تسديد الجامعه

[كآرولين]

السلام عليكم

متى اخر يوم لتسديد الجامعه؟؟؟

[الاحلام الوردية]

( ههههه ) شر البليتي مايضحك اختي العزيزه هناك أشياء مربوطة بهذا السداد

وهي الأنظمة وفيها جميع الواجبات من مناقشات وغيرها واضح من سؤالك لم تتم
الفايدة من درجات المشاركة والواجبات يعني ثلاثين درجة تروح عليك هباً منثورا على
العموم السداد معك حتى نزول النتائج ولا يتم تسجيل النتيجة حتى يتم السداد
ويوجد تقويم زمني ارجعي له وتعرفين التواريخ ومتى تم أغلاق الأنظمة


بالتوفيق لنا ولك

[كآرولين]

والله ياعزيزتي ماودي اغلط عليك ..مب جايه اسألك عن المناقشات والواجبات لان اتوقع اني بمستوى خامس مثل ما انتي شايفه

عموما شكرا لك ع الرد

[فيافي 28]

انا برضو ما سددت
قبل كذا كانوا يقفلون الافتراضي والبلاك بورد قبل الواجب الثالث فالواحد يدفع عشان يلحق ويحل
هالمره كل شيئ نزل بدري وللحين مفتوح
سددي متى ما بغيتي اللهم مارح تشوفي نتيجتك اذا ما سددتي

بالتوفيق

[احمدبن عبدالله]

حالي من حالكم والله مدري هالترم ما سددت بدري

اصلا مب متحمس له ههههههههههه

الله يجيب العواقب سليمه

[كآرولين]

يعطيكم العافيه جميعا

تطمنت لاني مرره خفت اليووم

[نعومي55]

عادي الواحد يختبر وهو مادفع

[هنووويي]

طمنونالاني دفعت جزءوباقي جزاءفهل صحيح ماينحسب لناالمناقشات والواجبات

[MoOoaD3]

نفس الحاله دام ان الحاله الاكاديمية فعال و ماأرسلو على الجوال الرجاء السداد. مخليهم لين يرسلون

[N555]

عادي حتى لو تختبر وانت ماسددت اهم شي خلص تحميل المحاضرات وحل المناقشات والواجبات قبل مايقفلون لا سمح الله .هم بالعاده يقفلون قبل شهر او 3اسابيع من الاختبارات بس هاذي المره باقي مفتوح لان حتى انا ماسددت لسا .بس سمعت النتيجه ماتطلع لك الا تكون مسدد .

[خالد_2011]

عادي لو ماسددتي
اهم شي انك خلصتي حل المناقشات لاتضيع عليك ال 30 درجة

وحتى لو تأخرتي للمستوى الجاي بتضطرين تدفعين المبلغ اللي ماسددتيه والمبلغ الجديد

بالتوفيق

[هنادي خالد]

وعليكم السلام
امس الشعيبي غرد بخصوص هـ الشيء
تقدري تختبري بدون لاتسددي بس ماراح تتقدري تدخلي للخدمات الطلابية والمستوى الجاي يصير دفع مبلغين
هذا كلامه يلي امس
والكلام يشمل بس القدامى الجدد لا
ويلي يسددوا من الراجحي ومايضبط معاهم يجربوا اي بنك ثاني