وقتي ضيق والاختبارات قربت فماالحل؟

[رمزالتفاؤل]

السلام عليكم ورحمة الله وبركاته

يسعد جميع أوقاتكم بالخيروالمسرات

ياليت أحد يدلني على افضل طريقة للاستعداد للاختبارات

انا وصلت متأخرة ووقتي مررة ضييق بحكم التزاماتي الكثيرة

نسأل الله الأجروالثواب

ومنكم بعد الله الإعانة لي فمن شاور الناس شاركهم عقولهم

كيف الحق على كل المحاضرات ...

وهل تنصحوني بمشاهدة جميع المحاضرات المسجلة

ام اكتفي ببعض المواد اللي تحتاج شرح..

فرج الله همكم واعانكم الله واياي ....
:Cry111::Cry111::Cry111::Cry111:

[غامضة ولكن!]

انتي حضرتي جميع المحاضرات وحليتي المناقشات والواجبات كامله ولا كيف؟؟

[رمزالتفاؤل]

اناحملت جميع المحاضرات وحليت المناقشات والواجبات
وحضرت كم محاضرة فقط والبقية مااعتقد الوقت يكفيني احضرها

[ashwaq2015]

اناحملت جميع المحاضرات وحليت المناقشات والواجبات
وحضرت كم محاضرة فقط والبقية مااعتقد الوقت يكفيني احضرها

حلولي تحمليها بصيغة تنزيل المحاضره المباشره بصيغة صوت
يمديك ان شاء الله
لاتضيعي درجات المشاركة
او مثلا اعطي لاختك رقم الجامعي وهي تحملك المحاضره وانتي زاكري

[نسمات عطريه]

ذاكري من المحتوى او الكتاب اذا حسيتي نفسك منتي فاهمه شي ارجعي لمشاهده المحاضره
افضل لك

[rawan abd]

اذا خلصتي تحميل جميع المحاضرات االمسجله والمحاضرات المباشره وخلصتي المناقشات كلها والواجبات كلها
ابدأي بحضور محاضرات ماة الاقتصاد الجزئي والمحاسبه والرياضيان لانه هي المواد اللي تحتاج فهم اما القانون بس ذاكري من ملخص طموح شايب والاداره كمان بس من ملخص هتان

وبالتوفيق للجميع يارب :)

[رمزالتفاؤل]

اشكرتفاعلكم معي

الله يسعدكم مثل مااسعدتموني

[محمد _]

اختي ادري بالحوسه اللي انتي فيها بس انتي الحين خلي احد يحضرك في المحاضرات وترا مو لازم تحملينها لو حتى سويتي مشاهده دقيقتين بتنحسب لك
وفي طريقه انا دايم استخدمها بما انه المواد الاصعب هي مواد الفهم تبدا بالاقتصاد ثم المحاسبه ثم الرياضيات
وبما انه الاختبار والاختبار اللي بعد فيه 3 ايام تقريبا فخلي وقتك الحين واحسبي من يومك هذ لقبل يوم الاختبار بثلاث ايام عشان تخلين هالثلاث ايام لمذاكرة الماده الاولى وقسمي الوقت المتبقي من اليوم ليوم 21 وقسميها على هالثلاث مواد الاقتصاد والمحاسبه والرياضيات وخلاص ابدي ذاكري فيها مثلا لكل ماده 5 ايام ومواد الحفظ قبل الاختبار يمديك ونسيت اقولك بالنسبه لهذي المواد امسكي محاضره محاضره واسمعيها لانها تحتاج لشرح الاستاذ عشان تفهمي وشكرا..