يوميات تدريب الاعاقه السمعيه هناا...

[M_Alnoaimi]

السلام عليكم ورحمه الله وبركاته :rose:

شخباركم بنات .؟؟:smile:

بأذن الله راح يكون الموضوع عن اليوميات لتخصص (اعاقه سمعيه):71:

ونبي تفاعل فديتكم اي شي يصير اكتبوه هنا عشان الكل يستفيد :(204):

وبأذن الله راح ابداء التطبيق يوم الاحد ... في مدرسه الابتدائيه السادسه بالخبر :oao:

اللي معاي يقول عشان نعرف كم العدد فديتكم :oao:

بالتوفيق للجميع :rose:

[نورة الامورة]

هلا انا معاكم وراح ابداء من يوم الاحد في الابتدائية 17 حي بدر

[لحظات صدق]

بنات بسالكم عادي انا اختار الوقت اللي بطبق فيه ؟ لاني حالياً لظروق ما اقدر هالاسبوعين اطبق

[M_Alnoaimi]

لحظات صدق
ممكن تكلمين المديره أن عندج ظروف ويمكن توافق
انتي أي مدرسه ؟

[^ المهره ^]

بالتوفيق ياااسمعين
انا انتظر يطلبوني ودي ابدا من الاحد
بس يلا
الاحساء 16 الابتدائية

[سمو السحاب]

ان شاء الله بكره بداية التدريب في معهد اﻻمل للصم
بس وش ناخذ معانا في البدايه
غير دفتر المﻻحظات

[صدى السنين]

السلام عليكم ورحمه الله وبركاته ..انا ان شاءالله اني ابدء بكره بس الاداره قالت لازم ترجعنا اول بس يارب دايركت ابدا بعد مااروح لهم ...

[M_Alnoaimi]

المهرة
الله يوفقك حبيبتي

سمو السحاب
انا بعد بكرا أبدا ً راح أجيب معاي دفتر عشان الملاحظات بعدين هم يقولون لنا شنو نجيب وكل شي

صدى السنين
وعليكم السلام ورحمه الله وبركاته
انتي اي مدرسه ؟
أتوقع اول أسبوع مشاهده نشوف التعامل معاهم والأسبوع الثاني نبدأ الشرح وكذا
بكرا نشوف شنو يصير

أتمنى الكل يتفاعل ويكتب لنا يومياته هنا

بالتوفيق للجميع

[MONA.Z]

بداية كويسه

بس لو يفكونا من حصص الانتظار :d

[M_Alnoaimi]

مرحبا جميعا
اليوم كان جميل وممتع بس إزعاج الأطفال
وكان لنا حصه انتظار انا كان صف سادس لعبناهم ههههه
وقسمتنا المديره كل طالبتين في صف اول وثاني وثالث
ولازم نروح كل الأقسام مثلا النطق والدمج واذا فيه نشاط والانتظار
وكان فصلي بس طالبتين .
ولازم نوقع الحضور والانصراف

وكان هذا يومي الجميل ♡

[التوليب]

oللاسف للحين مارحت للتوجيه واتوقع اني راح أحاول تأجيله هالفتره

[ms.Gd3h]

احتاج مساعده ضروريه :(
مطلوب اعمل نشاط وراح اتقيم عليهه زي مثلاً الغذاء الصحي
ماقدر اسوي الغذاء الصحي لان سبق وعملته بنت وكذا
الله يفتحها عليكم عطوني فكرة نشاط جداً ضايعهه :(

[التوليب]

رحت اليوم لاداره الترببيه والتعليم بالجبيل :33_asmilies-com:
وسألتها عن المدارس بالجبيل البلد واعطتني ثلاث مدارس اخترت الابتدائيه الحاديه عشر لانها اقربها وهي اللي كنت اختبر فيها ومررره طرت من الفرحه :verycute:
وقالت تعالي بكره عالساعه ١٠نعطيك الخطاب للمدرسه واخذت رقمي :verycute:
المهم اول ماطلعت وركبت السياره الا اتصال منها تقول لي انتي سمعي صح؟ قلت ايوه :16.jpg:
قالت مافيه بالبلد مدارس سمعي لازم في الصناعيه
انا هنا انجلطت :eek:

وخيرتتي بين ابتدائيه ومتوسطه وثانويه واخترت الابتدائيه الرابعه بالحويلات:verycute:
اللي معي فيها ترفع ايدها :oao:

وبكره ان شا الله باخذ الخطاب و رايحه للمدرسه

[M_Alnoaimi]

Ms.Gsh
حبيبتي شوفي في قوقل

[M_Alnoaimi]

اليوم الثاني من التدريب
المعلمة كانت غايبه
فا حظرت حصه الرياضيات ولغتي اللي هي عربي
والباقي كل انتظار يعني مااستفدنا شي
ياليت يكثر الحصص بدال الانتظار عشان نستفيد
وهذا كان يومي

[M_Alnoaimi]

التوليب
الله يوفقج حبيبتي

[مابي احد يزعجني]

مرحبا

انا بالثانويه السادسه بالجبيل الصناعيه
طلبت منا نسوي ملف انجاز الي عنده نموذج او شي ياليت ينزله
بالنسبه للي طلبت فكره للنشاط حنا راح نسوي عن لغة الاشاره بس لسى مابدينا بشي
وقالت عمل اذاعه يعتبر نشاط

[لا جديد]

السلام عليكم ورحمه الله
الله يسهل علينا كل عسير ويسخر لنا المعلمات والمديرات الي يمشون ويضبطون وضعنا

انا مسكت اول ابتدائي (رياضيات .وعلوم.وقران)
وثالث ابتدائي تربيه أسريه

وللحين أن مستمعه
ماخليت حصه الى وحضرتها عشان ازيد من معلوماتي الأشاريه وتفيدني لبعدين
ووو الي فتحت الموضوع اله يجزاك الجنه
كنت أتمنى حد معي يطبق بس لحالي :(

