ابي اعرف انطبعاتكم في مذكراه المواد من حيث صعوبه وسهوله

[وريث 72 ميلوون]

السلام عليكم

كل واحد يقول رايه عن المواد اللي ذاكرها عشان كل يستفيد و ينبه عن المواد اللي تحتاج الى وقت طويله في مذاكره من حيث صعوبه و محتواها طويله و دسمه


انا اذاكرت 1- الانترنت امس الماده خفيفه وسهله

2- الاخلاق الا سلاميه انا مخوف منها لان دكتور طالب بالمحتوى شرائح والكتاب و كمان الماده دسمه وتحتاج لحفظ و تركيز و وقليلا من الحفظ واراء اللي اختبوا هالماده اغلبيه قالوا انها صعبه


اكتبوا انطبعاتكم في المذاكره ابي ارتب جدول المذاكره على رائكم ورايئكم في المذكره

والسلام

[ديما ال عاطف]

اول من بيرد عليك انا
ابشرك لاشريت كتب ولا ادري وش السالفه جعل ربي يسهلها علي وعليك وكل مسلم

[شيخة القحطاني]

الله يسهلها

[همسات خالدة]

خدمة الفرد والجماعة كلها نقاط ويبغالها تركيز اذا ذاكرتها كأنك ذاكرت الأسس بس الأسس حسيتها أسهل من خدمة الفرد ماحبيتها أما علم اجتماع السكان المادة تحسها السهل الممتنع فيها كم محاضرة سهلة وكم محاضرة يبغالها دراسة والأخلاق المادة حلوة بس تعليقات اللي قبلنا مسويه لنا أزمة هادي المواد الدسمة أما الباقي الحمد لله إن شاء الله بسيطة وربي يسهلها يارب

[•• شجون ~]

.



الاسس
سهل ؛ جميل.. يبي له انتباه لبعض النقاط

علم الاجتماع الطبي
تجججنن ؛ سهله ومعلوماتها حلوه

علم اجتماع السكان
للامانه م حبيته ونا مجتهده فيه بس يحوس
يبي له كم يوم مذاكره


الاخلاق
بدايه كانت صعبه ؛ بس جميله جدا
ذاكرتها مره تانيه لاول خمس محاضرات لان هي فيها شويه صعوبه
الباقي سهاله

ممم وش بعد
الاسره
باقي ما مسكته بكره ان شاء الله
هتان قالي سهله..


تاريخ الفكر الاجتماعي
اتفهه ماده ؛ تجنننن

وبس باقي ٣ مواد تبع رابع




بالتوفيق ليك يارب

[﹎ нαįαя ♪]

مساء الرضا

-

الانترنت والاتصاللات جدا سهلة ومن واقع حياتنا العلمية

-

الاخلاق ايضا جميلة لا توجد فيها صعوبة

-

خدمة الفرد هذي معقدتني حبتين
يبي لها مذاكرة من بدري

-

علم اجتماع السكان ايضا سهلة ( جغرافيا يعني )

-

الاسس وصلت للمحاضرة ٧ وتماام مافيه صعوبات

-

باقي الاسرة والطبي ما بعد ذاكرتها

وبشكل عام احس مواد هالمستوى جداً سهلة عدا مادة خدمة الفرد ..

موفقين جميعاا ..

[غِنَى]

الإنترنت والإتصآلآت سهلة حبيتهآ من واقع الاستخدام اليومي للنت

تاريخ الفكر مرة حلوة وسهلة

خدمة الفرد جابت لي الجنان كلها تعداد باقي لي منها محاضرتين

علم الاجتماع الطبي حلوة كمان

الأخلاق ماسكتها حالياً هو أهم شي فيها تفهم الدليل ع ايش يدل مو شرط الحفظ

[الماس صافي]

مسكت مادتين الى الان
* الأخلاق الاسلاميه تضيّق الصدر بصراحه
وماده دسمه ومتخوفه منها ومن دكتورهآ



* الأنترنت والاتصالآت مآده عسل ومن واقع شغلنا على الانترنت
كل شي واضح ومفهوم ودكتورها جدا متفهم ومسهلها علينا اكثر ..




والله يسهل عليّ وعليكم البقيه ...

