لا للتعصب الرياضي .. «تيفو» واحد يجمع الهلال والنصر

[المندوب السامي]

بسم الله الرحمن الرحيم



«تيفو» واحد يجمع

النصر والهلال





http://media.linkonlineworld.com/img/original/2014/12/12/2014_12_12_18_11_44_545.jpg




سيجمع مدرج استاد الملك فهد الدولي بالرياض جماهير الهلال وجماهير النصر في تيفو موحد يوم السبت المقبل في الجولة الثانية عشر من دوري عبداللطيف جميل، حيث أطلقت الشركة الراعية للناديين حملة ضد التعصب الرياضي.
هذا وأعلنت "موبايلي" تكفلها بعمل "تيفيو" جماهيري ضخم يجمع جماهير الفريقين وسيتم الكشف عنه إضافة إلى بث مقطع فيديو عبر قنوات التواصل الاجتماعية والتلفزيونية والذي يجمع الفريقين لإرسال رسائل تنبذ التعصب الرياضي، وستشمل الحملة رسائل إعلانية عبر الشاشات الإلكترونية في أبرز الشوارع الرئيسة بمدينة الرياض لذات الحملة، وذلك في خطوة غير مسبوقة في الملاعب السعودية.
من جهة أخرى قامت موبايلي بتوزيع عدد من تذاكر المباراة لدرجة "المنصة" عبر مسابقة أجرتها في حسابتها الرسمية بمواقع التواصل الاجتماعي واشترطت للفوز بالجائزة أن يُحضر الفائز مشجعًا آخرَ من الفريق المنافس للحضور سويًّا في ملعب المباراة وذلك ضمن أهداف الحملة.
يذكر أن "موبايلي" وقعت مطلع هذا الموسم عقد شراكة رسمية مع ناديي النصر والهلال يمتد خمس سنوات قادمة .

[rana.a]

يعطيك العافيه

[المندوب السامي]

يعافيك

[Dr ʀeнαв]

_
شو هيدا :)
لانخسر بعض لانخسر بعض ..:004:
جممممآآآل بحق :verycute::verycute:
بصمة رآئعه في تاريخ الكورة السعودية
وان شاء الله ننبذ التعصب ن ه ا ئ ي من ملاعبنا
مجهود طيب وفعال ويارب يزبط
سلمت دياتك المندوب
دوك:icon1::icon1:

[المندوب السامي]

^^^


اتمنى لا تكون فقط شعارات

سلمتي رحاب

[ناصـّر]

خطوه توعويه جميله لكن اعتقد ان هناك من يحتاج
الي توعيه اكثر من الجماهير ..

لاهنت ..

[المندوب السامي]

خطوه توعويه جميله لكن اعتقد ان هناك من يحتاج
الي توعيه اكثر من الجماهير ..

لاهنت ..

نعم انه الاعلام والاعلاميين من يحتاج الى جرعات اضافيه من التوعية

فرئيس النصر والهلال جائتهم اوامر عليا صارمه لايقاف هذه المهاترات

بين الجماهير لذلك نشاهد هذه المباردات المغصوب عليها الطرفين

واتمنى ان تنتهى بالرضا والاقتناع


ولا انت

[✿ e s я α`α]

يعطيكك العافيية

[N O R Z]

للاسف فريق الهلال ماالتزم بهلتيفو !

اعتقد موب بس الاعلاميين والاعلام الي يحتاج توعيه

وبعض الجماهير .

ل صاحب الموضوع يعطيك العافية .

[Dark Chocolate]

^



فقدنا الحضور الجماهيري بسبب هالتيفو ...


مباراة ممله جداً



يعطيك العافيه يا مشرف



-

[المندوب السامي]

يعطيكك العافيية

يعافيك

للاسف فريق الهلال ماالتزم بهلتيفو !

اعتقد موب بس الاعلاميين والاعلام الي يحتاج توعيه

وبعض الجماهير .

ل صاحب الموضوع يعطيك العافية .

يعافيك

^



فقدنا الحضور الجماهيري بسبب هالتيفو ...


مباراة ممله جداً



يعطيك العافيه يا مشرف



-

اكثر شي ممل في كرة القدم هم عدم حضور الجمهور والتكتيك

الذي يلعب به الفريقين

يعافيك

[ريمنقو]

هل يعقل سبب غياب الجمهور اليوم بسبب التيفو ؟
وبالاخص جمهور النصر اللي عودنا بأن يملئ نصف الملعب بالديربي !

[أبو محمد]

وين موضوع المباراة اليوم :biggrin:

يمسيكم بالخير .. سلمت يا المندوب على وضع يدك على وتر مشدود يحتاج الى إرتخاء ..

[أسير نجد]

:(204):

[Dark Chocolate]

*


ركلة جزاء غير محتسبه للهلال ...

تسلم لي لجنة الحكام و اختياراتها ...




-

[أسير نجد]

الف الف الف مبارك فوز العالمي

وحظ اوفر لنادي الهلال

[عريبღღ]

ألف مبروووووك للعالمي ومبروووك لجماهيره وحظ أوفر للهلال

[المندوب السامي]

هل يعقل سبب غياب الجمهور اليوم بسبب التيفو ؟
وبالاخص جمهور النصر اللي عودنا بأن يملئ نصف الملعب بالديربي !

يبدو ان حالة الاحتقان بين الجماهير اكبر مما يداويها مبادره من مويايلي لتيفو يجمع الفريقين

[أسير نجد]

ألف مبروووووك للعالمي ومبروووك لجماهيره وحظ أوفر للهلال



الله يبارك فيك ويطول بعمرك يابنت وايل


شكرا من الاعماق يانوره الشمالي

[Dark Chocolate]

هل يعقل سبب غياب الجمهور اليوم بسبب التيفو ؟
وبالاخص جمهور النصر اللي عودنا بأن يملئ نصف الملعب بالديربي !

اجبار موبايلي للجمهور بهذا التيفو هو السبب ..
انا لما ابتكر هالشيء و انا اللي ادخله للملاعب السعوديه عشان اعبر عن حبي لفريقي و تجي انت عشان ( الشو )
تسوي هالتيفو و هو اولاً و اخيراً دعايه للشركة و اللي راح يشكرون بيشكرون موبايلي على هاللفته و انا الجمهور مجرد اداة اجبرت من هالشركة على هالشيء !!!


الجمهور ماله احترام في السعوديه لا ملاعب لا خدمات تدخل الملعب تنجلد جلد الكفار ....
فوق الضيم و انك تجي قبل المباراة بساعات عشان تقعد في مكان و مااحد ياخذه منك تلقى عدم احترام و اللي صار
في مباراة الاتحاد امس كارثه ... الهدف مو نبذ تعصب اللي رفعوا لافته بصورة ياسر هم اللي يحترمون مو ينجلد و يتصور و تتنشر صورة بكل مكان ....



الرياضه عندنا انتهت باقي بس منتخب احمد عيد يختمها بخير في اسيا عشان نروح نجمع عمال الانديه و نلبسهم كانهم مشجعين



-

[المندوب السامي]

وين موضوع المبارة اليوم :biggrin:

يمسيكم بالخير .. سلمت يا المندوب على وضع يدك على وتر مشدود يحتاج الى إرتخاء ..

مساك الله بالرضا والسرور

القسم كله عن الديربي اي موضوع يمثل المباراه لكن اجمل المواضيع التي تستضيف المباراه

هو هذه البادره بنبذ التعصب فلن تفرقنا كره

التعصب يبدو انه وتر يحتاج الى تغيير جذري وما قلت الحضور اليوم للمباراة الا اعتراض من الجماهير

مع المشاركه بتيفو مع بعضها البعض

لاندمت ابومحمد شرفتنا بحضورك

[Dark Chocolate]

وين موضوع المبارة اليوم :biggrin:

يمسيكم بالخير .. سلمت يا المندوب على وضع يدك على وتر مشدود يحتاج الى إرتخاء ..

