تسجيل الدخول

مشاهدة النسخة كاملة : رسالة من طلاب كلية التقنية بالاحساء الى الاستاذ سعد اليمني


@_@
2010- 2- 7, 04:08 PM
السلام عليكم

كل امنيتي ان الموضوع هذا يوصل للأستاذ سعد اليمني وكيل الكلية التقنية بالاحساء ...

استاذي الكريم

اتيت الى الكلية قاصداً مقابلتك لحل مشكلتي .. وعندما اتجهت لباب مكتبك تفاجأة بلافته مكتوب عليها ( يمنع دخول الطلاب مكتب وكيل الكلية الا بعد الاذن من السكرتارية )
قلت في نفسي ممكن كان هناك اجتماع وتم وضع هذي اللافته ..
ولكن للأسف هذي اللافته موجوده في كل وقت
اضطررت للأستفسار من السكرتير وقال لي عليك بالانتظار وكانت الساعه 10 صباحاً فأخذت لي مكاناً لانتظر فرأيت كرسي امام فجلست عليه بأنتظار السكرتير السماح لي بالدخول لك .. فمر الوقت وانا انتظر ودخل وقت صلاة الظهر فهممت للصلاة وعدت بعد الصلاة وقلت للسكرتير هل بالامكان ان ادخل الان ..؟؟ فقال لي انتظر سوف ندخلك انت وبقية الطلاب فنظرت في المكان فأذا به ممتلىء بطلاب فاخذت انتظر معهم حتى وصلت الساعه 2 ظهراً .. اي اربع ساعات وانا انتظر لكي ادخل لسموكم الكريم وكان اشخاص غير الطلاب يدخلون ويخرجون من مكتبك ونحن ننتظر وفي الساعه الثانية ظهراً اي بعد نهاية الدوام الرسمي خرج سموكم الكريم من مكتبه وكنت في عجله في امرك ولم استطع لا انا ولا الطلاب الذين ينتظرون ان نشرح لك مشكلتنا التي اتت بنا الى مكتبك وبعدها اقلفت امامي جميع الابواب لحل مشكلتي فقلت في نفسي هنيئا لي بكليتي واكاديميتي .

واعلم يا استاذي لست فقط انا من يعاني من صعوبة مقابلتك وسوف ترا بنفسك في الردود التي تلي مشاركتي هذي من كثير من الطلاب يعانون بنفس المشكله .


مداخلة : ( كلكم راع وكلكم مسئول عن رعيته ).


واعتذر لجرائتي بكتابة رأيي بكل صراحه .

الأمبراطور2
2010- 2- 7, 05:23 PM
والله تعبنا وحنا نطارد خلف سعد اليمني وخلف ادارة الصندوق
بس بدون فائدة دائماً يكونو مشغولين في شرب القهوة او باتصالاتهم

بس ماقول غير الشكوى لغير الله مذله
والله يساعدك قلبك ياخوي بتتعب وراهم واغلب الظن ان تعبك راح يطلع بدون فائدة
فا اجلس في بيتك مثل باقي الطلاب وادعو ان المكافاة تنزل ونظام الكلية يستعدل

بوسلمان
2010- 2- 7, 05:41 PM
والله يا خوي انك صدقت رسالة من كل الطلاب الى متى وحنا نطارد صاحب السمو الملكي سعد اليمني
ونائب الثاااني البرناووي
وحتى واذا تمكنت من اسلام على سموها هخ هخ وبتقوله مشكلتك
ما تستفيد شي يصرفك ؟؟؟(( تعال بكرا تعال بعد اسبوع .. ))
تعبنا تعبنا
ما اقووول الا لاحياة لمن تنادي لاحول ولا قوة الا بالله

@_@
2010- 2- 7, 07:01 PM
اسعدت بمروركم يا اخوان

ونبي كل عضو يدخل ويعبر عن رايه

الى متى واحنا ساكتين

يا اخون تكفون عبروا عن رايكم في هذا الموضوع

وبأذن الله راح نطلع بنتيجه واذا ما تغير النظام من نفسهم حنا نقدر نغيره بس نبي تعاونكم