[رتوش M.M.M]

انا شايله هم اسس الخدمه
والاسرة والطفوله بصراحه لان مافيه لااسئله ولا اختبارات سابقه عشان تسهل علينا وان شاءالله تكون سهله بس هالترم احس مافيني حماس والله بالدف اذاكر
وعسي الله يسهل علي خير

[هلاله العسيري]

حياكم يا حلوين
ختمت الى الآن تقريبا ً خمس مواد +النحو 2 من المستوى الثاني
الاخلاق مادة نوعاً ما كويسه الخمس الاولى شويه فيها عكه الباقية ماشي حالها ع الاقل واضحة ( معلوماتها ماهي متداخله يعني نفهما من اول مذاكرة لها ) شوفي اي شي داخل فيه قال الله تعالى ، وقال الرسول عليه الصلاة والسلام .. والله ما يغلبك في الحفظ ( سهولة فقه السيرة والتجويد مافيه مثلها المستوى اللي راح
خدمة الفرد والجماعة هي محتواها قليل بس ياااه كيف انها معلومات متشابهه تجيب لك الدوار
علم اجتماع السكان نص ونص يعني فيه صعوبه وسهوله بس عيدي عليه مره ثانيه تمسك
تاريخ الفكر الاجتماعي حلوه المادة ما منها خوف واللي يطمن اكثر دكتورها الله يسعده
الاسس توني مخلصتها ذا اللحظة يمكن هي أسهل مادة قابلتني الى الآن مع ان يبي لها شوية تركيز
بالاضافة الى مواد المستوى الثالث مادة النحو 2 طبعا معاي الترم ذا من المستوى الثاني - مافيه أسهل منه
والله المواد اللي تنفهم ما تغلب زي مواد تخصصنا ذا كلها يبي لها تركيز مع حفظ وربط
راح أبدأ بكره بإذن الله علم الاجتماع الطبي
وربي يسهل

[قلم ينزف الم]

المواد كلها دردشه يبي لها قراءه وبتركيز وبهدوء

[فجر..~]

اول من بيرد عليك انا
ابشرك لاشريت كتب ولا ادري وش السالفه جعل ربي يسهلها علي وعليك وكل مسلم






ههههههههههههه سيم سيم انا :S_45:


يختي والله مامن وقت




اخوي كاتب الموضوع بالنسبة لمادة الاخلاق بالعكس بسيطه وشي من الواقع والحياة
مادة حلوه ومافيها صعوبه



انا اختبرتها قبل لا احول من ادارة الاعمال لعلم الاجتماع

والله يسههههل ع الجمييييع :rose::004::004::106:

[فجر..~]

.



الاسس
سهل ؛ جميل.. يبي له انتباه لبعض النقاط

علم الاجتماع الطبي
تجججنن ؛ سهله ومعلوماتها حلوه

علم اجتماع السكان
للامانه م حبيته ونا مجتهده فيه بس يحوس
يبي له كم يوم مذاكره


الاخلاق
بدايه كانت صعبه ؛ بس جميله جدا
ذاكرتها مره تانيه لاول خمس محاضرات لان هي فيها شويه صعوبه
الباقي سهاله

ممم وش بعد
الاسره
باقي ما مسكته بكره ان شاء الله
هتان قالي سهله..


تاريخ الفكر الاجتماعي
اتفهه ماده ؛ تجنننن

وبس باقي 3 مواد تبع رابع




بالتوفيق ليك يارب







من وين ذاكرتي
الكتب ولا المحتويات ؟:(107):

[•• شجون ~]

؛


فجر
ملازم الي بموضوع يزيد..؛ هي نفسها المحتوى

[ســـرآب *]

المواد بصفه عامه ممتعه كَـ قرأه
بس يبغالها تركيز و فهم قبل الحفظ
أكتشفت أنها تعتمد على مدى الإستيعاب و تختبر الصبر في
ثقلها
كل مادة مكمله لثانيه نفس المعلومات تقريباً ...