يمسيك بالرضى و العافيه ...

[غند @]

ألف مبرووك للنصر
وحظ أوفر للهلال

[المندوب السامي]

مبروك للنصر الفوز وهاردلك للهلال


الفريقان لم يقدمو ماكان متوقع غلب التكتيك على المباراة وغاب كثير من الاثاره

مع اخطاء تحكيميه اعتدنا عليها

[تيتشر ريماز]

الف مبروووووك للنصر ولجماهيره هذا الفوز الجميل :004:
آخر دقايق المبارة كانت حماسية مرا والهلاليين الا نفوز غصب اشبلاهم بغوا يضربون الحكم في الاخير :42:
هاردلك للهلالين و#لا للتعصب

[أسير نجد]

الف مبروووووك للنصر ولجماهيره هذا الفوز الجميل :004:
آخر دقايق المبارة كانت حماسية مرا والهلاليين الا نفوز غصب اشبلاهم بغوا يضربون الحكم في الاخير :42:

هاردلك للهلالين و#لا للتعصب







:hahahahahah::hahahahahah::hahahahahah:

[ريمنقو]

اجبار موبايلي للجمهور بهذا التيفو هو السبب ..
انا لما ابتكر هالشيء و انا اللي ادخله للملاعب السعوديه عشان اعبر عن حبي لفريقي و تجي انت عشان ( الشو )
تسوي هالتيفو و هو اولاً و اخيراً دعايه للشركة و اللي راح يشكرون بيشكرون موبايلي على هاللفته و انا الجمهور مجرد اداة اجبرت من هالشركة على هالشيء !!!


الجمهور ماله احترام في السعوديه لا ملاعب لا خدمات تدخل الملعب تنجلد جلد الكفار ....
فوق الضيم و انك تجي قبل المباراة بساعات عشان تقعد في مكان و مااحد ياخذه منك تلقى عدم احترام و اللي صار
في مباراة الاتحاد امس كارثه ... الهدف مو نبذ تعصب اللي رفعوا لافته بصورة ياسر هم اللي يحترمون مو ينجلد و يتصور و تتنشر صورة بكل مكان ....



الرياضه عندنا انتهت باقي بس منتخب احمد عيد يختمها بخير في اسيا عشان نروح نجمع عمال الانديه و نلبسهم كانهم مشجعين



-


ولاننا كـ جمهور خابرين هدف موبايلي , جمهور الهلال ازال التيفو
وبعض جمهور النصر تخاذل فكان التيفو مش حالك :oao:


/

المشكله داخليه ترتكز على اصحاب السلطة قبل كل شي
فلذلك بنتعب وحنا نقول لا للتعصب , لان الله مايغير قوم حتى يغيروا اللي بأنفسهم
واتضح لي من موقف البارحه ان الوحشيه اللي يتصف فيها بعض رجال الامن ضد الجماهير
بسبب تعصب رجل الامن ..

[المندوب السامي]

يبدو ان قدرنا ان لايوجد اثاره الا بتعصب

وما مباراة اليوم الا خير دليل

لكن كيف يكون تعصب حميد فقط بداخل الملعب ؟

[عازف الكلمه]

الف مبروك للعالمي هذا الفوز المستحق مع ان النتيجه غير مرضيه لجماعير النصر مع ضياع الفرص في الانفرادات في الوقت بدل الضائع
لكن الحمد لله كسبنا 3 نقاط نضيفه مع الاخطاء التحكيميه التي اضرت بفريق النصر

[ريمنقو]

يبدو ان قدرنا ان لايوجد اثاره الا بتعصب

وما مباراة اليوم الا خير دليل

لكن كيف يكون تعصب حميد فقط بداخل الملعب ؟


شكلكم تعودتوا ان ديربي الهلال والنصر لازم يكون فيه تلاحم وتشابك بين اللاعبين
على سنوات طويله كان هذا الحدث االاكبر في اغلب المباريات اللي تجمع الفريقين ..

اليوم بالذات ارى ان لاعبين النصر تخلوا تماماً عن تعصبهم
اللي كنت دايم اشوفه صفه سلبيه بلاعبين النصر

نحن قوم يَ اما نحبي والا ننسدح
تبينا متعصبين جيناك متعصبين لابعد الحدود
واذا تبي تسوي حمله نبذ التعصب صابتنا موجه بارده :hahahahahah:

[Dark Chocolate]

يبدو ان قدرنا ان لايوجد اثاره الا بتعصب

وما مباراة اليوم الا خير دليل

لكن كيف يكون تعصب حميد فقط بداخل الملعب ؟

لما تنشال فكرة المؤامره اللي انزرعت في روس الجماهير و اننا فريق محارب و ان الكل ضدنا

و هالشيء يروح لما ننظف عقول بعض الاعلاميين ب600876436765 لتر كلوركس مخلوط بفلاش اللي قاعدين يغذون هالفكره بعقول الجماهير

و لما المسؤولين في رياضتنا يتجردون من هلاليتهم و نصراويتهم و اهلاويتهم و يكونون سعوديين بس




-

[عازف الكلمه]

بالمنطق
الهلال ما فاز على آخر عالمي في آسيا ( سيدني)

بيفوز على أول عالمي في آسيا ( النصر)
:hahahahahah::hahahahahah:

[عازف الكلمه]

ملاحظاتي في المباراة

الشلهوب الكابتن
طلع مسك كريري الكابتنيه خمس دقايق طلع كريري استلم الشمراني الكابتنيه خمس دقايق طلع استلم الكابتنيه العابد

من أجمل ما قرأت
هههههههههههه

[ريمنقو]

الهوا دايم ينسى الماضي العصيب
الهلال يفوز على العالمي ويأكلهم 3 الى 5 اهداف
في كل مباراه
ههههههههههههههههههههههههههههه

[المندوب السامي]

شكلكم تعودتوا ان ديربي الهلال والنصر لازم يكون فيه تلاحم وتشابك بين اللاعبين
على سنوات طويله كان هذا الحدث االاكبر في اغلب المباريات اللي تجمع الفريقين ..

اليوم بالذات ارى ان لاعبين النصر تخلوا تماماً عن تعصبهم
اللي كنت دايم اشوفه صفه سلبيه بلاعبين النصر

نحن قوم يَ اما نحبي والا ننسدح
تبينا متعصبين جيناك متعصبين لابعد الحدود
واذا تبي تسوي حمله نبذ التعصب صابتنا موجه بارده :hahahahahah:

:hahahahahah:هاذا الحاصل اليوم من شاهد المباراة وعدد الجماهير يقول في نفسه وينك يالتعصب

مباراة بارده للغايه

الموسم كله ننتظر الاثاره والموسم كله قمة اثارته النصر والهلال

فاذا اختفت الاثاره بهذه المباراة فلماذا الدوري برمته

لكن يبدو ان الاوامر العليا لرئيسي الهلال والنصر وقبولهم بمباردة موبايلي اثرت

على حماس الجماهير

[أسير نجد]

الف مبروك للعالمي هذا الفوز المستحق مع ان النتيجه غير مرضيه لجماعير النصر مع ضياع الفرص في الانفرادات في الوقت بدل الضائع
لكن الحمد لله كسبنا 3 نقاط نضيفه مع الاخطاء التحكيميه التي اضرت بفريق النصر


الله يبارك فيك ياعالمي ومبروك لك ايضا هذا الفوز :(204):

[الدكتوره رورو]

هاااااااااااااارد لك لنا وخيرها بغيرها

وترى فايزين ببلنتي يعني ارتاااااااااااااااحو مستوى ماكااااااااااااان فيه

لاللتعصب

[أسير نجد]

