ابرز ما جاء في المباشرة "2" ادارة المشاريع

[بيــــان]

السلام عليكم

ابرز ما جاء في المباشرة ادارة مشاريع للدكتور / عبد الله سراج
.

تكلم عن المنهج وقال المنهج بسيط واخذ يرد على الاسئلة اللي كها عن الكتاب وانه غير متوفر

قال طالب ملقوف موجود في مكتبات الرياض :mad:

المهم قال الكتاب ملزمين فيه وانا لما وضعت الاسئلة كان الكتاب امامي .
!

قال مافيه مسائل حسابية
قال ممكن يجيك سؤال عن العملي بس لا يحتاج حساب مثل :
مسار بيرت و المسار الحرج
.
ذكر امثلة وكتبها
بيرت يستخدم الانشطة ع السهم
المسار الحرج الدوائر فيه تعبر عن الانشطة
في بيرت لا نحتاج الانشطة الوهمية
في المسار الحرج نحتاج الى انشطة وهمية
..
قال اسئلة الواجب مهمة و كذلك المناقشات
..
خلال يومين يكمل بقية المحاضرات والتنزيل من جهة العمادة
..

سألته عن جزئيات في المحتوى وليست في الكتاب مثل انواع التخطيط وفوائده قال نعم اضفت لكم

يعني تاخذ المحتوى وتشوف عنوان المحاضرة والكتاب للي بيتفوق !

سؤال عن من يذاكر المحتوى فقط كم درجة ياخذ برايك ؟ قال درجة عالية
..
سؤال
العمادة ملزمتكم بذكر الكتاب لكي لا يكون هناك مشاكل قال نعم الطالب الجامعي لابد من مرجع له
..

رحب باي سوال وتواصل معه في اي وقت

وهذه ارقام التوصل مع الدكتتور :

الايميل
abdu99@hotmail.com
جوال المقرر
0563373834
الساعات الكتبية
الاثنين : 9 ص- 10.30 ص
الاربعاء : 10.30ص - 12 م

بالتوفيق للجميع

.

[احساس جامعي]

الله يجزاك خير يابيان

وانا اقترح نعمل ورشة عمل خاصه للماده

[OS7]

ليش كل هالتعقيد علشان الشخص يأخذ تفوق في مقرر المشاريع اللي من المفترض أن تكون مادة عملية وليست نظرية , ثانياً الدكتور على باله أننا طلاب انتظام ! طلاب انتساب و عندنا مقررات أخرى من المفترض تكون سياسة المقررات كلها بنفس السياسة , مشكلتنا حالياً كل دكتور يحط النهج اللي بمزاجه للأسف , الله يعينا ويوفقنا جميعاً أما مسألة الكتاب فلن اتعب نفسي به فكل المقررات اللي بالسابق طلبوا الكتاب وفي الأخير المحتوى يطلع المحتوى كافي ...

[بنت السعوديةksa]

يطيك العافيه وجزاك الله خير .. انا فاتتني المحاضره اليوم .. وش قصدة ان ما في مسائل حسابيه

والكتاب ذا علامه ناشب لنا فيه والله ما يتوفر وش نسوي وبعدين هو بحد ذاته يقرأ المحتوى قراءة

حتى المسائل ماكلف يشرحها بخط يده والله .. الله المستعان يارب

[آبيات]

وعليك السلام ورحمهـ


مشكوووووور ع النقل ~عني ما راح اشتري الكتاب وراح اعتمد ع المحتوى فقط والله يوفق الجمييييع

[اميرةالذوق]

يعطيك الف عافيه اخوي ...والله المستعان على هالمادة يارب يسرها ويسر جميع المواد ..
...
بالتوفيق للكل ..

[maram_k]

يعطيك العافيه
جزاك الله خير بنسبه لي راح اعتمد على الله ثم المحتوى
بـ التوفيق لنا جميعاً

[Tornado]

السلام عليك اخوي بيان والله يعطيك العافية
من ناحية خبرتنا اتوقع المحتوى كافي الا اذا كان هناك اسئلة مراجعة اخر الكتاب والي شراء الكتاب ينزله لنا فضلاً لا امراً عشان نذاكره والله يوفقنا جميعاً.