لاحد يسكت وربي ينوكل حقكم وماضاع حق وراه مطالب وانا راح اسعى بقدر ما اقدر راح اتوصل مع المؤسسة وربي بنشب لهم يا انا يا المكافأة

وربي يا اخوان اليوم بسمع اذني سمعت واحد يقول لشخص اخر (( متى ينزلون المكافأه ابي اشتري المذكرات ))

بالله وهذا حنا في اغنى الدول المشكله لاهم منزلين المكافأت ولاهم معطينا مذكرات ببلاش

لا حول ولا قوة الا بالله

مثل ما قلت لكم يا اخوان خلونا نتعاون ونكون على يد وحده وانا راح اجيب لكم رقم شخص في المؤسسة تبع المكافأت ويوميا نتصل عليه ننشب في حلقه بس نبي تعاون منكم

ودمتم بود

درب المحبهـ
2010- 2- 8, 02:06 PM
عندكم ايميلات المؤسسه وارسلو لهم
او اتصلو عليهم واشتكو او ارسلو خطابات
في حلول كثيره

@_@
2010- 2- 8, 03:00 PM
اذا كان خصمك القاضي فمن تقاضي

كروكو
2010- 2- 21, 11:17 PM
ممكن سوال سعد


انت عميد الكلية ولا عميد كرسي ؟؟؟؟؟؟؟؟؟

كروكو
2010- 2- 21, 11:20 PM
عندكم ايميلات المؤسسه وارسلو لهم
او اتصلو عليهم واشتكو او ارسلو خطابات
في حلول كثيره


انا كانت عندي مشكله وكان الحل فصلي من الكليه وسبب علشان ارسلت خطاب لمؤسسه

مميز بكلامي
2010- 3- 22, 11:25 PM
اولاً ياغريب كن اديب لو انك ملتزم بالنظمه التي نصة عليها الكليه التقنية بالاحساء لما كنت ضحية د/سعد اليمنى
ثانياً: انت طالب جاحد للمعروف لانك من صدفتاً كان بها د/سعد اليمني منشغلاً بها حكمت عليه بالترفع عن الطلاب وعدم مقابلتهم.
لاتنضر لأخيك المسلم لعيوبه بل انضر لما انجز لك د/سعد اليمنى
والله ثم والله اني دخلت الكلية التقنية بالاحساء ولم احتاج لأحد من المعلمين ولا لأداريين لان مطبق علي النظام وانا راضي بالنظام.
شكر لك شخصين مني ولاكن هاذي وجهت نضري المتواضعه

المجروووووح
2010- 3- 24, 11:53 PM
وربي يا اخوان اليوم بسمع اذني سمعت واحد يقول لشخص اخر (( متى ينزلون المكافأه ابي اشتري المذكرات ))




والله والله وربي لو جنبي هذا الشخص لكان بكيت :Cry111:
وربي صحيح نااس ماعندهم فلوس على الله وعلى ذالمكافاه ويابلاش اذا نزلووه

من وين الوااحد يجيب اذا منزلتو .. طبعآ باستثناء الي عندهم فلوس وحالتهم الماديه ممتاز
بس عليك بالغير الي ماعندهم ياكلوو وربي قهر قهر:hahahahahah::017: .. ااااااه يادنيتي

mustafa
2010- 3- 25, 01:24 PM
اخوتي التقنيين
السلام عليكم ورحمة الله وبركاته

يسرني ويسعدني ان اضم صوتي مع معاناتكم التي انا في الحقيقة اعاني منها بشكل كبير

من بداية السمستر الى نهايته وحنا :150: اختبار في اختبار

بصراحة انا ما يعجبني هذا النظام واقلب الطلاب او ما تسمونهم المتدربين غير راضيين بهذا النظام

بالله عليكم النظام بعمره فشل في امريكا تجون وتطبقونه على الناس الفقراء المساكين امثالنا


بكل صراحة ما عندكم سالفة

ولا اذا كنتم بتطبقون النظام كان على الاقل تنزلون المكافئات في تاريخ التسليم مو تخلون العالم تطارد وراكم لين تموت وتقولون ان النظام عطلان او النظام مو شغال


