وش قاعد يصير في المنتدى؟

[Eyaaaad]

واجهة مواضيع المنتدى حق الترم الثامن انجليزي تحتوي على 25 موضوع

21 موضوع منها تتكلم عن ادب الأطفال، والباقي 4 مواضيع اخرى، معليش بس المنتدى يبيله مشرف صارم

باقي عندنا امتحانات مثل تقنية المعلومات والأدب الإنجليزي وغيرها، واللي قاعد يصير مهزلة وحماقة يقلل من احترامنا لموقع "ملتقى الطلاب والطالبات" وسيؤدي هذا الى ابتعاد الطلاب لمنتديات اخرى مما يؤدي للتقليل من قيمة المنتدى السوقية عند المعلنين

[Hank]

هو تصميم الكويزات كذا
كل كويز ينزل كموضوع لوحده
وهذا سبب الزحمة

[RoOo7e FdaK]

عين خير ي ايااد

وادع لأخوانك بالتوفيق في اختبارهم

[دختنوس]

مدري ليه حسيت اني قاعدة قدام مديرتنا الله يستر عليها وماسكة العصا شوي وتحذفها علينا :16.jpg:

ي خوي لابد من الزحمة هاذي ماتقدر تقيد أحد بشئ كل طالب واحتياجه فيه اللي يبون يفيدون غيرهم الله يجزاهم خير ويبون الكل يشوفه

وفيه بعد اللي عنده سؤال وطرحه في التجمع ومحد انتبه او شئ

زبدة الكلام // الملتقى للجميع طالما المواضيع في نطاق الدراسة مافيه شئ غلط وكل شخص مشرف نفسه :019:

وكانك تبي مادة معينه وشفت حوسة بمادة

انت مانزلتها زي حالتك الحين

فيه خاصية البحث فوق اكتب اللي تبي ويطلع لك ووووبسسس ببساااطة تامة :oao:

[سعد العماوي]

:biggrin:الله يصلحك ويوفق ماهكذا تورد الابل يااياد


اخوانك اختبارهم صعب ويبحثون عن اي معلومه

ومع الضغط ماكانو ينتبهون للمواضيع


وترى هم مستوى ثامن مخلين لك المنتدى بكبره بعد كم يوم

فالكلمه الطيبه صدقه يالذيب ودرب راسك مع الجماعه:biggrin::love080:

[سعد العماوي]

بعدين لحضه تعال وش جايبك لفصلنا يالله روح فصلك لا اجمعهم عليك

[τмόόн Ła чήτђч]

واجهة مواضيع المنتدى حق الترم الثامن انجليزي تحتوي على 25 موضوع

21 موضوع منها تتكلم عن ادب الأطفال، والباقي 4 مواضيع اخرى، معليش بس المنتدى يبيله مشرف صارم

باقي عندنا امتحانات مثل تقنية المعلومات والأدب الإنجليزي وغيرها، واللي قاعد يصير مهزلة وحماقة يقلل من احترامنا لموقع "ملتقى الطلاب والطالبات" وسيؤدي هذا الى ابتعاد الطلاب لمنتديات اخرى مما يؤدي للتقليل من قيمة المنتدى السوقية عند المعلنين

اهلا وسهلا اخي الصارم
انت شايف ايش هي اغلب المواضيع .. (كويزات)
والاعضاء جميعا ماقصروا تعاونوا ونزلوها بوقت قياسي وهذا من حق جميع الاعضاء
عشان كيذا صارت ورا بعض
يعني بالله تبيني احذفهم عشان تعجبك الواجهه
مايصير هالكلام ي اخي الفاضل

...

الحين بعد ماخلصنا والحمدلله راح نفضى لترتيبها وجمعها بموضوع واحد
روق اخي العزيز

[مايلي سايروس]

الله يوفقكم