بعض بنات اول مصدقين ؟؟؟؟؟

[بدريه ♡]

في شيء ملاحظ شفته امس واليوم وهم بنات المستوى الأول معهم
دفاتر العائلة الأصلية ؟؟؟؟؟؟؟؟؟


ماأدري الله يهديه الي خلاهم يجيبون الأصلية :g2:

حابة اقول مستحيل تطلب الاصلية فقط تجيبي صورة

هذي اذا ضاعت بتحتوسين وهي مو طلوبة .

وجب التنبية وخصوصا ان البنات يحطونها بالدروج ممكن تنساها :5aga::41jg:

[المحترمه]

بالعكس عزيزتي بعض المراكز تشدّد على طلب
الهويه ... وبعضها تمنع من أداء الإختبار إلا بحضورها
المراكز ماهي واحده ... موفقين

[تاج راسي امي]

انا يطلبون الاصل و تشدد على الاصل و تاخذين تعهد اذا ما جبتيه

[ladan]

ياليت بلاش فلسفه

[بدريه ♡]

ياليت بلاش فلسفه

النظام مايطلب الاصل على كيفهم ؟؟ وفي مركزي مايطلبون
الاصل واشوف البطايق

[gΐяℓ Ĵαηυαяу]

انا بالجامعه نفسها

واخذ حقتي الاصلية

[بدريه ♡]

انا بالجامعه نفسها

واخذ حقتي الاصلية

وليش الاصل هل في نظام يطلبها .مو على كيفم صورة تكفي

[روح الغلاا]

انا في مستوى ثالث واختبر في الجامعه وطلبوا الأصل يمكن يختلف من مركز لمركز


ومشكوره ع التنبيه لأني فعلا اخاف تضيع لازم اتأكد انها موجوده معي على طول

[sose11]

حنا مشرفاتنا طالبونا بالهوية الأصليه

[sasa92]

انا اوريها اول ماادخل واحطها بشنطه :d

[gΐяℓ Ĵαηυαяу]

يا اختي خليهم على نظامهم احسن ياخذون الاصليه عشان لا اوصلو للمركز وطلبوها تكون عندهم بدال ما يمشورون اهاليهم رايحين جايين او انهم ينحرمون من دخول الاختبار


وهم حريصات اكيد علبها


شوفي كلام الاخت هذي بالرابط


http://www.ckfu.org/vb/showpost.php?p=11649964&postcount=18

[ممموني]

حنا لا يطالبو لا بالاصل ولا صوره ولا تعرريف

[ઈઉ M L A M 7 ઈઉ]

شوفي هالرابط من موقع الجامعة

http://www.kfu.edu.sa/ar/deans/e-learning/pages/important_exam_notes.aspx


فيه مراكز تشدد وفيه مراكز عادي :icon19:

[طالبة انجليزية]

حنا لا يطالبو لا بالاصل ولا صوره ولا تعرريف
نفسك مايطلبون شيء الله لايغير عليهم :16.jpg:

[مـ غ ـترب فـيـ عـذابـكـ]

عادي لاضاعت نص ساعه ويطلعون بديل

احجز بالاحوال وانتهاء الموضوع

:)

[سيرينا]

اي مطلوبه من النظام دخلي على تعليمات هامه للاختبار تشوفيهم كاتبين الاصل

[HREER]

كانوا أول ياتجيبن هويتك أو دفتر العائله سواء أصل أو صوره ... وكمان الشهاده والتعريف الي من الخدمات الطلابيه لحضور الأمتحان كانوا يعترفون فيه وهو يكفي .....

لكن هالسمستر تفاجأت بعدم أعترافهم لشهادة الحضور الأمتحانات الي من الخدمات الطلابيه ... وطالين الهويه أو دفتر العائله ... وطبعاً ما جبتهم أخاف تضيع ... مو ناقصه قلق ..أكتفيت بشهادة الحضور ... وللأسف كتبوني تعهد وطالبوني أجيبها بنفس اليوم لكن ماجبتها وأنا متأكده من أن كل معلوماتي صحيحه ..بصراحه ماله داعي هالمشوره وقلة الحيا ... الشهاده فيها رقمي الأكاديمي والسجل المدني .... ودفتر العائله السجل المدني فقط
...ولا راح أجيب لهم الأصل حدهم صوره منها فقط والي مو عاجبه يروح لأدارة الجامعه ....
الشهاده الي من موقع الجامعه تكفي ... وكل الأختبارات الي نختبرها نبصم فيها على الورق وش يبغون بعد أكثر من كذا ...