[شذى الأيام]

بنات الله يسعدكم اللي في الدمام
انا ساكنه في الجلويه
ويييييين أروح
مو عارفه ولا شي
فهموني الله يسعدكم الخطوات من الأول
ايش أطبع ووين أروح وايش أفضل مدرسه تكون قريبه مني
بالله ساعدوني

[M_Alnoaimi]

يعطيكم العافيه على التفاعل حبايبي
شذى الأيام ودي أساعدج بس انا بالخبر

[شذى الأيام]

M_Alnoaimi
مشكوره حبيبتي
الله يجزاك خير
ياليت اللي بالدمام يفيدوني

[نصف القمر]

انا بالرياض اول يوم تطبيق وطلبوو مني اسوي نشاط اللاصفي بس بنات ابي تعلمون وشلون اشرح درس حرف الراء اجيب احرف ولا بطاقات وبداية الدرس وش اسوي

[نورة الامورة]

الحمدلله بداية جيده بس مع الاسف كان في غياب لبعض المعلمات
ياليت بنات معهد الامل يقلون كيف النظام وطريقة التدريس

[نورة الامورة]

نص القمر
سلامااات على طول المفروض اول شي تختارين المادة الي تبين يقيمونك فيها وبعدين النشاط الصفي والا لاصفي بس اكيد سوي نشاط يخدم اعاقة السمعية

[التوليب]

اللي بدو يطبقون هل طبقتوا على ضعاف سمع او صمم؟؟

[M_Alnoaimi]

السلام عليكم ورحمه الله وبركاته

شخباركم بنات ؟

اليوم الثالث والحمدالله حضرت المعلمه وحضرنا الحصص معها
وقالت لنا نسوي ملف ونشرح ماده اللي حابين نسويها
ونسوي نشاط ,, الحمدالله الفصل كامل بس لازم نسوي اي شي ناقص عشان الدرجه
وقلت حق معلمه ماده العلوم اني بشرح هالماده فا بأذن الله ابدا الشرح يوم الاحد

يوم جميل وممتع :)

[M_Alnoaimi]

التوليب

طبقت ضعاف السمع

[التوليب]

التوليب

طبقت ضعاف السمع



ماشاء الله :004:
ريحتيني الله يسعدك
يارب اكون ضعاف سمع :verycute:

[لا جديد]

:)وانا بعد على ضعاف سمع مطبقه
وبكرى عندي درس علوم للصف أول ابتدائي
وابي أفكاركم :mad:

[نصف القمر]

نورة الامورة يا قلبي اي بشرحه يوم الاحد لغتي اخترت وبنت اعطيها فردي انا ضعاف سمع وضطرابات

[شيخة الغد]

حبيت اشارك معاكم حبيباتي الحمدالله توجهنا للمدرسة انا وزميلتي ولكن ما بدأنا تطبيق
الله يوفق الجميع ونتخرج واحنا في احسن حال يا رب العالمين

[M_Alnoaimi]

امين حبيبتي ♡
ويوفقج ويسهل عليج حبيبتي ♡

[M_Alnoaimi]

اليوم الرابع من التطبيق

حضرنا الحصص

والمعلمه قالت لنا شلون نسوي التحضير عشان الاسبوع الجاي نبداء

بالتوفيق للجميع

[M_Alnoaimi]

اليوم الخامس

نفس الشي حضرنا الحصص وكان في مجلس أمهات

[يكفيني غلاك]

بنات
من متى وانتم تطبقون لانو محد اتصال علي لحد الحين

[M_Alnoaimi]

انا خلصت أسبوع الحين ويوم الأحد يبدأ أسبوع الثاني

[هدوء ..!]

مساء الخير

بنات ممكن تخبروني بأسماء مدارس ممكن اطبق فيها بالاحساء ؟؟

كم مدرسة موجوده ؟

بليز ساعدوني انا جاية اسبوع الجاي من السفر وابي تكون عندي خلفية عن أسماء المدارس

:106: :106: :106: . . . ~

[رابعه العدويه]

معهد الامل للصم والبكم في الاحساء للبنات
وين يكون بالضبط ؟

[اسيرة الاحساء2]

اخت هدوء معهد الامل ومدرسه السادسة عشر بالمبرز والروضه الاولى بالهفوف بس

[M_Alnoaimi]

الله يوفقكم جميعا

[promise]

السلام عليكم ..

مشالله عليكم يا بنات الله يوفقكم ..
احنا للحين ما دقو علينا تخيلو .. ويوم رحنا لهم قالو وش جابكم خلاص احنا ندق انتظرو

وليومكم هذا ننتظر :( ...


انصحوني فيه شي اسويه والا انتظر ,....؟

[M_Alnoaimi]

الله يعينج
احنا الخبر وانتي واقفة يخلصون شغلج

[لحظات صدق]

وعليكم السلام

مين اللي بيدقوا عليكم المندوبية او المدرسة ؟

لازم تشرحوا لهم ان في وقت لنهاية التدريب ولازم نخلص الاسبوعين قبلها

[M_Alnoaimi]

:)

[نورا البارقي]

السلام عليكم
كيفكم اليوم بديت تطبيقي بتاريخ ١/٢
بصراحه المعلمتين مره يهبلون بس المديره لكم عليها شديده
اما طالبه الي وحده بس مو متقبله اي شي معلمتها تقولي من بداية الترم وهي مو راضيه
تعرف الحروف ولا الارقام ولاشي تقول مره تعبنا والمديره تقول ذي مسوليتكم
قلت طيب اهلها وين ليه ماتقولون لهم تقول ماشفناهم من بدايه الترم
المهم ان البنت مرره مادري كيف راح تتجاوب مع دام معلماتها ماتجاوبت معهم
والمديره اعطني كل المواد يعني اسبوع اخذ فيه حصتين كل يوم مادتين مختلفه
واليوم الي بعده حصتين ومادتين مختلفه عن اليوم الي قبل
مررره محتاسه من جدول ومن الطالبه ايش اسوي معها
بكره عندي علوم و لغتي
علوم الدرس عن الاشياء الحيه وغير حيه ولغتي مادري كيف اعطيها درس وهي اصلن الحروف الابجديه ماتعرفها
حتى مسكة القلم ماتعرف ولا كيف تكتب البنت عمرها ١٣ سنه و اول ابتدائي
قولولي وش اسوي مره متضايقه :Cry111::Cry111::Cry111:
نسيت المديره مره مو متعاونه معي اوراقي ماهتمت فيها ابد ماغير شددت على الحضور و الانصراف :139::139::139:
مرررره مقهوره مخربطه ومحبطه:bawling::bawling::bawling:

