الأمن .. وتتوالى المهزله ...!!

[غــرام الــورد]

السلام عليكم ورحمة الله وبركاته ..

أول شي مبروك انتهاء ازمة الاختبارات وموفقين يارب :love080:

بصرآحه ماادري وش اقولكم يعني قبل كنا نقول ممكن نتكلم ونوصل مشاكلنا

بـ المنتدى ذا لكن للأسف محد حولك ..!!!!!!!!

الأمن مشكله بصراحه وأكبر مشكله .!!!!! يعني صحيح دورهم ووجودهم ضروري في الكليه

لكن بحدود المعقول مو الاستهتار اللي صار اليوم ...!!! أنا طالبه بكلية الاداب لي كم سنه والله

من استلمت بطاقتي الجامعيه عمري مانسيتها واليوم لسوء حظي طلعت من البيت ونسيتها

لأوووووووووووووول مره ..!!!!!! وأتفاجئ لما دخلت الكليه ان الامن تقولي ماتدخلين الكليه

البسي عبايتك واطلعي وقالت الكلام هذا لكل الطالبات اللي نسوا بطاقاتهم صحيح اننا المفروض

ماننساها لكن في طريقه واسلوب افضل من كذا حنا في فترة اختبارات ..!! وهي كذا ..!!!

أجل البسي عبايتك واطلعي ..!!!

الحين مسوين تشدد وحركات علشان البنات مايطلعون واخرتها تفلها وتقول اطلعي ماعندك

بطاقه ..؟؟!! اضطريت اكلم اخوي يرجع البيت ويجيبها لي للكليه تخيلو المشوار ولكن الأدهى

والأمر إني لما جبتها سبحان الله تغير رأيها علينا وقالت ماراح ادخلكم الا بعد نص ساعه

وش المهزله ذي إلىىىىىىىىىى متى الاستهتار والاستهبال ذا ؟؟؟!!!!

وصلنا لمرحله جامعيه مافي اي تقدير لنا وكأننا طالبات روضه ؟؟!! صحيح بعض البنات

يتجاوزن الحدود لكن مو كل الطالبات مثل مانعاملهم بـ إحترام لنا حق بنفس المعامله

ارتقو شوي واتركو كلمة : الخير يخص والشر يعم :017: خلاااااااااااااص ملينا :bawling:

أقترح على الكليه انها تسوي دورات لكل موظفات الامن تعلمهم طريقة التعامل وأسلوب

الكلام وصدقوني راح تمشي الكليه تمام :cheese: وشكررررررررا ....

[متى نلتقي]

واللة كل كلمة قلتيها صح مئة باالمئة
وربي هالمهزلة لمتى بتستمر :017::017:

[celina]

الله يعينا

ايوه جيت الصبح وشفت الزحمه اللي مسوووينها

والامن وش نقول وش نخلي حدث ولا حرج


وبما انك جبتي سيرتهم


تخيلي امس منزلين الجداول حقت تسجيل المواد
وطبعا حركات همجيه معلقينه ع الجدار وشوفي الزحمه

يعني بالله ارقام crn يبيلها دقه شلون نكتبها ونركز بين مية ورقه وألف رقم
ومية بنت


وغير كذا تجيك الامن وربي بكل وقاحه تقول بنات يالله مع السلامه

خخخخخخخخخخخخخخ

خير وشو مع السلامه

تطردنا يعني عيني عينك ؟؟؟

بالله من تكونين حضرتك ومن عطاك الحق اصلا انتي امن مكانك عند الباب

مو ورا البنات حتى بالحمامات استغفر الله
حتى واحنا نسجل الجداول ورانا


هذا مستقبلنا لو طلعتنا وراح علينا التسجييل وش بتفيدنا فيه هي وخشتها


مالت بس مدري على وشو معصبه ووش حارق رزها

كان وزعوا علينا الجدول وصاروا ناس متحضرين
ارحم من الحركات المتخلفه اللي يسووونها


ولا الجداول اللي رامينها عند الباب عشان البنات ياخذونها خخخخخخخخخخخخخخ
وربي مت من الضحك اجل زحمه وحوووسه البنت فاضيه تنحشر تدور الجدول

والله الامن صغيرين مدري متى يكبرووون !!!!!!



