اللي يبغى يضمن 90% بمقرر البحوث العلميه

[أبو حكم]

السلام عليكم
أنا توي مخلص المحاضره الثامنه وبصراحه كلام حشو وكثييير وصعب تحفظه ..
يوم جيت أشيك ع اختبارات الأترام اللي فاتت حصلتها أن 90% الإجابه تكون (كل ماسبق ذكره) أو (أ و ب )
واضح ان الدكتور الله يجزاه ألف خير ويرزقه من حيث لا يحتسب مايبغى يعقد الطلاب وخل ال 10% الباقيه للدوافير عشان يتميزوا عن زملاهم ..
يعني اللي يختار كلها كل ماذكر أعلاه بإذن الله راح يكسب 90% من درجات الإختبار
هل أنتم معاي في النقطه هذي ولا أنا فهمت السالفه غلط :sm18:

[ترد الروح]

تقصد مقرر بحوث الاعمال؟؟

[أبو حكم]

يب

[fawadof]

والله وانا اطالع اجلس اضحك ههههههههههه الصراحه ممتازه جدا لو كيذا بس المهم تقره السؤال ومع الخيارات كلها افضل واذ يوجد غير صحيح ماذكر اعلاه اعرف الاحابه من آ او ب هههههه

بس الافضل والاحسن نذاكر المحتوى مره مرتين ٣ كل سطر ع الاقل

[غصن الوقت]

يب

[مساهر]

الاساس المنهجي الذي يستند اليه العلم
هو الاستقراء الناقص

يساعد في عمليه التنبؤ في المستقبل الظاهرة والاحداث
هو الاستقراء الناقص

[Reero]

غلط كذا
ذاااااكروا
ترا بتصايحون عقب الاختبار
بلا إتكالية

[امونه 22]

هذي اعتقادات باطله مع احترامي لسموك
ترى بمقرر الاستراتيجيه حصلت موضوع نفس كذا
وشكل الشعب الله يهديهم مشو على نفس الموضوع وجابوا العيد
لان كثير شفتهم يسبون بالاسئله
واللي ذاكر المحتوى طلع مبسوط الحمدلله
ذاكروا المحتوى وارجعوا بعدها للكويزات كنوع من المراجعه وبعدها اسئلة الاترام اللي راحت
وفالكم +a

[Reero]

الاساس المنهجي الذي يستند اليه العلم
هو الاستقراء الناقص

يساعد في عمليه التنبؤ في المستقبل الظاهرة والاحداث
هو الاستقراء الناقص

صحيح ماشاء الله عليك

الله يوفقكم يا عيالي صلوا وذاكروا

ولا نوموا واصحوا بدري ذاكروا

في وقت

[مساهر]

الحماد درسنا تسويق بالمستوى الرابع

اللي ما يذكره نذكره :eek:

[أبو حكم]

مدري ليش بعد ماشفت اسئلته جاني عرق سوداني ماعاد ودي افتح الملخص ..أنا متفائل جداً انه بيستمر ع نفس النهج ..

[احترت معاك]

الحمدلله والشكر

[احلام وهميه88]

وش تقصد يامساهر بكلامك
انا اول مره اخذ ماده عنده ياليت تفيدنا

[Reero]

وش تقصد يامساهر بكلامك
انا اول مره اخذ ماده عنده ياليت تفيدنا

ههههههههههههه بسم الله عليتس خفتي ؟

ترا الدكتور حبيب مرة , بس بعض الناس لو يتركون عنهم الاتكالية ويذاكرون احس من جميع ما سبق
:16.jpg:

[فجورة]

والله شورك ماقبلناه :D
الله يعينا نقرا المحتوى ونسوي نفسنا نذاكر بس علشان ننحاش من العيال :o
ونسوي الي علينا والباقي على الله

فال الجميع التوفيق يارب ونخلص على خير ان شاء الله

[pop400]

على قولة القايل

يب :019:

[عبدالحليم حافظ]

اذا كانه بيمشي عليها كويس

[N0000N]

هذي اعتقادات باطله مع احترامي لسموك
ترى بمقرر الاستراتيجيه حصلت موضوع نفس كذا
وشكل الشعب الله يهديهم مشو على نفس الموضوع وجابوا العيد
لان كثير شفتهم يسبون بالاسئله
واللي ذاكر المحتوى طلع مبسوط الحمدلله
ذاكروا المحتوى وارجعوا بعدها للكويزات كنوع من المراجعه وبعدها اسئلة الاترام اللي راحت
وفالكم +a

ونعم الرائ
:53:
أنا أستاذتي في البحوث
أمونة 22
لو تقول ذاكر يانوووون من ملخص الفقه ذاكرت
:tongue:

ياكرام
ضروري تقرأون محتوى أو ملخص للمادة
علشان تتعود على كلام ومصطلحات المادة
علشان على الأقل الواحد ما يفتح فمه قدام ورقة الأختبار ويقول
( أول مره أشوف الكلام هذا )
:eek:


دعواتي لنفسي ولكم بالتوفيق
فالنا وفالكم الفل مارك
:106:



-

[pop400]

آمين

الله يبلغنا وإياكم خير اللهم تقبل دعائك


مليت من
Level 7 ........ Up

نبي نخلص

[hani99]

كلامك صحيح انا خذت المادة السمستر اللي راح كلمة السر في (جميع ماسبق ) و ( أ و ب )
اما اللي يبي يتعب نفسه بكيفه

[عادل يعقوب]

انا اختبرت عنده ماده قبل كذا ونفس الحكايه الماده اكثرها جميع ماسبق صحيح

[مستر مجهول]

تظل وجهة نظر قابله للصواب والخطاء

المذاكره لابد منها على الاقل قراءة المحتوى

وفهم النقاط المهمه لانه مو شرط يكون اسلوب

الاستاذ نفس كل سنه علشان كذا اذاكر واكون مستعد لأي تغيير

[أنور جنبي]

اسئلة الأختبار الثلاث الماضية كلها مثل ما قال الأخ العزيز (كل ما سبق) و (أ و ب) الا 5 الى 6 اسئلة

اتمنى انها تتكرر مثل ما هي بنفس الاسلوب و المستوى ، لكن الدكتور الحماد متمكن و درست عنده تسويق و صعقنا قبل كذا باسئلة مستواها متقدم جدا و ما يجاوب الا الي دارس و مالك الكتاب ، انا احط 50% انه بيغير الاسئلة و بتجي اصعب

المادة متشعبة و دكتور مثل الحماد يقدر يبدع بالاسئلة بسهولة

والله يستر مخروش من هالمادة

[احلام وهميه88]

اصلا في موضوع هينا قايلين ان الدكتور بالمباشره مابيجيب نفس الاعوام السابقه

بس يارب تكون الاسئله سهله

لاني حتى انا احس راح يغير من هالنمط وهالترم بتكون اصعب
الله يستر

[pop400]

السلام عليكم

أجل توكلوا على الله

وذاكروا زين ...زين
وأفعلوا بالأسبــاب

[Exceedline]

طبعا المادة ليست تابعه لخطتي لهذا السمستر ولكن الكلام صحيح
وحتى في التسويق كانت اجاباتة اكثرها ( د ) يعني 4 اجابات ( د ) انت تشكك تقول غلط ولكنها صحيحة
وسألت الطلاب الذين سبقونا يقولون نفس الكلام ( جميع ما سبق و أ و ب ) طبعا للبحوث

موفقين ....

[صالح بوسارا]

الدكتور متمكن وعنده لياقة ادبية وكلامية خارقه ماشاء الله تبارك الله انا شايفه ومتكلم وياه يعني مايصعب عليه يجيب نفس الاسئله ويزيد نفي او كلمة تغير المعنى وتجب العيد..

ولو تلاحظون شرحه بالمحاضرات كلها امثله وتجارب واقعيه 30 دقيقه مدتها.... مو يقرا المحتوى ويقعد 50 دقيقه ولافهمك شي

لما يجيب جميع ماسبق او كل ماسبق او أ و ب قصده مو انك تاخذ الماده وتحل وتنجح والسلام الرجال يبغاك تحصل علم تقرا

انتبهوا من الحمااااااااد ممتع حديثه لكن يبي يعلمك ويفيدك

اهم شي بس عساه ماشاف كويزات انور جنبي واحنا بخير :71:

:mh35::mh35::mh35:

[مساعدالصالح]

الله يوفق الجميع لما يحبه ويرضاه
استغفرالله العلي العظيم واتوب اليه

[fawadof]

بعد ماشفت اسئلة الاختبارات والواجبات الترم الحالي

شفت نفسها بالضبط بس الترم الحالي مغير الاجابات بدل كل ماذكر تطلع ليس ماذكر وحده فيهم صح

يعني لازم تشوف الملخص القرايه مره مرتين ٣ والله تنفعك

[AF_F]

أسلوبه رائع في الاسئله بس على حظنا بيختلف 180 درجه انتبهو هذي سياستهم

[وادي زاعم]

أسلوبه رائع في الاسئله بس على حظنا بيختلف 180 درجه انتبهو هذي سياستهم


ان شاءالله تستمر سياستهم السابقه ولا تتغير وكلنا ان شاءالله بكره :oao:

[قطز]

موضوع ضرره أكثر من نفعه على الطلبة وأتمنى حذفه .. النظرية مضحكة وغير واقعية وهي من نظريات النكبة بالنسبة للطلبة فليس شرطا أن يتكرر أسلوب الدكتور في طرح اﻷسئلة .. دكتور المادة من أفضل الدكاترة والمادة مهمة للغاية وطريقة طرحه لﻷسئلة توحي بأنه من النوع الذي يبحث عن استفادة الطالب من المادة والخروج منها بأكبر قدر من المعلومات وهو يستحق الشكر على ذلك وليس اﻹنتقاص منه ومن مادته التي تعتبر من أهم المواد على مستوى العالم ويتم اﻹهتمام بها في دول الغرب بشكل كبير جداً

[ورقه وقلم]

يضحك المنتدى صاير أغلبه ترزز صور من الشباب بالبروفايل ياهووه