[Tornado]

[QUOTE=بيــــان;11519100]


قال طالب ملقوف موجود في مكتبات الرياض :mad:



والله النوعية هذه ورانا ورانا كل سميستر يطلع ويسأل سؤال ما ادري هل هو غباء او نذاله ودك تطلع من شاشة الكمبيوتر وتصكه باالفارة وتكسر الكيبورد على راسه.

الله يعينا عليه ويستر منه في باقي المواد في المحاضرات المباشرة.

[غربة نفس]

انا لما وضعت الاسئلة كان الكتاب امامي..

^
صباح الخير
بحاول أحصل على الكتاب اذا لقيت أسئلة نهايته شريته
أما لو مالقيت منيب بشتريه لسبب واحد ما راح أستفيد منه
هو قيمته 17 ريال بس المشكلة مو هنا المشكلة ان موادي واجد هههه ما عندي وقت ..

من ناحية الطالب المجتهد اللي جالس يتفلسف بالمحاضرة حسبي الله عليه ونعم الوكيل
هذي النوعيه غريبه م أدري هو أجتهاد منه والا نوع من أنواع الغباء الذهني ..

بيان دمت بخير

[مجتهد جداً]

عفاك الله يا بيان وكتب اجرك وانا اخوك
وشكراً لك على التغطية الشاملة وفالك وفالنا التوفيق يارب ياكريم

[القائد الجامعي]

يااخوان انا راسلت الدكتور بلغته انه ما في كتب وغير متوفر
وهل المحتوى يكفي


وهد رده لي:

(( رد الدكتور عبدالله سراج ))

وبخصوص الكتاب انا اخذت نسخة من مكتبة جرير ويفيد الكثير من ابنائي الطلبة بانتهاء الكتب من المكتبة بالاحساء وتواجده في الرياض.
وحيث ان الكتاب مهم يمكن البحث عنه او استعارته من مكتبة الجامعة .
طبعا حاولت قدر المستطاع ان يغطي الشرائح المنهج المقرر، لكنه ليس عوض عن الكتاب ولاسيما للطالب الذي يريد الحصول على التفوق والتميز.
فالكتاب مهم بالاضافة الى اسئلة الواجبات واسئلة المناقشات .
مع خالص شكري وتقديري

[القائد الجامعي]

على العموم الا اشترى الكتاب الله لا يهينه فضلاً وليس امرا
يسدحه لنا هنا

وانا عن نفسي مكتفي بالمحتوى
اربع سنوات ما شريت كتاب جت على اخر سمستر

مانا شااااااااااااااااااري كتب

[ابو سطام9]

يعطيك العافية جهد جبار ومشكور علية وفالك نجاح

[B A N D R]

ياشين مصطفى ههههههههههه جاب العيد زي العادة

[n.islam]

السلام عليكم ورحمة الله وبركاته
أيش سالفت المادة ...؟
وكيف أختبارها هل هو نظري زي العادة أم كتابي ...؟ علشان الناس مركزه علي الكتاب ...!

[غربة نفس]

السلام عليكم ورحمة الله وبركاته
أيش سالفت المادة ...؟
وكيف أختبارها هل هو نظري زي العادة أم كتابي ...؟ علشان الناس مركزه علي الكتاب ...!


الاختبار عادي مثل الاختبارات السابقة
بس الدكتور يقول لما كان يحط الأسئلة كان الكتاب مفتوح
طيب عادي واذا مفتوح وين المشكلة :wink:

[Tornado]

الاختبار عادي مثل الاختبارات السابقة
بس الدكتور يقول لما كان يحط الأسئلة كان الكتاب مفتوح
طيب عادي واذا مفتوح وين المشكلة :wink:


صدقتي يعني هو قال الي يذاكر المحتوى راح يحصل على درجة عالية والي يشري الكتاب يحصل الامتياز

منك لله يامصطفى لازم يفتح موضوع الكتاب في المحاضرة المباشرة الله يستر لا يفتح علينا بابا ويسأل باقي الدكاتره واحتمال يترجاهم انهم يحددون لنا كتاب.

