هناااا الحل لمشكلة الشروط لاتنطبق عليك في ايقونة الخطابات

[اروى"]

السلام عليكم

انا مثل ماقلت يطلع لي بأيقونة الخطابات ان الشروط لاتنطبق عليك
ارسلت للشعيبي واتساب ومافيه رد ارسلت للدكتور امير القرشي ومافيه رد ارسلت للفريدان بالتويتر ومافيه رد
يمكن مو متخصصين بهالشي بس اكيد اكككيد عندهم خلفيه عن هالمشكله
وانقذتني اختي جبال الروك ربي يوفقها وينولها مرادها برقم الدكتور محمود عبد الحي
اتصلت الظهر مغلق اتصلت الحين اول مره اعطاني مشغول وثاني مره رد
قلت له عن مشكلتي قالي مالك شغل باللي يطلع لك كثير طلبه طلع لهم نفس هالشي
بس خذي ورقه بتعريف للطالب وروحي لهم ويشوفون اسمك ويعطونك الخطاب
قلت له طيب انا بالرياض قالي لسه ماوصلت الخطابات للرياض روحي لهم الاسبوع الجاي يوم الاحد يمكن تكون وصلت
قلت له طيب انا مااخترت مدينة التطبيق اخترت مركز اختباري فيها مشكله ؟؟
قالي ماادري اذا هم يكتفون بأنهم ياخذون مدينة التطبيق من مركز الاختبار او لا بس عموما شوفي اسمك بالكشف عندهم اذا مو موجود يعني مستبعده هالترم من التطبيق
او اتصلي علي بكره واشوف اسمك


ماقصرتي حبال الروك وماقصر الدكتور محمود قممممة في الاخلاق الله يوفقه
والله يجمممل حظك يا جبال


وكل شخص يطلع له سالفة هالشروط يسوي مثل ماقال الدكتور
ويااارب يطلع اسمي اطبق وارتاح

[ليه ضـايق]

الله يكتب لك الصالح

[عآيش آلجو]

بس خذي ورقه بتعريف للطالب وروحي لهم ويشوفون اسمك ويعطونك الخطاب

من هذولي اللي اروح لهم؟

شوفي اسمك بالكشف عندهم اذا مو موجود يعني مستبعده هالترم من التطبيق
من هم بعد ؟

واذا ممكن رقم الدكتور محمود

[اروى"]

من هذولي اللي اروح لهم؟


من هم بعد ؟

واذا ممكن رقم الدكتور محمود


اللي يوجهونا للمدارس انا باقي ماعرفت فين اروح بالضبط قبل اروح اكيد راح اسأل اللي راح قلبي
التوجيه او الاشراف او ادارة التعليم
لحد الان متأكدت
هذا رقمه 0500939470

[عآيش آلجو]

الله يسهل امورنا، والله يوفقكم جميع

[دارين محمد]

انا مثلك ما اخترت مدينة التطبيق :(
يعني متاكده اروح لهم حتى لو ما اخترت ؟

[يوشية]

صراحة ما فهمت عليكِ يا ليت توضحي
لمين اروح و من فين اطبع الاوراق الي تقولي عنها

انا و اختي عندنا تدريب عملي اختي طلعت اوراقها كاملها
بس انا لا تنطبق عليكِ الشروط !

انا طبعت من عندها استمارة تقييم مدير المدرسة للمتدرب
و استمارة تقييم المعلم المتعاون للمتدرب
و بيانات طالب متدرب
الباقي بالاسم ما اقدر اطبعها ..

يا ليت احد يفيدنا قبل تنتهي الفترة المقررة للخطابات و ارسالها و تروح علينا فرصة التدريب

[اروى"]

صراحة ما فهمت عليكِ يا ليت توضحي
لمين اروح و من فين اطبع الاوراق الي تقولي عنها

انا و اختي عندنا تدريب عملي اختي طلعت اوراقها كاملها
بس انا لا تنطبق عليكِ الشروط !

انا طبعت من عندها استمارة تقييم مدير المدرسة للمتدرب
و استمارة تقييم المعلم المتعاون للمتدرب
و بيانات طالب متدرب
الباقي بالاسم ما اقدر اطبعها ..

يا ليت احد يفيدنا قبل تنتهي الفترة المقررة للخطابات و ارسالها و تروح علينا فرصة التدريب




ورقة تعريف الطالب العاديه اللي نطبعها اذا اختبرنا لو يبون المراقبات يتأكدون من بياناتنا
تطبعينها تروحي مدري هي ادارة التعليم ولا الاشراف انا للحين ماادري بشوف اللي خلصوا امورهم وين راحوا بالضبط
تعطينهم الورقه وبيشوفون اسمك اذا موجود يعني بيوجهونك مو موجود يعني مستبعده من التطبيق لهذا الترم
هذا كلام الدكتور لي لاني انا مااخترت مدينة التطبيق

فهمتي الحين ؟

[متفائلة بالفرح]

الله يجزاك الجنه على التوضيح

[سأحقق أمنياتي]

جزاك الله خير


انا طالع عندي لا تنطبق عليك الشروط
يعني اروح لهم الاحد ان شاء الله

وتتيسر الامور باذن الله

[سأحقق أمنياتي]

بس اللي قاهرني ليش فيه احتمالية استبعاد من التطبيق ؟؟؟؟
ما يبغونا نتخرج ونخلص ولا ايش ؟؟؟

[يوشية]