[M_Alnoaimi]

الله يعينج
اصلا لازم اول اسبوع مشاهده وثاني أسبوع تبدين تدرسين ماده عشان التقيم
نفسي اليوم شرحت للطالبة وكانت ممتازه بس انا وهي في الفصل وبكرا بشرح عشان التقيم لأن البنت الثانيه غايبه ولازم تكون المعلم ماي في الفصل عشان تقيمني

[فرآوله تركوآزيه]

الله يوفقكم


حنا لسى مابدينـــــــــــــــآ

[M_Alnoaimi]

الله يوفقج حبيبتي ♡

[M_Alnoaimi]

مرحباً بنات
شخباركم ؟
اليوم الحمدالله شرحت والمعلمة قالت شرحك حلو
ويارب التقيم يكون كامل

[promise]

شكرا لكم كلكم ..

لا المندوبيه ..

اي قلنا لها الوقت قالت بيمدي لا تخافون يمدي ..

[M_Alnoaimi]

:)

[نورة الامورة]

بنات لاتستعجلون الي مابدو تدريب استفيديو من تجاربنا اهم شي احضرو كل مواد ولكل مراحل واختاري شي يناسبك لاتقولين ابي شي سهل ولا تستعجلون في التقييم واطلبوا درس توجيه

[رابعه العدويه]

بنات الله يجزاكم خير مين عندها رقم معهد الامل للصم والبكم للبنات
اللي عندها يا ريت تعطيني اياها

[أم فجر]

بنات لاتستعجلون الي مابدو تدريب استفيديو من تجاربنا اهم شي احضرو كل مواد ولكل مراحل واختاري شي يناسبك لاتقولين ابي شي سهل ولا تستعجلون في التقييم واطلبوا درس توجيه


ياريت تكتبين لنا كل شي علشان نستفيد لن باقي ماقد طبقت

[M_Alnoaimi]

مرحبا ;)

شخباركم ؟:d

الحمدالله اول اسبوع مشاهده ورحنا كل الفصول اول وثاني وثالث وحتى النطق
وهذا الاسبوع الثاني والحمدالله استاذه الفصل اللي بتكونون فيه بتقول لكم سو نشاط للفصل عشان الدرجه
انا واللي معاي سوينا صور للفصل والحمدالله ولازم تشرحين ماده عشان التقيم وانا الحمدالله شرحت ماده العلوم والحمدالله اليوم قيمتني وكامل بس بقى لي تقيم المديره ويارب يكون كامل
ويوم الخميس اخر يوم لي واتخرج :)

[M_Alnoaimi]

نوره الاموره

ياليت تكتبين شنو سويتي ؟

[نورة الامورة]

اكييييد بكتب كل شي بالكامل يوم الاثنين اخر يوم دوام وراح اكتب كل شي
بس الاسبوع الاول
اذا كنت مدرسة دمج مثلي
راح ادخلي كل مراحل الدمج من اول الى سادس اذا في واحضر كل مواد حتى لو مارح تطبقين فيها ولازم يكون معاك ورقة وقلم واكتبي كل شي مهم جداااااا كل يوم تحضرين 3 حصص في اليوم واي فصل ومادة تدخلينها لازم تكتبينها في جدول مثل يوم الاحد الحصة علوم فصل اول وهكذا علشان يعرفون انك حضرتي وكملتي 60 ساعة الاسبوع الثاني خلاص لازم تكونين حددتي المادة والدرس الس يناسبك واطلبي من معلمة المتعاونية انك تشرحين للبنات درس بس مودرس التقييم اي درس بس تختبرين نفسك وشوفي ملاحظاتها عليك ضروري يكون معاك ملف اي شي يخص الدرس تحطينه في ملف لان المشرفة بتاخذه منك في نهاية الدرس
الملف تحطين بياناتك اسمك الماد الجامعه عندك شهادة خبره
2 جدول الي كلتلك علي
3 اهداف المادة
4جدول تحضير لدرس اكتبي بي الي راح تسوينه موتسوين قص ولصق
5 اوراق العمل نسخة الاصلية في الملف
هذا الى عندي حاليا ولاتستعجلون حتى لو اخذتي يوم اضاافي مهم الزي يكون مناسب للمكان يعني انتي معلمة لبسة ساتر شعرك مرتب موتسريحة مكياج خفيف تنورة سودة بدون فتحات عباية على راس
ولازم تسوين نشاط للمدرسة مثل لوحة تعلق في مدرسة عن الاعاقة سمعية اوتوزيع لاتنسون التعزيز مهم للبنات في التقييم مثلا نجوم هدايا بعد الدرس اذا المعلمة الي انتي راح تدرسين مادتها غايبة اجلسي مع البنات ممكن تحسبلك حصة او نشاط وسجلها في الجدول
في وقت الحصة لاتسالين معلمة الا بعد نهاية الحصة
تقريبا هذا الي عندي
اذا في سال اسالو وان شاءالله يكون في جواب
وياليت البنات الي في معهد الامل يعطونا تجربتهم لان في اختلاف

[رشات سكر]

