أنا موظفة وقبلت بالجامعة

[Maia2]

السلام عليكم /الله يجزاه خير كل من يجاوبني على سؤالي اللي هو-كيف أبلغ جهة عملي عن قبولي بالجامعة ؟؟وكيف يسمحون لي بالتغيب عن الدوام وقت الامتحانات ؟وماهي الإجراءات المطلوبة واللي لازم أسويها؟؟؟والله يسعد ويوفق من يعطيني الجواب الكافي والله يحفظكم،،،

[student3]

يوجد بالخدمات الطلابية ايقونة شهادة تعريف تبين انك طالبة منتسبة لدى الجامعة يمكن تقديمها للعمل

[Ensaan 3aadi]

فيه ايقونه اسمها شهادة تعريف تطبعينها وتودينها للجامعه ويعطونك موافقة .. اما بالنسبه للجدول حق الاختبارات ينزل لك قبلها باسبوع تطبعينه وترسلينه لدوامك ويعطونك الاجازه...

[ورودنجد]

حسب معلوماتي ياعزيزتي انك تطبعين ورقه شهاده الحضور وبيكون معها جدول امتحاناتك وتقدمينها قبل موعد امتحاناتك علشان يعطونك اجازه تلقينها في ايقونه اسمها على مااعتقد شهاده حضور هذا اللي اعرفه واذا فيه احد عنده معلومات ثانيه ان شاء الله يفيدك اكثر

[سعودي طموح]

يوجد بالخدمات الطلابية ما تريده تفضلي

شهادة تعريف
http://del.kfu.edu.sa/entisab_app/identification/ver_ar.asp

بالنسبة لجدول الاختبارات فإن الايقونة لم تتفعل إلا قبل الاختبارات بأسبوع تقريباً

[o_lg_ll]

وعليكم السلام

مبروك عليك القبول



جدول الاختبارات النهائية تقدرين تاخذينه من الخدمات الطلابية
.
رابط الخدمات الطلابية
.
http://del.kfu.edu.sa/entisab_app/index.asp (http://del.kfu.edu.sa/entisab_app/index.asp)
.
بعدها رابط الصورة التألية
.
http://del.kfu.edu.sa/entisab_app/images/06ov.jpg (http://del.kfu.edu.sa/entisab_app/exam_duplicate/id_ad_entsab.asp)
.
.
لمن تجي الاختبارات النهائية راح تتفعل هذي الايقونه
.
تدخلين عليها وتطبعين جدول الاختبارات حقك وتسلمينها الدوام
.
-----------------------------------------------------------------------------------------------------
.
شهادة ( ورقة ) حضور أختبارات نهائية للموظفين و الطلاب

للموظفين و الطلاب الى يبون يقدمون للدوام حقهم ورقة تثبت أن عندهم أختبارات نهائية



يدخلون على الرابط التألي

http://del.kfu.edu.sa/entisab_app/index.asp (http://del.kfu.edu.sa/entisab_app/index.asp)

وبعدها يدخلون على هذي الأيقونة

http://del.kfu.edu.sa/entisab_app/images/23ov.jpg

وبس يطبع الشهادة

ملاحظة / لمن تطبع الشهادة ( الورقة ) راح تشوفها موقعه ومختومة وهالشي ماراح يطلع لك الا لمن تطبعها

الى دوامهم نفسية ويموتون في شي أسمة الأثباتات وجيب لنا ورقة تثبت الخ الخ

يدخل على ايقونة شهادة التعريف الى بالشكل التألي

http://del.kfu.edu.sa/entisab_app/images/28ov.jpg (http://del.kfu.edu.sa/entisab_app/identification/)