بالمنطق
الهلال ما فاز على آخر عالمي في آسيا ( سيدني)

بيفوز على أول عالمي في آسيا ( النصر)
:hahahahahah::hahahahahah:




:hahahahahah::hahahahahah::hahahahahah:

[المندوب السامي]

لما تنشال فكرة المؤامره اللي انزرعت في روس الجماهير و اننا فريق محارب و ان الكل ضدنا

و هالشيء يروح لما ننظف عقول بعض الاعلاميين ب600876436765 لتر كلوركس مخلوط بفلاش اللي قاعدين يغذون هالفكره بعقول الجماهير

و لما المسؤولين في رياضتنا يتجردون من هلاليتهم و نصراويتهم و اهلاويتهم و يكونون سعوديين بس




-

بجد احترنا نريد الاثاره والحماس وننبذ التعصب

ويبدو ان التعصب ملازم للاثارة والحماس


وينك يااينشتاين تحل المعادله:biggrin:

[عازف الكلمه]

وما زال الهلال يعيش كابوس يوم السبت
يلقاها من سدني والا من النصر
ههههههههههههههههههههههه

ثاني فريق يفوز ع الهلال بعد سدني هو النصر هم كذا العالميين
#لا_نخسر_بعض :rose::hahahahahah:

[أبو محمد]

بالمنطق
الهلال ما فاز على آخر عالمي في آسيا ( سيدني)

بيفوز على أول عالمي في آسيا ( النصر)
:hahahahahah::hahahahahah:


المندوب شف لك حل مع هالكائن .. مُستفز http://www.ckfu.org/pic4u/uploads/ckfu1417874365581.gif
قبل شوي أقول الحمد لله الهوا شمالي ماهو متصل .. والا اشوف ردك هذا :41jg:

[أبو محمد]

الهوا دايم ينسى الماضي العصيب
الهلال يفوز على العالمي ويأكلهم 3 الى 5 اهداف
في كل مباراه
ههههههههههههههههههههههههههههه


رد يا مُستفز :(269):

[Dark Chocolate]

^


مادري ليه النصراويين مايبون يستوعبون اننا اعلى منهم في كل شيء لا في عدد البطولات

و حتى يوم نفوز نصكهم ب5 و حنا نضحك :biggrin:

و للحين مصدقين انه فريقهم افضل من فريقنا :16.jpg:


-

[@ عنتر @]

يازين حكام الأجانب

[@ عنتر @]

سافري يا شمس لوقت الغروب
دام شمس العالمي بعدك تجي

نهزم اللي ضاع في كل الدروب
يجمع أول حرف وهذا مقصدي

ههههههههههههههههههههههههههههههههههههه

[Dark Chocolate]

بجد احترنا نريد الاثاره والحماس وننبذ التعصب

ويبدو ان التعصب ملازم للاثارة والحماس


وينك يااينشتاين تحل المعادله:biggrin:


انيشتاين صار بترول هالحين :biggrin:

[أسير نجد]

المندوب شف لك حل مع هالكائن .. مُستفز http://www.ckfu.org/pic4u/uploads/ckfu1417874365581.gif
قبل شوي أقول الحمد لله الهوا شمالي ماهو متصل .. والا اشوف ردك هذا :41jg:


هههههههه

على العكس تماما يابو محمد وهذي متعة المنافسة الجميلة

والهوا شمالي هو ملح مواضيعنا للامانه ودائما تعليقاته تعجبني

ونحن بالنهايه اخوه متحابون في الله ومابيننا اكبر بكثير من مسألة كره :(204):

[@ عنتر @]

الف مبروك للعالمي الف مبروك للنزاهة الف مبروك للشعب الف مبروك للوطن

[عريبღღ]

بالمنطق
الهلال ما فاز على آخر عالمي في آسيا ( سيدني)

بيفوز على أول عالمي في آسيا ( النصر)
:hahahahahah::hahahahahah:
:hahahahahah:مافيك حيله
توني عرفت إنك بخير وإلا قبل ماتدخل الموضوع قلت صاير فيك شيء أكيد :Looking_anim: مو من عوايدك وكذا :16.jpg:تسكت

[أبو محمد]

هههههههه

على العكس تماما يابو محمد وهذي متعة المنافسة الجميلة

والهوا شمالي هو ملح مواضيعنا للامانه ودائما تعليقاته تعجبني

ونحن بالنهايه اخوه متحابون في الله ومابيننا اكبر بكثير من مسألة كره :(204):

الملح إن زاد ما ينوكل :cheese:
شكلي بعطيه ميزه التخفي يداهمنا بمثل هالمواضيع اللي ساكن فيها الهدوء و الطمأنينة .. :(269):
ودي أجلس معكم أكثر لكن النوم داهم العقل والعيون قفلت ..

نرآكم على خير ..
فمان الله ،،

[@ عنتر @]

http://im43.gulfup.com/aWu2Bp.jpg

أيش الليله ياعمري واحد صفرررررر

[أسير نجد]

عنتر والهوا شمالي وبقية العالميين

لاتضغطون على الزعماء اكثر من كذا

يكفيهم اللي فيهم الان :hahahahahah::hahahahahah::hahahahahah:

[المندوب السامي]

المندوب شف لك حل مع هالكائن .. مُستفز http://www.ckfu.org/pic4u/uploads/ckfu1417874365581.gif
قبل شوي أقول الحمد لله الهوا شمالي ماهو متصل .. والا اشوف ردك هذا :41jg:


اليوم على كثر مالمباراة بارده في المدرجات تمنيت الجماهير تطقطق على بعضها لاثارة الحماس كمثل

اخونا الهوا الشمالي :biggrin:

بعد ردك هذا ابومحمد بتتوقف المباراة والحديث عنها وبكل خيرها وشرها:icon120:

[أسير نجد]

الملح إن زاد ما ينوكل :cheese:
شكلي بعطيه ميزه التخفي يداهمنا بمثل هالمواضيع اللي ساكن فيها الهدوء و الطمأنينة .. :(269):
ودي أجلس معكم أكثر لكن النوم داهم العقل والعيون قفلت ..

نرآكم على خير ..
فمان الله ،،



ههههههههه

ماتشوف شر يابو محمد وبحفظ الرحمن

ونحن ايضا نبي نرووح لايزعلون علينا الزعماء :064:

[عازف الكلمه]

المندوب شف لك حل مع هالكائن .. مُستفز http://www.ckfu.org/pic4u/uploads/ckfu1417874365581.gif
قبل شوي أقول الحمد لله الهوا شمالي ماهو متصل .. والا اشوف ردك هذا :41jg:
ههههههههههههه
اطلعلك من حيث لا تعلم :10111:

العالمي يحضر الجميع من اجله حتى الهلاليين يجون عشانه :biggrin:

معلومه لك يا ابو محمد
س/ هل تعلم ان الهلال لم يسجل في مرمى النصر و الاتحاد و الشباب ..؟

لان الحكم أجنبي :hahahahahah::hahahahahah:

[@ عنتر @]

يأخي المباراة محسومة للنصر ولكن النصر يفكر
مباراة الشباب الليثاويه صعبين

[عازف الكلمه]

ريمنقو تبينا نرجع للماضي الحقيقي والا للماضي الي يمشي على هواكم :33_asmilies-com:
خلي الدعوه مستوره مو في صالحك :S_45:

ومع الحكم الاجنبي مش حتئدر تفوز :hahahahahah::hahahahahah:

رد يا مُستفز :(269):

:hahahahahah::hahahahahah: رديت يا عالمي :10111:

[عازف الكلمه]

عزيزي الهلالي لو انك متأهل للعالميه كان لعبت مكان سدني بعد شوي .. اضغط المضغوط :hahahahahah::hahahahahah:
هههههههه

والهوا شمالي هو ملح مواضيعنا للامانه ودائما تعليقاته تعجبني


طيب هات بوسه :004::106:

