الختم على ورقة الإجابة !

[Raja1]

السلام عليكم

عند لبس في امر ما
الان ختم البصمة هل تختم ورقة الإجابة ؟
انا مستغربة من المشرفة علينا تخلينا نختم على ورقة الأسئلة وورقة الإجابة !

[بنت بدوي]

ورقة الأسئله

[ام ناصر 33]

يكفي انك تبصمين على ورقه الأسئلة وكل المشرفات يسوون كذا غريبه انتوا يطلبون منكم تبصمون على ورقه الاجابه و ورقه الأسئلة

[ઈઉ M L A M 7 ઈઉ]

اول كنا نبصم ع ورقة عادية
وتطور الامر ع إننا نبصم ع الورقة العادية + ورقة الاسئلة

مابعد وصلو للبصمة ع ورقة الاجابة


السؤال هنا ، هل الألة المصححه بتقبل بهذا الشي ؟!

يقولون لاتحوسون ورقه الاجابه بقلم للرصاص انتبهوو ووالخ
واخر شي يخلونكم تبصمون عليها !!!! :139:

[زوز عسيري 1414]

لا حنا يخلونا نبصم على ورقه الاسئلة ويقولوا انتبهوا لا توصل لورقه الاجابة عشان آله التصحيح مايمشي معها الا القلم الرصاص

[أبو تركي الرياض]

الله يعينكم ،

كل مركز اختبار وله نظام ، المفروض النظام والشروط تعلن على موقع الجامعه
بحيث لا يأتي شخص ويخرج نظام من رأسه

[ઈઉ M L A M 7 ઈઉ]

^ عشان كذا ، اذا المركز يجبرك تبصمين ع ورقة الاجابة ( اعترضضي )

[Reem13]

احنا نبصم على ورقة الاسئله مش ورقة الاجابه. مع اني ماعرف وش المغزى من البصمه ...

[pearl909]

ياحبهم للتعقيد :cool:

وشهوله بصمه بكل مكان تكفي وحده :cool:

[sasa92]

اشتكي عليهم ترى عادي الجامعه تحطلكم اصفار ماعندهم مشكله لحقي على عمرك من الحين اسألي الشعيبي والفريدان اذا قالو غلط تجمعو وااشتكو المركز

[عهووودهـ]

البصمه فقققط على ورقة الاسئلة عند التوقيع
لان الة التصحيح ترفض الحبر انتبهو

[Saudi man]

ليه التبصيم من الاساس ؟

التوقيع يكفي

[nada89]

اصلا البصمه بكبرها مالها داعي اذا انتي وقعتي ومعك اثباتك خلاص يكفي مادري ليش هاذا التعقيد على اساس بتقارنون بين بصمتي الاصليه واللي على الورقه وانتم اصلا ماعندكم الاصليه نظام غريب ..!!!

واحب اقولك اختي انتبهي ورقه الاجوبه اللي اعرفه ان مايجيها شي غير قلم الرصاص عشان تصحيحها الكتروني تاكدي قبل لا تسوينها ثانيه ...!!!! :confused:

[عمر بن الخطاب]

وضعكم يالبنات متشددين
من أول اختبار لي الى الحين بالمستوى السابع ماشفت ولاسمعت بصمه او ختم
توقيع فقط على ورقة الاسئلة والاجوبه

[Raja1]

شكرًا الله يعطيكم العافية
بكلم إدارة المركز والجامعة

[Raja1]

سالت الدكتور الفريدان عن الاله ماتصحح ورق فيه حبر
رد علي غير صحيح

[مـي]

.
.

بالنسبة لي لما كنت بـ شرق الرياض السنوات الماضية
كنا نبصم على ..
ورقة التوقيع اللي فيها الأسماء
وَ
ورقة الأسئلة

والحين لما صرت بـ شمال الرياض
مانبصم إلا على ..
ورقة التوقيع اللي فيها الأسماء :16.jpg:

[عيوش *]

احنا نبصم على ورقة الاسئلة ويوقولون لا تحطون ورقة الاجابة داخلها واحنا نبصم عشان ما يطبع عليها

[عيوش *]

وضعكم يالبنات متشددين
من أول اختبار لي الى الحين بالمستوى السابع ماشفت ولاسمعت بصمه او ختم
توقيع فقط على ورقة الاسئلة والاجوبه

يالله يا حظكم احنا نبصم والحبر فين وفين على ما يروح قرف ياليت يلغونها عندنا

[bint alkaldi]

ورقه الاسئلة عند التوقيع ..
لا واضغط ضغط خفيف عشان م تتوسخ ايدي وتطلع باهته بس المراقبة تقول حلوه كذا ههههه ..

[ملامح فتاه]

حنا نبصم على ورقة الاسئلة وورقة الاجوبه عند التوقيع

[عمر بن الخطاب]

احنا نبصم على ورقة الاسئلة ويوقولون لا تحطون ورقة الاجابة داخلها واحنا نبصم عشان ما يطبع عليها

خذي من اقرب صيدليه مسحات طبيه (الي يمسحون فيها مكان الابرة قبل تطقينبها) خذي كرتون مدري كم سعره لاني اخذه من العمل فري وامسحي اصبعك الي تبصمين فيه مايخليله اثر :(204):
ربي ييسرلك التفوق بختباراتك

[عمر بن الخطاب]

يالله يا حظكم احنا نبصم والحبر فين وفين على ما يروح قرف ياليت يلغونها عندنا

خذي من اقرب صيدليه مسحات طبيه (الي يمسحون فيها مكان الابرة قبل تطقينبها) خذي كرتون مدري كم سعره لاني اخذه من العمل فري وامسحي اصبعك الي تبصمين فيه مايخليله اثر :(204):
ربي ييسرلك التفوق بختباراتك

[hana-alshareef]

لاتبصمي على ورقة الاجابه عشان جهاز التصحيح مايقبل

[لنو!]

لاتبصمي على ورقة الاجابه عشان جهاز التصحيح مايقبل

لا عادي كم ترم بصمو لنا على ورقة التظليل ويقبل التصحيح مايتأثر

[Raja1]

شكرا لنو طمتيني وبتاكد اكثر من الجامعة إن شاءالله