المساعد الشخصي الرقمي

مشاهدة النسخة كاملة : شعر طيب أحبك ’ كيفْ تنقال بصمت ؟

Abo Rahma
2014- 9- 22, 04:55 PM
(( قد تصادفنا مواقف يكون فيها الصمت ))
سيد الموقف

دام النصيب اللي علــق في جبيـــــني
لزمنـــي الطيـــب وأنـــا فيه لزمت

فـــأنا على ماكنت ياخــــــابريني
اجــــي لــها راغــب ولــن عفـــتها شمت

ارجـــع ورا خطوه عن الكارهيني
وعشــرين خطوه للمحبين قدمت

من قلبــــــي اللي فالهواء مبتليني
اللي تحزم بي وانا به تحزمت

والجادل اللي ما اظنه نسيني
في وعدها من حين ماوافقت قمت

واخذت ورده قاطفتها يميني
لعلـــها تقبل ملامي اذا لـمت

ثم جيــت موعدنا وهــــي ... تحتريني
وقامت عن الكرسي تسلم ... وسلمت

قالت يـــــا ؟؟؟ خيــــر قالوا تبينــي
وهي تحاكيني وانا فالحكي همت

قالت يـــا..... قول قلت اعذريني
كل ماشوفك في كلامي تلـــعثمت

لكن باقول وطالبك تفهميني
وتكفين مابغى احس اني تندمت

قالت وش المطلوب قلت اسمعيني
انا من اللوعات ياما تألمت

صبرت لين الصبر بيّــــح كنيني
وانتي ظلمتيني وانا ماتظلمت

وانا ومن جور الزمان وسنيني
مني اعلمها ومنها تعلمت

ـــــــــــــــ

... انتي تبين الصمت بينك وبيني ...
طيب أحبــــــك كيف تنقال في صمت !!

قولي احبك كذا صارحيني
او لمحي والعيب لو ماتفهمت

قالت المح قلت هـــــاخلصيني
وتنهدت وتبسمت ثم تبسمت

قالت بلاش اقول طالع فــعـيني
وطالعت في عينه وسلهم وسلهمت

وحسيت شي يجرني مع يديني
وبغيت اطيح وفي يدينه تلزمت

وكنه يقول العشق فيكم وفيني
مع انه الساكت وانا ماتكلمت

وعرفت مما صار بينه وبيني
ان الشعور احيان ينقااال في صمت
نورة بنت فهد
2014- 9- 22, 05:44 PM
الصمت في الحب ← حيره و دمعه ونظرة حزن
انيق انيق انيق
اشكرك ع الدعوه وربي يرضى عليك
حيـااة
2014- 9- 22, 06:16 PM
خلك في ملخص الأساليب الكميه أزين لك :8::8:
Dr ʀeнαв
2014- 9- 22, 06:37 PM
... انتي تبين الصمت بينك وبيني ...
طيب أحبــــــك كيف تنقال في صمت !!




من جد ..:verycute:
مبدع ابو رحمَة قصيده جميلة جداً
صح بوح شاعرها وسلمت اناملَك ياخوي
ذائقَه لايضاهيها جممال ..
يعطيك ربي الف عافيه
كل الشكر لك:icon19:
تك تك مخك معاي
2014- 9- 22, 07:54 PM
وعرفت مما صار بينه وبيني
ان الشعور احيان ينقااال في صمت

^^
أي والله






وش هالابدآع .... روعةةة روعةةة بجد
اعجبتني ي ابو رحمه
ننتظر جديدكك ؛/

تقبل مرووووري
دﻵل ~
2014- 9- 22, 09:18 PM
لكن باقول وطالبك تفهميني
وتكفين مابغى احس اني تندمت
تسلم يآبو رحمه على الاختيار الذوق
ﻵهنت
ندى الموسى
2014- 9- 22, 09:21 PM
وكنه يقول العشق فيكم وفيني
مع انه الساكت وانا ماتكلمت

رائعه بصراحه جدا جميله
ومني لك :106:
عريبღღ
2014- 9- 23, 03:44 AM
الصمت لغه لكن صعب إيجاد مترجم لها
أحسنت أبو رحمه أبيات جميله راقت لي
تقبل تقديري ومشكور على الدعوه
حيـااة
2014- 9- 23, 06:57 AM
رائعه القصيده
MNON
2014- 9- 23, 04:14 PM
جميلة جداً
يعطيك العافية :106:
Abo Rahma
2014- 9- 24, 02:04 AM
http://www.youtube.com/watch?v=1FtPcdjUZd4
2COOL
2014- 9- 24, 03:05 AM
وعرفت .. ممّا صار بينه وبيني أن الشعور أحيان ينقال في صمت *أحياناً،المشاعر:(120): تكون أكبر من أن يُعبر عنها بالكلام سلمت يداك أبورحمة جميلة القصيدة والشيلة أيضاً لاعدمناك :106:
الــغـــدراء
2014- 9- 24, 10:51 PM
،،،


الله عليكـ أبو رحمة
حركت المشاعر بهذة القصيدة
تستحق الشكر و التقييم

لآهنت ،،،

.
نورة بنت فهد
2014- 9- 24, 11:04 PM
لا لااااااا ببلغ عليك يابو رحمه انت تسرق الشيلاات من جواالي
تو المغررب اسمعهااااااااا ← عبدالله الدوسري صووته بطل
لا تنسى الحب شواك {اطربنااااا}
n0_0r
2014- 9- 28, 03:37 AM
وعرفت مما صار بينه وبيني
ان الشعور احيان ينقااال في صمت

أبــدعت فالاختيار
يعطيك العافية ابو رحمة
العضيد
2014- 9- 28, 02:03 PM
أبداع
ونين الروح
2014- 9- 29, 01:08 AM
روعه يابو رحمه
اختيارك ذوق وقمه بالروعه
تسلم يدينك ولاهنت يالغالي
هنوف الليل
2014- 10- 1, 07:52 PM
صح لسآنك وعلا شآنك

وع الأخرى عآنك .. سلمت على هالأبيات العذبة

لآهنت ع الطرح