[ريمنقو]

ماضي ابو 3 مثلاً وآلآ ماضي الخمسات يَ نصراوي ياكبير :hahahahahah::mh12:
ااذا بنرجع للماضي فهو مايسركم كنصراويين , :(269):

[✶ جُمان ✶]

الف مبروك للعالمي هذا الفوز المستحق مع ان النتيجه غير مرضيه لجماعير النصر مع ضياع الفرص في الانفرادات في الوقت بدل الضائع
لكن الحمد لله كسبنا 3 نقاط نضيفه مع الاخطاء التحكيميه التي اضرت بفريق النصر


ياشين العجلة

ناظر وش كاتب >>> لجماعير:(269):

[عازف الكلمه]

:hahahahahah:مافيك حيله
توني عرفت إنك بخير وإلا قبل ماتدخل الموضوع قلت صاير فيك شيء أكيد :Looking_anim: مو من عوايدك وكذا :16.jpg:تسكت
هارلك والقادم احلى
الحمد لله بخير وعافيه من رب العباد
الغيبه قرب الاختبارات بس الليله عالميه .. صعبه قويه :biggrin:
يسلوا على السؤال

[عازف الكلمه]

الملح إن زاد ما ينوكل :cheese:
شكلي بعطيه ميزه التخفي يداهمنا بمثل هالمواضيع اللي ساكن فيها الهدوء و الطمأنينة .. :(269):
ودي أجلس معكم أكثر لكن النوم داهم العقل والعيون قفلت ..

نرآكم على خير ..
فمان الله ،،
وانت من اهل الخير

[✶ جُمان ✶]

^


مادري ليه النصراويين مايبون يستوعبون اننا اعلى منهم في كل شيء لا في عدد البطولات

و حتى يوم نفوز نصكهم ب5 و حنا نضحك :biggrin:

و للحين مصدقين انه فريقهم افضل من فريقنا :16.jpg:


-


:16.jpg:
مايحتاج ياشووووكوووو الزعيم
لازم تجيهم عقدة نفسية <<< مالها طب :hahahahahah:

[عازف الكلمه]

عنتر والهوا شمالي وبقية العالميين

لاتضغطون على الزعماء اكثر من كذا

يكفيهم اللي فيهم الان :hahahahahah::hahahahahah::hahahahahah:
ههههههههههههه
بنخلي فرصه للفرق الثانيه :hahahahahah:

[عازف الكلمه]

ههههههههه جوميه
المهم انك فهمتيها :tongue:
وهاردلك والجاي احلى :biggrin:

[عازف الكلمه]

نكتفي بهذا القدر
ولنا لقاء آخر في هزائم اخرى:biggrin:

وتصبحون ع خير :106::004:

[✶ جُمان ✶]

ههههههههه جوميه
المهم انك فهمتيها :tongue:
وهاردلك والجاي احلى :biggrin:


فزتوا بضربة جزاء

حسبها المرووووووووووووح لكم :16.jpg:
.......
مبارك لكم <<< دام الموضوع لا للتعصب الرياضي
يظل النصر ماله غناة عن الهلال:16.jpg:
مايشخصوووون النصراوية الا اذا فازوا على الهلال

[عريبღღ]

http://www.almowaten.net/files/images/15391954.jpg
لا لتعصب وهذي علشان فوز النصر اليوم

[@ عنتر @]

http://im58.gulfup.com/LfnEGX.jpg




http://im63.gulfup.com/niw0pr.jpg


أكبر خسارة للهلال من الأهلي*

ههههههههههههههههههههههههههههه

اللهم لاشماته*

درزن أهداف*

[@ عنتر @]

ماهي العلاقة بين هدف السهلاوي و هدف فريق سيدني













كلها ف الدقيقة 69 هههههههههه
ويوووووم السبت

[الــغـــدراء]

،،


صباح الخير للجميع ...

الف مبروك فوز العالمي و هاردلك الهلال .


.

[فنوُ *]

الف مبروك للعالمي خيرها بغيرها يالهلالين

[فنوُ *]

+ههههههه ضحكة عن خاطري بمناسبة خسارة الهلال^^

[فنوُ *]

اشوف ناس تغلط على النصر ومتعصبة ونصر مظلوم بكل شيء
اسمحلي ابو محمد المفروض تقدرون افراح النصر كنا نندق يالكلام وننجرح من الهلالين
انا ماعليش ماتعصبة للنصر والشجع الاتحاد والاهلي واكره الهلال

[✿ e s я α`α]

عنتر والهوا شمالي وبقية العالميين

لاتضغطون على الزعماء اكثر من كذا

يكفيهم اللي فيهم الان :hahahahahah::hahahahahah::hahahahahah:

مش معقول :71::hahahahahah::hahahahahah:

[أسير نجد]

عزيزي الهلالي لو انك متأهل للعالميه كان لعبت مكان سدني بعد شوي .. اضغط المضغوط :hahahahahah::hahahahahah:

طيب هات بوسه :004::106:




:16::16::16::16::16:

[أسير نجد]

مش معقول :71::hahahahahah::hahahahahah:




:biggrin: :hahahahahah: :hahahahahah:

[مـ ع ـاند جروحه]

مبروك للنصروايين وهاردلك للهلاليين

وكل واحد يغمض عينه ويآخذ نفس عميق ويروح يذاكر :biggrin::biggrin:

[أبو محمد]

اشوف ناس تغلط على النصر ومتعصبة ونصر مظلوم بكل شيء
اسمحلي ابو محمد المفروض تقدرون افراح النصر كنا نندق يالكلام وننجرح من الهلالين
انا ماعليش ماتعصبة للنصر والشجع الاتحاد والاهلي واكره الهلال


تعرفين هذا الشيء :biggrin:

http://www.ckfu.org/pic4u/uploads/ckfu1418576824251.jpg

[@ عنتر @]

تعرفين هذا الشيء :biggrin:

http://www.ckfu.org/pic4u/uploads/ckfu1418576824251.jpg



http://im45.gulfup.com/X8wpkX.jpg



أبومحمد عاين ذا لاعب وش يذكرك فيه*

:biggrin:

[Dr ʀeнαв]

_

له له اشوف الخلق مدهريَن بالردود ..:(269):
ماهكذا , مش هيك الحتسي يكوَن ..
اه صحيح مبروك الفوز
لكن نفسي احد يقنعني انه كآن فوز بجداره كل ابوه بلنتي :/ ..
ما اذكر اني شفت نصرآوي باقي الجولات هنَا ..
وبالاحرى يوم طقطق عليكم الاهلي وتعادلتو مع الفيصلي
اوه عرفت الفرق بين الهلاليَن والنصرآوين الحين ..
> مانست وقفتكم مع سيدني ضد فريق بلادكم :sm4:
صحيح الهلال مش على خبري العَام بس يظل كبير بقلوبنَا ..
واذا خسر من النصر وسيدني ووو ..وش صار !!!
في الاخير الكوره فوز وخسارَه ..
لكن الفرق جمهور الانديه الباقيه واثقه بفرقهم ..اما النصراوين بعد كل ماتش
نلاقي حفلة هنا ..:(269)::hahahahahah:

[فنوُ *]

