اشغلتنا عن حياتنا

[منوش العصيمي]

انتشر في زماننا الاجهزه الذكيه المحموله وحتئ مع اطفالنا الصغار مماسبب لهم الفتور والتعصب النفسي وقلة التفكير والحركه وحتئ احنا يالكبار اشغلتنا عن امور حياتنا الدينيه والعمليه فأصبح كل شخص اهتمامه بتلفونه وبنفسه لامبالاه في اهله او مجتمعه وهذي الحياه السلبيه قدتكون عواقبها سييئه بالمستقبل ..
واشكركم وانتظر تعليقكم عالموضوع:060:

[_سنيوريتا]

والله كلامك صحيح واكيد لها اثار جانبيه هالاجهزه بس ماتقدرين تمنعينهم كل واحد وجيله

بس حلو الواحد ينظم وقته وينظم لعياله مو يعلمهم طول وقتهم عالاجهزه بالذات الاطفال يعني حرام اجهزتهم اربع وعشرين ساعه بيدهم احس ماعاد في طفوله مثل اول بس كله راجع عالتربيه الواحد يعلم الشخص من الصغر يعلمه يلتهي باشياء ثانيه تغنيه عالاجهزه بحيث مايكون طول وقته عليها



تقبلي مروري :060:

[ابو نآآآآيف]

بصراحة الكلام يطول في هذا الموضوع وانا ماراح اتكلم عن وضع الاطفال راح اتكلم عن وضعنا الكبار
الاجهزة الذكية ذات جانبان جانب سلبي و جانب إيجابي
اتفق معك في الجانب السلبي اشوف انه اكثر من الايجابي للاسف افقدتنا التواصل المباشر
مع الكثير من الناس وفقدنا حلاوة المجالس والاجتماعات ,,
انا بصراحة كنت استمتع اول في المجالس بسوالف والحديث الحين ادخل المجلس احصل كل شخص ملتهي في جواله وقليل ماحصل كم شخص يتكلمون مع بعضهم حتى الزيارة قلة مع الاصحاب والاقارب صرنا نتواصل عن طريق هذه التكنلوجيا التي غزتنا بشكل فضيع
لو رجعنا للوراء سنوات قليلة سوف نجد انا كنا مستأنسين اكثر من الحين برغم انه ماكانت موجوده
مع العلم انها ريحتنا هذه التقنية في كثير من الامور الشخصية ولكن العيب في طريقة استخدامنا لها
لم نحسن هذا الاستخدام
تقبلي مروري اختي صاحبة الموضوع
......................................

[_سنيوريتا]

بصراحة الكلام يطول في هذا الموضوع وانا ماراح اتكلم عن وضع الاطفال راح اتكلم عن وضعنا الكبار
الاجهزة الذكية ذات جانبان جانب سلبي و جانب إيجابي
اتفق معك في الجانب السلبي اشوف انه اكثر من الايجابي للاسف افقدتنا التواصل المباشر
مع الكثير من الناس وفقدنا حلاوة المجالس والاجتماعات ,,
انا بصراحة كنت استمتع اول في المجالس بسوالف والحديث الحين ادخل المجلس احصل كل شخص ملتهي في جواله وقليل ماحصل كم شخص يتكلمون مع بعضهم حتى الزيارة قلة مع الاصحاب والاقارب صرنا نتواصل عن طريق هذه التكنلوجيا التي غزتنا بشكل فضيع
لو رجعنا للوراء سنوات قليلة سوف نجد انا كنا مستأنسين اكثر من الحين برغم انه ماكانت موجوده
مع العلم انها ريحتنا هذه التقنية في كثير من الامور الشخصية ولكن العيب في طريقة استخدامنا لها
لم نحسن هذا الاستخدام
تقبلي مروري اختي صاحبة الموضوع
......................................


فعلا والله بسبب هالاجهزه سرت ماعرف اتكلم مثل الناس :hahahahahah:

بس جد الكل عيونهم ع جوالاتهم بالمجالس ماسار سوالف مثل قبل والليي يقهر اذا كنت مو مفعل نت بينهم بينسحب عليك هههههههههه > مجربه :16.jpg:

[منوش العصيمي]

فعلا الموضوع يحتاج له دراسه من جديد ولابد نسوي حمله يوم بدون اجهزه ونشوف تجارب وانطباع الكل لان بصراحه وقعنا بالادمان وانا عن نفسي احاول ابتعد عن تلفوني قدر الامكان واشغل وقتي بشي يفيدني سواء بزيارة عمامي او بنات جيرانا او الاتصال بخوياتي او اشغل وقتي بالمطبخ وابتكر طبخات وحلويات بكذا يكون نتقي القلق النفسي والشحنات الزايده اللي تجينا من الاجهزه
وتقبلوا شكري وتقديري :love080:

[MNON]

يعطيك العافية :106:

[تيتشر ريماز]

اي والله صارت ادمان احياننا افرح اذا انتهى شحن الجوال عشان اريح راسي واحياننا احطه صامت من شان انسى منه وماانتبهله وعندي طفلة الله يهديها تقول عطيني جوالك طول الوقت واذا منعناها منه سوت مناحة اضطر اني اخبيه عشانها هالتقنية سببت للعالم هوس وقلق اطفال كانوا او كبار الى جانب الاظرار الصحية التي قد تسبها كثرة استخدام هالاجزة الله يكفينا الشر يارب

[نورة بنت فهد]

