نتيجة التحويل

[سارةةة]

السلام عليكم ورحمة الله وبركاتوا :-
اود أن أسالكم عن نتيجة التحويل فأنا حولت من كلية الأداب الى التربية ومضى أسبوع ونصف والطلب اللذي ارسلته تحت الدراسة علما بأن معدلي 2 .719 واجتزت 26 ساعة :d5:

وأرغب بالتخصص رياض أطفال ؟؟:71: وسمعت أني أعيد سنة تحضيرية من جديد وانا درست بعض المواد في الأداب وطلبت معادلة من أجل التحويل وقالوا لي لآ يوجد فأغلب الطالبات يعادلون المواد اذ اني درست التحرير والصحة وبرامج الحاسب واللغة اجليزية عام وقراءة وكتابة ومهارات التعلم والتفكير وتسمى بمهارات البحث هل يعقل أنني أدرس هذه المواد وأنا درستها بالأداب:g2: ؟

والمعادلة في الموقع لمن أجي اسويها يرفض:eek: ؟ جامعت لأداب قالت روحي تعادلك الكلية اللي حولتي لها اي التربية والتربية تقول روحي لي الأداب وجيبي صورة من جدول المواد اللي درستيها من تاريخ المقررات الخاص بي الأداب يقولون عيدي من جديد كل المواد :sdfgdsf:

سؤالي هل أعيد دراسة المواد اللي درستها ؟ :mh12:
أنا حاليا معتذرة وقالوا لي الأعتذار فصلي وبالتقويم مكتوب سنوي والأعتذار عندي مقبول بس ما هو مكتوب جنب المواد اللي اخذتهم رمز الأعتذار في تاريخ المقررات الخاص بي وهل فعلا اعتذاري سنوي :eek:
وسألت الجامعة قالوا لي خلاص اعتذارك صحيح بعض البنات قالوا اخذوا ورقة انهم معتذرات في حال لو صار خلل بالموقع والبيانات الأعتذار راح يكون عندك ورقة خطية من الشؤون تثبت اعتذارك
اذا حولت لكلية التربية وقبلوني ان شاء الله متى راح أدرس ؟
الفصل الدراسي الثاني او هذا الترم ادرس :verycute:
بارك الله فيكم جميع

[الامبرطوره]

في المواضيع المثبته بالقسم
موضوع خاص عن المحولات
راح تلقين رد لاستفسارتك فيه

بعدها اذا باقي عندك استفسار
اسأليني وان شاءالله اذا عرفت خبرتك

موفقه ♥

[سارةةة]

هلا فيك مشرفتنا الأمبراطورة بارك الله فيك وجزاك الف خير
عنددي استفسار بخصوص نتيجة التحويل مضى اسبوعين وما جاني رد لحد الحين ؟ ومكتوب تحت الدراسة هل يلزم اني اراجع الجامعة وأسألهم بخصوص التحويل لأنه ما عندي علم بمدة انتهاء التحويل ؟

أعتذر عن أسئلتي الطويلة . وشكرا.

[الموده]

وانا بعد قدمت تحويل من العلوم ونفس استقساراتك ��

[سارةةة]

هلا أختي فيك بالنسبة لنتيجة التحويل فأنا سألت وأجابتني مشرفة الأداب بارك الله فيها وقالت انه النتيجة ما تطلع الآ بعد أخر يوم من التحويل للجامعة واللي يصادف يوم الأثنين 2 صفر الموفق 24 نوفمبر يعني بعد 9 ايام من انتهاء فترة الطلب للتحويل
-------------------------------------------------------------------------------------------------------------------------
بالنسبة لنتيجة التحويل ان شاء الله تجي بالموافقة . حاليا ننتظر .
بالنسة لي الأعتذار اذا كنتي معتذرة هذا الترم لازم تساوين اعادة قيد انقطاع للدراسة ويكون في تاريخ 20 يوم الأحد ربيع الأول الموافق 11 يناير حتى 27 ربيع الأول الموافق 18 يناير
-------------------------------------------------------------------------------------------------------------------------
اذا وافقت الجامعة لآزم تأخذين معك من جامعة العلوم صورة من جدولك لمعادلة المواد
ويكون فيه اخلاء طرف عند تحويلك لتربية . لكن ما عندي خبرة فيه وان شاء مشرفتنا تفيدنا فيه ؟؟
--------------------------------------------------------------------------------------------------------------------------
البطاقة الجامعية تتغير تطلعين بطاقة جديدة بأسم كلية التربية بدل من العلوم .
اقسام كلية التربية 3 أقسام :-
1- رياض أطفال
((يهتم بأعداد بيئة مهيئة ومناسبة للطفل من جميع الجوانب ))
2-صفوف أولية
((اعداد وتخريج المعلمين للصفوف الأعدادية ))
3-دراسات قرانية
((يختص بدراسات وعلوم القران الكريم وتفسيره وأحكامه )) وتقدرين تطلعين على رابط موقع الجامعة
لأخذ نبذة بسيطة عن الأقسام
----------------------------------------------------------------------------------------------------------
ان شاء افدتك بالأستفسارات اللي أستفسرت وأجابوني عليها المشرفات بارك الله فيهم ووفقهم .

