بخصوص برنامج مهارة (المقابلة الأحد)

[كروان 2]

لسلام عليكم ورحمة الله وبركاته
اليوم جتني رسالة من برنامج(مهارة ) االامير محمد بن فهد المقابلة يوم الأحد 21/12
سؤالي / من يعرف طبيعة المقابلة عندهم ومن جرب عندهم التدريب ؟؟
انتظر ردكم
فلكم مني خالص الشكر

[كروان 2]

معقولة ما في أي رد :44:

[كروان 2]

وين ردودكم

[♥ βąỵℓįşǻʼn ♥]

هلا ياقلبي أنا قدمت على البرنامج بس ماجاني ولارسالة لأنهم يبون إنتظام الإنتساب مستبعدين إلا إذا كان فيه أماكن شاغره ..

بس حبيت أسالك الرساله جاتك على الجوال والأ الإيميل ..


كان نفسي أعرف ياقلبي وأرد عليك بس أتوقع راح يسألونك عن شهاداتك وخبراتك وكذا ..


الله يوفقك ويسهل عليك المقابلة طمئنيني وش يصير معاك ..

[Kassper1245]

وعليكم السلام ورحمة الله
انا سجلت بس عشان اجاوبك انا وصلني مسج و نقلا عن وحده جلست اسأل وش بيسوون
الله يسلمك المقابله الشخصيه اسئله عامه تسألك عن شخصيتك و فيه اختبار تحديد مستوى بس ما اعرف شفوي والا تحريري

الكورس 3 شهور انجلش
شهر مهارات عامه
شهرين حاسب

وتدفعين 500 ريال تأمين على اجهزتهم مسترده نهاية البرنامج

و اي اسئله ثانيه ادخلي على حساب برنامج الأمير محمد بن فهد على تويتر ان شاء الله تلقين جوابك
@pmpydf

و بالتوفيق

[u50]

طيب هذا البرنامج متى راح تبدا الدراسه فيه ؟
وهل اقدر اسجل فيه واسجل بدبلوم تربيه ؟ ولا النظام راح يحذف اسمي اذا كنت اذا سجلت ببرنامج الامير محمد بن فهد ؟

[شجن الروح]

اللي راحو المقابله اليوم كيف كانت !

[الدمعة الساكبة]

رحت اني اليوم
مقابلة بالعربي تتكلمي فيها عن نفسش وويش سويتي لما تخرجتي وتطلعاتش
بعدين اختبار انجليزي

[ليه؟]

مدت البرنامج ٣ شهور؟؟؟؟؟ من متى لمتى دوامه

[شجن الروح]

6 شهور مو 3

[u50]

كم مده المقابله لوسمحتي ؟ وكم عدد الاشخاص الي يسئلونك ؟

[احي الحياة]

السلام عليكم و رحمة الله

يعطيكم العافية

معقول السالفة فيها انتظام و انتساب ؟!!
مو صج :eek:

أنا انتساب بس للحين ما جاتني اي رساله منهم
يالله معقول حتى المعاهد يسوو تمييز :bawling: مو كافي الخدمة المدنية
:sm5:

الله المستعان

[أم ليــــان]

السلام عليكم

ياحلوات البرنامج للانتساب والانتظام والدبلوم

انا انتساب وتوني متخرجه منه اليوم كان حفلنا :d

اي استفسار انا حاضره

بالنسبه للمقابله عادي تسالك اساله عن نفسك وشوية معلومات المهم الثقه بالنفس اثناء الاجابه والحرص عالمظهر

[♥ βąỵℓįşǻʼn ♥]

مساء الخير أم ليان .. ألف ألف مليوووون مبروووووك التخرج .. ياقلبي أنا كلمتهم الأسبوع إلي راح المسؤولة عن البرنامج قالت لي مانقبل إنتساب إلا إذا كان فيه أماكن شاغره وطلبت مني إني أكلمها الأسبوع الجاي تشوف لو فيه إمكانية للقبول .. الله يكتب مافيه الخير ..

كنت حابه أسالك كيف طريقه الدراسة هل هي صعبه أو سهله هل الدراسة كلها بااللغة الإنجليزيه طيب وإلي لغته مو تمام في الإنجليزي كيف راح يكون وضعه تكلمي عن البرنامج ..


أسفه راح أتعبك معايه ياقلبي ..


شاكره لك تعاونك ..


تحياتي ..