طيب اليوم عندكم وقت طويل صلحوا انظمتكم والسستم ما لكم


واذا تريدون الفضايح:mh19: نحنا مستعدين لنفضحكم وعندنا الأدلة على ان نفضحكم مو بس كذا عندنا الوثائق يا تقنية الاحساء بان نقدم عليكم شكوى الى مايعنيهم الأمر وبالأدلة واذا اصريتوا على قراركم :d5:رايح نقدم شكوى بتغيير الادارة:d5: وتغيير المسيرات في تاريخ صدور الشيك من وزارة المالية:d5:


:017:فقد اعذر من انذر واعملوا حساباتكم قبل الفضايح :017:

AAKQ
2010- 3- 25, 01:26 PM
السلام عليكم والله باين عندكم نقاش حاد يامتدربين الله يكون في عونكم :mh19:

بس يااخي لاتحكم على د/ سعد اليمني من اول يوم انا مره جيته ونفس كلامك ماقدر يخدمني انا ولا بقية الطلاب اللي معي وجيته ثاني يوم ودخلت عليه وخدمني وماقصر بعد يعني انا اشهد كفى ووفى في الكليه ولا تنسى جات فتره اكثر اشغال الكليه عليه يعني لاتنضر له من جانب سيئ انضر انجازاته مثل ماقال اخوي وسامحونا على القصور :cheese:

وسلامتكم

مميز بكلامي
2010- 3- 25, 05:34 PM
طير انت والي يعتتمد على المكأفاه انت وياه داخلين لى شان الدراسه
اذا هو فقير الله يعز الحكومه يروح للجمعيات الخيريه
ولا سوق العمل فاتح بابه
بالعربي الفصيح انتم ناس داخلين الكليه على شان المكأفاه ولا حدكم تبيعون طمام وتعرف وش يحسون فيه
من تعب

aa2aa
2010- 3- 26, 02:32 PM
طير انت والي يعتتمد على المكأفاه انت وياه داخلين لى شان الدراسه
اذا هو فقير الله يعز الحكومه يروح للجمعيات الخيريه
ولا سوق العمل فاتح بابه
بالعربي الفصيح انتم ناس داخلين الكليه على شان المكأفاه ولا حدكم تبيعون طمام وتعرف وش يحسون فيه
من تعب

اخوي الله يهديك هذا موضوع للنقاش مو موضوع تتهجم فيه على الطلاب
ثانيا كل طالب من حقه ياخذ المكافأة ويطالب فيها بوقتها وهذا من ابسط حقوقهم

مميز بكلامي
2010- 3- 27, 10:13 PM
اصدقو اذا قالو سعوده والله من الدلاخه الي فيكم انت والموضوع ياخي تفهم عربي انت
المكأفاة منحه او دافع للدراسه وانتم كل شهر لاصقين بالصرافه وفي وقت المحاضرات تلقالك الف عذر
الناس يتغربون ويدفعون مبالغ طائله على شان الدراسه وانت وخشمك تقول من حقهم
اقول رح بع طمام بعدين اذا ماحد عطاك قيمة الطماط قل من حقهم
بالعربي الفصيح الي يبي يدرس مايفكر بالمكافأة اولاً........ ثانياً الي احترمك وقدرك وقبلك في الكليه
وفتح لك مكتبه تحترمه وقصب مو طيب منك كاتب موضوع سخيف ويبي الناس تقوله ابرافو يابطل.

aa2aa
2010- 3- 28, 09:04 AM
اصدقو اذا قالو سعوده والله من الدلاخه الي فيكم انت والموضوع ياخي تفهم عربي انت
المكأفاة منحه او دافع للدراسه وانتم كل شهر لاصقين بالصرافه وفي وقت المحاضرات تلقالك الف عذر
الناس يتغربون ويدفعون مبالغ طائله على شان الدراسه وانت وخشمك تقول من حقهم
اقول رح بع طمام بعدين اذا ماحد عطاك قيمة الطماط قل من حقهم
بالعربي الفصيح الي يبي يدرس مايفكر بالمكافأة اولاً........ ثانياً الي احترمك وقدرك وقبلك في الكليه
وفتح لك مكتبه تحترمه وقصب مو طيب منك كاتب موضوع سخيف ويبي الناس تقوله ابرافو يابطل.