[الامبرطوره]

اهلا فيكم عزيزاتي :119:

الي فهمته انكم محولات تحويل داخلي
يعني أنتو معنا بجامعة الدمام

باللنسبة لاخلاء الطرف و المعادلة وهالاشياء ..
في حال انكم دخلتو على النظام ولقيتو لكم قبول ان شاء الله

تطبعون معكم ورقة قبول التحويل وتودينها لشؤون الكلية اللي درستي فيها
بعدها راح تسوي لك اخلاء ..يعني بتعطيك ورقة توقعين فيها وتسلمينها بطاقتك الجامعية
وتاخذين هالورقة و تتوجهين لمكتبة العلوم المركزية وتختمها لك بعدها ترجعين لكليتك
وتستلمين ملفك "اللي قدمتي فيه للجامعة" وتعطيك الاخلاء وتروحين للقبول و التسجيل بالتربية

وهم راح يوجهونك بعدها ويخبرونك عن المعادلة وهالاشياء وين تسوينها و المستندات
اللي يحتاجونها للمعادلة

بالنسبة للمواد اللي راح تتعادل
ان نفسك محولة من الآداب:biggrin:
وكثير مواد تعادلت ولله الحمد لكن بقى مواد بتحضيري التربية لازم تدرسينها
لي رجعه واخبرك وش هالمواد

[سارةةة]

هلا فيك أختي بالنسبة لتحويل نعم تحويل داخلي لكن في انتظار النتيجة تطلع اليوم اخر يوم المفروض تطلع النتائج وأنا في الأنتظار بالنسبة للبطاقة الجامعية اذا كنت في الأداب لمن اسوي اخلاء طرف كيف اعطيهم البطاقة الجامعية وانا ما عندي اثبات للتحويل الأ البطاقة اني جيت من الأداب ورحت للتربية ؟؟
_______________________________________-
بالنسبة للمواد أختي ممكن تفيدنا أكثر بخصوص اللي تعادلت حاليا ؟؟
وعندي استفسار البطاقة الجامعية الجديدة من وين أطلعها في التربية ولآالأداب؟

بارك الله فيكي مشرفتنا الفاضلة وجزاك الله الف خير

[الامبرطوره]

النتائج اصبري عليها اشوي لان راح يشوفون المقاعد الشاغرة ومعدلات الطالبات المحولات
وبعدها بتطلع ان شاءالله

البطاقة اذا قصدك الأمن اذا جيتي تدخلين الجامعة اطبعي ورقة موافقة التحويل و وريهم
و بالنسبة لقبول و التسجيل بالتربية انتي بدهيا ًاذا رحتي لهم ومع ورقة الموافقة بتكفي

المواد ...كل مادة من تحضيري الاداب تقابلها مادة من تحضيري التربية بتتعادل
يعني في الآداب اذا خذيتي صحة ولياقة و موجوده صحة ولياقة بخطة التربية ببتعادل
و قيسي عليها باقي المواد
باستثناء برامج الحاسب المكتبية هي المادة الوحيده اللي ما تعادلت
والى الآن ما ردت الجامعة وان شاء الله ما ينتهي هالترم الا وحنا عارفين

البطاقة الجامعية تطلعينها من التربية واذا سألتي الأمن راح يخبرونك
وين مكتبة اصدار البطاقات

اذا عندك استفسار أنا حاضره
موفقه :004:

[سارةةة]

أهلا فيك مشرفتنا بارك الله فيك ووفقك وجزاك الله الف خير
عندي استفسار بخصوص النتائج يعني راح تطول لمدة شهر ثاني ولا كيف ؟ يعني ما يحتاج اراجع الجامعة ؟؟

[الامبرطوره]

يبي لك تنتظرين كم المده ما اقولك عليها
لان هالشي يبي له عماده قبول وتسجيل و وكيلة الكلية
لكن ما اتوقع انها راح تكون اللحين لان مش معقوله
يقبلونكم في وسط الترم يمكن يكون القبول على نهايته
بحيث انكم اذا انقبلتو على الترم الثاني تلحقون تسجلون
موادكم معنا ..