فالكم التوفيق جميعاً

:004::rose:

[سكر بناات]

بالنسبه لي علم اجتماع السكان المحاضرات الاولى نركز عليها والباقي سهل ..
النحو 2مأزمني ما بلعته الدروس متشابهه وما قدرت افصل بينهم ..
علم الاجتماع الطبي ان شاء الله انه سهل ..
وبس

[درة البنات]

اصعب شي أسس الخدمة وخدمه الفرد

ووواسهل شي تاريخ الفكر و الأخلاق الاسلامية.


علم الاجتماع الطبي تجنن علم السكان في شويات صعوبه بس حلوه.

تلاوة والتجويد من مستواه ثاني حلو بس يبي له تركيز وفهم

الاسره والطفولة حاليا اذكرها بالتوفيق للجميع يارب الله لايضيع تعبنا يارب

[أم المهند]

صدقتي هلوله في كل الي قلتيه
*وانا معي النحو جدا سهل ولله الحمد
*الاسس حلوه فيها تشابه شوي يبغاله تركيز
* تاريخ الفكر جميل وحلووو جدااً
*علم اجتماع الطبي سهل و جميل
*خدمة الفرد كثيرة التعداد و لكن
اسئلة الدكتور مطمئنه لانها واضحه
وتعرف الاجابه ع طول
هذي المواد الي ذاكراتها
وباقي لي 4 مواد الله ييسر

بالتوفيق يارب ،،

[نوير الزهراني]

الأخلاق الاسلاميه حلو مو معقد ،، الانترنت والاتصالات سهل جداً ومعلوماته مكرره من المستويات
اللي فاتت ، خدمة الفرد ترفع الضغط خلصتها بصعوبة ، علم الاجتماع الطبي سهل وممتع
أسس الخدمة حلو ، تاريخ الفكر يهببببل سهل جدا ،، الأسره والطفولة سهل وواضح ما فيه صعوبه
باقي علم اجتماع السكان للحين ما ذاكرته ،،،

والله لا يضيع لنا تعب ،،،

[Emoo-20]

ماشاء الله عليكم
انا ذاكرت من اول ولا ذاكرت
لاني الحين يوم جيت اراجع ما كاني ذاكرت لاسف
لكن كلي ثقه بربي انها تتيسر لي هذا الي مطمني

[ود المحبه]

موادنا ثالث يبيلها تركيز وتعمق وخصوصااااااااااا الاخلاق والسكان
واسس والاسره لان فيها نقاط واجد
تركيز + فهم= +a

[صمود349]

للان خلصت مادتين الاخلاق الاسلاميه دسمه شوي بش ان شاء الله تكون سهله علم اجتماع الاسره والطفوله ممتعه وحلوووووووووووووه

[الجوري 66]

للان ماذككرت شي الله يستر بس فتحت الانترنت والاتصالات قراءة بسس شكلها لاباس الله يوفقنا يارب عندي مستوی ثاني القراء والمحادثة بعدد :confused:

[نـــوف..!!]

كلامكم يرفع المعنويات للمذآكرة ..:004:
الله يوفق الجميع .. :verycute:
ويسهلها علينا جميعا ي رب ..:icon19:

[somi 1433]

الله يسهلها يارب اللهم لاسهل الاماجعلته سهلا وانت تجعل الحزن اذا شئت سهلا

[موظف جامعى]

انا مستوى ثالث وعديت الفرد والمجتمع يبيلها تركيز ومذاكرة كويسة

[meera_23]

يعني تنصحوني ابدأ بالمواد اللي يبي لها وقت اكتبوها لي :(

[وريث 72 ميلوون]

باقي لك تقريبا سته ايام و تخل جو الاختبارات نصيحتي لك حاول تذاكر نص المقرر للكل ماده عشان ما يضيق علي الوقت ولا تزهق من مذاكر مع الايام الاختبارات لانك راح تعاني من وقت عصيب المستوى ثالث في علم الاجتماع يحتاج لك تركيز كبير و فهم وحفظ والوقت ضيق حيل انا تعبيت انا ذاكر


الله يوفق الجميع ويسر امورنا في الاختبارات وغيرها ودمتم بود والسلامه

[روابي العامري]

