نتائج المواد السبعة [الأرشيف] - ملتقى طلاب وطالبات جامعة الملك فيصل,جامعة الدمام

ابو روز

2010- 2- 16, 12:16 AM

امسي على الجميع ..

ويا خبر كان بفلوس اصبح اليوم ببلاش ..

انا طلعت نتائجي ، وكانت كالتالي :

العقيدة الإسلامية والمذاهب [b]
فقة [a]
مبادىء علم الاجتماع[d+] <<<<< ما يدري ناجح والا (حاملها الاخ)!

والله يستر من التحرير والنحو !!

مع تمنياتي لكم بالتوفيق ،،،

مس ريم

2010- 2- 16, 01:38 AM

مبرووووووك النجاح وعقبال الباقي
وانا الحمد الله بجحت فيهم و لله يستر من الباقي
العقيده d +
الفقه c +
علم الاجتماع d +
اما العقيده والفقه احس اني مجاوبه ماكنت نتوقعه اني بجيب هالدرجات
بس مااقول الا الحمد لله
والله يوفق الجميع :praying:

عاشقة التفاؤل

2010- 2- 16, 01:55 AM

عاشقة التفاؤل

2010- 2- 16, 02:00 AM

مبروك للجميع وعقبال الباقي
حبت في
العقيده وعلم الاجتماع c
والفقه c+
والله يستر من الباقي
النحو والتحرير والتذوق
و الانجلزي خايفه منه

دانه الشرقيه

2010- 2- 16, 04:43 PM

انا رسبت في فقه السيره:Cry111:ومقبول في علم الاجتماع والعقيده والله يستر من الباقي ادعولي انجح:bawling:

ابو روز

2010- 2- 17, 01:21 AM

الاخوات مس ريم وعاشقة التفاؤل الف مبروك النجاح(هذا المهم) وتستاهلون وعقبال باقي المواد لنا جميعا ان شاء الله من الناجحين ..

يادانة الفقة سهل جدا !!!
الله يوفقك وينجحنا وينجحك ..

يالله سترك يالله ...

مس ريم

2010- 2- 17, 03:25 AM

آآآآآآآآآآآآآآآآآآآآآآآآآآآآآمين :praying::praying:

محمد الحمداني

2010- 2- 17, 01:56 PM

:119:الله يوفقكم جميعا تمنياتي لكم بالتوفيق

مس ريم

2010- 2- 17, 05:18 PM

:g8::g8:

الحمد لله نجحت بالانجليزي :g20::g20::d5:

الله يبارك فيك اخوي ابو روز

مشكور اخوي محمد الحمداني

آآآآآآآآآآآآآآآآآآآآآآآ ه باقي 3 مواد الله يستر منهم وننجح فيهم يارب :praying::praying:

عاشقة التفاؤل

2010- 2- 17, 05:52 PM

مشكور اخوي ابو روز و محمد الحمداني
الله يوفقكم ان شاءه الله

اما الانجلزي حملتها والله يعين على هل الماده
وان شاءه الله ناجحين في الباقي يا رب

ابو روز

2010- 2- 17, 08:17 PM

انا عدييت الانجليزي الحمد لله والشكر ..

محمد : الله يبارك فيك ، وعقبالك ،،،

مس ريم : مبروك النجاح ،،،

عاشقة التفاؤل : افاااااااا ، لو كان بالامكان عطيتك من درجاتي !!

الله يوفقنا في الباقي ..

الشقاويه

2010- 2- 17, 09:41 PM

:mh001: :mh001: مبرووووك للي للناجحين :mh001: :mh001
وعقبال باقي المواد :s12:

<< جبت f بلانجليزي:hahahahahah:

مس ريم

2010- 2- 18, 06:00 PM

الحمد لله سويتها بالتحرير العربي :mh001::mh001::mh001:

عقبالكم ان شاء الله :praying:
بس زهقت من الانتظار مادري متى بس بتطلع كل المواد ماصارت اعصابي تلفت :017:

ابو روز

2010- 2- 19, 01:27 AM

مبروك النجاح ..

انا الحمد لله عديت التحرير بعد ..

وبالفعل تاخروا كثير في النتائج ، واذا حطينا في الحسبان ان هناك ترم ثاني يبيله تسجيل ودفع رسوم !!

لكن اهم شئ حاليا النجاح ، وبالتوفيق لنا جميعا ،،،

مس ريم

2010- 2- 19, 09:57 PM

ياناس ياعسل نجحت الحمدلله :mh001::mh001::mh001::mh001:

وعقبالكم ان شاء الله وافرح لكم يارب :praying:

:d5::d5::d5::d5::d5::d5:

ابو روز

2010- 2- 20, 01:34 AM

الف مبروك مس ريم تستاهلين والله فرحتيني :d5:

لاني رسبت في التذوق الادبي <<<<< اعقب يالزول !

راح اسجلها الترم الجاي واخلص <<<<< حطيتها في راسي:mh19:

الف مبروك للناجحين ، وحظ اوفر لنا وان شاء الله نجتهد في الجاي ونعوض ، والحمد لله على كل حال .

تحياتي للجميع ،،،

مس ريم

2010- 2- 20, 01:46 AM

هلا ابو روز والله ضاق صدري عليك بس ان شاء الله يارب تعوضها في السمستر الثاني :praying:

ابو روز

2010- 2- 20, 01:58 AM

ان شاء الله .. يا مس ربم

والحمد لله ان فيه احد عدى(عدا) <<<<< هل تكتب الف مقصورة ام الف لينه !!

وراح ننصبك عميدة شعبة التاريخ :119:

وترى مواد الترم الثاني نزلت
http://www.kfu.edu.sa/AR/DEANS/ELEARNING/Pages/register_courses.aspx

وبالتوفيق للجميع ،،،

عاشقة التفاؤل

2010- 2- 20, 12:43 PM

الحمد الله نجحت
بس للأسف حملت الانجلزي والنحو

مشكور اخوي ابو روز الله يعينا وياك
كنت ما اعرف شيء عن دراستنا لترم الثاني
يعطيك العافيه اخوي ما قصرت

بس لي يعرف فيكم عن المواد لي نحملها يفيدنا
وموفقين يا رب

ابو روز

2010- 2- 22, 12:35 AM

اهلين بالاخت عاشقة وحظ اوفر ..

تقدرين تضيفين المواد ، بتسجيل رقم المواد ..

35258 اللغة الانجليزية العامة

35261 النحو التطبيقي ( 1 )

وبالتوفيق ،

عاشقة التفاؤل

2010- 2- 22, 02:01 AM

اهلين بالاخت عاشقة وحظ اوفر ..

تقدرين تضيفين المواد ، بتسجيل رقم المواد ..

35258 اللغة الانجليزية العامة

35261 النحو التطبيقي ( 1 )

وبالتوفيق ،
مشكور اخوي
ما قصرت عندي الارقام كنت امفكره زيك لكن غيرت راي لاني
رفعت تظلم وانتظر النتيجه وان شاءه الله خير يا رب
بس على فكره اخوي الارقام لي حطيتها ارقام الوالد مو للبنات وعلى كل حال مشكور

ابو روز

2010- 2- 22, 03:19 PM

صحيح ، كيف فاتتني ان الارقام مختلفة :000:

على العموم انا رفعت تظلم على مادة التذوق الادبي ، ولكن مايمنع اني سجلتها في هالترم ..

وكما قال الدكتور الشعيبي ، لاتنتظرون نتائج التظلم يمكن تتاخر ، وقال ايضا يمكن تعديل الجدول بعدين ..

وبالتوفيق للجميع ،

عاشقة التفاؤل

2010- 2- 22, 07:38 PM

عادي اذا ما سجلتها الحين السنه الجايه
لاني سجلت تسع مواد والعاشره رفض لان حدي 18 ساعه
بعدين اخاف اسجلها واطلع ناجحه فيها كل شيء ممكن والله اعلم
على العموم الله يوفقنا جميعا

ابو روز

2010- 2- 23, 12:11 AM

عاشقة التفاؤل

2010- 2- 23, 03:26 PM

ماشاء الله 9 مواد !!

شكلك ناوية عليها:017:

بس يااخت عاشقة ، قيسي على الترم الاول كان 7 مواد وضغط علينا فما بالك بـ 9 مواد .

وبالنسبة للمواد اللي حملتيها ، اذا اخذتيها الحين احسن ! ليه ؟

- لان باقي الملخصات موجودة وانتي الحين اكثر خبرة ودراية بنوع الاسئلة ويمكن متذكرة بعض المعلومات !

مجرد رأي :119:

والله يوفقك ان شاء الله ويحقق مرادك ومن الناجحين .
اللهم آمين واجمعين ان شاءه الله

صح كلامك اخوي بس انا ما اخذتها عشان رفعت تظلم
خايفه اسجلها وطلع ناجحه فيها
الانجلزش متوقعه لكن النحو عارفه اني قدمت زين على الاقل النجاح مو الرسوب

اما عن المعلومات النتائج سوات دليت على مخي ما عدت مذكره شيء
ان شاءه ربي بيسلها علي خصوصا اني فاضيه ما عندي شغله غير الدراسه
قاعده في البيت عشان كذا سجلت 9 مواد والله يوفقني وانجح فيهم انا شاءه الله

ابو روز

2010- 2- 23, 11:55 PM

الله يوفقك ويوفقنا ان شاء الله ومادامك متفرغة ، عين العقل سويتي :d5:

وبالنسبة للمواد المحمولة ، انا بعد رافع تظلم على مادة التذوق الادبي ومتاكد اني ناجح ، لكن مامنعني من تسجيلها .. واذا كنت معديها [ نقدر نستبدلها بمادة ثانية ، على كلام الدكتور الشعيبي] واذا رسبونا ، انا الملخص عندي وجاهز لها <<<< ماراح تعدي مني هذي المرة ...!

وبالتوفيق لنا جميعا ،،،

عاشقة التفاؤل

2010- 2- 24, 01:26 AM

اللهم آمين

ابو روز

2010- 2- 24, 07:19 PM

نجحت في مادة التذوق الادبي وعدلوها لي من f الي b

الحمد لله وعقبالك عاشقة ..

وبالتوفيق للجميع ،،،

مس ريم

2010- 2- 25, 01:11 PM

:mh001::mh001::mh001::mh001::mh001::mh001::mh001:
على البركة والله فرحتلك

وعقبال عاشقة ان شاء الله

ابو روز

2010- 2- 25, 02:23 PM

الله يبارك فيك يا مس ريم ..

والله يفرحك في حياتك ويسعدك ويوفقك ..

وبالتوفيق للجميع ،،،

عاشقة التفاؤل

2010- 2- 25, 09:34 PM

نجحت في مادة التذوق الادبي وعدلوها لي من f الي b

الحمد لله وعقبالك عاشقة ..

وبالتوفيق للجميع ،،،

الف الف الف مبروك
وعقبال التخرج يارب

عاشقة التفاؤل

2010- 2- 25, 09:35 PM

:mh001::mh001::mh001::mh001::mh001::mh001::mh001:
على البركة والله فرحتلك

وعقبال عاشقة ان شاء الله

آمين يا رب
ومشكوره يالغلا

ابو روز

2010- 2- 26, 12:37 AM

الله يبارك فيك يا اخت عاشقة ويوفقك ..

طمنينا على نتائج الانجليزي والنحو !

عاشقة التفاؤل

2010- 2- 26, 01:10 AM

الله يبارك فيك يا اخت عاشقة ويوفقك ..

طمنينا على نتائج الانجليزي والنحو !

وياك يارب
بس النتيجه مثل ماهي ورفعت تظلم مره ثانيه
وارسلتها كذا مره ومن الحوسه نسييت اكتب رقم الجوال
وبعد ماكتبته ارسلها بعد كذا مره
والله يعين

ابو روز

2010- 2- 27, 01:15 AM

اتمنى لك النجاح يااخت عاشقة وان شاء الله تتوفقين ..
وخليك دائما متفائلة (اسم على مسمى) ..
وباجتهادك ماراك الا متخرجة بمشيئة الله ومحققة كل امنياتك واهمها التسلح بالعلم ومواصلة الدراسة ،
فالي الامام ودربك اخضر ..

كما اشكر جميع زملائي في شعبة التاريخ : -
الاخت الفاضلة مس ريم ، اتمنى لك التوفيق وجعلك الله ذخرا لاهلك وبالتوفيق في حياتك العلمية ولا انسى العملية ..

كما اشكر الزميلة السابقة (مااحلاني ) الله يوفقها في قسم علم الاجتماع ..
ولن انسى صديق قديم (ابو عبدالله) ، والله ماادري وين اراضيه .. الله يعينه ويوفقه ..

وجميع الطلاب المستجدين .. اتمنى لكم التوفيق وان شاء الله نتواصل حتى نحصل على درجة البكالريوس باذن الله ..

تقبلوا تحياتي ،

ملكه الهدؤ

2010- 2- 27, 05:12 PM

مسااااااااااااااااااااااااااااااااااااااااااااااءك ورد اخوي ابو روز

حبيت اسال شلون ارفع دعوة تظلم

عاشقة التفاؤل

2010- 2- 27, 07:31 PM

اتمنى لك النجاح يااخت عاشقة وان شاء الله تتوفقين ..
وخليك دائما متفائلة (اسم على مسمى) ..
وباجتهادك ماراك الا متخرجة بمشيئة الله ومحققة كل امنياتك واهمها التسلح بالعلم ومواصلة الدراسة ،
فالي الامام ودربك اخضر ..

وجميع الطلاب المستجدين .. اتمنى لكم التوفيق وان شاء الله نتواصل حتى نحصل على درجة البكالريوس باذن الله ..

تقبلوا تحياتي ،
مشكور اخوي
والله يجزاك الجنه يارب
وان شاءه الله نتوفقك جميعا ونحقق امنياتنا
اللهم آمين

عاشقة التفاؤل

2010- 2- 27, 07:44 PM

مسااااااااااااااااااااااااااااااااااااااااااااااءك ورد اخوي ابو روز

حبيت اسال شلون ارفع دعوة تظلم

التظلم ترفعينه من البريد الجامعي على هذا العنوان
del@kfu.edu.sa
تضغظين على compose وتطلع لك رساله
في خانه to تكتبن العنوان الي حطيته لك
وفي خانه subject تكتبين (تظلم)لازم تكتبينها وإلا ما تنفع الرساله من دونها
وبعدين تكتبين رسالت التظلم ولازم يكون فيها التالي:
الاسم الرباعي
الرقم الجامعي
الكليه
التخصص
جوال/ثابت
المقرر المطلوب رفع التظلم
اسم استاذ المقرر
الدرجه الي حطلتي عليها في الماده
مركز الاحتبار
والنص التظلم المطلوب إرساله

واخر شيء تخذين خيار send عشان ترسل الرساله
وبعدها تطلع لك الرساله وتحطين موافق
وبس