المفروض على الرسوم الي ندفعها يصدرون لنا بطاقات جامعيه ...وبلاشي وجع راس ... :(140):

[HREER]

عادي لاضاعت نص ساعه ويطلعون بديل

احجز بالاحوال وانتهاء الموضوع

:)

لا مو نص ساعه فيها تبليغ وبحث وتعميم على مراكز الشرطه وأذا ما حصلوها بعد شهر يعطونك موعد :000: تقدم أصدار بدل فاقد وبعد أسبوعين من التبليغ أستلمها ... :007:

[Be nice]

من عرفت مركزي وهو لازم بالاصل ويدخلوني القاعة وهي معايا .. لكن هالترم اختلف صار ممنوع ادخل القاعة بورقة التعريف و الهوية

فبمجرد ماتشوفها المراقبة ع الاختبار خلاص ارجع ادخلها بالشنطة

نظامهم هذا افضل بكثير من ناحية مسألة ضياعها ..

موفقين : )

[i7DAYS]

كانوا أول ياتجيبن هويتك أو دفتر العائله سواء أصل أو صوره ... وكمان الشهاده والتعريف الي من الخدمات الطلابيه لحضور الأمتحان كانوا يعترفون فيه وهو يكفي .....
صادقه
لكن هالسمستر تفاجأت بعدم أعترافهم لشهادة الحضور الأمتحانات الي من الخدمات الطلابيه ... وطالين الهويه أو دفتر العائله ... وطبعاً ما جبتهم أخاف تضيع ... مو ناقصه قلق ..أكتفيت بشهادة الحضور ... وللأسف كتبوني تعهد وطالبوني أجيبها بنفس اليوم لكن ماجبتها
صار معي نفسك تشديدهم ماله داعي مسوين زحمه والطريق فاضي ،، كل اختباراتي العام الفصل الاول كله تعهدات واختبرت وماصار شئ
وأنا متأكده من أن كل معلوماتي صحيحه ..بصراحه ماله داعي هالمشوره وقلة الحيا ... الشهاده فيها رقمي الأكاديمي والسجل المدني .... ودفتر العائله السجل المدني فقط
...ولا راح أجيب لهم الأصل حدهم صوره منها فقط والي مو عاجبه يروح لأدارة الجامعه ....
الشهاده الي من موقع الجامعه تكفي ... وكل الأختبارات الي نختبرها نبصم فيها على الورق وش يبغون بعد أكثر من كذا ...
لحظه ،، الحين انا اوقع على اسمي وسجلي الاكاديمي وهويتي وفوقهم بصمه لا بس بعض المراكز يعاملونا مثل طالباتهم :/
المفروض على الرسوم الي ندفعها يصدرون لنا بطاقات جامعيه ...وبلاشي وجع راس ... :(140):
المفروض شئ ،، والواقع شئ ثاني :(177):

[دانـــه]

فيه مراكز متشدده وماينفع معهم
نجيبها ونريح رأسنا

[ام حنان]

ولا مره اخذتها ولا يطلبونها اصلا
يختلف من مركز لمركز
اسمي موجود عندهم وانتهينا ههههههه

[صدز:)]

ليش مصدقين؟ الا المراقبات يمتحنونك كن عندهم وسواس قهري يكررون الكلام من تجين لين تطلعين ع كرت العائله الاصلي


يازين اختبار المدارس اول ماحد داري عن احد وهالمره نختبر ف جامعه والدكتوره قروشتنا هي والله اللي مصدقه مهو الطالبات اللي تقولين

[المدى البعيد 10]

اساسا كل الي تسوية الجامعة
ضد الطالبات والطلاب خرابيط مامنها فايدة

الجامعة تقدر تختصر كل هالمرمطة وتصدر لنا بطاقات جامعية
فيها

1- صورة وجة
2- رقم السجل المدني
3- الرقم الجامعي
4- رقم مركز الاختبار

وصلى الله وباااارك

[ريحانه العود]

عندنا يطلبون الاصل اذاكان الهويه او كرت العائله ومااعتقد يطلبون الصوره مستحيل يطلبونه

[R7eel__9]

وانا كاتبه ب ورقه صغيرونه
سجلي + رقمي الجامعي
زين الحمدالله المركز يلي انا فيه مو متشدد زيهم 😐

[haymah11]

والله انا ماسألوني عنها ابد

[لنو!]

فيه من يطلب الاصل تختلف المراكز


اسلوبك ذكرني بايام المدارس اجل بنات اول :16.jpg:

الاصل شفته حتى مع بنات بمستويات اعلى لانهم متعودين بمراكزهم اللي قبل :wink:

[gΐяℓ Ĵαηυαяу]

عادي لاضاعت نص ساعه ويطلعون بديل

احجز بالاحوال وانتهاء الموضوع

:)





لا مو نص ساعه فيها تبليغ وبحث وتعميم على مراكز الشرطه وأذا ما حصلوها بعد شهر يعطونك موعد :000: تقدم أصدار بدل فاقد وبعد أسبوعين من التبليغ أستلمها ... :007:


والله انك عارفه المرمطة هههههههههههه

اجل نص ساعه وتطلع جديده انت تبي تطلع حقت مولود لك ب اسمك يبغالك اسبوع عشان يتسجل بدفترك هههههههه

[ضامي ا]

سوال ياصاحبة الاعلان
وين المشكلة اذا اخذو الاصل
ثقيلة ولا شنو بالضبط
ولا حرام
ترى النظامي يفك نفسه من المتشددين

[تفاصيل الهوى]

في مركزي لازم الاصل

[ام عمر2]

نفس الشي في مركز الظهران ٤ يطلبون الاصل والي ماتجيبه تعهد وانا هذا المستوى السابع وجميع المستويات السابقه الزامي نجيب الاصل

[Z!zi]

كل مشرفة مركز تفتي من راسها شكلها مصدقه الدور وتفتكر نفسها مديره بحق وحقيقه .. وهي تلاقيها مدرسة تدبير منزلي ويخب بعد ..:(269):

مره صارت لي سالفه في المركز و لزمت علي الي اسمها مديره الا اوقع تعهد وانا ما وقعت المهم سألت مره لشعيبي عن السالفه قال لي مو من حقهم يوقعوكم تعهدات .. ولا توقعو احتمال يستخدم ضدكم من ضعاف النفوس :33_asmilies-com:

[غنوناا]

ي حليلكم

لو تدرون انا هذا المستوى السابع لي ولاعمرهم طلبون من دخلت لا اصل ولا صورة..
كنت مرتعبه اول مستوى ثم شفت الوضع فري واني مسويه زحمة ..

[غنوناا]

ي حليلكم

لو تدرون انا هذا المستوى السابع لي ولاعمرهم طلبون من دخلت لا اصل ولا صورة..
كنت مرتعبه اول مستوى ثم شفت الوضع فري واني مسويه زحمة ..

[حفيدة عبدالله]

انا جبت صوره واكتبوا لي تعهد واحين اخذ بطاقتي الشخصيه

[رشوف123]

اتذكر اول مستوى سوو زحمه وبعدها ماعمرهم اطلبو

[AრooََL]

فيه مشرفات معقدات او تحب تفرض سيطرتها ويعنني تبي الاصل

[ريم المدينة]

وحنا تختلف من قاعه لقاعه ومن يوم ليوم الانظمه تمنع دخول ورقه التعريف واى ورقه حتى الهويه الاصل للقاعه يعنى تشوفها وتخليكى ترجعيها بالشنطه خارج القاعه خايفين احد يبرشم فيها قلق للطالبه
انسرقت شنطتى قبل كذا بس كان فيها فلوس قليله والاوراق والجوال مخبيته فى الجيب

[الرزينة40]

بارك الله فيك وجزاك الله خير

فعلا على حسب المركز انا بالمستوين الاول والثاني كنت اخذ صورة دفتر العائلة

وطلبوا الاصل وحاليا اختبر بالاصل والله خير حافظ .,,

[بنت لطيفه]

مركزنا حبيب ماعمرهم سألونا عن شي أبد تختلف المراكز من واحد لآخر

[سفوره]

الاصل مطلوب ويشددوا عليها

[majdini]

هو اختلاف مابين المراكز
حتى عندنا مشرف المركز يكذب علينا ويقول انها صدرت اوامر من الجامعه بوضع الجوالات في كيس ووضعه تحت الطاولة
ويقول اوامر ولازم تنفذ
سالت بعض الشباب في مراكز ثانية قالوا لا ماعندنا هالكلام ومحد قالهااا

[ام حنان]

هو اختلاف مابين المراكز
حتى عندنا مشرف المركز يكذب علينا ويقول انها صدرت اوامر من الجامعه بوضع الجوالات في كيس ووضعه تحت الطاولة
ويقول اوامر ولازم تنفذ
سالت بعض الشباب في مراكز ثانية قالوا لا ماعندنا هالكلام ومحد قالهااا

صحيح تم تطبيقه في مركزنا
كل تلفون يوضع بكيس

[أسيرة المشاعر]

انا كنت أجيب اصل الإقامه ولا كانوا يسألون عنها أصلاً الا نادراً وكل شوي أشوف شنطتي اذا هي موجوده ولا لا قلق
ذا السمستر أخذت صوره ولا سألوا عنها

[ريم 1411]

على حسب المشرفات

[قطعـة سكـر]

حدث العاقل بما يُعقل
ادخل جامعة طويلة عريضة بدون هوية !!!!!
وحدة قدامي معها الجدول بس ونسيت بطاقتها خلتها انتظار لين اتصلت بأهلها يرسلون هويتها
النظام نظام مااعتقد في احد يزعل من النظام ..