انا في روضة دمج واعاقة عقلية وطبيعة دروسهم تختلف كليا عن اللي سمعته منكم هنا في بدايه اليوم استقبال صباحي وبعدين فترة اللعب وبعدين حلقة وبعدين اللعب ب الاركان يعني مافي دروس وكذا وانا بصراحة محتارة احس اني بجيب العيد

[₪ حـكـاية روح|~]

صباح الخير


انا تطبيقي في روضة دمج اعاقه سمعيه
^^

الصباح بعد ما يكتمل العدد نجلس بالساحه نلعب ساعه ونص
بعد كذا ندخل و نعمل حلقه عن الوحده .. و بعدين الفطور
وبعد كذا عندهم الأركان .. يلعبو فيها الى نهاية اليوم اللي هو الساعه11

:::

مطلوب مني امسك حلقة عن مساكن الحيوانات
و تحضر لي المديره و تقيمني على هالاساس

::::::::::::::

انا حابه اسال

مكتوب في الارشادات الخاصه بالمتدربين عن الأشياء الي لازم نكتسبها
وذكر اليات التشخيص و الخطط الفرديه و الجماعيه و اعداد سجلات ووووالخ

دحين هذي الأشياء^^^^^^

لمن نعرفها ونكتب عنها و زي كدا .. لازم نرسلها للمشرف
ولا فقط هي فائده للمتدرب ؟
و على أي أساس درجة الجامعه 30 ...؟
على المحاضرات و الواجبات والا كيف ؟؟

[M_Alnoaimi]

يعطيكم العافية جميعا
اليوم كانت المعلمة الفصل غايبه فا شرحنا لهم لغتي وباقي الحصص عليهم مواد ثانيه
وبكرا أخر يوم لنا والحمد الله

[فهد 2012]

يكون ارسال بيانات الطالب المتدرب من ايميلي الشخصي إلى ايميل الدكتور المشرف ؟؟؟

[M_Alnoaimi]

ايه فهد ترسل له من اميلك إلى المشرف

[M_Alnoaimi]

الحمدالله اليوم كان آخر يوم لي في التطبيق
والحمدالله عطوني التقيم عشان نرسل للمشرف
وعطينا البنات هدايا وسوينا لهم حفله صغيره استانسو فديتهم راح اشتاق لهم حبايبي
والحمدالله تخرجت
بالتوفيق للجميع

[فهد 2012]

ايه فهد ترسل له من اميلك إلى المشرف


يعطيك العافية

[فهد 2012]

الحمدالله اليوم كان آخر يوم لي في التطبيق
والحمدالله عطوني التقيم عشان نرسل للمشرف
وعطينا البنات هدايا وسوينا لهم حفله صغيره استانسو فديتهم راح اشتاق لهم حبايبي
والحمدالله تخرجت
بالتوفيق للجميع

كم الايام ؟

[^ المهره ^]

السلام عليكم
كيف الحال
انا خلص اول اسبوع مشاهدات وملاحظات على الاختبارات وحصص انتظار
وجالسة احضر نفسي لدخول الحصص بدون تقيم عشان اشوف نفسي كيف
ولسى احس نفسي مو متهئة اني اشرح واحس انه اسبوعين مايكفي بس احسن
لنا الصراحة كرفف غير طبيعي
وو
طلبو منا نشاطات اذاعة وترتيب لنا جهه عشان يرنع اسمنا فيه وو
خطط فردية قالووو اهم من دخول الفصل نفسسسسسسسسه
وبس




شكرا للي فتح الموضوع واستفدت من
نورة الامورة
وعندي سؤال ياليت تتكلمين عن اللي شرحتيه بشكل تفصيلي عن ملف في اللي في بيناتنا وتحضير الدرس والخ
و
M_Alnoaimi (http://www.ckfu.org/vb/u183187.html)

[M_Alnoaimi]

فهد
أسبوعين فقط ... لأن في دفعه ثانيه بتجي المدرسه

[M_Alnoaimi]

المهره
حبيبتي انا شرحت علوم وأخذت كتاب من المعلمه عشان اشوف الدرس اللي بدرسهم
كان الدرس عن سلاسل الغذاء عن الحيوانات شنو تأكل وكذا فا كان سهل وكان عندي طالبتين فقط والحمدالله أفهمو الشرح وبس
ومعلمه الفصل ورتنا ملف طالبه طبقت من قبل واسوي شرح وتحطيم عنوان والفصل واليوم والتاريخ وكذا
والحمدالله خلصت والمعلمة اللي شرحت قالت ممتازه
وبالتوفيق للجميع

[لحظات صدق]

يعني عادي تقيم المديرة والمدرسة ناخذه احنا ونرسله؟

[M_Alnoaimi]

على حسب المدرسه
احنا عطونا وبنرسل له من اميلنا إلى المشرف

[^ المهره ^]

المهره
حبيبتي انا شرحت علوم وأخذت كتاب من المعلمه عشان اشوف الدرس اللي بدرسهم
كان الدرس عن سلاسل الغذاء عن الحيوانات شنو تأكل وكذا فا كان سهل وكان عندي طالبتين فقط والحمدالله أفهمو الشرح وبس
ومعلمه الفصل ورتنا ملف طالبه طبقت من قبل واسوي شرح وتحطيم عنوان والفصل واليوم والتاريخ وكذا
والحمدالله خلصت والمعلمة اللي شرحت قالت ممتازه
وبالتوفيق للجميع
احنا قالو نقص كتب وبصور كتاب طالبه الاحد يعني الدروس الللي باخذها حلو الحمدالله فالك النجااااح:d5:

[M_Alnoaimi]

ايه وفي البعض يصورون كتاب طالبه عشان الشرح

[بسمه شوق]

ما شالله عليكم استفدت كثير من تجاربكم
بكره اول يووم لي << الله يعديها على خير وقالو بطبق في متووسط ولاثانوي
لان الابتدائي مكتفين
والف مبروووكات للي خلصوووو

[^ المهره ^]

طيب ممكن احد يعلمني او يحط:(269):
رابط نموذح تحضير الدرس وكتابه البيانات وشكرا

[فزاعة]

صباح الخير على الجميع
لو تكرمتوا بنات اي وحده طبقت وسوت ملف وخطه فردية مرحلة المتوسطه وسوت وسائل وانشطة
ياليت تنزل لنا صور علشان نعرف الطريقة ..