ورقة تعريف الطالب العاديه اللي نطبعها اذا اختبرنا لو يبون المراقبات يتأكدون من بياناتنا
تطبعينها تروحي مدري هي ادارة التعليم ولا الاشراف انا للحين ماادري بشوف اللي خلصوا امورهم وين راحوا بالضبط
تعطينهم الورقه وبيشوفون اسمك اذا موجود يعني بيوجهونك مو موجود يعني مستبعده من التطبيق لهذا الترم
هذا كلام الدكتور لي لاني انا مااخترت مدينة التطبيق

فهمتي الحين ؟



جزاكِ الله خير على التوضيح ’ فهمت عليكِ :106:
زيادة كلمت الدكتور محمود عبدالحي اليوم
و قال لي اطبعي ورقة التعريف من الخدمات الطلابية و قدميها للإدارة التربية و التعليم و هما عندهم اسماء المتدربين اساساً و ان شاء الله خير
و ربِ يوفق الجميع و يسدد خطاهم و يعطيهم اعلى الدرجات :icon1:

[سأحقق أمنياتي]

يعني اختي يوشيه
انتي زينا
طلع لك
لا تنطبق عليك الشروط ؟؟؟؟

انا ادق عالدكتور جواله مقفل
كويس رد عليك



والله يبشرك بالخير يارب
وييسر امورنا

[عبدالله حمد 505]

السلام عليكم ورحمة الله وبركاته
بالنسبه للي طلع لهم ( لا تنطبق عليك الشروط )
ما يخالف بروح لهم يوم الاحد ان شاء الله عشان اشوف اسمي ,, الكلام على النماذج كيف نطبعها وايقونتها مقفله

[اروى"]

انا مثلك ما اخترت مدينة التطبيق :(
يعني متاكده اروح لهم حتى لو ما اخترت ؟

هذا اللي قاله لي الدكتور بروح واجرب حظي

[الروض]

طيب الي دولة قطر وطالع لهم لا تنطبق عليك الشروط وفوق هذا كله مافي مشرف وش يسوي

[بسمه شوق]

انا ان شالله بروح لهم بكره للادره التعليم لان حالتي مثل حالتكم والله يعينا ويصبرنااا على هالترم
واي تغير يصير لكم ياليت تخبرونا وبالتووفيق يارب

[اروى"]

طيب الي دولة قطر وطالع لهم لا تنطبق عليك الشروط وفوق هذا كله مافي مشرف وش يسوي


استغفر الله العظيم مو منظمين جدولهم في شي جامعه فوضويه
مالك الا تكلمين الدكتور محمود عبد الحي المسؤول عن التدريب

[اروى"]

انا ان شالله بروح لهم بكره للادره التعليم لان حالتي مثل حالتكم والله يعينا ويصبرنااا على هالترم
واي تغير يصير لكم ياليت تخبرونا وبالتووفيق يارب
وانا بروح بعد بكره قولي لي وش يصير معك

[طفر]

صراحة ما فهمت عليكِ يا ليت توضحي
لمين اروح و من فين اطبع الاوراق الي تقولي عنها

انا و اختي عندنا تدريب عملي اختي طلعت اوراقها كاملها
بس انا لا تنطبق عليكِ الشروط !

انا طبعت من عندها استمارة تقييم مدير المدرسة للمتدرب
و استمارة تقييم المعلم المتعاون للمتدرب
و بيانات طالب متدرب
الباقي بالاسم ما اقدر اطبعها ..

يا ليت احد يفيدنا قبل تنتهي الفترة المقررة للخطابات و ارسالها و تروح علينا فرصة التدريب



حلوه / اهم شيء عند النقطه ذي (( تقييم المديره والمعلمه فقط ))

الباقي سهله
وبعدين خليك زي ما تروح اختك روحي معه ، لو هي تروح للبوفيه روحي معاها

[طفر]

انا بحاول انزل لكم النماذج هنا ، بس ما ادري من الاداره او المشرفين يسمحون لي او يرفضون لي

[عآيش آلجو]

تواصلت مع الدكتور محمود عبدالحي بخصوص انه ما وصلتني الخطابات.
قال لانك ما حددت مدينة التطبيق.
المهم طلب مني بياناتي ارسلها له على الايميل وهو بيرسل لي خطاب اتوجه به لاداراة التعليم.

بالتوفيق للجميع.

[طفر]

تواصلت مع الدكتور محمود عبدالحي بخصوص انه ما وصلتني الخطابات.
قال لانك ما حددت مدينة التطبيق.
المهم طلب مني بياناتي ارسلها له على الايميل وهو بيرسل لي خطاب اتوجه به لاداراة التعليم.

بالتوفيق للجميع.

صححح ععليك يا عايش كنت بقول له بس انت السابق ونحن ان شاء الله لاحقون

[يوشية]

السلام عليكم
حبيت اوضح نقطة اني رحت لادارة التربية والتعليم مثل ما قال الدكتور عبدالحي
وان كل بياناتي موجودة عندهم - المشكلة طلع ما في شيء يثبت شيء عني حتى الاسم ما نزل النظام ؟؟
اكلم عبدالحي قال لي انتي ما حددتي المنطقة و لا ارسلتي الاوراق ؟؟
بالله كيف يفهمو هذي ثاني مرة ادفع الرسوم و نفس الغلط
و القهر يقول لي راح عليكي التدريب - حسبي الله و نعم الوكيل فيهم
الشغله نصب و الا ايش الحكاية
ياليت لو احد طلع له نفس مشكلتي يقول كيف تصرف بسرعة