مستعده استغني عن هذي التقنيه وابيع الجوال واقطع النت واكسر التلفزيون والكمبيوتر بس اضمني لي التواصل الاجتماعي مع الاقارب
ماااافيه الكل اعتمد ع الجوال مثلاا استلمي هالمثال ← ابغى اسلم على خالتي بالمستشفى ///// يجيك الرد ماله داعي اتصلي على احد بناتها وكلميها……………
طيب بنت عمتي بتتزوج ودي احضر // وشوله تحضرين الزواجات مامنها الا عين ومرض…………
جدتي منومه بروح ازورها // ازعجتينا بجدتك قبل شهرين رحتي لهااا……..
انتهى الاسبوع ابغى ارروح اهلي // اهلك كل اسبوع عمى انتي متزوجه علشان تمشوريني لبيت اهلك كل شووي ( الله يرحم ايام الملكه هههههه)
شاااايفه والكثيررررر اعظم علشان كداا النت نعمه كبيرررره اوصل بها العالم وانا في محلي صحيح اموت قهر لاني اجتمااعيه جداا واحب اتواصل فيس تو فيس بس ماباليد الا الجوال نتواصل معهم وانا وحده ما اتواصل مع العالم الا بالجوال والحمد لله اني موظفه والا كاان انهبلت
وبالاخير هالتقدم سلاح ذو حدين ولازم نحذر منه
وكل عام وانتم بخير

[منوش العصيمي]

والله كلامج جمييل والأمثله اللي قلتيها بواقعنا وتسسلم اناملج
وكل عام وانتم بخير جميعا

[Khaled.k]

نعمَ
اشغلتنا عن حياتنا
وآخذتُ من وقتنا الكثير والكثير

طرح قيم
تسلم يمينك

وشكراً
ي نورة بنت فهد على التنبيه

[мάђяά ♥]

_


امم والله مدري وش اقول موضوع يكثر فيه الكلام بصراحه
بس لا جينا للحق هو نعمه ونقمه بنفس الوقت
وماخذه من وقتنا الكثيرررر للأسف

وما القول الا الله لا يشغلنا عن طاعته يارب

يعطيك العافيه منوش
شكرا اخوي خالد ع التنبيه

:16:

[شوق@]

الأجهزة الذكية اسمها عالم الصمت وأحلى عالم
قابلنا و سولفنا و قدرنا و ضيفنا و قهوينا و أهنا أنفسنا عشانهم
والمشكلة جيب معلومة جديدة أوه ه ه انتم مهوسين بالكتب انتم مجانين
وفي الأخير يحيون الصغيراللي كبر ويقومونك من مكانك عشان يجلس
وانتم عيونكم دايم بهالاجهزة ؟ :017: خير و اللي سويناه فوق وش تسمونه
ترى هالمشكلة صايره في بيوووت كثيره يعني جلسوا وسولفوا معنا و انتم ماتفهمون بالأصل
يعني فقط مستمعين!!:24_asmilies-com:
مجالسهم دايم انتقادxانتقاد حتى الصغير زهق صار يقول خلاص نبغى نفرح نضحك
واضحكوا اذا كانت عندهم مشكله :71: انتم بدل ما تضحكون روحوا اقرؤا لكم قرآن استفيدوا من وقتكم
طيب ذاك الوقت وش كنا نسوي ماكنا نقرأ قرآن ماكنا نقرأ كتب ترى ما سوفنا بكرا بنسوي بكرا بنقرأ
واحده من صديقات الطفولة تقول لي دام أنا على صح بخليهم يتغيرون وأخليهم على مزاجي أنا مو مزاجهم
قلت لها بتتعبين ردت "نقاط الماء تحفر الصخر"
يعني المفترض من الكبار يغيرون انفسهم قبل لا يغيرون الغير "أحسن تثبيت الأساس لكي يعمرّ البناء"
((إن الله لا يغير بقومٍ حتى يغيروا ما بأنفسهم))
الاجهزة ما لها ذنب الذنب ذنب البشر في سوء استخدامها وحد الغير على استخدامها باسلوب مجحف وخالٍ من التفاهم
الوالدين يجب ان يضعوا برنامج لأبنائهم صغار أم كبار ولا يغرقوهم بالنقاشات السخيفة و تعاد كل يوم هذا ما حدنا نحن الكبار الى الاجهزة الذكية فجرّ الأطفال من بعدنا إليها
نعم أنا شخصيا لا أستطيع منع الاطفال من هذه الاجهزة لأن عالمنا بعيد كل البعد المرح
كل ما أستطيع فعله نصحهم بعدم دخول مواقع مخله للأدب فلم الجأ إلى هذا الحل إلا حينما
تهدمت أفكاري و أحلامهم بتغيير الروتين
شكراً منوش على الطرح الرائع و أعذريني عالإطالة ولهجتي إن كانت خشنة ولكنها ضريبة الإهمال
دعيهم يدفعوا ثمنها:lllolll:
شكراً استاذ خالد عالتنبيه

[المحترمه]

لا زلت أرى أن الأجهزه الذكيه هي لعنة إن كانت
لها حسنات فـ مساوئها أضعاف مضاعفه مع الكبار
فـ كيف بـ صغار لا يدركون ذلك مع عبث الحياة وحتما
سـ تعود عليهم بالأضرار الفكريه والجسمانيه

منوش العصيمي
متصفح له أبعاده يحتاج منا التأمل .. شكرآ لك على طرحك
تقديري لك