~~ ..{ رفعت كفي ماقدرت أرفع الصوت } .. ~~

[الــغـــدراء]

،،،



رفعت كفي ماقدرت أرفع الصوت ... لو كان فالخاطر .. كلام كتمته
لحظه وداع وكنها سكرة الموت ... ضاع الطريق اللي من أول رسمته
ضاع الطريق وصرت فالدرب مبهوت ... مدري وش اللي فاتني ما أغتنمته
العمر مرّ وراح مع فايت الفوت ... صحيح ضعت وضاع حلم حلمته
إلا أنت ياللي قربك لروحي القوت ... لو غبت يبقى وسمك اللي وسمته
يبقى كما نقش على الصخر منحوت ... حفظته .. بشكله . ولونه . وسمتّه
مهما الفراق أوجاع والبعد ممقوت ... أصبح مصير من غلاك أحترمته
دمع النصر لو طاح من عين جالوت ... عين العقل دمع تكنّه حشمته
ذخرت لك يافرحة العمر تابوت ... فيه الغرام اللي .. بديته ختمته
يبقى الغصن لو مابقى فالغصن توت ... تحرك أنسام الذعاذيع . صمته
أسكّت أنا من يوم وادعت مكبوت ... شي تجاهلته ... وشي فهمته
حبل الرجاء من جور الأيام مفلوت ... ياليت قلبي عن غرامك عصمته
ياما بنيت بيوت وبيوت وبيوت ... اليوم ..كم بيت بنيته .. هدمته



مشعان البرآق
:rose:

[✶ جُمان ✶]

عين العقل دمع تكنّه حشمته
..........
وأقتبست هذا الشطر لجمال التشبيه
لله در الشاعر ..
أختيار مميز اخوي أبوفهد ...

[سُولآفْ .]

دمع النصر لو طاح من عين جالوت ... عين العقل دمع تكنّه حشمته ..

بآلفعَل رآق ليْ مآ آقتبستْ جُوميّه .
آبيّآتْ رآئعهَ معنىَ و مضمونْ .
وديّ لـ شخصكِ مع آلتطلعْ للمزيدْ .

( آسجّل آعجآبي ) *

[2COOL]

إلا أنت ياللّي قربك لروحي القوت لو غبت يبقى وسمك اللّي وسمته سلمت يمينك أخي الغدراء قصيدة رائعة ومؤثرة تقديري لك :icon1: وكلّ عام وأنت بخير

[MNON]

جميلة جدا ً
صح لسانه
يعطيك العافية :icon1:

[أسير نجد]

حبل الرجاء من جور الأيام مفلوت
ياليت قلبي عن غرامك عصمته

ياما بنيت بيوت وبيوت وبيوت
اليوم ..كم بيت بنيته .. هدمته





:24:

[Dr ʀeнαв]

_

أبيَات جميَله تدوَر حول مفهوم وآحد
(الفراق )
قصيَده رآئَعه لشاعر كبير ..
انتقاء جميل مشرفنَا ..
صح بوح شاعرها وسلمت
اناملك على النقل
:icon19: