الرسوم المالية للجامعة مااقدر ادفعها والسبب انها مدفوعه !!

[abo sager]

السلام عليكم

جيت بدفع الرسوم للجامعه طلع لي انها مدفوعه !!!

انا ما دفعت من قبل

والمشكلة ان ايقونة استفسار الرسوم مقفله !!!

والعجيب اني افتح التعليم الافتراضي ولا يطلع لي سارع بالسداد بالعاده قفلونة اذا مادفعت ؟؟

هل تترحل الرسوم الى الترم الجاي ولا كيف؟؟

ولا براعون الشعب المطفر !!!!!!!

[اكسبيريا]

امكن احد مسدد عنك بالغلط ،

[abo sager]

ما اتوقع ��

[ترآنين]

لا أكيد أحد سددها بالغلط لأنه مستحيل يفتح لك النظام وهي مو مسدده ومافيه شئ إسمه ترحيل للترم الجاي ي كل ترم بترم .

[* Sarah *]

ههههههه حلوه يراعون الشعب المطفر

اسمع ياخوي أيقونة الاستعلام عن وضع الطالب المالي مفتوحة

ادخلها وإذا طلع لك : "تم تسديد الرسوم بالكامل، شكراً ...ألخ"

فهذا يعني انه في أحد سدد عنك وهذا هههه رزق ساقه الله لك

أما إذا ما طلعت لك هذي الجملة وطالبوك بدفع الرسوم

فمعناته إنك لازم تسدد قبل ما تتقفل عليك الأنظمة

والله يعينك ..

[آمبيشوس]

انا كمان جيت بسدد ع صرافة الراجحي ..
احط 811 ثم رقمي الجامعي ويقولي غلط

و للعلم للحين موجود انه لم يتم السداد ..

يا خوفي ما يقبلون السداد و يروح عني الترم

[ترآنين]

آمبيشوس ضروري تتواصلي مع الجامعه كلميهم وراسلي الفريدان ع تويتر ماعاد فيه وقت

[آمبيشوس]

اختي ترانين .. ايوه راسلته وانتظر يرد علي .. شكرا لحرصك

[لحنّ]

انا كمان جيت بسدد ع صرافة الراجحي ..
احط 811 ثم رقمي الجامعي ويقولي غلط

و للعلم للحين موجود انه لم يتم السداد ..

يا خوفي ما يقبلون السداد و يروح عني الترم

المشكله من الراجحي مايضبط ،. غيري البنك ويتعدل

[abo sager]

طلع النظام معلق

اليوم دخلت وسددت وطلع لي تم سداد كامل المبلغ

لااحد دفع عني و الجامعه راعت الظروف

ههههههههههههههه