وربي يوفقكم ويسهل امورك ويجزاكم خير الجزاء .....

[M_Alnoaimi]

الله يوفقكم جميعا
ابحث في قوقل ويطلع لكم

[فزاعة]

الله يوفقكم جميعا
ابحث في قوقل ويطلع لكم

بحثت ماحصلت شئ :no:
اذا تعرفين مواقع معينه عطيني اسماءهم واكون شاكره :icon19:

[M_Alnoaimi]

ماعرف ياقلبي
بس قولي حق معلمة الفصل توريج نموذج إحدى طالبات التدريب

[^ المهره ^]

الله يوفقكم جميعا
ابحث في قوقل ويطلع لكم


وانا بحثت يطلبون منا اعداد كتابي وليس نسخ ولصق
بس ابغا الخطوات وشكرا
اصلا المعلمات مارضووو يعطونا التحضير ممنوع لازم من اجتهادنا ووعلينا انه نتعاون اللي سوته تحط لنا او نموذج تكفففوووون :mh12:

[لا جديد]

:o
بسم الله عليكم ماشاء الله يا الي طبقتو وقيموكم
انا باقي أمشي على بو بارد
طاللبه وحده أدري
بكرى ببدى أشرح لها ان شاء الله

وسويت عرض
وباخذ معاي حيوانات ومع الشرح
وان شاءاالله يكون سهل
طبعا مع التحضير

[فزاعة]

بنات اللي طبقوا وانتهوا تكفون نزلوا تحاضيركم وملفاتكم ساعدونا جزاكم الله خيير :Cry111:

[M_Alnoaimi]

لاجديد
الله يوفقج ويسهل عليج حبيبتي ♡

[M_Alnoaimi]

فزاعة
ودي بس ماعرف

[التوليب]

البنات اللي يقولون ماعندهم كتب واضطروا يصورون كتب الطالبات حبيت افيدكم بشغله ولو اني جايه متأخرره
المهم هذا تطبيق عالايباد والايفون تقدرون تحملون منه المواد بكل سهوله لاي مرحله

المناهج الدراسية
https://appsto.re/us/WIwNB.i

واتوقع فيه نسخه للاندرويد لكن انا ماتعامل معها ولا اعرف اجيب روابط لها


ان شا الله اكون افدتكم

على فكره انا استلمت الخطاب وللحين مارحت
الله يفرجها علي وتعدي ظروفي

[M_Alnoaimi]

الله يوفقك حبيبتي ويسهل عليك

[ms.Gd3h]

الحمد لله اخر يوم لي بعد دوام 3 اسابيع
الظروف شوي كانت ضدي جيت ب اسبوع كله اجتماعات واختباراات فالمدرسه
لكن الحمدلله على ما تسير ودائماً اقول لعل ب الامر خير

-اول اسبوع كان مشاهده

-ثاني اسبوع شرحت حصة رياضيات + حصه مراجعهه وورقة عمل
شرحت حصة قران
وسويت نشاط لاصفي انا وصديقتي عن تسوس الاسنان وكان ممتع جداً

-لاسبوع الثالث
كنت احضر مره تغيب الطالبه الي اطبق عليها ومره المعلمه

* كان اليوم اعمل درسي النموذجي
اخترت لغتي درس بطاقة تهنئه
والحمدلله تيسرت لي الامور
عملت عرض وجبت وسائل مساعده للشرح وورق عمل

*وايضاا سويت جلسة نطق فرديه لنطق صوت حرف الثاء

طالبتي جداً ذكيهه لكن خجوله جداً جداً الاول لازم تتقبلكك عشان تطلعين
كل امكانياتهاا

التقييم قالت لي المعلمه انو المديره راح ترسلهه من ايميل المدرسه وللاسف ماشفت تقيمي
لان المديره طلعت وحضرتلي عنها الوكيله وهن اللي قيموني

هذي يومياتي المتواضعه والمختصره
ربي ييسرلكن اموركن جميع ..

[M_Alnoaimi]

حلو تطبيقك حبيبتي
وبأذن الله التقيم كامل الله يوفقك حبيبتي

[نورا البارقي]

سلام بنات كيفكم
ابيكم تساعدوني عندي حرف نون ابي الهد التدريسي له
بسالكم انا المديره اعطتني ٤ مواد رياضيات ولغتي وعلوم وتوحيد
انا شفت شرح ل لغتي ورياضيات وستفتدت اما توحيد والعلوم ماشفت ولي اسبوعين اداوم الاسبوع كانت معلمه الماده
تقولي اعطيهم اي شي وكانت تجلس والاسبوع ذا ماجات ابد لان معلمه لغتي ورياضيات غير وتوحيد والعلوم غير
والمديره تقول من الاسبوع الجايه ابدا اعطي دروس هل يحق لي ارفض الماديتين ذي الي ماشفت شرحها مادي كيف تحضيرها ولادري
وش اعطتهم وايش ماعطتهم وربي بنجن

[نورة الامورة]

ms.Gd3h انتي وين طبقتي ؟؟؟؟

[نورة الامورة]

