استفسار عام يادفعتي تذكرون الدكتور حليمة والإبداعية ؟ [الأرشيف] - ملتقى طلاب وطالبات جامعة الملك فيصل,جامعة الدمام

مشاهدة النسخة كاملة : استفسار عام يادفعتي تذكرون الدكتور حليمة والإبداعية ؟

وزيرة

2014- 11- 19, 04:35 PM

السلام عليكم
أكيد تذكرون لحد يسوي نفسه ناسي :cheese:
أنـا بعد ظهور النتايج أنقطعت عن الملتقى كنت مسافره
فمـا أذكر وش صار بعد النتايج !؟
بس أنصدمت بنتيجتي في الترجمة الإبداعية c مادري C+
مع أني أذكر أني بدعت في الأختبار وأغلب الترجمة اللي أختارهـا أكون واثقة منهـا 70 % على الأقل
وأذكر كنت أحل ومستمتعه باالأختبار مادريت أن العيد متربصاً بي :biggrin::biggrin:
طبعاً أنـا فتحت الموضوع هذا ليس لنكث الجروح لكن أبي أعرف لأن باقي عندي مـادة هاالترم لحليمة ترجمة تتابعية فأبي أعرف شاالقمندة !؟
يايحل معانـا الترجمات أما ندخل الأختبار مدرعمين مب حاله كذا مب عارفين راسنـا من كرياسنـا ونضيع طاسه
أذكر العام قالوا أن الدكتور كرر أسئلة الترم اللي طاف
لكن مافي شي ضمان مع دكتر حليمة
في أنتظار ردودكم

Sydra

2014- 11- 19, 06:05 PM

هلا وغلا حيالله وزيرة دفعتنا :43:
ايوالله صدقتي مستحيييييل انسى اختبار الابداعيه
وابداعتنا في الاختبار لدرجة طالعين منه مو متوقعين درجه للنجاح
حتى المراجعه ماتستفيدين منها لانك ماتقدرين تخمنين الجواب اللي يرضي حضرته:(177):
والله يستر من التتابعيه بعد لاني اذكر انهم قالوا انه كرر في الاسئله العامه
لكن الامثله غير فيها يعني مثل اختبارنا تماما :(269):
ولا تحلمين ان مسيوو حليمه يحل معنا الامثله واحنا آخر مستوى ..اذا ماسواها وحنا مستوى سابع يسويها الآن:41jg:
لكن اعتقد انهم قالوا انها اسهل من الابداعيه وربك ييسرها ويعدي هالترم على خييير ونفرح بتخرجنا بأعلى المعدلات يااارب....

جوورري

2014- 11- 19, 06:11 PM

سمعت انه بيخصص محاظرة مباشرة لترجمة الامثلة اللي في المحتوى

وإن شاء الله تعوضين ياوزيرة في الترجمة التتابعية

ندى العالم

2014- 11- 19, 07:41 PM

أنا عندي ترجمة إبداعية ذا الترم فعلا المادة مره دسمه بس هل الاجابات الموجودة في المنتدى صحيحة أخاف نختار شي وهو في باله شي ثاني

GADY

2014- 11- 19, 11:25 PM

المصيبه في الموضوع انك ماتقدر تتنبأ باللي فـ راسه

واتحدى أحد يقدر يخمن وش اللي يبغاه بالضبط هالانسان !!!

يعني حتى لو متأكد من إجابتك 100% ماتقدر تجزم انها هي الاجابه الصحيحه !!!

المهم نذاكر ع الاقل النظري ونتمكن منه ...

والباقي ........(( دعــها سمـــاويــة تجـــري ...!!!؟؟!!!

وبالله التوفيق ..

مجمدالهنيدي

2014- 11- 19, 11:38 PM

هلابكم جميعا.......الموضوع عندي مختلف...كنت اظن اني ماراح اتعدا c بس الحمد الله جات فوق ما كنت اتوقع....وفعلا اجابات الشيخ ابو حليمه صعب التكهن بها......لكن هل هذا تعقيد منه ام تقصير في فهمنا للمطلوب ام لم نصل للمستوى اللي يجعلنا نختار الاجابة المثالية للحل الصحيح....

