رساله الى جميع طلاب وطالبات قسم اجتماع خامس

[بدر البدراني]

المحاضرات المباشرة اعتقد انها بدت اذا تكرمتو لحد يسئل اي دكتور من اي ماده انت بتعيد الأسئلة حقت الأعوام اللي فاتت رجاء وطلب مستوى خامس جداً سهل ويحتاج مذاكره من بدري والاخوه والاخوات حقين المذاكرة الجماعية مو مقصرين استفدنا منهم بالترام اللي فاتت ربي يوفقهم شاكرا للجميع تعاونهم معنا

[محمدالزهراني]

أحسنت وصوتي معاك أتمنى عدم ذكر أي شيء يخص اسئلة الأختبار .

[بيرو+a]

مااظن في فايده في ناس من خارج المنتدى اصلا باين من اصواتهم وطريقه اسئلتهم انهم مش فاهمين شي هم الي يسالون

[TaT]

من مستوى أول وحنا نعيد ونزيد ولا فيه فائدة

[نوره السبيعي 00]

كنهم جديدين على الجامعه الحمد الله الكل متعاون معانا ماقول المشكله هذا سوال ينسال حق استاذ بتعيد نفس الاسئله لو اني بداله واحد يسالني كذا وانا جيب نفس الاسئله عشان اسهل عليكم بغيرها لان كل شيء يبي له جد واجتهاد وبتوفيق للجميع

[مــجــازفــــ]

صدقني مافيه فايدة من هذا الكلام فيه ناس ما يعرفون المنتدى وفيه ناس موسوسين لازم يسأل هذا السؤال وفيه وفيه وفيه الله يعين وربك يسهلها

[رائد11]

أحسنت يا أخي بدر ...
أتمنى من الأخوه والأخوات الأختصار بالأسئلة على المادة وكيفية مراجعتها فقط ، وأن لا يتطرقو لأسئلة الأعوام السابقة " وبالمناسبه في بعض المحاضرات المباشرة سمعنى هالسوؤال كثير من احد الطلاب عن أسئلة الأختبارات السابقة بتكون جزء منها في الأسئلة ، جواب الدكتور بأنه سيكون جزء مشتق منها أو مشابهة لها ؛ ونتفاجأ بعدم وجود سؤال واحد من الأسئلة الماضية أو متشابهه معها...!
بعض الدكاترة جزاهم الله خير ما أدري هو ناويها ولا راحة عليه نسيان .

"والله يوفق الجميع لما يحبه ويرضاه"

[طيف المدينه]

اكثر مايسالون البنات ويقولون لدكتور وهم يضحكون دكتور نذاكر الأسىله الأعوام وإدا قال الدكتور لا طيب دكتور نركز عليها هذا الحصل عندنا كل الأترام السابقة احس بس بيقهرونا الله يهديهم

[لنو!]

هذا موضوع عدنا وزدنا فيه ومامنه فايده يعني فاتح موضوع على الفاضي افتح شي منه فايده

اسفه بس ودي القى لك موضوع له فايده يفيد الطلاب ملزمه او جداول او اسئلة او شي بس تتذمر وتعلق وتتشرط بجهود الطلاب بعد وسوو ولا تسوون !

[بدر البدراني]

الله يهديك يلنو ! مشالله عليك اسمك كله تعجب في تعجب انا اذكر ماتشرط ولا اهل العقول براحه عموما الله يوفق الجميع