_

له له اشوف الخلق مدهريَن بالردود ..:(269):
ماهكذا , مش هيك الحتسي يكوَن ..
اه صحيح مبروك الفوز
لكن نفسي احد يقنعني انه كآن فوز بجداره كل ابوه بلنتي :/ ..
ما اذكر اني شفت نصرآوي باقي الجولات هنَا ..
وبالاحرى يوم طقطق عليكم الاهلي وتعادلتو مع الفيصلي
اوه عرفت الفرق بين الهلاليَن والنصرآوين الحين ..
> مانست وقفتكم مع سيدني ضد فريق بلادكم :sm4:
صحيح الهلال مش على خبري العَام بس يظل كبير بقلوبنَا ..
واذا خسر من النصر وسيدني ووو ..وش صار !!!
في الاخير الكوره فوز وخسارَه ..
لكن الفرق جمهور الانديه الباقيه واثقه بفرقهم ..اما النصراوين بعد كل ماتش
نلاقي حفلة هنا ..:(269)::hahahahahah:
رحاب انا احترمك لان ردودك محترمة مدري هلالية بالغلط
الحكم كان معاق :bawling: انا معك:41jg:
بس ركلت الجزاء مستحقة وطرد مستحق وطرد من لاعبنا زيكم الوضع مابه مساكل على الاقل عدل بينا وبينكم لعبنا ب 10 لاعبين
بس حارسنا الله يسعدة العنزي كان بطل :verycute::004:لاخر لحظة حتى وهو مصاب ياحياتي:sm1::004:

[فنوُ *]

تعرفين هذا الشيء :biggrin:

http://www.ckfu.org/pic4u/uploads/ckfu1418576824251.jpg

كاس موية ههههههههههه:53::mh12:

[Dr ʀeнαв]

رحاب انا احترمك لان ردودك محترمة مدري هلالية بالغلط
الحكم كان معاق :bawling: انا معك:41jg:
بس ركلت الجزاء مستحقة وطرد مستحق وطرد من لاعبنا زيكم الوضع مابه مساكل على الاقل عدل بينا وبينكم لعبنا ب 10 لاعبين
بس حارسنا الله يسعدة العنزي كان بطل :verycute::004:لاخر لحظة حتى وهو مصاب ياحياتي:sm1::004:


تمام تمام ,, انا مانفيَت ركلة الجزاء او شكيت بهَا ..
لكنك قلتيها ركلة جزآء انت والحارس ع الطآير ..مااعترف بذي الاهداف ..
ولاقلت حآرسكم رجل كرسي بالعكس العنزي حارس ممتاز ..
انا اقول فوز غير مستحق يعني ماشفت انهم عطو عطآء يستحق الحفلة ذي ..
هجمآت هلالية قد الدونيآ يقابلها هجمات نصرآويه اقل ..
محاولات هلاليَه والخ ..
باختصآر جمهور نصرآوي على عيني وعلى رآسي لكَن
لكل شي حدَه انبسطتو تستاهلون لكن في نطآق فوزكَم ..
مانسمح احد يطقطق على الزعيم مين ماكان يكون ..

[فنوُ *]

تمام تمام ,, انا مانفيَت ركلة الجزاء او شكيت بهَا ..
لكنك قلتيها ركلة جزآء انت والحارس ع الطآير ..مااعترف بذي الاهداف ..
ولاقلت حآرسكم رجل كرسي بالعكس العنزي حارس ممتاز ..
انا اقول فوز غير مستحق يعني ماشفت انهم عطو عطآء يستحق الحفلة ذي ..
هجمآت هلالية قد الدونيآ يقابلها هجمات نصرآويه اقل ..
محاولات هلاليَه والخ ..
باختصآر جمهور نصرآوي على عيني وعلى رآسي لكَن
لكل شي حدَه انبسطتو تستاهلون لكن في نطآق فوزكَم ..
مانسمح احد يطقطق على الزعيم مين ماكان يكون ..

الحارس كان بطل وحافظ على الهدف الوحيد
:16.jpg:
والتوقع من تغيرات المدرب كثف الدفاع وحافظ على الهدف الوحيد لان يبي 3 النقاط وبس و عنده نقص :cheese:
مدربنا كان ذكي مدربكم كان طماع هجوم هجوم واحنا مسكرين الدونيا :064:
اقول رحاب :sm1:نفسي اشتغل اعلامية رياضية وناسة :mh12:

[Dr ʀeнαв]

الحارس كان بطل وحافظ على الهدف الوحيد
:16.jpg:
والتوقع من تغيرات المدرب كثف الدفاع وحافظ على الهدف الوحيد لان يبي 3 النقاط وبس و عنده نقص :cheese:
مدربنا كان ذكي مدربكم كان طماع هجوم هجوم واحنا مسكرين الدونيا :064:
اقول رحاب :sm1:نفسي اشتغل اعلامية رياضية وناسة :mh12:

انتي قلتيهآ يبي 3 نقاط وبس ..يعني يعتمد ع الحظ ..
لو مو خطأ الزوري كان ماشفنا اي نصرآوووي فيذا القسم غير المندوب الى الديربي التالي (اذا فزتو)
مدربنا وان ماحسبها صح ذا المباراه لكنه يبحث عن المتعه واللعب الجيَد اقلها مشآن نكحل عيونا بلعيبتنا ..
نقول ايه تمام ذا وصيف اسيا ..

باختصآر لعب الهلال في المباراتين سيدني وشقيقه النصر افضل من لعب الفريقين ..
لكَن عشاننا مانعتمد ع الحظ نسمح لكم بالطقطقه عند الخساره :16.jpg:

> ياحليلي وانا اعلاميه رياضيَه كآن شهار تناديني من اول اسبوع ..
اصبري اصبري دقآيق ويجونك الزعماء بحق ويخلونك تتمني تكوني اعلاميه بالعربيه حقت الاسهم :biggrin:

[الــغـــدراء]

_
لكن نفسي احد يقنعني انه كآن فوز بجداره كل ابوه بلنتي :/ ..


الفوز بجدارة يحسب لـ [ سدني ] لانه كبري :S_45:
البلنتي هذا اللي مو مقنعك :(107):
ترى زعل جميع الهلاليين في موقعة سدني ليش ما أحتسب لهم :(284):

على فكرة أمس أنهزم سدني ببنلتي :tongue:

[أسير نجد]

_

له له اشوف الخلق مدهريَن بالردود ..:(269):
ماهكذا , مش هيك الحتسي يكوَن ..
اه صحيح مبروك الفوز
لكن نفسي احد يقنعني انه كآن فوز بجداره كل ابوه بلنتي :/ ..
ما اذكر اني شفت نصرآوي باقي الجولات هنَا ..
وبالاحرى يوم طقطق عليكم الاهلي وتعادلتو مع الفيصلي
اوه عرفت الفرق بين الهلاليَن والنصرآوين الحين ..
> مانست وقفتكم مع سيدني ضد فريق بلادكم :sm4:
صحيح الهلال مش على خبري العَام بس يظل كبير بقلوبنَا ..
واذا خسر من النصر وسيدني ووو ..وش صار !!!
في الاخير الكوره فوز وخسارَه ..
لكن الفرق جمهور الانديه الباقيه واثقه بفرقهم ..اما النصراوين بعد كل ماتش
نلاقي حفلة هنا ..:(269)::hahahahahah:




:(107):

[أسير نجد]

الفوز بجدارة يحسب لـ [ سدني ] لانه كبري :S_45:
البلنتي هذا اللي مو مقنعك :(107):
ترى زعل جميع الهلاليين في موقعة سدني ليش ما أحتسب لهم :(284):

على فكرة أمس أنهزم سدني ببنلتي :tongue:





:biggrin:

[Dr ʀeнαв]

الفوز بجدارة يحسب لـ [ سدني ] لانه كبري :S_45:
البلنتي هذا اللي مو مقنعك :(107):
ترى زعل جميع الهلاليين في موقعة سدني ليش ما أحتسب لهم :(284):

على فكرة أمس أنهزم سدني ببنلتي :tongue:

_


موقعة سيدني على قولتك تراها ابد مش عاملة ازمة لنَا ..
تدري ليه لاننا هلاليَن .. راحت بطوله بتجي بطوله بأذن الله
الهلال مع سيدني = ظلم واجحآف طول وقت المباراه
الهلالين زعلو نتيجة الظلم اللي واجههوه مش منشآن بلنتي ضايع
لان باختصار بلنتيات اللي ضآعت :)

بس للمعلوميَه تراك نصرآوي قبل لاتكون سندآوي :16.jpg:

[أبو محمد]

http://im45.gulfup.com/X8wpkX.jpg



أبومحمد عاين ذا لاعب وش يذكرك فيه*

:biggrin:



يذكرني بـ 05-01-2000 :(269):


http://www.ckfu.org/pic4u/uploads/ckfu1418581735581.png

[أبو محمد]

ألو . الهوا شمالي .. تعال شف رحاب تبي تسولف معك :biggrin:

[عازف الكلمه]

النصر 2013 عاد للصدارة عن طريق الهلال
النصر 2014 عاد للصدارة عن طريق الهلال

الهلال هو الطريق الأسهل للنصر :tongue:

الفوز بجدارة يحسب لـ [ سدني ] لانه كبري :S_45:
البلنتي هذا اللي مو مقنعك :(107):
ترى زعل جميع الهلاليين في موقعة سدني ليش ما أحتسب لهم :(284):

على فكرة أمس أنهزم سدني ببنلتي :tongue:

:(204)::(204):

[Dr ʀeнαв]

ألو . الهوا شمالي .. تعال شف رحاب تبي تسولف معك :biggrin:



لا والله خآطري اسولف معك شويات ..

ابو محمد عندك ام بي سي برو :hahahahahah:

[أبو محمد]

لا والله خآطري اسولف معك شويات ..

ابو محمد عندك ام بي سي برو :hahahahahah:


ههههههههههههههههههههه

أنا نايم :019:
بكرة بكرة نسولف :biggrin:

[Dr ʀeнαв]

النصر 2013 عاد للصدارة عن طريق الهلال
النصر 2014 عاد للصدارة عن طريق الهلال

الهلال هو الطريق الأسهل للنصر :tongue:



:(204)::(204):



هلا والله
ارحب ارحب ..
ايش هدا طقطقه واجد انت حطي .؟!!
وين نبذ التعصب اللي اتفقت معه مع صعب
والا كلام نصرآوين ..

# ملاحظه النصر ماعاد للصدآره ..لانه كان متصدر
( الصداراه تحتسب بعد نهاية الجوله مش من اول يوم في الجوله ):icon120:

[المندوب السامي]

ههههههههههههههه

الله يسعدكم فاقد هالحماس

[Dr ʀeнαв]

ههههههههههههههههههههه

أنا نايم :019:
بكرة بكرة نسولف :biggrin:


:sm5::sm5::sm5::sm5:

[أسير نجد]

_

له له اشوف الخلق مدهريَن بالردود ..:(269):
ماهكذا , مش هيك الحتسي يكوَن ..
اه صحيح مبروك الفوز
لكن نفسي احد يقنعني انه كآن فوز بجداره كل ابوه بلنتي :/ ..
ما اذكر اني شفت نصرآوي باقي الجولات هنَا ..
وبالاحرى يوم طقطق عليكم الاهلي وتعادلتو مع الفيصلي
اوه عرفت الفرق بين الهلاليَن والنصرآوين الحين ..
> مانست وقفتكم مع سيدني ضد فريق بلادكم :sm4:
صحيح الهلال مش على خبري العَام بس يظل كبير بقلوبنَا ..
واذا خسر من النصر وسيدني ووو ..وش صار !!!
في الاخير الكوره فوز وخسارَه ..
لكن الفرق جمهور الانديه الباقيه واثقه بفرقهم ..اما النصراوين بعد كل ماتش
نلاقي حفلة هنا ..:(269)::hahahahahah:




المشكلة يااستاذه رحاب انك تقولين ( مانسيت وقفتكم مع سيدني ضد فريق بلادكم )

لكن في المقابل والمشكلة الاكبر انك نسيتي وقفتكم انتم مع اولسان ضد فريقكم :10111:

[عازف الكلمه]

يا العالميين هدو اللعب شوي تراكم فايزين على فريق بالمركز الخامس يعني عادي ككككككك

ألو . الهوا شمالي .. تعال شف رحاب تبي تسولف معك :biggrin:
هههههههههههه
ابو محمد الظاهر تجيك رساله نصيه اذا دخلت الملتقى :eek:

رحاب للحين مصدومه من سدني وكمل النصر الباقي

وفيه ناس يجون زوار مسوين يذاكرون مو يم المباراه هههههههههههه

[Dr ʀeнαв]

المشكلة يااستاذه رحاب انك تقولين ( مانسيت وقفتكم مع سيدني ضد فريق بلادكم )

لكن في المقابل والمشكلة الاكبر انك نسيتي وقفتكم انتم مع اولسان ضد فريقكم :10111:





_

وانت تعتقد الي وقفو مع اولسآن على قولتك حنا نعتبرهم مشجعين ؟
هذولي مسمى فقط .. لايعرفو عشق ولايعرفو انتمَاء ..
لذلك حنا مكنسلينهم من زمَان ..
:biggrin:

[أسير نجد]

http://www.youtube.com/watch?v=VqcqIiuUEes




:biggrin: :(269):

[عازف الكلمه]

هلا والله
ارحب ارحب ..
ايش هدا طقطقه واجد انت حطي .؟!!
وين نبذ التعصب اللي اتفقت معه مع صعب
والا كلام نصرآوين ..

# ملاحظه النصر ماعاد للصدآره ..لانه كان متصدر
( الصداراه تحتسب بعد نهاية الجوله مش من اول يوم في الجوله ):icon120:

أنا نايم :019:
بكرة بكرة نسولف :biggrin:

[Dr ʀeнαв]

يا العالميين هدو اللعب شوي تراكم فايزين على فريق بالمركز الخامس يعني عادي ككككككك


هههههههههههه
ابو محمد الظاهر تجيك رساله نصيه اذا دخلت الملتقى :eek:

رحاب للحين مصدومه من سدني وكمل النصر الباقي

وفيه ناس يجون زوار مسوين يذاكرون مو يم المباراه هههههههههههه



اللي في المركز الخآمس تراه وصيف اسيا كككككك مش اللي يفرد عضلاته بالحظ وشايف حاله :16.jpg::16.jpg:
بس تدري وش اللي ضحكني
ههههههههههههههههـ ..
الحفله اللي سويتها معهم دامه فريق في المركز الخامس ع قولتك :lllolll:

[Dr ʀeнαв]

http://www.youtube.com/watch?v=VqcqIiuUEes




:biggrin: :(269):


يعجبني يعجبني النصرآوي
اول حاجه النصر بعدين حول على سيدني ودحين يجي لجماهير الهلال اللي نعتبرهم جاحدين :hahahahahah:

[أسير نجد]

_

وانت تعتقد الي وقفو مع اولسآن على قولتك حنا نعتبرهم مشجعين ؟
هذولي مسمى فقط .. لايعرفو عشق ولايعرفو انتمَاء ..
لذلك حنا مكنسلينهم من زمَان ..
:biggrin:




:16::16::16::16::16:

[عازف الكلمه]

هلا والله
ارحب ارحب ..
ايش هدا طقطقه واجد انت حطي .؟!!
وين نبذ التعصب اللي اتفقت معه مع صعب
والا كلام نصرآوين ..

# ملاحظه النصر ماعاد للصدآره ..لانه كان متصدر
( الصداراه تحتسب بعد نهاية الجوله مش من اول يوم في الجوله ):icon120:

هلا وغلا
المهلي ما يولي

ما اتفقت مع احد :biggrin: من صعب ما اعرف احد بهالاسم :71:
صح عليك كان متصدر بس زادت الفرق يعني صدارة اس 2

والهلال ثابت برافو عليك لك تقييم على المعلومه :biggrin:

[Dr ʀeнαв]

ما اتفقت مع احد :biggrin: من صعب ما اعرف احد بهالاسم :71:
صح عليك كان متصدر بس زادت الفرق يعني صدارة اس 2

والهلال ثابت برافو عليك لك تقييم على المعلومه :biggrin:


تمام تمام 10/10
بي سيآت البي بي تأملها كويس قبل لاتنزلها مرتن ثآنيه ..

