توقف خاصية السحب والافلات في حل المناقشات

[ســــلآف]

السلام عليكم ورحمة الله وبركاته

اليوم شرف الافتراضي بالافتتاح وقلت يالله أحل المناقشات
وكالعاده كنت اسوي سحب وافلات والظاهر الجامعه اكتشف هالطريقة :agolakser:
وصارت محجوبه :Cry111: يعني ما عاد معنا الا طريقة واحدة وهي التوكل على الله
و نكتب بالاصابع الجميله ....... :sdfgdsf:


طبعا واحد من الاخوة منزل برنامج الا وبرا بس تخاف من النسخ واللصق راح الجامعه تكتشف الامر
وتروح علينا درجاتنا لذلك انصح الجميع بالكتابه أفضل ... صح كثير بس وش نسوي :017:

يا ربي يسرهااااااا وسهلهاااااا
وسال الله التوفيق لنا جميعاااا


وش رأيكم يا حلوين

:33_asmilies-com:

[ابوفـهد]

مرحبا سلآف

طريقتي قي السابق هي السحب والافلات وكانت ناجحه جدآ

لكن يبدو ان الجامعه اكتشفت الطريقه

اذ عندك طريقه جديده خبرينا بها

والاكيد انه صعب الدكتور يراجع ردود الالف من الطلاب والطالبات في المناقشات

اذكر احد الطلاب كل اجاباته في المناقشات (( شكرآ )) فقط

وجاب الدرجه كامله

بعدها ايقنت ان الدكتور لايراجع الردود مجرد يشاهد ان عدد الردود 14 رد

تاخذ الدرجه كامله

بسبب بسيط ان الطلاب فوق عشرين الف طالب وكل طالب عنده 14 رد في كل ماده

وين يمديه الدكتور يراجع كل هاالردود


مجرد راي عاصرته من مستوى 1 حتى مستوى 8

[ســــلآف]

والله الحل عندي اكتب افضل :41jg:

[الحالمهه]

السلام عليكم

سلاف مافتح عندي الافتراضي ؟

ايش الحل

[ســــلآف]

أنا كنت مثلكم ثلاثة اسابيع ما يفتح
وفجأه فرجت لقيته مفتوح والتصفح ممتاز
لكن المشكله المناقشات وقفت عندها كثير ما اقدر اكتب ههههههههههه
كل يوم بمسك وحده وكتبها وربي يعينني لان بعض المناقشات كثير ومليانه

[تفكير منطقي]

نسخ ولصق مثل كل ترم :biggrin:

بعد ما تعملي لصق اعيدي كتابة السطر الأول أو على القل نصف السطر

تسني تسني أنا للي كتبتها :S_45:




موفقة



الا تعالي ياسلاف

ما تسلفيني طريقة توقيعك :(269):

والله روعة :(204):

[...mlak]

................................

خذو زبدة الكلام واكتبوه بس يجي لكم سطر ولانص سطر.. بلاش نسخ ولصق الدش كله ..
طريقتي من دخلت الجامعه ماعمري نسخت..اقرا السؤال ثم آخذ الإجابه اللي تستحقها ..أحيان الإجابه ماتحتاج غير ثلاث كلمات لكن بعض الناس يكتبون درس واللي بعدهم ينسخون ويلصقون وهكذا لين صارت السالفه طوييله


.............................

[مستكشف 11]

انتي متأكده ؟؟
رحنا فيها :icon9:

[قصيمي بجدة]

فيه طريقة بالفايرفوكس اول شي افتح الفايرفوكس ومنه ادخل على هالرابط https://addons.mozilla.org/ar/firefox/addon/easy-copy-paste/ (https://addons.mozilla.org/ar/firefox/addon/easy-copy-paste/)
وحمل الأداه تلاحظ باقصي شاشة الفايرفوكس سهم اخضر يعني اكتمل التحميل تدخل عليه تلقى الأداة تحملت بس ناقصها التثبيت نظغط عليها ونثبتها وبكذا تمت إضافة الأداة للمتصفح نروح نحدد الي نبي ننسخه ونسوي ctrl +c ونروح للمناقشة بالنظام الافتراضي او البلاك بورد نظغط ctrl +v بيطلع مربع صغير ع شكل ملف او دفتر اصفر نظغط عليه تتنسخ المناقشة الله يوفق الجميع

[سعد99]

ماضيعنا وخرب علينا الا هذي الحركات الي مالها داعي يا عالم حللو شهادتكم يعني الواحد ماايقدر يكتب خمس دقايق وانتهينا بكرة لو اخذ الواحد ردجات نافصة قام يسب الجامعه نصيحة لوجة الله سوي مناقشاتك بنفسك بدون لصق ونسخ كلنا والله موظفين وعندنا التزامات ..

[ســــلآف]

صح النسخ واللصق مو مضمون لكن السحب والافلات كان مضمون
يعني نحل واجباتنا بانفسنا سطر سطر ونصف ويا سلام سلم

[كارزما]

.



.




سلاف لبى قلبش وش فرق السحب والافلات عن النسخ واللصق :sm5:
كله صب احقن لبن :16.jpg:


.

.


وربي انتم مو وسواس الا وسواس قهري بعد :verycute:
كل مالقيت عنوان موضوع عن المناقشات اركض للبلاك بورد والقى الامور طيبة وحنا بخير :019::004:


.