الحمدلله ربي العالمين خلصت التطبيق وكان التقييم ممتاز ولله الحمد الحين راح اكتب لكم كل شي بالتفصيل الغير ممل بحاول اختصر لكم واهم شي تعرفون ان التطبيق السمعي يختلف عن صعوبات تعلم علشان كذا بنات سمع خليكم مع بعض الحين نبدا الوصف
1- اول ماتروحين تاخذين 4 اوراق معاك (خطابين الي من تربية والتعليم مع خطاب التوجية من مكتب التربية وهذا الخطاب صورية وخلي عندك نسخة منه وصورة من بطاقة الاحوال )تسلمينه للمسؤله عن المتدربات
2-دايم يكون معاك دفتر ملاحظات علشان تكتبين كل شي واهم شي تكتبينه الحصص الي حضرتيها مثل (يوم الاحد الحصة الاولى رياضيات عند خامس \الحصة الثالثة علوم عند اول وهكذا )سؤال ليش ؟؟علشان تسوين جدول تكتبين في الحصص الي حضرتيها وتحسبلك 60 ساعة والمهم انك تحضرين في اليوم 3 حصص الافضل انك تنوعين في حصص المواد مع مراحل
3-قبل ماتدخلين الفصل لازم تستاذنين من معلمة الفصل اذا سمحت لك ادخلي واذا رفضت روحي فصل ثاني واذا كلهم مارضو في هذي الحالة تروحين الى المشرفه وهي بتساعدك على العموم وكل متعاون
4- اذا دخلتي للفصل الافضل تجلسين بجوار معلمة الدمج وتشوفينها كيف تتعامل مع بنات الدمج وطول وقت الحصة لاتسالين عن شي الى ان تنتهي الحصة ولا تتملحين مع البنات حتى لو كلموك اثناء الحصة حتى ماتسببين ازعاج لهم
5-يفضل الاسبوع اول تدخلين كل مراحل الدمج والافضل تركزين على مادة لغتي ورياضيات والعلوم لان فيها وسائل تعليمية كثيررة راح تفيدك في التطبيق
6- قبل نهاية الاسبوع لازم تحددين المادة الي تبين تطبقين فيها علشان بداية الاسبوع الثاني تكونين مع معلمة المادة خطوة خطوة في كل شي (ولازم تمشين على منهج معاه )
7-قبل ماالتطبيق بيومين اطلبي من معلمة المادة انك تقدمين درس توجيه على بنات الدمج بحضور معلمة المادة علشان هي تقيمك وتعطيك ملاحظات قبل درس التقييم (اذا حاسة نفسك انك تحتاجين وقت لاتستعجلين حتى لو عديتي 12 يوم التقييم مرة وحده بس مايعاد
8-الملف التحضيري مهم جدااااا لانه كل شغلك في طيب وش نحط في الملف نحط في الخطوات التالية
(1-سيرة ذاتية عنك مثل اسمك\ الجامعة \سنة التخرج \المادة الي بتعطين فيها \عندك خبرات \التخصص)
(2الاهداف الخاصة للمادة الي راح تطبقين فيها بتلاقينه في النت )
(3جدول الفصل الدراسي للفصل الي راح تطبقين في مثلا صف اول ابتدائي وش جدولهم الاسبوعي مع تلوين المادة التطبيق
(4جدول الحصص والايام الي حضرتيها من اول يوم الي قبل يوم التطبيق علشان يعرفون عدد الحصص الي حضرتيها
(5توزيع المنهج تاخذية من معلمة الماده علشان يعرفون انك ماشيى مع منهج موتاخذين درس على كيفك
(6ورقة التحضير او يسمونها دفتر التحضير موجودة في النت لاتسوين قص ولصق بس تكتبين الشي الى راح تطبقينا مع البنات لانك محاسبة على كل شي مثل اليوم \التاريخ\المادة\الموضوع\الصف\الوسائل المستخدمة\التقديم \ التدريس \التدريب 0
(7ورقة عمل بعد ماتشرحين الدرس وتحلين مع بنات في الكتاب تسوين ورقة عمل ولازم تقييم البنت في نفس الوقت حطي بس سؤال او سؤالين لاتكثيرين )
(8مهارات الطالبة تاخذينها من معلمة المادة او من النت موجودة
(9كل الوسائل الي استخدمتيها مثل صور اوراق مكتوبة حطيها في الملف توثيق لعملك ....كذا خلصنا ملف )

9(مهم تعزيز الطالبة وقت الحصة اما بوضع النجوم على كتاب او لوحة الشرف اذا في وبعد الدرس اعطيهم تعزيز مكافاة منك لهم
10صوتك لازم يكون جهور لانك تتعاملين مع فئة تعاني من ضعف في السمع
11-مهم جدااا اول ماتدخلين المدرسة انتي في عيون الجميع قدوة في كل شي مظهرك يكون محتشم الفاظك تعاملك \حفاظك على ممتلكات العامة مو تتركين مكانك غير نظيف باختصار انتي قدوة عيش دور المعلمة في كل شي بس من دون ماتعصبين على بنات
12-في نشاط صفي احنا سوينا لوحة عن احرف وارقام لغة الاشارة وحطينها في الساحة مع لوحة ثانية \
النشاط اللاصفي ماسوينها
13-بيانات الطالبة ترسلينها قبل ماتخلصين التطبيق انا ارسلتها بعد ماطبقة على ايميل الدكتور المشرف
14-بعد ماتخلصين تطبيق على خير ترسلين ورقتين حق التقييم مع اوراق الحضور والانصراف المدرسة هم راح يعطونك الاوراق الى الدكتور هو المفروض ترسلينه من ايميل الجامعة بس انا ماضبط مع وتاكدو من الدكتور المشرف العاام

تقريبا هذا الي عندي واذا في سؤال وعندي جواب ماراح اقصر معاكم وبتوفيق للجميع
وعلى فكرة تجربة رااااائعة جدا وممتعه استمتعوا فيها واعطو من قلب لان الفئة هذي تستاهل كل خيرر
(

[سم وعسل]