.
و يطبع شهادة ( ورقة ) التعريف ويقدمها لجهة العمل .
.
.
ملاحظة
.
احنا الرجال لمن نتجة الى لجنة الاختبار مايطلبون منا الا بطاقة الاحوال فقط
.
ومرات يطلبونها ومرات مايطلبون
.
يعني البنات الى يطبعون شهادة لحضور الاختبارات
.
مدري عن نظامكم
.
احنا الرجال فقط بطاقة الاحوال
.
-----------------------------------------------------------------------------------------------------
.
انتي الان اطبعي شهادة التعريف ووديها الدوام
.
هذي شهادة تعرف انك طالبه في جامعة فيصل انتساب
.
ولمن تجي الاختبارات النهائية تطبعين الى علمتك فوق وتودينها الدوام عشان يعطونك اجازة للأختبارات النهائية
.
.
شوفي هذا الموضوع
.
http://www.ckfu.org/vb/t610386.html (http://www.ckfu.org/vb/t610386.html)
.
.
بالتوفيق ...

[Nanh_3]

ماشاء الله ماقصروا الاخوان والاخوات الله يعطيهم العافيية وبالتوفيق :rose:

[Maia2]

بالنسبة لشهادة التعريف فتحت الأيقونة وماحصلت شيء للآسف باقي أيقونة شهادة حضور الاختبارات إن شاء الله تتسخل الأمور بإذن الله
شكراً كل الشكر لجميع من رد علي وجاوب على اسئلتي الله يجزاكم خير والله يجعله في ميزان حسناتكم دمتم برعاية الله

[alameer1395]

قدمي التعريف و قدمي طلب موافقه من جهة عملك على الدراسة

ترفعينه لجهة التدريب والابتعاث في جهة عملك

[مـ غ ـترب فـيـ عـذابـكـ]

عليكم السلام

بخصوص القبول من الخدمات الطلابية التعريف مثل ماقالو الاخوان

بخصوص الاجازه بعد الموافقة تقدر تاخذ اجازه حسب ااذا حكومي او اهلي

حكومي بس تجيب جدولك مع بياناتك فوق وتاخذ من اول يوم لاخر يوم اجازه ( اجازه اختبارات ماتخصم من الرصيد )

اما الاهلي حسب نظام الشركة

1- ناس تاخذ مثل الحكومي

2- ناس تاخذ اجازه يوم الاختبار فقط

3- ناس لايسمح لهم اخذ اجازه او ياخذ من رصيده

بالتوفيق

[Maia2]

معليش كلكم تقولون التعريف التعريف عندي فاضي فيه بديل أو كيف أحصل ع تعريف

[ندى العالم]

http://del.kfu.edu.sa/entisab_app/images/28ov.jpg (http://del.kfu.edu.sa/entisab_app/identification/) تسحبين شهادة التعريف وعن طريق مديرة المدرسة ترفعين أوراقك
إذا معلمة وإذا ما عرفتي راجعي مكتب الإشراف ويقولون لك اللازم

[Maia2]

الله يجزاكم الجنة أقد أطلب شهادة التعريف من أي أحد عن طريق الإيميل شهادة التعريف فاضية عندي مافيه أي كلام أرجوا الرد الله يوفقكم ويسعدكم

[ندى العالم]

لازم باسمك انتي برقمك الجامعي أنتي بلغي مديرتك ألحين وانتظري اسبوع او أسبوعين بتطلع لك في الأيقونه

[hessah02]

الحاجة اللي تقهر انهم ما يعطونا إجازة إلا يوم الاختبار نفسه واذا ما عندك اختبار تداوم .

[ريهام العتيبي]

السلام عليكم /الله يجزاه خير كل من يجاوبني على سؤالي اللي هو-كيف أبلغ جهة عملي عن قبولي بالجامعة ؟؟وكيف يسمحون لي بالتغيب عن الدوام وقت الامتحانات ؟وماهي الإجراءات المطلوبة واللي لازم أسويها؟؟؟والله يسعد ويوفق من يعطيني الجواب الكافي والله يحفظكم،،،

انتي في ايش موظفه

[hloleh]

ممكن سؤال بعد اذن صاحبة الموضوع
انا موظفة في التربية والتعليم
سالت مكتب الاشراف قالو لي ما ينفعك دراستك عن بعد لا بترقيه ولا بتحسين مستوى
وعندهم اعداد كبيره من الخريجات ما استفادو من دراستهم لان الوزاره ما تعترف بالدراسة عن بعد

طيب وش الحل يالاجواد شورو علي !!!!!!!!!!!!!!!!!!

