محــــــاوره بيــــن الشــــــاعر ذيــــب والقبــــــــر

[بدر 2011]

محاوره بين الشاعر (http://m3aq.net/vb/showthread.php?t=55607) ذيب والقبر (http://m3aq.net/vb/showthread.php?t=55607)

يقول ذيب/

ياقبر قلي عن زمــــان الاقامـــــه
كم عام يقدر ينتقل منـك راعـــــيك
ودي توضح لي شروط السلامـــه
من ضمتك من ظلمتـــك من بلاويك

رد عليه القبر /

ياذيب من ينشد يثمـــن كلامـــــه
راجع خطياتك وراجع حسانيـــك
تبقى بجوفي لين يــوم القيـــــامه
محدن يجي عندك ولا يتصل فيك


رد عليه ذيب /

وان كانت الاعمال خامه وخامـــه
منها ذهب صافي ومنها سراميك
ممكن تفيد المعـــــذره والنـــــدامه
بعد نزولي بالكفن في ضواحيــك


رد عليه القبر /

فوقك ليا جات النصايب علامـــه
ثنتين توضع عند راسك ورجليك
ماعاد ينفعـك العتــب والملامـــــه
من حين روحك ترتفع عند باريك


رد عليه ذيب /

ياقبر ما دورت منــك الكرامـــه
ارجو عفو ربي ولاني براجيك
اللي بديه الامر ماسك زمامــه
رب الملوك ورب كـل المماليـــــك


رد عليه القبر/

ياذيب في هذا التحدي غشامــه
بلا عمل ماهو مناسب تحديـــــك
اوصيك عهد الله صون التـــزامه
مني ومن بعدي من النار ينجيك


رد عليه ذيب/

ياقبر زودت المخـــاوف جسامـــــه
زدني نصايح نافعه قبل ما جيـــك
اخاف اجي لك فوق ظهري غرامه
وتسديدها ما يقبل الدفع بالشــيك


رد عليه القبر /

اقراء كتاب الله وافهــــم نظامـــــه
وتلقى الذي يعني لغيرك ويعنيـــك
واختار ما يعنيك وامسك خطامـــه
ما دمت حي خطام الاعمال بيديك.





عسى ربي يحسن خاتمتنا
ويرحمنا برحمته ويغفر لنا

[pink velvet]

ياواسع الرحمه والمغفره احسن خواتمنا

يسعد ايامك يالبدر
وربي يفيض عليك من نوره
.........................

[Dr ʀeнαв]

_


يالله حسَن الخاتمة ..
محآور تقشعر الابدان
يارب رحمتَك وعفوك وعافيَتك ..
صح بوح كآتبها
وسلمت اناملك بدر
كل التحآيآ :icon19:

[ونين الروح]

محاوره جميله واختيار مميز
تسلم يدينك يا بدر ربي يعطيك الف عافيه
ولاهنت يالغالي على روعه طرحك

[حنان آل حيان]

سلمت يمينك رائع

[2COOL]

اقراء كتاب الله وافهــــم نظامـــــه
وتلقى الذي يعني لغيرك ويعنيـــك
واختار ما يعنيك وامسك خطامـــه
ما دمت حي خطام الاعمال بيديك
ياالله ترحمنا برحمتك وتحسن خاتمتنا تسلم يمينك أخوي بدر محاورة جميلة ومؤثرة ربي يرضى عليك دنيا وآخرة لك :rose: مع كلّ التقدير