السلام عليكم ورحمة الله
والحمد لله والمنه على اننا خلصنا التطبيق وحصلنا علي الدرجه اللكامله
مكان التطبيق : معهد الامل للصم الدمام المرحله الابتدائيه
الزمن : 25/12/1435
اول يوم كان الاستقبال جميل من ادارة المعهد متمثلا بالاستاذه هدى الشايجي بارك الله بجهودها
كنا تقريبا 15 متدربه من جامعة الفيصل
اول يوم جمعتنا الاستاذه وزعت جدول الحصص وقسمتنا علي الفصول كل فصل فيه متدربتين
بالاسبوع الاول كنا نشاهد ونحضر للمعلمات ومعنا دفتر ندون طريقة الشرح الاستراتيجيه التي استخدمتها المعلمه بالاضافه لوسائل التعليم والتعزيزات المناسبه تعرفنا علي طالباتنا ايش التعزيز اللي يناسب كل طالبه افضل استراتيجيه تتناسب مع الطالبات
طبعا استفدنا كثير من طالباتنا بتعلم الاشاره
الاسبوع الثاني اخترنا المعلم المتعاون واجتمعنا فيه كيف نحضر والدرس المطالبين بتحضيره وشرحه
المهم معلمتنا المتعاونه كانت مثال للتعاون والاخلاق والابتسام الاستاذه اماني العلقم معلمة لغتي للمرحله الابتدائيه
كان مطلوب منا ملف انجاز يحتوى علي السيره الذاتيه - جدول الحصص - الاهداف العامه لتدريس الصم - امور يجب الاخذ بها لتدريس الصم القراءه والكتابه -لغتي فاصل لغتي احتوى علي الاهداف العامه لتعليم اللغه العربيه في التعليم الاساسي- اهداف التعليم في المرحله الابتدائيه-اهداف تدريس ماده لغتي الجميله للصف الرابع الابتدائي-توزيع منهج ماده لغتي - اخذته من المعلمه المتعاونه- تحضير الدروس واوراق العمل لماده لغتي الصف الرابع كان عن الصحه والغذاء ودرس ناقله الامراض طبعا في بنات ينزلونها من النت انا شريت سي دي تحضير للمعلم للاستاذ بندر الحازمي تلاقونه بكل المكتبات انا جبته من مكتبة الاصمعي سعره 60 ريال
طبعا سويت بعد تخضير لماده الرياضيات واورااق عمل وعلوم ومنهج العلوم والدروس. واوراق العمل اخر شي كان فاصل عن الانشطه التي تم تفعيلها بمعهد الامل وكانت تتكون من الاذاعه الصباحيه واحتوت على موضوع تم عرضه على البرجكتر عن النظافه الشخصيه مسؤليتي وسوينا مسابقه كان تفاعل الطالبات جدا رائع بالاضافه لتقديم هدايا رمزيه تتكون من معجون اسنان وفراشاة ومناديل معقمه ومناديل تنظيف ومساويك للمعلمات وريحان
والنشاط الاخر كان تكريم للمشرفه والمعلمات وتفعيل الاركان للطالبات وكان ركن لنقش والحنا للطالبات وركن للرسم والتلوين وركن للصلصال والمعجون والرسم بالرمل بالاضافه لحفل الاستقبال للمعلمات المتعاونات والمشرفه تحت شعار بيدي كسرت حاجز لمتدربات جامعة الملك فيصل
نال النشاط على استحسان الجميع ولله الحمد.
طبعا انجازنا نزلناه باليوتيوب باسم فديو حفل متدربات جامعه الملك فيصل التعليم عن بعد في معهد الامل للصم بالدمام
اشكر جميع من تعاون معنا من المديره رفيعه البيشي والاستاذه سمر فلمبان والاستاذه المشرفه هدى الشايجي ومعلمتنا المتعاونه اماني العلقم وبدريه العصيمي والباقيات لايحضروني الان لهن جزيل الشكر واحلا معلمات المستقبل حبايبي اتذكرهم وابتسم
صالحه الزهراني - جواهر الزهراني - دلال الغامدي - عهود الشهراني - رحاب الجوهر - نجلاء المليحي - الهام الغامدي - دلال العبيد الله -رحمه البارقي - رنا الغامدي -عبير القحطاني - مرام الشمري- حليمه الشهري - هند الجعيد - ايمان الحفه
كنتن ومازلتن خير اخوات وزميلات
ايام التطبيق لاتنسى ومن اجمل الايام

[سم وعسل]

على http://www.youtube.com/watch?v=qUGsXNNNosQ —— Powered by #Free Video# https://itunes.apple.com/app/id585549561

[M_Alnoaimi]

يعطيكم العافيه سم وعسل

[لحظات صدق]

بنات في احد طبق لمرحلة متوسط

كنت اتمنى ابتدائي بس فل

[M_Alnoaimi]

انا ابتدائي

[أم فجر]

انا ابتدائية رياضيات صف اول بنات ابي منكم افكار ساعدوني الله يسعدكم ومين اخذت مادة الرياضيات ياليت تكتب لنا تفاصيل عن التتطبيق

[M_Alnoaimi]

أم فجر
انا صف ثاني وأخذت علوم ..
شفت كتاب المعلمه وشنو الدرس اللي بشرح للطالبات وكان عن شنو تاكل الحيوانات وجبت لهم صور حيوانات والأكل وكذا والحمدالله

فا انتي شوفي الدرس اللي بتشرحين لهم وأول سهل وجيبي لهم أرقام وعلى حسب الدرس

بالتوفيق حبيبتي

[كودرد]

بنات مين طبقت في مدرسه لحالها :bawling: كيف كان وضعها احس بتكون الانظار عليها

[M_Alnoaimi]

انا المدرسه كان 6 بنات
كودرد
ليه ليكون انتي بروحج :eek:

[سموتي]

انا طبقت بالمتوسطة اللحالي حضرت حصه وحده مشاهده وبعدها مسكوني تربية اجتماعيه وحديث وتفسير وقرآن وتجويد طبعاً اول متوسط ماصدقوا يجيهم احد وقالوا لازم تختبرينهم اختبار الفترة وتحطين اسئلة نهائية واللحين لي 4 ايام ادخل عليهم بمعدل حصتين يوميا ولحد الآن ماحضرت المعلمه جدا خايفه عشان التقييم وزياده البنات عندهم بقايا سمعية لكن لاتعلموا لغة اشاره ولا كتابة ولاشي مستواهم مايزيد عن خامس ابتدائي