نصيحه لا تشيلين هم وتقعدين تحاتين
لان في النهاية مش راح يصير الا الخيره لك

♥

[سارةةة]

هلا فيك مشرفتنا الأمبراطورة بارك الله فيك عندي استفسارين ؟؟
أنا بنت خالتي ضيعت بطاقتها الجامعية وقت التحويل لقبلونا ان شاء الله بكلية التربية تقدم على بطاقة من كلية التربية ولا تطلع من الأداب وبعدها التربية ؟؟
-----------------------------------------------------------------------------
بالنسبة للتحويل راح يأخذ وقت طويل حتى تجينا النتيجة بالقبول او الرفض في حال لاقدر الله رفضونا راح يكون فاتنا ترم واحنا نبقي نغير التخصص هل نقدر نغير التخصص في شهر 3 اللي على نهاية السمستر الأول او راح يكون في تعارض وما نقدر لأنه قدمنا طلبين بعدها راح يخلص وقت تغيير التخصص ويكون فاتنا؟؟
-------------------------------------------------------------------------------------------------------------------
وجزاكي الله ألف خير

[الامبرطوره]

بالنسبة للبطاقة ما اقدر افيد فيها
لان ما عندي علم يمكن اذا حولت وجت تسحب ملفها وقالت لهم ان البطاقة ضايعه
يمكن يتساهلون معها وتطلع من التربية ويمكن يرفضون وتضظر انها تطلع من الاداب قبل
فما عندي علم لانها شغلت موظفة الشؤون

بالنسبة للنتيجه مش راح تتاخر راح تدرون قبل ما يبدأ الترم ان شاء الله
وتقدرون تقدمون طلبين طلب تحويل وطلب تغيير تخصص
بحيث انكم اذا ما انقبلتو تكونون ضامنين التخصص

:004:

[سارةةة]

بارك الله فيك مشرفتنا عندي استفسار بخصوص التخصصات الجديدة اللي راح تفتح في كلية التربية موقع جامعة الدمام كاتبين انه فيه قسم التعليم والتقنيات - الدراسات الأنسانية _)) والأقسام فاتحة في جامعة الدمام هل هذيلي التخصصات شاملة للطالبات او الطلاب فقط وهل راح يفتحون قسم لغة انجليزية قريبا ؟؟
--------------------------------------------------------------------------------------------
عندي استفسار عن كلية التربية اللي في الخبر هل لها باصات حكومية ؟ كلية الدراسات التطبيقيةو خدمة المجتمع ؟ الدراسة فيها دبلوم وبعدين نكمل بكالوريوس او على طول بكالوريس ؟ في التربية ؟
ووين مكانها بالظبط ؟
-----------------------------------------------
وبارك الله فيك ووفقك وجزاك الله الف خير

[الامبرطوره]

الاقسام الجديده مافي اي قسم يذكر انه راح يفتح
خصوصا ان توهم فاتحين تخصص معلمة صفوف اولية
والمبنى جدا ضيق على انهم يفتحون تخصصات جديده

قسم تقنيات التعليم بأقسام الطلاب فقط

بالنسبة للباصات الخبر ما اتوقع لان كذا وحده من زميلاتي تجي باص خاص

كلية الدراسات التطبيقية وخدمة المجتمع هي كلية مستقله مش تربويه
ونفس ما قلتي نظامها اول سنتين دبلوم وبدون مكافات في حال انك جبتي معدل
تقدرين تكملين وتصير شهادتك كورس وتنزل لك مكافاه اذا كملتي

مكانها ماعندي علم لكن اذا عرفت لي رجعه باذن الله

[سارةةة]