.


سوسو انسخي والصقي اسحبي وافلتي و اكتبي المناقشات حرف حرف بتجي الخارطة
وتنسف أم هالتعب :verycute:
فالافضل جربي الطريقة الاسهل واذا شيكتي ع الخارطة عدلي مثل ماتحبين :16.jpg::004:
لان قهر وربي على قولتك تكتبين مناقشات هالطول وبالنهاية يتلكع النظام وماتنحسب لك :verycute:

[khaled0500]

يا حبايب قلبي الجامعه تعرف انك نسخت ولصقت عن طريق وقت حل كل مناقشة هذا اذا قفطتك اما تفهمني انو يجي مكتوب هذا الطالب نسخها حتى باليبان ما اخترعوها انا صارت مشكله لواحد ونقصوه وهو حالها كلها بس حلها كلها بربع ساعه وقاله عرفنا عن طريق الوقت

[ســــلآف]

تصدق انا كنت احل الترم الماضي المناقشات كلها بيوم واحد والحمد لله عدت

طيب مثال انا اليوم فاضيه وابغي احل كل مناقشات وش دخلهم فيني
يعني بين كل مناقشه ومناقشه اخلي ساعات ... يمكن بعدها وقتي ما عاد يسمح

وكله كوم وابو زيد كوم ليش يغير الاسئله كل ترم نشيط هذا الدكتور الله يحفظه

[دافورة الملتقى*]

ماضيعنا وخرب علينا الا هذي الحركات الي مالها داعي يا عالم حللو شهادتكم يعني الواحد ماايقدر يكتب خمس دقايق وانتهينا بكرة لو اخذ الواحد ردجات نافصة قام يسب الجامعه نصيحة لوجة الله سوي مناقشاتك بنفسك بدون لصق ونسخ كلنا والله موظفين وعندنا التزامات ..

يسلم بؤك :(204):

[فنوُ *]

مالها الا نكتبها سلاف انا كنت اسوي سحب وافلات وشكلهم قفطونا

[AAYY]

مع احترامي لجميع المنتسبين في هذه الجامعه … انا اشوف مواضيعكم هذه هي اللي تقلل من شآن طلاب التعليم عن بعد ،، مافيه عندكم غير النسخ واللصق وهالكلام اللي راح يضيعنا ،،، العالم كلها صارت تعرف انه احنا ناخذ علامات بطريقه مش ولابد او بمعنى اصح مانستحقها ،،، انا اقول اركدوا عن هالمواضيع شوي تراكم نشرتوا غسييييييلنا وشكرا،،{ مع العلم ولا مره نسخت مشاركة احد } …. ربي يوفق ويهدي الجميع

[سعد99]

مع احترامي لجميع المنتسبين في هذه الجامعه … انا اشوف مواضيعكم هذه هي اللي تقلل من شآن طلاب التعليم عن بعد ،، مافيه عندكم غير النسخ واللصق وهالكلام اللي راح يضيعنا ،،، العالم كلها صارت تعرف انه احنا ناخذ علامات بطريقه مش ولابد او بمعنى اصح مانستحقها ،،، انا اقول اركدوا عن هالمواضيع شوي تراكم نشرتوا غسييييييلنا وشكرا،،{ مع العلم ولا مره نسخت مشاركة احد } …. ربي يوفق ويهدي الجميع

يا سلام عليك هذا الي نقولة من زمان ياليت الاشراف يحذف هذي المواضيع الي تفشل

[مستكشف 11]

ياسلاف تأكدي مره ثانيه من الموضوع
الله يستر

[تفكير منطقي]

.



.




سلاف لبى قلبش وش فرق السحب والافلات عن النسخ واللصق :sm5:
كله صب احقن لبن :16.jpg:


.

.


وربي انتم مو وسواس الا وسواس قهري بعد :verycute:
كل مالقيت عنوان موضوع عن المناقشات اركض للبلاك بورد والقى الامور طيبة وحنا بخير :019::004:


.

.


سوسو انسخي والصقي اسحبي وافلتي و اكتبي المناقشات حرف حرف بتجي الخارطة
وتنسف أم هالتعب :verycute:
فالافضل جربي الطريقة الاسهل واذا شيكتي ع الخارطة عدلي مثل ماتحبين :16.jpg::004:
لان قهر وربي على قولتك تكتبين مناقشات هالطول وبالنهاية يتلكع النظام وماتنحسب لك :verycute:


هههههههههههه

:hahahahahah::hahahahahah:

صدق إن خفة الدم هبه من الله


الله يسعدك دنيا وأخرة

[alsukaini]

بارك الله فيكم

[بنتوو لعبدالله]

الله المستعان :(

[تيتشر ريماز]

اكتبوا افضلكم من الغوا النظام وانا اكتب والحمدلله صح اتعب بس احس اني سعيدة من جواتي وحتى مثل ماقالت اخت ملاك النسخ واللصق ساعد في طول المناقشة مما يجعل اللي يكتب في حيرة من امره هل يكتب مثلهم او يختصر

[سليل المجد]

اتمنى من المشرفين حذف مثل هذه المواضيع

[مستكشف 11]

يعني راح نكتب
112 مناقشه