من روائع الشاعر محمد الخس - بالله ياهل البيت لا تشلعونه

[Sul6an Suba3ei]

بالله ياهل البيت لا تشلعونه
............................خلوا عيوني من حبيبي تروى
ثم لا تهوزونه تبي تضربونه
..............................جعل اليدين اللي تطقه تكوى
جسمه حريرٍ لو تبي تلمسونه
.............................مثل النفل لو تلمسه لمس ذوى
غروٍ نياشين الغلا في عيونه
...........................يضحك ويشر لي على القلب جوى
يقول هذا لك ولا يقربونه
............................وأبو الذي يزعل بعشرين ضوى
وأنا مليك رضاه ماجوز دونه
............................قلبي معه بيديه من حيث موى
حيث اني افهم ماخفى من ظنونه
............................وأدري بقلبه من قديمٍ وتوى
وأخشى عليه من العرب ينظلونه
............................أنا أشهد ان اللي مسويه سوى
نبنوب موزٍ مايلاتٍ غصونه
............................عرقه من الجم الزلالي تقوى
والخد براقٍ تكاشف مزونه
............................مثل المشاعل من مقاديم نوى
عنق الغزال مخلعاتٍ متونه
............................والثوب من قفوه عليه يتطوى
في خاطري ما فالبشر مثل لونه
............................مما خلق ربي من آدم وحوى



000وسلامتكم 000

[سُولآفْ .]

-

آبيآتْ رآئعهَ , سلمتْ آلانآمل .
بـ آنتظآر جديدكِ .
لـ شخصكِ / :rose:

[حنان آل حيان]

رائعه سلمت اناملك وانتقائك اخوي

[Dr ʀeнαв]

بالله ياهل البيت لا تشلعونه
..خلوا عيوني من حبيبي تروى

عندَما يتواجد سلطآن نجد الجمال بقربه ..
أنتقاء جميل كما اعتدنَا ..
سلمت اناملك
دمت برقي أخوي
:icon1:

[2COOL]

وأنا مليك رضاه ماجوز دونه
.......................قلبي معه بيديه من حيث موى تسلم يمينك أخوي سلطان قصيدة جميلة تقديري لك :icon1:

[Sul6an Suba3ei]

شكرا للجميع على المرور

لا خلا ولا عدم

[ونين الروح]

صح لسانك يا سلطان
ابيات جزله وقصيده جميله يالغالي
ربي يعطيك الف عافيه
وتسلم يمناك لاعدمناك