هلا فيك مشرفتنا الأمبراطورة عندي استفسار بخصوص نتيجة التحويل لأنه من قبل فترة أجابتني مشرفة كلية الأداب بسمة أمل بارك الله فيها لمن سألتها أني قدمت تحويل ومتى تطلع النتيجة أجابتني انه بعد اخر يوم من فترة التحويل وحاليا مرة شهرين من قدمت والطلب تحت الدراسة هل يحتاج أني أروح للجامعة واٍسألهم عن موعد خروج النتيجة لأني قلقة من أنه التحويل أتقفل ولا تجي لي نتيجة؟

[الامبرطوره]

اهلا فيك سارة

حبيبتي لا تقلقيين ابدا من السالفه ذي
انتي اللي عليك سويتيه
ومالك الا تنتظرين لان حتى لو داومتي
متاكده انهم مش راح يعطونك اي شي يفيدك
وراح يقولون لك انتظري لين تطلع النتيجه
متى! تلاقين حتى هم ما يدرون لان العمادة باقي
ما اعطت موافقه وباقي وراها موافقة الوكيلة

نصيحة لك لا تاخذين همها راح تندمين كثير على هالوقت
اللي تاخذينه وانتي تحاتين

اقولك هالتجربه لاني مريت فيها يوم حولت وندمت
على القلق اللي ما كان يستحق اشغل وقتي فيه
و ما ودي تمرين فيها نفسي استمتعي بوقتك اللحين :)
لانك اذا دخلتي التربية راح تكرفين شغل :icon9:

[سارةةة]

هلا فيك مشرفتنا تسلمين ويعطيك العافية ان شاء الله الله يكتب اللي فيه
الخير لأنه اخاف انه صار خلل او شيئ ثاني بالموقع بسب كل ها التأخير بس مشكلتي هي مع تغيير التخصص يعني لو قدمت طلب تغيير أخاف أنه يأخذ وقت طويل مثل التحويل ؟؟؟
-----------------------------------------------------
ودي أسالك كلية التربية يعني صعبة والأداب أفضل أ وفيها أشغال كثيرة ممكن توضحين لي ؟

[الامبرطوره]

انتي اذا قدمتي الاثنين مو مشكله
كل واحد بيطلع بوقته و التخصص
اتوقع بيطلع مع الامتحانات او بعدها
لان الكليات ما تأجز زينا يالطالب الادارات تظل مداومة

التربية مو من ناحية صعوبتها تقريبا زي الاداب الا من ناحية
الاعمال يعني في شغل و وسائل و متطلبات ما تنتهي ابدا

بالاداب ممكن مشروع او بحث و واجبات لكن بالتربية يغلب
شغل و الوسائل اللي بتسوينها للاطفال

وهالشي ممكن بس تشوفينه بتربية الدمام
عكس تربية الجبيل الوضع عندهم مره سهله
و الاعضاء مش دقيقين و لا يكرفون زي تربية الدمام

[الامبرطوره]

انتي اذا قدمتي الاثنين مو مشكله
كل واحد بيطلع بوقته و التخصص
اتوقع بيطلع مع الامتحانات او بعدها
لان الكليات ما تأجز زينا يالطالب الادارات تظل مداومة

التربية مو من ناحية صعوبتها تقريبا زي الاداب الا من ناحية
الاعمال يعني في شغل و وسائل و متطلبات ما تنتهي ابدا

بالاداب ممكن مشروع او بحث و واجبات لكن بالتربية يغلب
شغل و الوسائل اللي بتسوينها للاطفال

وهالشي ممكن بس تشوفينه بتربية الدمام
عكس تربية الجبيل الوضع عندهم مره سهله
و الاعضاء مش دقيقين و لا يكرفون زي تربية الدمام

[سارةةة]

طيب في حال قبلني تخصص والكلية هل اقدر أغير التخصص والغي التحويل ؟؟ او ما في ؟ وبارك الله فيك

[الامبرطوره]

التخصص دامك طلبتي تحويل باذن الله بيطلع لك
الغاء التحويل ما عندي علم عنه اذا تقدرين تلغينه او لا
في طالبه حولت للتربية الترم الاول وقالت في ايقونه جديده
بالنظام وهي اذا اقبلتك الكلية اللي حولتي لها تطلع لك هالايقونه
واذا انتي موافقه خلاص. تضغطين موافقه واذا العكس لا

وتقدرين تكلمين القبول و التسجيل بأقسام الرجال بالتلفون
او ارسلي لهم علىالبريد و يردون عليك ان شاءالله