:007:

[غربة نفس]

صدقتي يعني هو قال الي يذاكر المحتوى راح يحصل على درجة عالية والي يشري الكتاب يحصل الامتياز

منك لله يامصطفى لازم يفتح موضوع الكتاب في المحاضرة المباشرة الله يستر لا يفتح علينا بابا ويسأل باقي الدكاتره واحتمال يترجاهم انهم يحددون لنا كتاب.

:007:

بإذن الله بشتريه وأخبركم وش يحتوي من أسئلة :(204):

[Tornado]

بإذن الله بشتريه وأخبركم وش يحتوي من أسئلة :(204):

الله يجزاكي خير مقدماً
:d5:

[القائد الجامعي]

سلااااااااااااااام

اخواني حبايبي...
مع احترامي للجميع ومعذرة
اي واحد فيه لقافه او يبي يطلع فيها ويتفلسف شاف عنده وقت الله لا يهينه لا يدخل المباشرات
هدا حنا سالفة كل سمستر يطلع لنا ملقوف ويجيب طاري الكتاب حتى لو الدكتور غافل عنه يدكره

يااخي اركد علينا شوي
العلم مقطع نفسه يعني منت قادر تبي معلومات اكثر يعني
خلنا نعدي هالترم على خير ونفتك

والله توني مخلص مداكرة المحاضرة 10 فر راسي فرررررررررررر

والمحاضرة 11 رجعنا اقتصاد الله يهديه والله افتكرت المحاضرة اقتصاد
حسابات وارقام
http://echo.kfu.edu.sa:8080/ess/portal/section/4821b008-2cb8-461e-a2ca-c9f36b71d180


لا وفيها كتاب بعد
معاهد نفسي مااشتري كتااااااااب :S_45:

المهم
انفوا وجود الكتاب في المكتبات
وصلوا اكبر صوت انه غير متوفر

مو يطلع لي فيها واحد يقول الكتاب متوفر في مكتبة فلانيه :agolakser:
روح اشتريه لنفسك وانت ساكت ولا تعلم احد وين يبيعوه بعد...

كأني شايف هالدوافير الا تتسأل عن الكتب معدله ما جاوز ال2.5 :sm5:


المهم اخواني ازعجوا هالدكتور بالايميلات انه غير متوفر
وان شاء الله المباشرة الثالثة انا بطوي له ركبه على الكتاب ان مانبيه
المحتوى يكفي وفيه معلومات تفي بالمقرر

[mona-a]

ألف شكر بيان

الله لا يحرمنا جهودك


ما حاهتم للكتاب ولا حشتت تركيزي

شوية المخ الي باقيلي يادوب استوعب المحتوى


الله يذكرك بالخير يا دكتور ملفي لو كان مسك المادة كان شي جميل ,, اتابع المحاضرات وأذكر ترتيب شرحه وسلاسة اسلوبه

[لاب توب]

[QUOTE=بيــــان;11519100]


قال طالب ملقوف موجود في مكتبات الرياض :mad:



والله النوعية هذه ورانا ورانا كل سميستر يطلع ويسأل سؤال ما ادري هل هو غباء او نذاله ودك تطلع من شاشة الكمبيوتر وتصكه باالفارة وتكسر الكيبورد على راسه.

الله يعينا عليه ويستر منه في باقي المواد في المحاضرات المباشرة.

هذا طالب مريض نفسي....
شكر على مجهودكم والله يفرج هم الاختبارات

[فـهـد الـروقي]

وش اسم الكتاب ومن المؤلف والنسخة بشوف في المكتبات اللي حولي
بس والله لا اشتريته بعلمكم وما اعلم الدكتور:)

[تميس وفول]

السلام عليكم ورحمة الله وبركاته
إنما الامم الاخلاق مابقيت فإن ذهبت اخلاقهم ذهبوا
اولا الدكتور وصى على الكتاب من المحاضرة المباشرة الاولى وقال انه قد وضع الاسئلة والكتاب امامه اي الاسئلة من الكتاب يعني شريت الكتاب ام لا لايوجد فائدة من ذلك اذا حبيت ان تكون متفوق وتواصل دراستك فابحث عن العلم واحب اقول لكل اخ او اخت غلط عليه سامحكم الله
ملحوظة العلم نور واقول للاخ الحمد لله معدلي يجعلني اواصل مجاستير بحول الله وقوته ولكم الشكر
ما يلفظ من قول إلا لديه رقيب عتيد

[بيــــان]

اهللا بالمجتهدين :biggrin:

انا اشوف ان المحتوى يكفي باذن الله !