اجل خذ العلومة الثانيه ..الهلال باقي له مباراه مؤجله
يعني ماتقدر تقول انه ثآبت ..:5aga:

[سلمان المزيني]

بس للاسف خربوووا التيفووو

جمهور الهلال يمزق التيفو وجمهور النصر يردد "أه يا سيدني"

https://www.youtube.com/watch?v=HMPgdRAyOJs

[عازف الكلمه]

اللي في المركز الخآمس تراه وصيف اسيا كككككك مش اللي يفرد عضلاته بالحظ وشايف حاله :16.jpg::16.jpg:
بس تدري وش اللي ضحكني
ههههههههههههههههـ ..
الحفله اللي سويتها معهم دامه فريق في المركز الخامس ع قولتك :lllolll:
هههههههههههه
وصيف .. يعني ما وصل للعالميه :cool:
انا اضحك على التصريحات " جيبوا النصر " واخرتها نرقعه :hahahahahah::hahahahahah::hahahahahah:

[حنان آل حيان]

انا جيت بقول شي مهم :16.jpg:



























يافديت رحاب الزعيمه ربي يسعدها :004:

هلايام مالي نفس اتابع ومتقروشه جدا :sm5:

بس انتم حماس صراحه احب هالحماس :verycute:

ويبقى الازرق زعيم اسيا :004::106:

[Dr ʀeнαв]

هههههههههههه
وصيف .. يعني ما وصل للعالميه :cool:
انا اضحك على التصريحات " جيبوا النصر " واخرتها نرقعه :hahahahahah::hahahahahah::hahahahahah:


عالمي بعيوَنا يكفي اننا مش شايفين نادي بعده :5aga:
بعدين الهلال مش كهل شايب نقول راحت عليَه جآب الوصافه يجيب العالمية اذا ربي كتب
كل حاجه مقدره ومكتوبه ..:love080:
يب يب لا اوصيك كل شوي افتح التصريحات والا فوز سيدني واضحك
في الاخير تعال قول خفو عليهم تراه الخامس :16.jpg::16.jpg:

[عازف الكلمه]

تمام تمام 10/10
بي سيآت البي بي تأملها كويس قبل لاتنزلها مرتن ثآنيه ..

اجل خذ العلومة الثانيه ..الهلال باقي له مباراه مؤجله
يعني ماتقدر تقول انه ثآبت ..:5aga:

طيب هدي اللعب شوي فضحتينا :41jg: .. بنتبه المره الجايه :sm5:

خلاص برسلك نص تقييم ههههههه

اي واحد نصراوي يرفع يده وبيجيه تقييم يطير جبهته ... اقصد نقاطه :biggrin:

[عازف الكلمه]

بس للاسف خربوووا التيفووو

جمهور الهلال يمزق التيفو


+1
ويقولون النصراويين متعصبين

[Dr ʀeнαв]

_

المهم ما اقنعتوني بالفَوز وما اعتقد الحفلة ذي بمحلها الصحيح :/ ..
واتمنى من كل نصرآوي رد هنا ينزل كم خبر في القسم مشآن نحس بوجودكم شوي ..
يلا بالاذن منكَم ورانا فاينل ..

سلام :004: :rose:

[المندوب السامي]

_

واتمنى من كل نصرآوي رد هنا ينزل كم خبر في القسم .


سلام :004: :rose:

1+

يلا يانصراويين ادفعو الرسوم قبل الخروج:biggrin:

[أسير نجد]

_

المهم ما اقنعتوني بالفَوز وما اعتقد الحفلة ذي بمحلها الصحيح :/ ..
واتمنى من كل نصرآوي رد هنا ينزل كم خبر في القسم مشآن نحس بوجودكم شوي ..
يلا بالاذن منكَم ورانا فاينل ..

سلام :004: :rose:



تم التقييم يارحاب والله يوفقك ويسعدك :(204):

في حفظ الرحمن يازعيمة :biggrin:

[عازف الكلمه]

عالمي بعيوَنا يكفي اننا مش شايفين نادي بعده :5aga:
بعدين الهلال مش كهل شايب نقول راحت عليَه جآب الوصافه يجيب العالمية اذا ربي كتب
كل حاجه مقدره ومكتوبه ..:love080:
يب يب لا اوصيك كل شوي افتح التصريحات والا فوز سيدني واضحك
في الاخير تعال قول خفو عليهم تراه الخامس :16.jpg::16.jpg:
هههههههههههههه اوكيه بعمل بالوصيه لا تشيلين هم
اجل قادمون هاه ههههههههههههه

وبعدين ليه زعلانين لكم سنين لان النصر وصل للعالميه هذا شي يشرف الكره السعوديه

ماااش انتم ما عندكم وطنيه :(269):

[عازف الكلمه]

_

المهم ما اقنعتوني بالفَوز وما اعتقد الحفلة ذي بمحلها الصحيح :/ ..
واتمنى من كل نصرآوي رد هنا ينزل كم خبر في القسم مشآن نحس بوجودكم شوي ..
يلا بالاذن منكَم ورانا فاينل ..

سلام :004: :rose:
حنا كذا يالعالمين نحتفل اذا شفنا النصر يلعب
طبعاً ما راح تحسون بهالشعور :biggrin:

صدقيني يا رحاب لما توصلون للعالميه بتحسون بنفس الشعور هههههههههه

اذنك معك وموفقه :106:

[Dr ʀeнαв]

هههههههههههههه اوكيه بعمل بالوصيه لا تشيلين هم
اجل قادمون هاه ههههههههههههه

وبعدين ليه زعلانين لكم سنين لان النصر وصل للعالميه هذا شي يشرف الكره السعوديه

ماااش انتم ما عندكم وطنيه :(269):

حنا كذا يالعالمين نحتفل اذا شفنا النصر يلعب
طبعاً ما راح تحسون بهالشعور :biggrin:

صدقيني يا رحاب لما توصلون للعالميه بتحسون بنفس الشعور هههههههههه

اذنك معك وموفقه :106:

انت تقول عالمي عالمي ..
تراي كنت في حضن امي وقتهَا يعني لاقلت عالمي اضحَك لا وافطس كمآن :71:
ولايهمك لاوصلنَا بجي اسألك عن شعورك قبل :wink::wink:

يلا نعتذر منكَم جميعاً ع الوقت المستقطع ..
سي يو :004:

[عازف الكلمه]

المهم لا تزعلون علينا ي اشقائنا الهلاليين وتحملوا شوي كلها مزوح وتروح

هذي ضريبة الي يشجع محلي هههههههههههههه

[عازف الكلمه]

اي واحد جاه تقييم مني امامه خيارين
يا يرجع لي تقييمي والا يقيمني :71:

ألو . الهوا شمالي .. تعال شف رحاب تبي تسولف معك :biggrin:

ههههههههههههههههههههه

أنا نايم :019:
بكرة بكرة نسولف :biggrin:

ابو محمد شربك العالم وراح يرقد :hahahahahah::hahahahahah:
جعله نوم العافيه :rose:

[عازف الكلمه]

انت تقول عالمي عالمي ..
تراي كنت في حضن امي وقتهَا يعني لاقلت عالمي اضحَك لا وافطس كمآن :71:
ولايهمك لاوصلنَا بجي اسألك عن شعورك قبل :wink::wink:

يلا نعتذر منكَم جميعاً ع الوقت المستقطع ..
سي يو :004:
يعني كنتي نونو اجل ما عرفتي تاريخ الهلال ههههههههههه
من الي عطاك معلومات مضلله وخلاك تشجعين الهلال الله يسامحه بس :71:

لا لا ما يحتاج تسأليني انتي بتحسين به من تلقاء نفسك :hahahahahah:
سيا :rose:

[عازف الكلمه]

نكتفي بهذا القدر مع امل اللقاء بكم في إنتصار جديد للنصر
او هزيمه للهلال:biggrin:

تصبحون على خير

وفالكم التوفيق داااائماً

[.Perfect]

_


مبروك للنصر ..
هاردلك للهلال بعيد عن كل شي وعن نقاشات الهوا شمالي اللي تجيب المرض بالنسبه لي
الهلال من بداية الموسم ماكان يم الدوري وتفكيره باسيا طلع من اسيا ومازال معلق بآسيا
يعني الدوري بوجهة نظري بين نصر اهلي اتحاد شباب . الهلال خارج المنافسه مجرد سد فراغ حتى اشعار اخر .
الا ان ربي كتب تنقلب الامور ع بعضها ..

