التسجيل للميداني راح علي

[اروى"]

مساء الخير
بدخل بالموضوع انا تورطت ورطه مو متوقعه ابد
التسيجيل للميداني راح علي اشوف الكل يقولون بالتقويم الزمني وكل ماادخله مااشوف شي يخص الميداني
مادريت ان فيه تقويم زمني خاص بالميداني الا الحين وانا اول وحده بالعايله تدخل بشي اسمه ميداني
يعني مافيه احد يفيدني ولا دريت اصلا ان فيه خطابات على بالي ادخل الماده وبعدها اكلم النشرف الخاص بالمتابعه
ارسلت لامير القرشي وبإنتظار رده
احد يعطيني حل اذا فيه حل اخر ترم لي ولا ودي اخلي الميداني للترم الجاي
وش السواه ؟؟؟
واقدر اتخرج بدون ميداني او اقدر اخذ الوثيقه قبل الميداني
:Cry111::Cry111:

[عبد الرسلام 1]

انصحك يوجد لديهم رقم في الموقع الجامعة اتصلي عليهم وسوف يحلونك مشكلتك باذن الله

[اروى"]

اذا فيه ارقام لاحد يرد على استفسار الميداني يفيدني

[HANOUFA]

وش ميدانيه الله يجزاك خير مافهمت وش قصدك
لسى مابعد طلعت ارقام اللي يطبقون فقط نعبي استماره التخرج ونرسلها لهم ومابعد صار شي

[اروى"]

وش ميدانيه الله يجزاك خير مافهمت وش قصدك
لسى مابعد طلعت ارقام اللي يطبقون فقط نعبي استماره التخرج ونرسلها لهم ومابعد صار شي

يااااررررب يارب اكون فاهمه غلط

اول شي اختيار مدينة التدريب مامر علي هالشي اخترت مركز اختباري يعني فيه مدينة للتدريب الميداني
ولا ياخذون المدينه من مركز الاختبار ؟؟؟

ثاني شي
اعلان القائمه النهائيه المسموح لهم بالتدريب وراح وقتها ولا شفتها يعني اسمي موجود مو موجود ماادري
اما استمارة التخرج عبيتها وارسلتها وخالصه من زمان


كثرة الشروحات والمواضيع شوشتني ان شاء الله اكون فاهمه خطأ
احد يفهمني الله يرزقكم الفردوس


وهذا التقويم الزمني للتربيه العمليه

http://www.kfu.edu.sa/ar/Deans/E-Learning/Documents/practical_education/calendar_tarbia_143510.pdf

[HANOUFA]

ياعزيزتي هم كانو طالبين نحدد مركزالاختبار فقط انا مثل وضعك
ولسى مانزلو ارقام المتدربين بس المفروض ماننتظرهم (لان من بكرا الى الخميس كما هوموجود في التقويم موعد الذهاب لاادارات التعليم لتحديد مكان التطبيق ) فقط هالاسبوع لان شكلهم بيودونا بستين داهيه واحنى ننتظرهم

[متفائلة بالفرح]

الله يهديتس يـ أروى

مير جبتي لي الخرعة و انا خلقة متوترة هااليومين من هالميدان

يابنت الحلال ما بعد يصير تطبيق

كل اللي سويناه اخترنا مدينة التطبيق و مدينة الاختبار ثم عبينا استمارة التخرج فقط

وونتظر على بكره او بعده علشان تظهر لنا الخطابات

وعلى فكرة القائمة المسموح لهم بالتدريب إلى الآن ما ظهرت لنا


وحتى لو انك ما اخترتي مدينتك .. عادي مجررررد ما تستلمين الخطاب اللي في الخدمات

تروحين للتوجيه التربيوي الخاص بمنطقتك و تتواصلين مع مشرفك .. ترى الموضوع سهلات بإذن الرحمن

[اروى"]

الله يسامح من قال انه راح وخلص
الله يوفقكم ويسهل امركم ياكريم
متفائله بالفرح ياخيتي وانا مثلك والله متوتره من دخلت هالجامعه وانا متوتره
الله يفكني منها على خير
كل من رد علي جعل ربي يفتح لكم ابواب رزقه ويريحكم مثل ماريحتوني ياكريم

[First step]

ياكرهي للانتظار وهم طولوها وهي قصيره
ولاتخافين مافاتك شي كلنا ننتظر اهم شي انك سجلتي التربيه العمليه في البانر

[اروى"]

ياكرهي للانتظار وهم طولوها وهي قصيره
ولاتخافين مافاتك شي كلنا ننتظر اهم شي انك سجلتي التربيه العمليه في البانر



عمرك شفتيهم جابوا شي من غير مايطولونها
الحمدلله سجلتها
ماقصرتي حبيبتي:love080::love080::love080:

[بح'ـلم بيك]

انتظروا لين تفتح ايقونه الخطابات

واطبعوا كل مافيها .. فيه شي للتوجيه لازم تاخذونه معكم وشي للمدرسه او المركز والمعلم المتعاون




وربي يوفقكم