P e a c e

2014- 11- 19, 11:51 PM

ان شاء الله المادة أسهل من سابقاتها

هذي المادة جبت فيها أعلى درجة في مواد الدكتور حليمة

ما منها خوف إن شاء الله

رنو الحلوه

2014- 11- 20, 11:58 AM

الله يطمن قلبك رضوااان :)

رضا20006

2014- 11- 20, 03:15 PM

لا سهله اسهل من الابداعيه بس لازم تركزو في الاجابات الحمدلله فل مارك فيها

Najd111

2014- 11- 20, 03:53 PM

ماشاء الله أخ رضا مبروك الله يوفقك ..

اذا ممكن بما أنك فل مارك علمنا الخيار الصحيح للترجمة .

روائع انسان

2014- 11- 21, 01:11 AM

السلام عليكم

مرحبا بالجميع الحين نقاشك عن الابداعية او التتابعية

وش تنصحون فيه من ناحية مذاكرتي الابداعية بما انكم اخذتوها قبل

افيدوني ياجعلكم للجنة

farahq8

2014- 11- 21, 02:44 PM

اكره اختبارات حليمه!!!!

تخطيت السحاب

2014- 11- 21, 05:45 PM

تسيف ( كيف ) مانذكر ابن حلمية
ازفت اختبار مر علينا في مسيرتي العلمية
ان شاء الله متفائل بخير مع ابن حليمة
يارب

تذكرون احبها وتحبي ويحب جملي ناقتها
الله يكرمكم كانت الترجمة
جاب لك كلاب وذيخه سا
الذيخ نوع من انواع الكلاب
هستر فيها ذاك اليوم ابو حليمة الله يسامحه
ويسامح الجميع

وش الطاري ياوزيره
فتحتي جروح قديمة الله يسامحك
نقضتي المواجع

تخطيت السحاب

2014- 11- 22, 02:50 AM

اسف كنت ابي اعلق على موضوع اخر
اسف

كافيين

2014- 11- 22, 12:23 PM

والله ياناس اللي بيشوف اسئلته بيقول سهله وووالخ

لكن اسئلته اللي مايركز فيها مضبوط والله يضيع

والمشكله ان شرحه موبذاك المستوى على قد الامثله اللي عطانا اياها بالامتحان

كان من المفروض عشان نفهم لطبيعة الماده انو يجيب امثله كثيره ويشرحها لنا شرح مفهوم خصوصا انو معضم اسئلة الاختبار امثله

صراحه انصدمت بنتيجة الاختبار

وزيرة

2014- 11- 22, 08:08 PM

مشكورين جميعا عاالردود
وان شاء الله مثل ماقال الأخ رضوان أسهل من سابقتها
اخوي رضا الله لايهينك حط اجوبة الاختبار قريب الاختبار
عشان نعرف شاالقمندة
وإحساسي النكبه يقول إن الدكتور بيغير الاختبار
اخوي سحاب آسفه اذا نقضت الجروح
بس لعلمك وعلم الجميع مشروع بحثي التخرج عن the importance of creative translation
تهقون الاءط يحب خناءووووو :$

وزيرة

2014- 11- 22, 08:11 PM

أبـــو راكـــان

2014- 11- 23, 01:34 AM

الدكتور الله يثيبه عضو فعال في جمعية الرفق بالحيوان :mh35:

الحمدلله جبت معه درجة حليوة والسبب كنت استبعد الخيارات القريبة
احس مافيه توارد بيني وبينه بالترجمة ..

del-10

2014- 11- 27, 10:29 AM

عطونا اسئلة الترم الماضي لو سمحتو

سحــ الليل ــاب

2014- 11- 29, 01:00 PM

لا سهله اسهل من الابداعيه بس لازم تركزو في الاجابات الحمدلله فل مارك فيها

بتروح مننا فين :5aga:

في المرفق الاسئلة الي جتكم .. ودام ما شاء الله سدحت الفل مارك فيها اسدح اجابات الترجمه