ع العموم قالتها رحاب لما تكون مباراة النصر مع اي فريق ما أشوف ولا نصراوي هنا ؟
لكن لما يفوز ع الهلال يعتبر فوزة بطولة وكاس يفرح فيه
هنيئاً لكم هالفرحه وتستآهلون

مبروك لكل مشجع عآقل

[قنوع]

مبروك للعالمي وجماهيره
هاردلك للزعيم وجماهيره

[عازف الكلمه]

_


مبروك للنصر ..
هاردلك للهلال بعيد عن كل شي وعن نقاشات الهوا شمالي اللي تجيب المرض بالنسبه لي
الهلال من بداية الموسم ماكان يم الدوري وتفكيره باسيا طلع من اسيا ومازال معلق بآسيا
يعني الدوري بوجهة نظري بين نصر اهلي اتحاد شباب . الهلال خارج المنافسه مجرد سد فراغ حتى اشعار اخر .
الا ان ربي كتب تنقلب الامور ع بعضها ..

ع العموم قالتها رحاب لما تكون مباراة النصر مع اي فريق ما أشوف ولا نصراوي هنا ؟
لكن لما يفوز ع الهلال يعتبر فوزة بطولة وكاس يفرح فيه
هنيئاً لكم هالفرحه وتستآهلون

مبروك لكل مشجع عآقل
الله يبارك فيك منال
ههههههههه اذا نقاشاتي تجيب لك المرض حاولي تبتعدي عنها :sm4: تحاولين تقرينها
بس باين انك تقرينها بعدسه مكبره وبعناية فائقه :biggrin:
المشكله فيك .. لان مافيه احد اشتكى من ردودي أو عانا من المرض ..
لكن شكلك متعصبه وهذا مو زين خصوصاً وقت الاختبارات :rose:

ردودي فالرياضي مثل قراية المطوع :71:

نصيحه اخويه :
اذا ولا بد من قراءة ردودي خلي جنبك جركل ابو 10 لتر من عصير الليمون مع عشر ربطات من اوراق النعناع المنعشه
تروق اعصابك قبل وبعد القراءة :119:

شدي حيلك وذاكري القضايا الثقافيه المعاصره ... موفقه دوووم :rose::rose::rose:

ما اعتقد بيننا مشجعين مجانين ..

[حنان آل حيان]

ههههههههه انا صراحه ما ازعل هالموسم مريحه راسي حماسي كله راح في الاسيويه صار قلبي دم من كثر ما احترق ع الاسيويه
لذلك فرفشو وانتعشو خلو النصراويين يفرحون هههههه ياما فرحنا

الهوا الشمالي هدئ شوي :hahahahahah: بليز ياعالمي والعالميه صعبه قويه :cheese:
انا من الجوال بس ادخل من الابتوب راح اقيم الجميع بمناسبه هشتاق
# لانخسر_بعض :004:

[صَعب]

مبروك للنصر الفوز ، وفال الزعيم الدوري إن شاء الله .. ( لعلها تنصفنا هذا العام كرة القدم )

[حنان آل حيان]

انا رجعت عشان اقيم عشان هشتاق :verycute:

#لانخسر_بعض :53:

بسم الله نبداا :16.jpg:

[حنان آل حيان]

خلصت تقييم لي عووده اكمل للباقي الي ردو بالموضوع وصاحب الموضوع اكيد بس بديت اقيم من اخر رد

تقفل خلصت الدراهم الان :71:

[.Perfect]

الله يبارك فيك منال
ههههههههه اذا نقاشاتي تجيب لك المرض حاولي تبتعدي عنها :sm4: تحاولين تقرينها
بس باين انك تقرينها بعدسه مكبره وبعناية فائقه :biggrin:
المشكله فيك .. لان مافيه احد اشتكى من ردودي أو عانا من المرض ..
لكن شكلك متعصبه وهذا مو زين خصوصاً وقت الاختبارات :rose:

ردودي فالرياضي مثل قراية المطوع :71:

نصيحه اخويه :
اذا ولا بد من قراءة ردودي خلي جنبك جركل ابو 10 لتر من عصير الليمون مع عشر ربطات من اوراق النعناع المنعشه
تروق اعصابك قبل وبعد القراءة :119:

شدي حيلك وذاكري القضايا الثقافيه المعاصره ... موفقه دوووم :rose::rose::rose:

ما اعتقد بيننا مشجعين مجانين ..

هد اعصابك وخذها بسعة صدر :biggrin:
دوك :rose:

[فنوُ *]

:icon9: لمازا هازا دحنا بنحبكو اوي تعملو فينا كدا ليه :bawling:

وانا احبتس :16.jpg:

[حنان آل حيان]

وانا احبتس :16.jpg:


:004: :verycute:

[أسير نجد]

:biggrin:

[ابو نواف..*]

لي عودة

[عازف الكلمه]

هد اعصابك وخذها بسعة صدر :biggrin:
دوك :rose:

:060: شكراً
امسكي:106::icon19:
وفالك التوفيق

[عازف الكلمه]

مبروك للنصر الفوز ، وفال الزعيم الدوري إن شاء الله .. ( لعلها تنصفنا هذا العام كرة القدم )
هلابك اخي صعب
الله يبارك فيك وهاردلك
وش تبي انصاف اكثر من كذا :tongue:
جميع الجنسيات العربيه والعالميه جبناهم ما عجبوكم

شكلنا بنجيب حبيبكم نيشيمورا ههههههههههه

[حنان آل حيان]

هلابك اخي صعب
الله يبارك فيك وهاردلك
وش تبي انصاف اكثر من كذا :tongue:
جميع الجنسيات العربيه والعالميه جبناهم ما عجبوكم

شكلنا بنجيب حبيبكم نيشيمورا ههههههههههه


هههههههههههههههههههههههههههههههههههههههههههههه احس الموضوع بيتقفل مدري ليه :Looking_anim::(284):

على طاري النحس نيشمورا :119:

[عازف الكلمه]

هههههههههههههههههههههههههههههههههههههههههههههه احس الموضوع بيتقفل مدري ليه :Looking_anim::(284):

على طاري النحس نيشمورا :119:

ههههههههههههه
انا اتوقع يثبتون الموضوع يومين لعيون نيشيموره :hahahahahah:

وعشان #لا_نخسر_بعض :10111:

[المندوب السامي]

اعطاء مساحة للحريه والتعبير واثارة الحماس قليلا لايعني

ان نشخصن الردود

النقاش جميل بكل ابعاده الا اذا تطرقنا الى شخصية المناقش

وتركنا موضوع النقاش

هداكم الله لاخير فينا ان كانت رياضه نريد منها المتعه والحماسه والترويح

تنقلب الى تشاحن

دمتم بود