الدكتور جديد والعمادة ملزمته بذكر الكتاب !

للي طلب صورة الكتاب والمؤلف هنا صورة اخر طبعة !

http://im85.gulfup.com/sX3Xol.jpg


بالتوفيق للجميع

[ẤĽSЙΪфRẪΉ]

الله يبيض وجهك بيـآن ماقصرت ..

كل التوفيق إن شاء الله

[ẤĽSЙΪфRẪΉ]

سلااااااااااااااام

اخواني حبايبي...
مع احترامي للجميع ومعذرة
اي واحد فيه لقافه او يبي يطلع فيها ويتفلسف شاف عنده وقت الله لا يهينه لا يدخل المباشرات
هدا حنا سالفة كل سمستر يطلع لنا ملقوف ويجيب طاري الكتاب حتى لو الدكتور غافل عنه يدكره

يااخي اركد علينا شوي
العلم مقطع نفسه يعني منت قادر تبي معلومات اكثر يعني
خلنا نعدي هالترم على خير ونفتك

والله توني مخلص مداكرة المحاضرة 10 فر راسي فرررررررررررر

والمحاضرة 11 رجعنا اقتصاد الله يهديه والله افتكرت المحاضرة اقتصاد
حسابات وارقام
http://echo.kfu.edu.sa:8080/ess/portal/section/4821b008-2cb8-461e-a2ca-c9f36b71d180


لا وفيها كتاب بعد
معاهد نفسي مااشتري كتااااااااب :S_45:

المهم
انفوا وجود الكتاب في المكتبات
وصلوا اكبر صوت انه غير متوفر

مو يطلع لي فيها واحد يقول الكتاب متوفر في مكتبة فلانيه :agolakser:
روح اشتريه لنفسك وانت ساكت ولا تعلم احد وين يبيعوه بعد...

كأني شايف هالدوافير الا تتسأل عن الكتب معدله ما جاوز ال2.5 :sm5:


المهم اخواني ازعجوا هالدكتور بالايميلات انه غير متوفر
وان شاء الله المباشرة الثالثة انا بطوي له ركبه على الكتاب ان مانبيه
المحتوى يكفي وفيه معلومات تفي بالمقرر







الله يسعدك :hahahahahah:

المصيبه وصلو لل8 وباقي يسألون عن الكتاب :sm18:

//

ع فكره تراني وريت الدكتور ردك هذا :tongue:

[القائد الجامعي]

الله يسعدك :hahahahahah:

المصيبه وصلو لل8 وباقي يسألون عن الكتاب :sm18:

//

ع فكره تراني وريت الدكتور ردك هذا :tongue:
.

يسعدك :hahahahahah:

المصيبه وصلو لل8 وباقي يسألون عن الكتاب :sm18:

//

ع فكره تراني وريت الدكتور ردك هذا :tongue:




:d5::d5::d5:

عااااادي :sm5:

حلو كان يتغير الراي ويكتفي لنا بالمحتوى

[ليمونة حامضة]

كويس يعني مافي مسائل حسابية ولا هم يحزنون


طيب الحين لو بذاكر المحتوى فقط يكفي صح؟؟

[رمـز]

كل الدكاترة يوصون على الكتاب لان هذا نظام الجامعة

اما في الواقع الاسئلة 90% ما راح يطلع من المحتوى

ريلااااااااااااااااااااكس يا خريجين

[almeaad]

الواقع ان الكتاب غير موجود ياجماعه في المكتبات
اللي عنده نسخه من الكتاب او الاسئلة الموجوده في الكتاب يرفقها

[almeaad]

على كلام مكتبة جرير ان الكتاب راح يكون متوفر على أقل تقدير من 3 الى 4 أسابيع
يعني بعد ما نختبر ونخلص

[أبو تركي الرياض]

جزاك الله خير ..