اقول الله يشفيك بس
اذا مو عاجبك الموضوع ماحد جبرك ترد

قشوطه
2010- 4- 19, 10:20 PM
"

آلسسسسسسسلآم عليكم ورحمة آلله وبركآته


شدني آلموضوع وحبيت آبدي رأيي فيه بصرآحه

بمآ آنه مدير عليه آن يقآبل آلطلآب ويحل مشآكلهم ...وش بيضره لافرغ ساعه سآعتين في آنه يقآبل له كم طآلب ويحل مشآكلهم ...يعني طول وقته بالكليه وهو يشتغل مكآلمآت وتوآقيع ...وبعدين هذا جزء من مهمته فيه آنه يقآبل الطلآب ..وآجب عليه يشوف وش يحتآجون آلطلآب وآلمصآعب الي توآجهم
وآذآ هو وصل لمرحله آنه يكون قآئد ..عليه آن يحسن القيآده ..ولآ بيروح في خبر كآنآ


اولاً ياغريب كن اديب لو انك ملتزم بالنظمه التي نصة عليها الكليه التقنية بالاحساء لما كنت ضحية د/سعد اليمنى

من تقصد بالغريب ..؟؟
الطلآل ...آم د/سعد آليمني
طلآب غربآ في ديآرهم ..؟؟
وبعدين الكليه اتوقع الحكومه مسويتها مو المدير
بعدين الـدكتور سعد هذا جزء من وآجبه ...وعليه آن يحترمه





ثانياً: انت طالب جاحد للمعروف لانك من صدفتاً كان بها د/سعد اليمني منشغلاً بها حكمت عليه بالترفع عن الطلاب وعدم مقابلتهم.



هذه شكوى ليست من طآلب وآحد من اغلب الطلآب ..؟؟
آيعقل آن يكونو جميع الطلآب جآحدين ..؟؟


لاتنضر لأخيك المسلم لعيوبه بل انضر لما انجز لك د/سعد اليمنى
والله ثم والله اني دخلت الكلية التقنية بالاحساء ولم احتاج لأحد من المعلمين ولا لأداريين لان مطبق علي النظام وانا راضي بالنظام.
شكر لك شخصين مني ولاكن هاذي وجهت نضري المتواضعه


لآبد في يوم من الايآم نحتآج مسآعده من الادرآه ..ولآبد آن توجد مشكله ...ولآبد آن تكون شكآوي ..ولآبد آن تكون حلول
آذآ لم توجد شكآوي لن تحل المشآكل آبد ..
الشكآوي جزء من حل آلمشآكل ..
وآلكل يعترض ع مشكلة المكآفأة ..فإذآ كنت لآتحتآج للمكآفأه فغيرك يعيش ع تلك المكآفأت


تحيآتي لكم جميعآ

قشوطه
2010- 4- 19, 10:25 PM
اصدقو اذا قالو سعوده والله من الدلاخه الي فيكم انت والموضوع ياخي تفهم عربي انت
المكأفاة منحه او دافع للدراسه وانتم كل شهر لاصقين بالصرافه وفي وقت المحاضرات تلقالك الف عذر
الناس يتغربون ويدفعون مبالغ طائله على شان الدراسه وانت وخشمك تقول من حقهم
اقول رح بع طمام بعدين اذا ماحد عطاك قيمة الطماط قل من حقهم
بالعربي الفصيح الي يبي يدرس مايفكر بالمكافأة اولاً........ ثانياً الي احترمك وقدرك وقبلك في الكليه
وفتح لك مكتبه تحترمه وقصب مو طيب منك كاتب موضوع سخيف ويبي الناس تقوله ابرافو يابطل.

"

وش فيك معصب ..شوي شوي لايطق لك عرق ..

يعني آنت بتعلمهم آنهآ منحه مآشآء آلله عليك طلعت ذكي ..آهنيك صرآحه ..