[شجن الروح]

انا انتظام وماجاني شي :(

[Иσŋι]

توني سججلت ..
والله يكتب الي فيه الخير

[احي الحياة]

السلام عليكم ورحمه الله

يعطيك العافية يا ام ليان

كلامك طمني و تفاءلت خير أنهم يرسلوا لي
بس بيلسان كلامها عيشني بحيرة

يالله ليه كذا عاد ما يسوى علينا متخرجين بانتساب
الله يفتحها علينا يارب

طيب متى أرسلوا لكم رسائل عن موعد المقابلة ؟ ؟
الله يسترها معنا

[كروان 2]

9)السلام عليكم
اآسفة جدا على الرد المتأخر ...
جتني رسالة ورحت المقابلة و بعد المقابلة اختبار انجليزي ..
المقابلة عبارة عن اسئلة شخصية متى تخرجتي ومهاااااراتك وكذا....
والاحختبار عبر الحاسب الالي الاسئلة اختيارية متنوعة (استماع وكرمر واكملي )..
هذا المقابلة والاختبار
الله يوفق الجميع
ادعوا لي بالقبول

[سارا"]

بنات الله يعافيكم وين مكانهم بالضبط ماعرفته وهل يطلبون مستندات اجيبها معي ولا

[سارا"]

بنات الله يعافيكم وين مكانهم بالضبط وهل يطلبون مستندات نجيبها ولا

[كروان 2]

مكانهم في الدمام مقابل منتزه الملك فهد
لا ما يطلبوا منك ولا شيء فقط تدخلي المقابلة وبعد المقابلة الاختبار
بالتوفيق

[أم ليــــان]

مساء الخير أم ليان .. ألف ألف مليوووون مبروووووك التخرج .. ياقلبي أنا كلمتهم الأسبوع إلي راح المسؤولة عن البرنامج قالت لي مانقبل إنتساب إلا إذا كان فيه أماكن شاغره وطلبت مني إني أكلمها الأسبوع الجاي تشوف لو فيه إمكانية للقبول .. الله يكتب مافيه الخير ..

كنت حابه أسالك كيف طريقه الدراسة هل هي صعبه أو سهله هل الدراسة كلها بااللغة الإنجليزيه طيب وإلي لغته مو تمام في الإنجليزي كيف راح يكون وضعه تكلمي عن البرنامج ..


أسفه راح أتعبك معايه ياقلبي ..


شاكره لك تعاونك ..


تحياتي ..

الله يبارك فيك حبيبتي

غريبه والله احنا ماحددو ولاجابو طاري الانتساب ابد

ومو انا لحالي معاي زميلاتي 3 كلنا تعليم عن بعد وقبلونا

الدراسه كللللللها بالانجليزي

حتى جزئية تقنية المعلومات ومهارات الاتصال كلها تدرسينها بالانجليزي

لان اصلا المعلمات اجنبيات .. هنديات غالبا .. فانتي مضطره تتكلمين بالانجليزي في كل شي


الاختبار الي اختبرتوة هذا يحدد مستواكم في الانجليزي ووقت الدراسه يقسمونكم قروبات

وكل مجموعه مع بعض يكون مستواهم تقريبا واحد في الانجليزي

يعني احنا مثلا كانو مقسمينا من 1 الى 5

1 هم البنات الي الانجليزي توب عندهم ويتدرجون الى اقل شي قروب 5

والمدربات يراعون على هالاساس

المدربات حبوبات وجدا متعاونين

[♥ βąỵℓįşǻʼn ♥]

مشكوره أم ليان الله يعطيك العافيه ..

باقي ماردو عليه سواء بالقبول أو الرفض اليوم جلست أتصل عليهم بس مافيه رد منهم إن شاء الله أرجع أتصل عليهم ..


تحياتي ..

[يارب سهل111]

ايش قصته هذا وكيف تسجيل

[its_mellia]

ما يمديني اسجل ؟؟

[u50]

هل بدئت الدراسه فيه ؟

[شجن الروح]

خلص التسجيل والدراسه بتبدا الاحد

[كروان 2]

السلام عليكم
من جاها مسج سواء بالقبول أو الرفض ؟؟
انتظر ردكم

[الدمعة الساكبة]

ماجتنا رسائل لاقبول ولارفض
من وصلته رسالة?

[*مريم*]

انا وصلتني رسالة تم ترشيحك وحاطين موعد المقابله وسحبت عليهم

[lightnor]

مكان البرنامج في الدمام مقابل العثيم مول .

[شجن الروح]

م وصلت رسايل ..

مع انهم قالوا الدراسه بتبدا الاحد !

ننتظر الاحد ممكن يجي الرد
وان شاء الله يقبلوننا ❤

[شجن الروح]

ارسلوا شي !!