[نورة الامورة]

ام فجر انا اخذت رياضيات اول ابتدائي انا كتبت كل شي في نفس الموضوع ارجعي وشوفي وش كتبت

[نورا البارقي]

اااه بس من جد فيه مدارس ماترحم انا بنجن كل يوم يطلعون لي بسالفه عاد الحين المديره بعد 3اسابيع تقولي ايش يعرفني ان ذي الورقه صدق ليه مو مختومه من الاداره قصدها ورقه التوجيه الي المدرسه اقسم بالله غصب مسكت نفسي جاتني غصه وبعدها شرحت وقالت المدرسه شرحك تمام بس صياغتك لاهداف غلط عاد هنا ماتحملت جد بكيت احس كل شي ضدي ويوم هديت وكل شي قالت المفروض تطبقي شهرين لانها 60 ساعه كل يوم ساعتين وابكي زياده انا تطبيق حقي كرهته من قلب ابي اخر يوم يجي وبس صراحه كل يوم يكسرون خاطري اسال الله الصبر :Cry111:

[صدى السنين]

السلام عليكم ورحمه الله
الحمد لله خلصت التدريب وكان حلو بس لازم العك شوي
وانتي يانورا كلميها قول الجامعه محدده اسبوعين ويومين بس واذا ما تعاونت معاك كلمي مشرفكم يمكن يشور عليك بشي والله يوفقك يارب

[سم وعسل]

منجدها شهرين وش هالاستغلال
قولي بس اسبوعين ويومين ووريها الخطاب مذكور فيه المده ترا وستين ساعه محسوبه بالدوام حتي حصص الاحتياط محسوبه لك وش هالاستغلال لاتسكتين

[M_Alnoaimi]

نورا حبيبتي
الله يعينج الصراحه بس اصلا أسبوعين ويوم فقط
لازم تكلمينهم واذا ماسمعت الكلام كلمي المشرف وهو بتصرف معاهم فديتج
والا لازم أسبوع مشاهده والأسود الثاني تشرحين ماده فقط انا كذا والحمدالله
الله يوفقج ويسهل عليج حبيبتي ♡

[سموتي]

نورا البارقي أنا سوو نفس الحركة معاي استقعدوا عند 60 ساعه تقول لازم ستين اسبوع لاحظي وابغى افهمها ماقدرت بس الحمد الله انا موظفة وكلمت مديرتي بالمدرسة الثانيه واخيراً فهمتها ومعلمة السمعي غايره مني تقول ليش 12 يوم وتخرجون وتكونون بكالوريوس احنا درسنا انتظام تعبنا وشقينا وانتم بالساهل مثلنا على اساس احنا ماتعبنا ولاسهرنا وبالنسبة لتطبيق المواد طالبوني اختم المناهج لهم ب12 يوم واختبرهم اختبارات فترية والاسئلة النهائية اكتبها واعطيهم اياها استغلال مابعده استغلال غير الوسائل اللي بلغة الاشارة ومعلمة سيئة بكل المقاييس تمدح بنفسها وتسب الطالبات وبكل بجاحه تقول غبيات يجيبون المرض لكن انا احتسبت الاجر في هالبنات وعندي أمل وثقة بقدرتي إني راح اكون اكفأ من معلمتهم وراح يفهمون علي

[M_Alnoaimi]

:)

[^ المهره ^]

الحمممممممممد الله خلصصصصصت تطبيق وعقبال الاختبارات نعديها بسلام
كان تطبيقي حلو وتجربة مميزة بحياتي ولابد من بعض الصعوبات بس احنا قدها
واقدوود وشكرا عائلتي ولكل من وقف معي بهذه المدة وشكرا لكل المدرسة
-
الصراحة الكل استغرب انه احنا اسبوعين يبون اكثر عشان الاعباء يحطونها علينا

اي واللي تبغاه اي مساااعدة انا حاضرة وبالتوووووووووووووووفيق لنا جميعا :004::004::004:

[^ المهره ^]

اي وتقايمنا قالو اهم بيرسلونها ولاعرفت درجتي سسهل يامسسهل علينا كل صعب

[M_Alnoaimi]

مبروك حبيبتي المهره

اكتبي لنا تجربتك

[سم وعسل]

ووين طبقتي احنا طبقنا بمعهد الامل للصم وعطونا تقيماتنا وهم بيرسلونها

[M_Alnoaimi]

:D

[شذى الأيام]

خلصت ولله الحمد التطبيق
كانت تجربة جمييييييلة بكل المقاييس

[M_Alnoaimi]

مبروك حبيبتي ♡
أتمنى تكتبين التجربة

[نورا البارقي]

السلام عليكم كيفكم بنات
ابشركم خلصت تطبيق ويارب لك الحمد درجه كامله:mh001:
بس الحين ابي طريقه الي ارسل فيها تقييم ورقه البيانات واكون شاكره لكم :004::004::004:

[M_Alnoaimi]

مبروك نورا
أرسلها إلى اميل المشرف حقك

[ســـديم]

ماشاء الله تبارك الرحمن عقبال ماتعدون الاختبارات

وتكمل فرحتكم بالتخرج


الله يسهل عليكم


ياليت تكتبون كل شي عن تجاربكم عشان نستفيد من بعدكم

بنات السمعيه عددهم مرررررره قليل :(

[ســـديم]

رفــــــع

[M_Alnoaimi]

سديم

امين حبيبتي

ياليت والله خاصه السمعيه قليل وياليت تكتبون تجاربكم عشان الكل يستفيد

انا الحمدالله خلصت التطبيق وماعندي اختبارات لان خلصت كل المواد