وهالمنحه مآهي منك ولآ من غير من آلدوله ...حق كل طآلب يدرس بآلكليه ويستحقهآ كل طآلب ..وآذآ فقير ..آحمد ربك آلي آغنآك ..ومآخلآك تحتآج المكآفأه هذي ...
وآذآ هو فقير يعني مآيدرس آذآ آنت عندك طموح حتى الفقير عنده طموح يتعلم ويحصل ع آعلى آلشهآدآت ..مثل مآأنت تبي تحصل عليها ...وآلي يدرس برأ بعثآت ..مآيتأخرون الملحقيه ع آنهآ تعطيهم مكآفأتهم...مو مثل آلسعوديه كسل وأهمآل ولعب ..آلى متى ه..؟؟

آقول آحمد ربك آلي آغنآآآك .

"

الأمبراطور2
2010- 4- 19, 11:46 PM
مشكورة اخت قشوطه
كلامك كله صحيح وهذا شخص مايستحق التقدير ولا الاحترام
وان شاء الله بيجي له يوم وبيحتاج للريال
وبيشوف وشلون المعاناة

فجر الجزيرة
2010- 4- 20, 01:34 AM
يا أخي " مميز بكلامي " شنو هالكلام الله يصلحك ....

خل عندكـ اسلوب في الكلام .....

وتراكـ " مو مميز بكلامك " مثل مو كاتب في معرفك ....

احترم اللي جالس تحاورهم ....

ما احد جاب طاريك .. وما شكى لكـ همه ....

مثل ما قالت " قشوطة " ترى هالمكافأة مو من سعد اليمني ولا من عميد الكلية ....

هذي من المؤسسة والدولة الله يعزها .....

ومثل ما قالت قشوطة بعد ...

إذا انت مو محتاجها فيه غيرك يحتاجها ....

وحنا مو داخلين عشان هالمكافأة ....

لو عشانها كان رحنا المعهد التقني اصرف لنا من الدراسة ....

وإذا انت غني ويصرف عليك الوالد " الله يخليه ويحفظه" فيه غيرك " على قدهم " محتاجين لها ويصرفون على أهاليهم ....

وإذا مو عاجبك الموضوع ما احد جابركـ على الرد .....

سلملم ....

@_@
2010- 4- 24, 01:00 PM
يالي تقول مميز بكلامك ..
اول شي الموضوع هذا ما طريت فيه المكافأة يعني لا تدخل المواضيع بحماس

الشي الثاني تقولي سعد اليمني مو فاضي ومدري ايش وماسك الكليه كلها وووالخ

على فكره بس انا ماكتبت الموضوع هذا على شاني انا يمدني باتصال على احدى زملائي راح تنحل اموري بكل بساطه وراح ادخل لسعد اليمني بدون مواعيد ولا انتظار

لكن ياشاطر انا انظر لغيري مو لنفسي

ثانياً الي احترمك وقدرك وقبلك في الكليه
وفتح لك مكتبه تحترمه وقصب مو طيب منك كاتب موضوع سخيف ويبي الناس تقوله ابرافو يابطل.

حبيبي انا ما دخلت الكليه عطف منه وليكون الكلية لسعد اليمني ياحبيبي روح تعلم تتناقش وتعال انا من شفتك كاتب ( غصب ) ( قصب ) بالقاف وانا غاسل يدي :hahahahahah:

ومسوي فيها الولد البطران ولو بحلف ريال واحد مافي جيبك ههههههههههههه

يلا يابابا اللعب بعيد واترك عنك الهياط واذا ع الهياط لوتعرفني ياشاطر ما قلت ذا الكلام لان تعرف انا اشتريك يابابا

لكن ما افخر مثلك واتكلم واعيب على الناس الي يمكن انهم بالمكافأه يصرفون ع اسره كامله

ولا عاد تجرح مشاعر احد ولا الله لا يهينك مواضيعي تتعذرك

سلام

بااي
2010- 4- 24, 03:49 PM
اكل بسكوته بشوكلات واسكت


{وخل القرعى ترعى}


انا مثلكم حالتي حاله ولا ماده نازله لي على اني خريج يبغى لي 4 مواد بس.