[Turning point]

ممكن سؤال بعد اذن صاحبة الموضوع
انا موظفة في التربية والتعليم
سالت مكتب الاشراف قالو لي ما ينفعك دراستك عن بعد لا بترقيه ولا بتحسين مستوى
وعندهم اعداد كبيره من الخريجات ما استفادو من دراستهم لان الوزاره ما تعترف بالدراسة عن بعد

طيب وش الحل يالاجواد شورو علي !!!!!!!!!!!!!!!!!!

الشهاده منذ زمن اشارت وزارة التربيه والتعليم أنها لا تعتمدها ..

لكنها معترف بها في ديوان الخدمه المدنيه

يعني تحسن المستوى الوظيفي في باقي قطاعات التوظيف في الدوله زي البنوك والمستشفيات وغيرها ..

انتي سألتي مرجعيتك وهو مكتب الاشراف .. كيف تبحثين عن اجابه من عندنا نحن الطلاب ..

توثقي منهم افضل لك ..

موفقه عزيزتي ..:rose:

[AL7R 5HALID]

ممكن سؤال بعد اذن صاحبة الموضوع
انا موظفة في التربية والتعليم
سالت مكتب الاشراف قالو لي ما ينفعك دراستك عن بعد لا بترقيه ولا بتحسين مستوى
وعندهم اعداد كبيره من الخريجات ما استفادو من دراستهم لان الوزاره ما تعترف بالدراسة عن بعد

طيب وش الحل يالاجواد شورو علي !!!!!!!!!!!!!!!!!!

السلام عليكم ورحمة الله وبركاته

من رأيي تكملي المشوار محد يعلم الغيب يمكن سنه تزيد او تنقص
ويصدر اوامر جديده وبإذن لله تفيدك

[i7DAYS]

ما قصروا اللي قبلي في الرد :love080:


ممكن سؤال بعد اذن صاحبة الموضوع
انا موظفة في التربية والتعليم
سالت مكتب الاشراف قالو لي ما ينفعك دراستك عن بعد لا بترقيه ولا بتحسين مستوى
وعندهم اعداد كبيره من الخريجات ما استفادو من دراستهم لان الوزاره ما تعترف بالدراسة عن بعد

طيب وش الحل يالاجواد شورو علي !!!!!!!!!!!!!!!!!!

بالنسبه لاستفسارك مكتب الاشراف ماراح يعطونك الرد الشافي عن خبره اجاوبك
اليوم تسألين وحده تعطيك رد من جنبها ، تسألين وحده ثانيه تعطيك رد مخالف عن الاولى < وي قلب لاتحزن
اعطيك مثال : قالوا ان شهادة الخبرة في المدارس الاهلية ماتحسب في المدارس الحكومية
الغريب وحده اعرفها طلع لها حكومي وصار محسوب لها في التدريس في الاهلي 500 عن كل سنة
وصل راتبها 9000 ما شاء الله
رايي توكلي على رب العالمين وكملي دراستي وتكفين لاتسألين مشرفات مكاتب الاشراف يحبون يحطمون الواحد

[ALKANG]

الي موظفه زي ريهام تكمل افضل لها نصيحه تنفعها بالترقيات

[ALKANG]

انتي في ايش موظفه

اول شي موظفه قطاع خاص ولا حكومي ريهام
ثانيا تطبعين الجدول لدوامك
وعادي مسموح الدراسه بالقطاعين يعطونك اجازة امتحانات اسبوعين
:agolakser:

[Maia2]

انتي في ايش موظفه

موظفة إدارية تابعة لوزارة التربية والتعليم

[دفء الورد]

كملي مشوارك يمكن يجي امر يعتمدونها وزارة التربية

واللي اعرفة زملاء لي كملوو وانتقلوو من السلك العسكري الى وزارة التربيه معلمين فكيف ما يعتمدونهااا