بالنسبه لمواد الخريف

[تنه ورنه]

السؤال المستوى الجاي اي ماده راح يدرسنها الخريف والله من اللحين شايله همه والله جابلنا الاكتئاب.

[موظف بالصحه]

باقي له النظريات الاجتماعية بالثامن والحمدلله افتكيت منها الترم الماضي

[سعودي طموح]

الدكتور بدأ يسهل أسئلته

[برج التطور]

وين سهلها الله يهديه سهلها بس لمستوى خامس واحنا الله يعوضنا خير

[باجنن العالم]

ان شاء الله يكون دكتور غيره

[ابو فارس الجبيل]

لان دفعتنا شغالة تدعي بس على الخريف وش تنتظرون منه !!!!

[al7r-majed]

الله لايوفقه في اسألته كل سنه اصعب من الي قبلها معه

[الربيع الممطر]

باقي له النظريات الاجتماعية بالثامن والحمدلله افتكيت منها الترم الماضي
السلام عليكم - انت تقولين خلصتي من النظريات الاجتماعيه للدكتور فهد حبيت اسألك عن الماده هل صعبه متوسطه تحتاج جهد انطباعك عنها لاني ان شاء الله رايح مستوى ثامن وشكرا لك مقدما

[الفههههد]

النظريات الاجتماعية مادة صعبة وتبي تركيز
أما عن الدكتور فأنا أشوف أسلوبه ماهو بهذا السوء بالعكس بدأ يسهل في أسئلته لكن مواده دسمة جدا وتبي تركيز ومذاكرة من بداية الترم

[الربيع الممطر]

النظريات الاجتماعية مادة صعبة وتبي تركيز
أما عن الدكتور فأنا أشوف أسلوبه ماهو بهذا السوء بالعكس بدأ يسهل في أسئلته لكن مواده دسمة جدا وتبي تركيز ومذاكرة من بداية الترم
الله يعطيك العافيه والله انك خوفتني من الان بس شي طيب منك انك بلغتني عشان اكون مستعد لها من بدري
بس اخوي انت خذيت المادة صح ولا .

[مشاري العنزي1]

الماده حتى وأن كانت صعبه هو أساسا صعب لانه صيغته للاسئله تشتت ما أقول

الا حسبي الله ونعم الوكيل عليه ناس ماتقدر وجامعة ماتقدر

[موظف بالصحه]

السلام عليكم - انت تقولين خلصتي من النظريات الاجتماعيه للدكتور فهد حبيت اسألك عن الماده هل صعبه متوسطه تحتاج جهد انطباعك عنها لاني ان شاء الله رايح مستوى ثامن وشكرا لك مقدما


أنت تقول خلصت* :biggrin:

مافيه شي صعب مع الجد والاجتهاد بس الماده معلوماتها كثيره ودسمه مثل ماذكر اخوي الفهد ويبيلها مذاكره وحرص من بداية الترم مو تذاكرها بيوم الاختبار ...

[غافل الهـم قلبي]

السلام عليكم ورحمة الله وبركاته ...
الدكتور الخريف هو النجم دائماً في كل سمستر ، وهو من تسلّط عليه الأضواء ويستحقها ، لأنه في اعتقادي أخرج البعض من عتمة الجهل إلى نور المعرفة ، ومن يدعي عليه فأعتقد أنه أساء فهم الدعاء ؛ لأن الرجل لم يظلم ولم يخرج عن المنهج ولم ولم ولم ....... الخ ، إذاً جميعنا يعلم أننا كنا وما زلنا نختار طريق السهل ولا غيره ، والطريق السهل لا يحمل ميناء ، ولن تكون نهايته كما في الطريق الصعب ، اعتبروها وجهة نظر ولا تأخذون الكلام بحساسية مفرطة ، فكلنا نتعلم من بعض ونأمل أن نتشارك كأبناء وبنات وطن واحد في رفعة شأن أمتنا التي تنتظر منّا الكثير .
دمتم بــــود ؛؛؛

[طيب ولكن]

نجم ع حساب طلابه ونعم يستاهل تسليط الاضواء عليه والدليل الموضوع هذا
ونفسي اعرف وش بيضره اذا سهل لو بعض الاسئلة

[زهقاانه]

حرام والله ماقصر صحيح اسألته فيها تعقيد بس قليل السقوط بمواده
الله يوفقه ويسخره لنا

[منصور اليامي]

الحمد الله

[منصور اليامي]

الحمد الله