تسجيل الدخول

مشاهدة النسخة كاملة : استفسار من الكويت


كووويتي
2010- 2- 21, 10:52 AM
السلام عليكم

عندي كم استفسار بخصوص التسجيل في كليه الهندسه

وان شاءلله ماتكون كثيره عليكم

انا عندي دبلوم ميكانيكا

هل تتم معادله الدبلوم ولا بس تسجل على الثانويه العامه

وشلون نظام الدراسه هل كل يوم ولا تكون على ايام متفرقه

والدراسه عربي ولا انجليزي

واخر سؤال كم رسوم الجامعه

واسف على الاطاله ويعطيكم العافيه

القلب النابض
2010- 2- 21, 11:02 AM
الهندسه
اللي عندنا
تكون بدون رسوم وتسجيل يكون لخريجي الثانويه
يعني بشهاده الثانويه بتسجل وماراح ينظرون لشهاده الدبلوم
وما اتوقع يعملون لك معادله مواد
ولازم تدخل اختبار القدرات والتحصيلي اللي يجريه المركز بالسعوديه
واذا تبي الانتساب المطور يعني التعليم عن بعد ويكون الكتروني يكون برسوم
فيه بس ما فيه مجال الهندسه
عندهم تربيه خاصه - اداره اعمال - جغرافيا - تاريخ - لغه عربيه - علم اجتماع - لغه انجليزيه
اذا تبي فكره اكثر عن الانتساب ادخل على قسم الانتساب المطور
واذا حاب انقل موضوعك للانتساب وتسال اكثر انــا بالخدمه

كووويتي
2010- 2- 21, 11:08 AM
يعطيج العافيه اختي

ومشكوره على الرد

احنا المشكله عندنا ب الكويت مو معترفين بتعليم عن بعد

:011: وشكله ماكو فايده اذا مايعترفون ب الدبلوم يعني راح ادرس من اول شي

الحين كل الجامعات السعوديه مايعترفون في الدبلوم

القلب النابض
2010- 2- 21, 11:34 AM
مو سالفه ما يعترفون فيه لا
بس التسجيل بالجامعات السعوديه
يكون بالشهاده الثانويه يعني الاعتماد عليها وعلى اختبار القدرات والتحصيلي
وهنا في كثير من غير السعوديين يدرسون بالانتساب المطور
وفيه مشرفه كويتيه اتدرس انتساب مطور
ذا حاب ابلغها وتجي ترد على استفسارك
هنا

كووويتي
2010- 2- 21, 12:05 PM
اوكى

اساليها

وانا ناطر الرد

القلب النابض
2010- 2- 21, 12:09 PM
خلاص رسلت للمشرفه بناس
تجي هنا وترد على استفسارك وان شااء الله ما تقصر

كووويتي
2010- 2- 21, 12:16 PM
مشكوووره وماتقصرين

@Ahmed@
2010- 2- 21, 12:22 PM
بعد اذن القلب النابض

الي اعرفه ان الجامعة تقبل الغير سعوديين لكن برسوم

فيه كثير طلااب عمااانين في الجامعة

لكن كيف تم قبلوهم ما عندي علم يمكن طلاب السكن يعرفون اكثر

تحياتي

القلب النابض
2010- 2- 21, 03:10 PM
لا عادي اخووي تفضل
ما مره بكليتنا شفت غير سعوديه ومدري عن النظام اذا يقبلون
يعني اذا يقبلون عادي
والموضوع مو لي
اذا اي احد عنده معلومه يتفضل يفيد الاخ الكريم
فيها لا مشكله يعني

بناس
2010- 2- 21, 06:01 PM
االسلام عليكم


اهلين اخوي


اسفه على التاخير


بقولك شغله انا سالت وحده موظفه بوزارة التعليم العالي


بالكويت عشان الانتساب المطور بجامعة الملك فيصل


قالت معتمده واكيد لما الحين


وجامعة الملك فيصل تعتبر رابع جامعة معتمده بالخليج


فما بالك بقسم هندسه


واكيد راح تسجيل بشهادة الثانويه


وربي يوفقك


بناس- الكويت

كووويتي
2010- 2- 22, 09:31 AM
يعطيكم العافيه وماتقصرون على المعلومات

وجزاك الله خير


انا توني راد من التعليم العالي قالو الجامعه معترف فيها بس نظام الانتساب المطور

مو معترف فيه

قالو اذا تخرجت ومكتوب على شهاتك انتظام اعترفنا فيها اما اذا كان مكتوب التعليم عن بعد مو معترف

ف الحين لما اتخرج شنو يكتوب لك تعلم عن بعد ولا انتظام ؟

القلب النابض
2010- 2- 22, 09:43 AM
يكتبون لك الانتساب المطور
فيه حاجه انك اذا جبت معدل تحول
ولكن ما يكون ماضي على شهادتك الثانويه
اكثر من 5 سنوات
اذا اكثر ما تقدر تحول

كووويتي
2010- 2- 22, 09:49 AM
يعني على كلامج انه يكتوب تعليم عن بعد

انزين اختي ممكن توضيح احول وين

القلب النابض
2010- 2- 22, 09:52 AM
يعني تدرس سنه انتساب وبعدها تطلب تحويل للانتظام
بس اهم شيء ما يكون مضت على شهادتك الثانويه اكثر من 5 سنين