مشاكل السداد والرسوم دبــــــــل والحل ؟؟؟

[ღ الليدي ساره ღ]

السلام عليكم ورحمة الله وبركاته
باختصار السداد مثل ماانتم عارفين يطلع رقم حساب المشترك خطأ
حسبنا الله عليهم كل ترم ومصايبهم ومشاكلهم ماتخلص :017:
والبلوى اللي مهببينها ان علي 15 ساعة وكاتبين لي رسوم التسجيل 5000 ومدري كم فوقه :Looking_anim:
والحل طيب من مثلي جاه رسوم التسجيل خطأ
عندي ساعة من العام سجلتها متأخرة وقالوا لاتدفعينها هالترم قصدهم الترم اللي راح
بنرحلها للترم ذا والترم ذا نكبوني فوق 5000 حق 15ساعة
يعني حشفا وسوء كيلة :41jg:
التسديد مايسدد والمبلغ دبل والحل يالربع ؟؟؟؟؟؟؟

[المحترمه]

وعليكم السلام ورحمة الله وبركاته

عزيزتي ظهور المشكله التسجيل خطأ يعني
أنه حتى الآن فاتورتك ما تم رفعها حتى تتمكنين
من السداد .. وصرّح الفريدان بأنه فيه أعطال
بالسداد راح يتم تعديلها وتحديثها للطلاب وبناءا
عليه تم تمديد فترة السداد .. بالتوفيق

[ღ الليدي ساره ღ]

الله يجزاك خير قريت خبر التأجيل
طيب وهالمبلغ العظيم هذا وش ذنبي ادفعه لجيوبهم على حساب 15 سااااااعه
خافوا الله فينا ياجامعة المشاكل

[ღ الليدي ساره ღ]

خسارة اسم الملك فيصل عليهم :139:
المفروض يسمونها جامعة المشاكل :(177):
وضعهم جداااا مزري ومخجل الاعطال من 5سنوات لاعبة بالموقع
والسيرفر لو يدخلونه 10 طلاب وقت الذروة علق
والاخطاء بالهبل كل ترم ومعه بلاويه
والاهمال واللامبالات العامل المشترك كل ترم
والمحاضرات كوكتيل نص من سنة جدي ونصها قبل يومين :139:
والواجب تلقاه بالافتراضي شكل وبالبلاك شكل والحالة كسيفة :hhheeeart4:
واحباط وتذبذب وارتباك للطالب واحساس بافتقاد الامان
وفوق هذا يدفع لهم فلوس على كل هالبلاوي الزرقا اللي يسوونها
يارب نفارقها على خير ونفتك من غثاها واهمال مسؤلينها اللي ماخافوا الله فينا :mad:

[همتي عالية]

عادي ليه تكبير المواضيع

كل جهة حكومية فيها سلبيات وايجابيات

بالعكس جامعة فيصل اكثر جامعة متعاونة

اصبري شوي ليه مستعجله على السداد


قدامك الين نوفمبر

انتظري ما أحد يجبرك تدفعين دبل

اذا مكتوب دبل

يعني فيه خلل

انتظري يصلح الخلل وسددي

ركزي على دروسك

[ღ الليدي ساره ღ]

^

والله واجد مغترة بالبورد البريطاني اللي تدرسينه :139:
خاله .. اطلعي من راسي لا افصل عليك .

[ღ الليدي ساره ღ]

اللي مرت عليه اخطاء في الرسوم يفيدنا اذا الوضع اخطاء كالعادة وراي مليون شغلة وماني فاضية اراجع بالجامعة واطارد وراهم
واللي مو شايف نعمة ويحسب انه وصل للقمر والبروفيسوراه
ويجي يتملق ويهايط يحشم نفسه ويهايط برا موضوعي مو ناقصته
كلنا عيال قرية ولاهو غريب علينا وضع الجامعة

[عبدالله البشير]

المشكلة اللي عندي اني دخلت على حسابي ببنك الراجحي عن طريق سداد ومعطيني تم دفع الرسوم وانا مادفعت شي مادري فيه احد سدد عني والاشلون

[ღ الليدي ساره ღ]

اها استلموا الواحد مايدري هو دفع والا لا
وربي مهازل مستمرة وبلف فلوس ولايعدلون شي ولايصلحون شي
والعالم اللي سددوا يقولون للحين النظام ميت عالافتراضي والبلاك
امس طلع زوجي من دوامه بيراجعهم وصدموا سيارته بالجامعه وهذا اللي حصلنا من ورى بلااوي هالجامعة
الحمدلله اللي الصدمة بسيطة الله يفجعهم مثل افجعونا هم واللي فرحانين فيهم ياحي ياقيوم
والنظام مقفل عاللي ماسددوا للحين مايفتح مدري وش نذاكر منه الطعوس اللي يتفلسفون مسوين عندهم سالفة وهم ماعندهم ماعند جدتي حصة حسبي الله ونعم الوكيل عليكم
وتراكم علينا المناقشات والواجبات والتحميلات وتالي يطل الفريدان يغرد اللي حلوا في يوم واحد ومتأخرين ماتنحسب لهم المشاركة
هنود حنا نسكت على كل هالبلاوي والاهمال واللامبالاة عام ورى عام :41jg:
ولاجا الدفع مايعرفون الا فلوسهم وقفلوا عليك النظام خوش صرح تعليمي والله :139:
الله لااااااااايوفق كل من تسبب باللي احنا فيه من لخبطة ولااااااايوفق من يدافع عنهم دنيا وآخرة حسبي الله عليهم كلهم

[إبتسامة]

إذا أنتي 5000 أنا 7000 وعذرهم بعد ماراسلتهم أن عندي مواد سابقه نســو يحسبونها لي وأنا مثلك سجلت 15 ساعة ويوم قريب أتخرج حطـو علي ذا المبلغ لكن حسبي الله ونعم الوكيل ..

[إبتسامة]

الشعيبي
amshuaibi@kfu.edu.sa (http://www.ckfu.org/cdn-cgi/l/email-protection#6b0a0618031e0a0209022b000d1e450e0f1e451 80a)

الفريدان
‏afridan@kfu.edu.sa ‏

راسليهم وحطي لهم الرقم الجامعي

[روح الكون]

انا مثلكم عندي مشكله بالسداد
انا من المشمولين بالضمان الاجتماعي وكل ترم يسددوا عني الا هذا الترم لم يتم السداد كمان يطلع لي انت لست من المشمولين بالضمان

وسددت انا الرسوم الموجودة 1825ريال بوقت السداد والآن النظام عندي مغلق مااقدر احمل محاضرات ويطلع عندي لم يتم السداد بمبلغ 2485ريال ماني عارفة ليش حاطين هذا المبلغ وانا مسددة

الله يخارجنا بس وش هذي المصيبة

[Hnoo1990]

والله معاك حق

كل ترم واحنا على ها الحال
من مشاكل السداد الى مشاكل المحاضرات الي ما يهنق الا قبل الاختبارات
اوكي نقول ضغط
طيب الجامعه يجيها ملايين من ورانا احنا
ليه ما تجيب لها سيرفرات زي الاوادم !!
طفشنا من التهنيق بالموقع

الله يعين بس

[إبتسامة]

انا مثلكم عندي مشكله بالسداد
انا من المشمولين بالضمان الاجتماعي وكل ترم يسددوا عني الا هذا الترم لم يتم السداد كمان يطلع لي انت لست من المشمولين بالضمان

وسددت انا الرسوم الموجودة 1825ريال بوقت السداد والآن النظام عندي مغلق مااقدر احمل محاضرات ويطلع عندي لم يتم السداد بمبلغ 2485ريال ماني عارفة ليش حاطين هذا المبلغ وانا مسددة

الله يخارجنا بس وش هذي المصيبة

إذا تزوجتي أو صرتي غير مشمولة يحذفو اسمك ويدفعونك المبلغ من يوم انحذفتي فيه من الضمان ,, وإذا ماصار معك كذا راسليهم

[إبتسامة]

واللي تحمل مادة وتاخذها مرة ثانيه الضمان مايشمل يخلونك تدفعينها الجامعه .. كذا الوضع صار مع صديقتي

[nonna-]

و انا نفس المشكله الرسوم دبل

الله ييسرها