ذاكرت الثقافه الاسلاميه 6 المحاضرات الاخيره جدا سهله بس مشكلتها تلخبطط لازم تذاكرها اكثر من مره عشان تركز المعلومات اللخبطه من ناحية (الطهاره المهنيه _والاستقامه المهنيه_والتعاون المهني_الامانه المهنيه_المحبه المهنيه ) سهلين وبسرعه خلصتهم بس مشكلتهم اللخبطه بس الله يوفقكم جميعاً

[خدمات الطالبات]

كل واحد ومخه وتقبله للماده انا اشوف انها تتشابه وتلخبط الله يوفقنا ويعين

[هيلة البراهيم]

يسعد مساكم جميعا

المواد لو ركزنا فها بتبقى سهلة بالنهاية ب
س اللي مضيعنا كلام الدفعات السابقة عن صعوبة المواد :(

ثقتنا بالله قبل كل شي وفالنا النجاح ان شاء الله :d5:

[زيزفون22]

مواد التخصص عادي الصعب الاحصاء والانجليزي انا اخذتهم وماني عارفه كيف اذاكرهم

[Naghmoush1984]

السلام عليكم و رحمة الله و بركاته

صباح او مساء الخير عليكم جميعآ

بنسبة لمذاكرة فالله الحمد منا لقد انجز بسيطه من المواد كمراجعة سريعه من اجل الاختبار

من ناحية الانترنت و الاتصالات فهي مادة حلوه و سهلة جدآ.
اما الاخلاق الاسلاميه و اداب المهنة أيضا جميله و رائعه فيها اشياء حنا نقوم بها في اعمالنا.
اما خدمة الفرد و الجماعة يحتاج لها فقط تركيز.
اما علم اجتماع السكان احس انها مادة متدخلها في بعضها و هي تكلم عن مجتمعنا و ما يدور حوله من المواليد و الوفيات و الهجرة الخ... بس هي سهلة و بسيطه!!!
اما علم اجتماع الطبي لا اجد فيها صعوبة.
اما تاريخ الفكر الاجتماعي هو الوحيد اللي ماني عارف كيف ابتداء فيه؟!!
اما اسس الخدمة الاجتماعية برأيه بتكون سهله في الاختبارات.
اما علم اجتماع الاسرة و الطفولة من افضل المواد في هذا المستوى.

و اتمني لي و لكم التوفيق و النجاح ان شاء الله

[•• شجون ~]

مواد التخصص عادي الصعب الاحصاء والانجليزي انا اخذتهم وماني عارفه كيف اذاكرهم

الاحصاء والانجل
يبي لهم مذاكره قبلها بشهرين ع الاقل..

السلام عليكم و رحمة الله و بركاته

صباح او مساء الخير عليكم جميعآ

بنسبة لمذاكرة فالله الحمد منا لقد انجز بسيطه من المواد كمراجعة سريعه من اجل الاختبار

من ناحية الانترنت و الاتصالات فهي مادة حلوه و سهلة جدآ.
اما الاخلاق الاسلاميه و اداب المهنة أيضا جميله و رائعه فيها اشياء حنا نقوم بها في اعمالنا.
اما خدمة الفرد و الجماعة يحتاج لها فقط تركيز.
اما علم اجتماع السكان احس انها مادة متدخلها في بعضها و هي تكلم عن مجتمعنا و ما يدور حوله من المواليد و الوفيات و الهجرة الخ... بس هي سهلة و بسيطه!!!
اما علم اجتماع الطبي لا اجد فيها صعوبة.
اما تاريخ الفكر الاجتماعي هو الوحيد اللي ماني عارف كيف ابتداء فيه؟!!
اما اسس الخدمة الاجتماعية برأيه بتكون سهله في الاختبارات.
اما علم اجتماع الاسرة و الطفولة من افضل المواد في هذا المستوى.

و اتمني لي و لكم التوفيق و النجاح ان شاء الله



تاريخ الفكر امس انتهيت منه مراجعه :004:
جميله بالعكس تتكلم عن التاريخ الفكري لمصر و هند والصين واليونان
و عن بعض العلماء..
اذا هي صعبه او هيك.. اقراها كقصه لتثبت المعلومات
واعرف الاشياء الي تتميز بيها كل تاريخ مدينه


بالاضافه لو تسمع المباشره لان الدكتور يشرحهم سريع
باههم الاشياء






موفقين يارب