدي على محتوى المحاضره لكل محاضره ينزل معها محتوى

الاقسام الي هنا ماشاء الله تساعد اذا تثبت الدكتور ولاتغير خذي ملزمه الترم الي راح وقارنيها بالمحتوى الي عندك اذا مطابقه لها اطبيعها وذاكري منها (موشرط تقارنين بكل المحاضرات قارني باول محتوى محاضره )

وكمان في اسئله مراجعه واختبار تنزل في قسمك بتفيدك جدا بالمذاكره

انا المذكرات ماعمري شريتها من دخلت الجامعه لي اربع سنه ما اعتمد الا على المحتويات والاسئله فقط

ودراجاتي بالسليم الحمد الله


موفقه

[* Sarah *]

مو لازم ومايشترط وقت محدد للدراسة ،متى ماودك تدرسين افتحي المحاضرات ونزليها

لكن قبل الإختبارات بإسبوعين يقفلون الأنظمة؛
يعني لازم تكونين أكملتي تنزيل محاضرات وحل الواجبات والمناقشات عشان ما تنقصين درجات؛
وترى يكفي انك تفتحين مشاهدة المحاضرة وتشوفينها بدون تنزيل وتأخذين الدرجة كاملة.

وفيه بالخدمات الطلابية أيقونة الخارطة الأكاديمية ، أي محاضرة تنزيلنها وتنحسب لك الدرجة يحطون عندها صح وعلامة خطأ اذا كان العكس ،

أما بالنسبة للمذكرات فهي أفضل من المحتوى بكثيير وأرتب ؛

فالك التوفيق .. :icon19:

[*مشاعل]

جزاكم الله خير
على الافاده ..~