يعطيك العافيه يا قلبو وحاسه فيك =/

[غربـة روح]

همج لاويبونا نتحضر ونعم الهمجية :no2::no2:

[كبريآئي روآيه]

والله لو انا منتس

لعنت جدن جابها

خذيها قاعده طولي لسانتس عليها قسم تصير

مثل الرمه ماتعرف تحرك براطمها الجربا



صدقيني انا كنت احترمهم واحترم نفسي مااحب ابين اني وقحه


وبعدين كل شوي يسون لي مشكله لاني انتساب ولي ايام بالاسبوع اداوم فيها


المهم

صرت اقارن بين البنات اللي يراددونهم وبيني

فرق شاسع اللي لسانها طويل يحترمونها ومايقولون لها شي لو هي مخالفه

واللي تسكت وتبين انها اخلاق يمسحون فيها الارض



فقلت ليه ماالعن اشكالهن واسكتهن بالرد


وتعالي شوفيني وقت الاختبارات من نافخت على وحده منهن


وافحمتها بالهوشه قسمن ماتعرضولي من بعدها



خليتها قرش ماتسوى


ماناقصنا الا هذولي في الليل تبيع طرطيع وفصفص

وكلن ينافخ عليها وبالصبح مسويه فيها يعني اني ماشيه على النظام


لابووك ولا ابو نظامك يالجرباء


ولابوووووووو كليتهم المخيسه بحق


ان شاء الله افدتتس بردي :hahahahahah:

[خريجة1427]

هايات بناااات...
انا متخرجه من كم سنة ... لا يكون الامن باقي هذولاك المسترجلات لابسات لبس عسكري ومعهم وحده دوووووبا... خخخخخخ ياقدمكم يابنات طلع غبار يوم قلتو امن خخخخ...:119:

[ثلجه فوشية]

ههههههههههههههههههههههه

والله مهزلهـ

احس احنا بجامعه اي شي

[بنت الشوق]

اي وربي همج بمعنى الكلمه:cheese:
وترى سالفه انها تقول منتي داخله واطلعي ومدري ايش ترى ماهو بكيفها
هم كذا دايم واقعد انشب اليين تمر نص ساعه وادخل من فوق خشمها>>قويه
من جد يقهروون خااصه ذيك النتفه ام شعر قصير:017: يااناااس اول ماادخلت بقررره مااتدلها
والحين اسمع صراخها وانا نازله من الباص من جد استقوو
الله يصبرنا على ذا الحيوانات بس:hahahahahah:

[ثلجه فوشية]

اي والله صدقتـــي،،

انا انزل من السيارهـ واسمع صراخهم،،

(صوت المرآهـ عورهـ)

[محيرتهم]

((أقترح على الكليه انها تسوي دورات لكل موظفات الامن تعلمهم طريقة التعامل وأسلوب

الكلام وصدقوني راح تمشي الكليه تمام :cheese: وشكررررررررا ....))

أنا معآآك في هاذي النقطه

[Fruits]

السلام عليكم معاكم حق بس الأربعاء إلي صار يبغون يمسكون بنت حتى يوم جيت عشر دخلوني من العلوم والاداب للخروج وحده وحده وبصراحه معاهم حق يسسووون هالتصرف لأن بالآخير إذا البنت طلعت مع واحد جاء ولي الأمر وحط الوم على الكلية فهم كذا لازم يشددون على البطاقات يعني ممكن البنت إلي مو جايبه البطاقة تكون مو من بنات الكلية وانا معاكم أن أسلوبهم زفت ماعدا أمن التاريخ خاصة عواطف يازينها :119: