انطباعكم عن اختبار نظرية الترجمة

[fluff]

😭😭😭😭 صعب يارب أعدي هالمادة هذا وانا مذاكرتها زين ليش ماعرفت احل يمكن من القلق والخوف من الماده والله مدري الله كريم الله يعوضني 💔💔

[لازم!!]

حسيته حلو بس للاسف ماني متأكدة من اجاباتي :139:

كالعادة مافي اختبار انجليزي بدون اخطأ

نموذجي a فيه سؤالين مكررة :007:

[أفا يا قلب]

الحمدلله

[walido]

الله المستعان

[Abu Shahad]

الله يخارجنا

[jayzanma]

صعب ومن بين السطور

[LI0N]

اختبار صعب

الله المستعان

[كسرة دراسة]

اسألة الدكتور ياما صعبه او سهله مافي وسط

ولاحظت انه فيه نمط رياضي بالاجابات a.b.a.b وبعده يغير b.b.b وهكذا

ايضا عندي سؤالين مكرره مادري كان قاصدها عشان يلخبطنا او خطأ مطبعي

نموذجي c

[أفا يا قلب]

ايه فعلا فيه سؤال مكرر نموذجي a

[موشغلك]

لا بباس به
مقارنة مع الوقت للي ذاكرت به

[STORY END]

خربطه ولخبطه وحوسه
ماده اي كلام واختبار اي كلام ودكتور اي كلام

ياليت ما عاد يجبون لنا اساتذه عرب


تم الإرسال بواسطة iPhone بإستخدام Tapatalk

[legend9]

الحمدلله على كل حال،،

أتمنى التوفيق لي وللجميع،،اختبار خمنت فيه واجد��،

بس فيه سؤالين مكرره،وسؤالين متشابهه،الاجابه حطها بدال السؤال
والعكس،،

نموذج b

[samar86]

بالنسبة لي صعب ومربك

[جوري89]

:(. مذاكرة وحافظه وفاهمه بس الاسئلهه صعبببببببببه مب طبيعيه :( ابي اصيييييح :(. :((((

[jayzanma]

لية التعقيد في الاسئلة من الدكتور

[منصور@@@@@]

الله يخارجنا تبخر اللي مذاكرينه من او صفحه

[كلـــ امل ـــي]

حسبي الله وكفى

خياااارته ضيعتنا كلها متشابهه يخليك حتى لو انك حافظ تحتار بالاجابه !!

[Mr English]

احس الدكتور حليمة لعب فينا لعب

انا هالمرة حليت حقرة بقرة

للأسف مو هذا طبعي :Cry111:

[jr7alharbi]

اختبار عجيب غريب لف بالأسئله يارب التوفيق والنجاح والله تعبت تعبت

[فاطمة عبدالدايم]

اسئله معقده والله لو كاتبها بالعربي ماراح اعرف احلها
ليش عامين يجيب اسئله واضحه ومكرره ليش نحنا يلف ويدور وكأنه يقول مافي نجاح الله يسامحه بس

[jr7alharbi]

يجونك الدوافير ويقولون سهل مادري جالس مع شكسبير وطقته ياخي ليه مايمشون على منهجهم الاعوام الماضيه ونرتاح ليه يصعبونه علينا الله يسامحك يالفريدان

[royal111]

ما الا نحتج ولا ندفع فلوس الترم الثاني

[أفا يا قلب]

شنو اجابة السؤالين المكرره

[shaggy]

لاحظت فرق واضح بين الاسلوب اختبار الاترام السابقه وهذا الترم تحسن ان الدفعه حقتنا من المغضوب عليهم الاسئله كانت جدن صعبه مع اني مذاكر احد يفهمه ان احنا طلبه انتساب مو انتظام ليش التعنت في الاسئله وعدم الوضوع فيها والتعمق الزائد ؟؟؟

[أخلاق]

بعد المغرب انزل لكم تصوير الاسئلة ان شاء الله

[امم مشعل]

اسئلته هي نفس اسلوبه في السنوات الي راحت يراوغ لكن الي مذاكر بيعرف يعني اسئلته عادي مو صعبه ولا سهله , انا ما ذاكرت علشان كذا استاهل الي يصير , ان شاء الله اعديها يارب

[royal111]

بعد المغرب انزل لكم تصوير الاسئلة ان شاء الله

حتى لوتنزلها مالها حل

الله يقلعهم

[wed.y alzuod]

كان في سوال اجاباته كلها غلط صح؟؟
الجواب كان لازم يكون ecology

[فواز الزهراني]

اختبار مره سهل وبسيط احسن اختبار مر علي
شكرا دكتور حليمه

اسئله واضحه ومباشرة

[Marim-j]

حسبي الله عليه لف دوران بالأسئلة حفظت الملخص زي اسمي لكن فيه يمكن أربعة أو خمسة
آسئلة اول مرة أشوفها ..... ثلاثة أيام مذاكرة والنتيجة كذا

[Ꭰαчєм sαudᎥ]

الاسئله فيها من الاعوام الماضيه صراحه ... وفيها السهل وفيها المتوسط .. يعني للتمييزبين اللي يبي ( فل مارك ) وبين اللي يبي درجه النجاح ...

[مـرسال]

ايش جواب السؤالين المتكررين


والامتحان صعب جدا جدا وكله لف ودوران

[abolana]

في اسئلة
كان واضح فيها المراوغة
وفي اسئلة مكررة
اللي مذاكر ممكن ينجح
واللي مثلي ما ذاكر أكيد يجيب العيد :(

[Sitah.Alotaibi]

لا حول ولا قوة الا بالله ايش ذا الاختبار
تحس انك داخل معركة تحدي مع المادة

وش الحلول الصحيحه ...بشوف عديتها ولا مسنترة مع حليمه .....اسوء اختبار مر علي

[فواز الزهراني]

في سوال حطيته دار الحكمه هو هو صحيح

[dafoor]

واحبها وتحبني وتحب ناقتها بعيري

الحمدلله حلييت قبل ما ينتهي نصف الوقت

الأسئله والله مو هينه كل الاختيارات مليانه

وين both fuls both tru ,ومشتقاتها

تخلينا حايسين في اربع خيارات اول مره

احل اسأله بالعكس الناس تدور الجواب الصح

وانا ادور الاجابات الخطا عشان استبعدها من كثرة الخيارات

عشان الصح يقول شوفني هنا ههههههه موفقين يا شباب

فالكم A+

[فواز الزهراني]

الزبده لحد يصدق والله اختبار صعب وملخبط وعافس اوم المادة فوق تحت
انا اتحدى الدكتور بنفسه يحلها
كل الاسئله فيها اخطاء والاجابات احيانا تحس انها موجودة اجابتين صح واحيانا مافي اجابه صح
يعني مستحيل تخمن اجابه معينه

عن نفسي شختك بختك والله كريم

[Ꭰαчєм sαudᎥ]

بصراحه انا ما خربطت الا فالاجابات المكرره في كذا سؤال ؟! تحس انك حتى لو متاكد من الاجابه فالسؤال الماضي ترجع وتشوف اجابه غيره ؟!

[aum al]

والله حليت وخبصت وانفر مخي

[فواز الزهراني]

سوال الناقه والحب
حطيتها الاجابه الثانيه بدايتها اي لاف

[فاطمة عبدالدايم]

والله الاسئله صعبه وانا مذاكره الماده بس حرام عليهم نحنا انتساب والاسئله بهل صعوبه ولف ودوران ليش
الله يعديها يااارب شكلي راسبه فيها

[بدر المدينة]

الاختبار جدااا صعب

لو الدكتور بنفسه يرجع يحلها مره ثانيه يضيع بالاجوبه ومايجيب الدرجه كامله


الله يستر من هالمادة

[Ꭰαчєм sαudᎥ]

المهم يا اخوان انا كلمت المراقب بخصوص السؤال المكرر وقال لي تطلعون للاداره عندنا ونرفع لكم الطلب وبصراحه والله مارحت من الحوسه اللي انا فيها وبعد ابي الحق على الملخصات حقتي لا يسرقونها الجماعه ؟! ف وش رايكم وش الحل ؟؟!! ردوو

[*Dev*]

اضطريت اني احمل ملخص سلطان بجوالي وفتحت جوالي بالقاعه وحليت اسئله اللي اعدي الماده واغفر همها

[كلـــ امل ـــي]

سؤال الناقة تحبني واحبها جلعها ترمحه

وش اجابتها الصحيحه ؟

[أفا يا قلب]

اختبار مره سهل وبسيط احسن اختبار مر علي
شكرا دكتور حليمه

اسئله واضحه ومباشرة

اكيد تمزح

[أبو ررند]

شكرا للاخ أبو ليان البقمي الله يوفقة لما يجب ويرضي

[Al.3nazi]

كان في سوال اجاباته كلها غلط صح؟؟
الجواب كان لازم يكون ecology


نعم فيه خطأ

[فواز الزهراني]

ارفعوا شكوى يا اخوان خلونا نستفيد كم درجه ممكن تنجحنا

[Abdulrahman85]

نموذجي كان C

وكرر سؤال عن بداية الترجمة الي هي انتربراتيشن او شي زي كذا المهم توقعت الاختيار بيكون الي هو ideas وشي معاها

[طموح الروح]

رحت للموضوع القديم واستغربت 14 الف واحد دخل قلت الله يستر اكيد في شي مهم.هههه
المهم

اول مالمحت الاسئله انبسطت بس لما بديت احل انصدمتتتت
لطلاب الاجيال الجايه انتباااه الاسئله كلها من المحتوى والاغلب من الاسئله الماضيه لكن !!!!!!
مشقلب الاسئله شقلبه
يعني انتبهوا تحفظون الاسئله صم .فقط افهموا الاسئله فهم وترجموها لانه بيجيبها معكوسه.
اقول احد ينزل الاسئله نحلها قبل انسى اجاباتي :000:

[Ꭰαчєм sαudᎥ]

احبها وتحبني وتحب ناقتها بعيري .. اجابتها بحسب ما حليتها انا ؛
I love her and she love me ....... and my caml loves her camel

[لازم!!]

كان في سوال اجاباته كلها غلط صح؟؟
الجواب كان لازم يكون ecology

ايه صح ذا السؤال اجاباته كلها خطأ :mad:

[lana aziz]

حسبي الله عليه هو وناقته

طيب هالسؤال ما انحل ولا شرحه لنا وشلون بنعرفه

بالنسبة لي والله قاطعة قلبي بالمذاكرة واشوف الاسئلة صعبة ومراوغة

وفيه اشياء خارجية

[Ꭰαчєм sαudᎥ]

لحد يجيني ويقول لط ترى هذا السؤال اللي حااس اني حااله صح ����

[كلـــ امل ـــي]

احبها وتحبني وتحب ناقتها بعيري .. اجابتها بحسب ما حليتها انا ؛
i love her and she love me ....... And my caml loves her camel

يااااااارب تكون هذي الاجابه انا حليتها نفسك

[مـرسال]

ايش جواب الناقه

بالله هذا سؤال يللا مو مشكله بس ايش الجواب

[Mark Twain]

الزبده لحد يصدق والله اختبار صعب وملخبط وعافس اوم المادة فوق تحت
انا اتحدى الدكتور بنفسه يحلها
كل الاسئله فيها اخطاء والاجابات احيانا تحس انها موجودة اجابتين صح واحيانا مافي اجابه صح
يعني مستحيل تخمن اجابه معينه

عن نفسي شختك بختك والله كريم


نفذت بجلدك يافواز هههههههههههههههههههههه

[ممموني]

كان في سوال اجاباته كلها غلط صح؟؟
الجواب كان لازم يكون ecology

لا مو غلط اجابته cultural
بالمحاضره السابعه العنوان الرئيسي حق الفئات كلها

، السؤال لحسه مدري وش يبي صراحه

[فواز الزهراني]

احبها وتحبني وتحب ناقتها بعيري .. اجابتها بحسب ما حليتها انا ؛
I love her and she love me ....... and my caml loves her camel



نفس الشي اتوقع الجواب b

[Zainab.a.m.f]

نبي حل يخرب بيته على هيك اسئله وش استفاد حررررررام عليه صعبه مووووووووت الله يستر

[Ꭰαчєм sαudᎥ]

انا صورت الاسئله وبعد المغرب باذن الله تنزل بالمنتدى

[مـرسال]

احبها وتحبني وتحب ناقتها بعيري .. اجابتها بحسب ما حليتها انا ؛
I love her and she love me ....... and my caml loves her camel


ياليت يكون صحييييح

[نقية]

ي عالم الدكتور كاتب سؤال وكل الاجوبه غلط ..السؤال اللي يخص التلال والهضاب والنباتات تنتمي لا ايش ؟ وكل الاجوبه اللي كاتبها غلط ..الاجابه الصحيحه ماكتبها

[ممموني]

احبها وتحبني وتحب ناقتها بعيري .. اجابتها بحسب ما حليتها انا ؛
i love her and she love me ....... And my caml loves her camel

حطيت مثلك عساها تطلع صح

[أفا يا قلب]

طيب شنو اجابه Person شنو حله

[Ꭰαчєм sαudᎥ]

لا مو غلط اجابته cultural
بالمحاضره السابعه العنوان الرئيسي حق الفئات كلها

، السؤال لحسه مدري وش يبي صراحه

مموني اتوقع اجابتي مثلك اذا ماني متاكد بعد ..؟ لاني ذاكرتها من كويزات كلي امل

[ترآنيم الغلآ]

الاختبار بالنسبه لي كان واضح واسهل من ما توقعت الحمدلله

اللي ساعدني في الحل اني مسكت اسالة الاعوام السابقه وحليت كل خيار من الاختيارات

وقلبت السؤال جواب والجواب سؤال ،

صحيح ان الدكتور ذكي ويحاول يغير في الصيغ كثير ويزيد حروف وكلمات للتضييع

لكن مع التركيز رح نلقى الاجابه الصحيحه
..

نموذجي c واغلب الاجابات B

[royal111]

سؤال الناقة تحبني واحبها جلعها ترمحه

وش اجابتها الصحيحه ؟

هههههههههههههههههههههههه

اتوقع a
وهي الوحيده اللي صح عندي

[h2o888]

في نموذج a في اسئلة مكرره كثيرة وفي سؤال مكرره 3 مرات والله يستر كيف حيحسبوا الاجابات

[lavender faris]

السؤال اللي تقولوا الاجابة الصح ecology ومش فيه
الاجابة cultural لان الايكولوجي من تصنيفات الثقافة

[لازم!!]

لا مو غلط اجابته cultural
بالمحاضره السابعه العنوان الرئيسي حق الفئات كلها

، السؤال لحسه مدري وش يبي صراحه

ع العموم الحمدلله حطيت CULTURAL :16.jpg:

[Ꭰαчєм sαudᎥ]

نبي حل يخرب بيته على هيك اسئله وش استفاد حررررررام عليه صعبه مووووووووت الله يستر

اذكري الله يابنت الحلال عادي اذا رسبنا نعيدها الترم اللي بعدوه ولا يرتفع ضغطك ؟!:lllolll:

[ياراستن]

مدري وش اقول صراحه
وش جاهم هالترم الدكاتره
حسبي الله ونعم الوكيل
كفاية تعب والله
ترا احنا انتساب ولنا ظروفنا

اطفال وبيت ومسؤوليات وفوق هذا كله ندرس برسوم مو ببلاش

اقسم بالله انسدت نفسي خلاص
انهيار نفسي ورا انهيار نفسي
وش ذا استغفر الله

تخيلو الناس تحل الاسئله وانا اشوف انجح والا لا
جالسه اصحح لنفسي

[لازم!!]

ياجماعة سؤال الناقة اسهل سؤال وش فيكم :16.jpg:

[lavender faris]

وترجمة بيت الشعر اللي فيها she camel
لان ترجمة الناقة she camel

[Ꭰαчєм sαudᎥ]

الاختبار بالنسبه لي كان واضح واسهل من ما توقعت الحمدلله

اللي ساعدني في الحل اني مسكت اسالة الاعوام السابقه وحليت كل خيار من الاختيارات

وقلبت السؤال جواب والجواب سؤال ،

صحيح ان الدكتور ذكي ويحاول يغير في الصيغ كثير ويزيد حروف وكلمات للتضييع

لكن مع التركيز رح نلقى الاجابه الصحيحه
..

نموذجي c واغلب الاجابات b


نفس نموذجي ترانيم بس الظاهر اني كثر من الخيار d :007:

[آلله يسهلهآ]

ضرسي يوجعني له يومين و من حظي النحيس الملخص اللي طبعته ناقص
و طبعت البارح واحد غيره ولا أسعفني الوقت إني أذاكر كل المحاضرات أو اراجع اللي ذاكرته
ما أحط اللوم على الدكتور .. لكن عن نفسي وجدت الأسئله صعبه
الله يوفقنا وياكم و يكتب لنا النجاح

[SAMAH SA]

سؤال الناقه ترجمته اللي فيها كلب dog لآنه ينضرب فيه المثل عند الغرب سود الله وجيههم طبعا انا اخترت غلط

[أفا يا قلب]

ترجمة احبها وتحبني ويحب ناقتها بعيري (love me , love my dog )
مأخوذ من كتاب الترجمة الإبداعية مستوى ثامن . تقولون أش دخل الكلب في الناقة لان هم ما يعرفون الناقة فالحيوان المعروف عندهم هو الكلب أعزكم الله


من قريت هالكلام اختبصت
والله اعلم

[so0o]

انا نموذج c واغلب الاجوبه b

السؤالين المكرره كتبت ملاحظه عليها

وسؤال الناقه اول خيار الصح

والله يعديها ع خيير :icon9:

[Ꭰαчєм sαudᎥ]

اخر سؤال يا جماعه كان عن الاسلام وش كانت اجابته اذا تذك

[آلله يسهلهآ]

اذا ترانيم تقول أغلب اجابات نموذج c هي الاجابه الثانيه
أقول الله يطمن قلبك كان اكثر اجاباتي b

[SAMAH SA]

طبعا انا عن نفسي مدري حليت ولا ما حليت يخرب بيت العدو عليه خيارات تشنج المخ

[dafoor]

وترجمة بيت الشعر اللي فيها she camel
لان ترجمة الناقة she camel


هههههه لحد يسمعك بس الدكتور لو يشوف احد حالها شي كمل

بتجيه جلطه :oao:

[تآج القلوب]

الاختبار صعب والله
لكن الله يزينها ..

سؤال الناقه
انا اخترت
اجابة الحصان والمهر
لان اقرب شي
مادري غلط ولا صح ,, :icon9:

[lavender faris]

https://books.google.com.sa/books?id=QSARAgAAQBAJ&pg=PA109&lpg=PA109&dq=i+love+her+and+she+loves+me++and+his+he+camel+l oves+her+she+camel&source=bl&ots=DfQG9ZabUI&sig=2HOQNNF-oY1JB0E97zs7g3DS-Tg&hl=en&sa=X&ei=ASecVKS9NMf2O6z6gPgL&ved=0CBsQ6AEwAA ترجمة بيت الشعر

[Khaled.SU]

مررره سهل ماقصر الدكتور بصراحه



< لعب فينا ولد حليمه 😭

[لــوســي]

في المحاضره الثالثه عشر :

وأحبها وتحبني .. ويحب ناقتها بعيري

قال بالحرف الواحد لاتخافون ماراح أجيبه في الأختبار هذا لكم تختبرون نفوسكم

الاختبار صعببب

بجيب درجة النجاح .. لكن معدلي بيخسف

[lavender faris]

يا دافور ترى ما استهبل
فعلا الناقة ترجمتها she-camel وتقدر تبحث وتتاكد
لا تستهزء وخذها معلومة

[aizomzd]

so hard
i wish i pass this exam

[SAMAH SA]

الاختبار صعب والله
لكن الله يزينها ..

سؤال الناقه
انا اخترت
اجابة الحصان والمهر
لان اقرب شي
مادري غلط ولا صح ,, :icon9:


انا حليت مثلك ينقالي ابي ازينها مابي اصير نفس فاطمة النائب اللي غيرت قصيدة شكسبير :no::41jg:

[تآج القلوب]

وترجمة بيت الشعر اللي فيها she camel
لان ترجمة الناقة she camel


اولا الـ she و الـ he
للعاقل
انا اتوقع الحصان والمهر
تقريبا

[ترآنيم الغلآ]

انا نموذج c واغلب الاجوبه b

السؤالين المكرره كتبت ملاحظه عليها

وسؤال الناقه اول خيار الصح

والله يعديها ع خيير :icon9:

اذا ترانيم تقول أغلب اجابات نموذج c هي الاجابه الثانيه
أقول الله يطمن قلبك كان اكثر اجاباتي b

اي نعم نموذج c اكثر الاجوبه b

[آلله يسهلهآ]

طبعا انا عن نفسي مدري حليت ولا ما حليت يخرب بيت العدو عليه خيارات تشنج المخ

تشنج المخ و ترفع الضغط .. مو متحسف لأني أساساً ما لحقت أذاكر
و متنقع بفراشي من ضرسي
الله يكتب لنا النجاح بس .. هالماده تثبط العزم

[lavender faris]

ههههههههه ياسماح ضحكتيني فاطمة النائب
على بالك تبين تسيرين احسن منها
ع العموم الاختبار فيه نوع من الصعوبة و عدم الوضوح

[شرواك]

بصراحه لخبط روسنا بخياراته

نفس الشي ماهي تحدي السالفه هي تقييم مستوى بعض الدكاتره مسوي هو الذكي

وهذا يدل على ضعف في انتاجه وشرحه

حسبي الله عليه

ان شاء الله اعدي الماده اما درجات زينه الله يجيبها من عنده ان شاء الله ويساعدنا

[Khaled.SU]

وترجمة بيت الشعر اللي فيها she camel
لان ترجمة الناقة she camel

ههههههههههههه الله يسعدك
وش ذا الاختراع شيكامل 😂😂

الزبده انا سويت فيها منطقيه وسويت لها ترجمه word word

لان هذي من مشاكل الترجمه ف قلت مايصير ماعندهم انثى يلا نحليهم كلهم كامل كامل

اسوء اختبار

[تآج القلوب]

مررره سهل ماقصر الدكتور بصراحه



< لعب فينا ولد حليمه 😭

صراحه اسئلته فيها شقلبه وملخبطه
اهم شي نجيب درجة النجاح
الله يوفقك

[لــوســي]

المحاضره 13 الدقيقه 34

تأكيد وتطمين من حليمه انه ماراح يجيب هالنوع من الأسئله

وجاب نفس السؤال !!!

[lavender faris]

صح ال she للعاقل بس هنا لتمييز الجنس نحط she

طب انتو بحثتوا عن معنى ناقة ؟ ابحثوا وتعالوا ناقشوني :))

[SAMAH SA]

تشنج المخ و ترفع الضغط .. مو متحسف لأني أساساً ما لحقت أذاكر
و متنقع بفراشي من ضرسي
الله يكتب لنا النجاح بس .. هالماده تثبط العزم

سلامتك ان شاءالله ما تشوف شر انا مذاكرتها بس للحين مو عارفه اذا حلي صحيح او لآ عندك اسئلة اقعد اعد من واحد الى عشر واللي يطلع عشره اختاره :Looking_anim:

[ممموني]

ترجمه احبها وتحبي يقولو الجواب اللي فيه دوق > الكلب
اسمها ترجمه ابداعيه ياخذونها مستوى ثامن
شوفو تجمعنا حق الترجمه وحده ترجمتها قبل لا ندخل الاختبار بس محد انتبه > بصيحح

ليش كذا يادكتور .....

[شرواك]

سالفة الناقه

اتذكر الاخت هايدي كتبت عنه وكانت تمزح وتقول هم يضربون المثل بالكلب

فاخترت الكلب مدري صح او غلط

تتحمله هايدي الله يجزاها خير يارب
امزح هايدي انتي ماقصرتي

[SAMAH SA]

صح ال she للعاقل بس هنا لتمييز الجنس نحط she

طب انتو بحثتوا عن معنى ناقة ؟ ابحثوا وتعالوا ناقشوني :))

بس هو ما يقصد ترجمه نصيه يعني camel مش صحيح :no:
فيه مثال بالمحتوى على هالنوع من الترجمه الادبيه

[Explorer]

الاختبار دقيق ومن بين السطور الحمد لله متأكده من 20 سؤال :119:

بس كله كوم والبنت اللى بكت بالقاعه كوم ثاني طلعت المسكينه مختبره الماده ثالث مره :icon9:

ماهذا يا دكتور حليمه > فيس سلوى المطيري :017:

[bdoor~]

اول مرره اطلع من امتحان وانا متأكده مليون بالميه اني حاملتها

الله يعوضنآ بس :'(

[KBJ911]

يا دافور ترى ما استهبل
فعلا الناقة ترجمتها she-camel وتقدر تبحث وتتاكد
لا تستهزء وخذها معلومة



كلامك سليم 100%

وانا حليتها كذا

[raraalshrey]

صعب جداً كم درجة النجاح:Cry111:

[ممموني]

شرواك شكلو اجابتك هي الصحيحه هههههههه

[المعيده ساره]

الله ......... الدكتور بليله مابها ضوء قمر ...
..
..
كل واحد يعبي الفراغ باللي يناسبه ..

[آلله يسهلهآ]

سلامتك ان شاءالله ما تشوف شر انا مذاكرتها بس للحين مو عارفه اذا حلي صحيح او لآ عندك اسئلة اقعد اعد من واحد الى عشر واللي يطلع عشره اختاره :looking_anim:

الله يسلمك ولا يجيك الشر .. دقيق بالاسئله و الاختيارات
و الماده تحتاج مذاكره و مراجعه و اطّلاع على اسئلته السابقه

أنا ذاكرت 11 محاضره و دخلت الاختبار .. الحمدلله طمنتني ترانيم عن نموذج c
و الحمدلله راضي بالدرجه اللي بيكتبها لي ربي
الأهم من هذا .. اجتمعت معكم بالماده و حماسكم يُسر الخاطر .. دفعه مكافحه
أنا جدولي مدري وش يبي صراحه كل اختبار موجود في قسم ..
بالتوفيق و انسوا الماده

[Ꭰαчєм sαudᎥ]

الزبده يا جماعه لحد يحذف ملخصاته يمكن تستفيدون منها السنه الجايه بالاختبار ذا

[لازم!!]

كلامك سليم 100%

وانا حليتها كذا

وانا حليت مثلكم ترجمتها نصية
ما انتبهت هو وش يبغى :41jg:

[lavender faris]

https://books.google.com.sa/books?id=QSARAgAAQBAJ&pg=PA109&lpg=PA109&dq=i+love+her+and+she+loves+me+and+his+he+camel+lo ves+her+she+camel&source=bl&ots=DfQG9_1aUL&sig=M12250kiCu8nugE3OavlzozL8nc&hl=en&sa=X&ei=iSqcVPPyAsniO-u8gPAM&ved=0CBsQ6AEwAA

افتحوا الرابط هنا الحل حق ترجمة بيت الشعر

kbj شكرا لانك شفيت غليلي ههههه

[ترآنيم الغلآ]

*I love her, she loves me and my camel loves her she-camel

اعتقد هذي هي الاجابه الصحيحه لغوياً ولقيتها في اكثر من موقع بالإنترنت لاكثر من دكتور
وانا اخترتها كذا ..

..

لكن قريت بعد ان ثقافات الترجمه تختلف من يعني يمكن يكون الجواب اللي فيها dog في الكتاب
اللي مألفه الدكتور !

لذلك الله اعلم

[lana aziz]

طيب اللي كانوا عارفين ترجمة الناقة ليه ما احد نبهنا عليها قبل الامتحان

على العموم قدر الله وماشاء فعل

وان شاء الله نعديها يارب

[لازم!!]

الزبده يا جماعه لحد يحذف ملخصاته يمكن تستفيدون منها السنه الجايه بالاختبار ذا

الله لايقولها ياناس تفائلوا بالخير
انشالله كلنا نعديها :106::004:

[Ꭰαчєм sαudᎥ]

يا جماعه لا تقول ان اجابه الناقه هي الكلب !!!!!! ترى ب انط من الطاقه الحين ؟!

>> حرام عليك يا بليله حتى الناقه ماحليناها صح :(

[Mark Twain]

Doctor, Thank You :060:

[آلله يسهلهآ]

الزبده يا جماعه لحد يحذف ملخصاته يمكن تستفيدون منها السنه الجايه بالاختبار ذا

فال الله ولا فالك
إن شاء الله الكل ناجح

[Mr.NoOoFy]

ووششششششش ذاااااا..!!!!

شيء بصراحة يقهر .. الخيارات تخلي اللي متاكد من معلوماته يتلخبطط !!!

صحيح اني ماراجعت اسئلة الاعوام السابقة زين بس صراحة الاسئلة من بين السطور وصياغتها معقدة جدا



انصح الجميع ماحد يحذف المذكرة .. الله اعلم شكل كلنا بنجتمع ب هالمادة مره 2


اجاباتي 95% منها على عمااهاا



حسبي الله و كفى

[lana aziz]

المهم لا يكون فيه مادة ثانية لنفس الدكتور

راح عمار وجاء اردى منه

[RoDi]

نموذج b كان في تكرار في الاجابة من السؤال 9 الى 18 على ما اظن صح ولا ؟

[تركي الشمري1]

وبعد نموذج b فيه مكرر ، بس الأسئله بشكل عام صعبه ، والدكتور يبي يعقد الناس وماوده أحد ينجح ، يمكن على باله الناس دكاتره .

[so0o]

حتي ترجمة الناقه فيها غلططط ي لهوي بااااالي :007:

[ابوراكان14]

:verycute:هههههه وانا اقول انا استاهل ماركزت في المذاكرة اثاريكم مثلي الله يسعدكم وان شاء الله نعديها كلنا يارب والله احس اني في معركه مع ذ الأسئلة

[مـرسال]

لا اعتراااااااااض
ايش الناقه كلب
اصلا لما شفت في الاختيارات كلب قلت الله يسعده الدكتور شكلي ظالمته جالس يساعدنا في الاختيارات جايبها كلها خطا
اثاريه ( ...... )

[Explorer]

بترفعون تظلم ولا ؟؟

[شرواك]

الاختبار دقيق ومن بين السطور الحمد لله متأكده من 20 سؤال :119:

بس كله كوم والبنت اللى بكت بالقاعه كوم ثاني طلعت المسكينه مختبره الماده ثالث مره :icon9:

ماهذا يا دكتور حليمه > فيس سلوى المطيري :017:

يالله حراااام والله

قسم شي يحز بالنفس مابكت الا من القهر وقل الحيله

حسبي الله عليه وعلى تفكيره

يارب ياحي ياقيوم انك تساعدها وتوفقها وترحم ضعفها وقل حيلتها يااارب

مؤسف ان يصل بنا الحال الى هذا من اشخاص يستعرضون بعلمهم وفهمهم على حسابنا

الله يوفق الجميع يارب ويكفينا شر هالدكتور ويكون طريقه طريق عمار خارج البلاد

[آلله يسهلهآ]

لا اعتراااااااااض
ايش الناقه كلب
اصلا لما شفت في الاختيارات كلب قلت الله يسعده الدكتور شكلي ظالمته جالس يساعدنا في الاختيارات جايبها كلها خطا
اثاريه ( ...... )

ههههههههههههههههههههه لا والله إلا يبي ينكبنا
أنا حليتها غلط

[Ꭰαчєм sαudᎥ]

خمس دقايق يا اخوان وراح تنزل الاسئله من تصويري وحل اخوي ؛ مبارك وراح ينزل موضوع لوحده الان ..!!!


لحظااااات وينزل ...؟!

[الجناان تنادي]

لا اعتراااااااااض
ايش الناقه كلب
اصلا لما شفت في الاختيارات كلب قلت الله يسعده الدكتور شكلي ظالمته جالس يساعدنا في الاختيارات جايبها كلها خطا
اثاريه ( ...... )

مثلك والله

قلت اكيد يبي يوضح لنا الاجابه

لكن حسبي الله ونعم الوكيل

دعواتكم عليه ولا احد يجي الحين ويقولي حرام تدعون علو اخوكم المسلم

لان هو سوى هالشي عن طيب نفس

الله لايوفقه

[آلله يسهلهآ]

يالله حراااام والله

قسم شي يحز بالنفس مابكت الا من القهر وقل الحيله

حسبي الله عليه وعلى تفكيره

يارب ياحي ياقيوم انك تساعدها وتوفقها وترحم ضعفها وقل حيلتها يااارب

مؤسف ان يصل بنا الحال الى هذا من اشخاص يستعرضون بعلمهم وفهمهم على حسابنا

الله يوفق الجميع يارب ويكفينا شر هالدكتور ويكون طريقه طريق عمار خارج البلاد

الله يجبر بخاطرها و يرزقها درجه فوق ما تتصور

[ريم العمادي]

من أول ما دخلت الجامعة وأنا أشوف إن الإختبارات كلها بمستوى المعقول .. يعني أي طالب مذاكر المادة يقدر بسهولة يجيب a

بس اليوم أول اختبار يمر عليّ أحسه مو بس صعب .. إلا تعجيزي .. والله إني مذاكره وفاهمه المحاضرات بس أحس الدكتور حاول يجيب أسئلة من السطور اللي يحس إن الطلبة راح يمرون عليها مرور الكرام وقت المذاكرة .. وبعدين مادري انتوا مثلي ولا لأ .. بس انا لما أجي أذاكر التعاريف أو بعض النقاط الصعبة، أحاول أربط الكلمة بالكلمة الأساسية بالتعريف .. هو المشكلة جايب الكلمات الهامشية بالتعريف ويسأل عنها .. والأجوبة واااجد متشابهه وتلخبط ..

أول مره بحياتي أحس بشعور مصطفى المسكين :sm1: .. لدرجة إني خذيت الساعتين كامل .. وتصدقون من كثر ما كنت يائسة جلست بالقاعة أسوي نفسي حزينة ويعني إني مسكينة وأكشر بوجهي كل شوي قلت يمكن المراقبة ينكسر خاطرها عليّ وعقب ما تفضى القاعة وأبقى بروحي تقوللي غشي .. بس ماكو فايدة .. طلعت من الإختبار وأنا فيني الصيحة .. ما تصدقون اشكثر منكسر خاطري على روحي :060: لأن هالاختبار فقدني الثقة بقدرتي على المذاكرة .. أنا عمري ما نزلت عن ال b بس هالمادة شكلي بجيب c ..

ما أقول غير الله يوفق الجميع ويسهل لنا الاختبارات الباقية .. ونصيحة للجميع لا عاد تعتمدون اسئلة الأعوام السابقة .. خلوها فقط للمراجعة .. لأن شكل الجامعة غيرت سياستها بوضع الأسئلة خصوصاً بعد ما قطر صكوا مقر الإختبار اللي عندهم بتبرير إن الجامعة مو على قد مستوى دولتهم

[ممموني]

يارررررب كلنا ناجحييييين

[SAMAH SA]

الاسئلة موجوده بالمنتدى بس نبي احد يحلها : (

[شرواك]

تنبيه:

السؤال المكرر ما اوصيكم قدموا اعتراض عليه الان نضمن ع الاقل 1,4

ورقم السؤال 7 و 9 نموذج a

[أرواح]

كان في سوال اجاباته كلها غلط صح؟؟
الجواب كان لازم يكون ecology



صح هذا السؤال كان مافي ولا واحد من الخيارات ecoiogy لازم نقدم شكوىى :(107):

[so0o]

تفائلووو بالخيير :Looking_anim:

والله هالترررم ضغططط نفسي وثقيييييل الله يعديه ع خير:sm1:

[ابوررتيل11]

على الايقونه شكاوي يمكن يرزقنا الله بدرجات ههههههههههههههههه وننجح

[االشوق]

الاختبار تعجيز كانك كفو أنجح



حسبي الله عليه دنيا و أخره
:sm1:
:sm1:
أول مره اتحسب على أحد يدرسني ليه ياحلميه

اذا هو ماترجمها ولا موجود جوابها بالمحتوى ليه يجيبها :017::017:

خلو سؤال الناقه
هو في كوم وباقي الاسئله في كوم ثاني كم سؤال جوابهم واضح أما الباقي :5aga:
أسلوب الدكتور اللي مدري شيبي متوعد فينا من المحاضرات المباشره وفعلا اليوم أثبت هالشي
حسبي الله عليه دنيا وأخره ماني رادتها عنه والله اللي مذاكر يشك في نفسه

يازين عمار جنبه على ان أسئله صعبه بس الحمدلله عديت مواده لكن هالماده أتوقع اني حاملتها :sm1:



الكل يرفع تظلم

[خوخ وزهر]

حليت اللي اعرفه بهذا الرد :

http://www.ckfu.org/vb/showpost.php?p=11788407&postcount=22

الفاضي ما لقيته بالملزمة .. :(

[Ꭰαчєм sαudᎥ]

نزل الموضوع اتمنى تواجدكم هنااااك الان ؟؟! تصوير الاسئله نزلنااها

[SAMAH SA]

صح هذا السؤال كان مافي ولا واحد من الخيارات ecoiogy لازم نقدم شكوىى :(107):

لا اجابتها الصحيحه موجوده اللي هي culture هو ما يبيك تحلين و انتي مرتاحه الا يطلع لك نخل براسك حسبي الله

[ريم العمادي]

بترفعون تظلم ولا ؟؟


اذا راح نرفع تظلم راح يكون على سؤال الناقة لأن هو السؤال الوحيد اللي اجابته مو بالمقرر
ما لنا غير نقول حسبي الله ونعم الوكيل

[شرواك]

من أول ما دخلت الجامعة وأنا أشوف إن الإختبارات كلها بمستوى المعقول .. يعني أي طالب مذاكر المادة يقدر بسهولة يجيب a

بس اليوم أول اختبار يمر عليّ أحسه مو بس صعب .. إلا تعجيزي .. والله إني مذاكره وفاهمه المحاضرات بس أحس الدكتور حاول يجيب أسئلة من السطور اللي يحس إن الطلبة راح يمرون عليها مرور الكرام وقت المذاكرة .. وبعدين مادري انتوا مثلي ولا لأ .. بس انا لما أجي أذاكر التعاريف أو بعض النقاط الصعبة، أحاول أربط الكلمة بالكلمة الأساسية بالتعريف .. هو المشكلة جايب الكلمات الهامشية بالتعريف ويسأل عنها .. والأجوبة واااجد متشابهه وتلخبط ..

أول مره بحياتي أحس بشعور مصطفى المسكين :sm1: .. لدرجة إني خذيت الساعتين كامل .. وتصدقون من كثر ما كنت يائسة جلست بالقاعة أسوي نفسي حزينة ويعني إني مسكينة وأكشر بوجهي كل شوي قلت يمكن المراقبة ينكسر خاطرها عليّ وعقب ما تفضى القاعة وأبقى بروحي تقوللي غشي .. بس ماكو فايدة .. طلعت من الإختبار وأنا فيني الصيحة .. ما تصدقون اشكثر منكسر خاطري على روحي :060: لأن هالاختبار فقدني الثقة بقدرتي على المذاكرة .. أعمري ما نزلت عن ال b بس هالمادة شكلي بجيب c ..

ما أقول غير الله يوفق الجميع ويسهل لنا الاختبارات الباقية .. ونصيحة للجميع لا عاد تعتمدون اسئلة الأعوام السابقة .. خلوها فقط للمراجعة .. لأن شكل الجامعة غيرت سياستها بوضع الأسئلة خصوصاً بعد ما قطر صكوا مقر الإختبار اللي عندهم بتبرير إن الجامعة مو على قد مستوى دولتهم





هههههههههههههااااي فطست ضحك على اكشر

اجل عامله اللي ياحراااام تكسر الخاااطر هههههههههه

دهاء الحريم اجتمع في هالمشهد يامتقمصه الشخصيااات ههههههههه

حسبي الله على عدوك ضحكتيني وانا ضايقه فيني

اتخيل شكلها وعيونها ياحراااااااام ههههههه

بس بصرااحه المراقبه قلبها مو حجر فولاذ احد يشوف هالمنظر وماينكسر ههههههه الله يرج ابليسك

اقولك شي

ياااارب تعدينها وبالدرجه اللي تبين ياااارب عشان هالمنظر بس

[Mr.NoOoFy]

الاختبار دقيق ومن بين السطور الحمد لله متأكده من 20 سؤال :119:

بس كله كوم والبنت اللى بكت بالقاعه كوم ثاني طلعت المسكينه مختبره الماده ثالث مره :icon9:

ماهذا يا دكتور حليمه > فيس سلوى المطيري :017:
شيء يعور القلب والله احزنتني :sm18:

ان شاء الله نكون كلنا معدين فيها وماشيه معنا بالحظ ب الاجابات

ودي امسك هالدكتور واعلقه واخلي كل اللي اختبروا يمسكون طابور وكل واحد يسوي كذا

:41jg:

[مـرسال]

شيء يعور القلب والله احزنتني :sm18:

ان شاء الله نكون كلنا معدين فيها وماشيه معنا بالحظ ب الاجابات

ودي امسك هالدكتور واعلقه واخلي كل اللي اختبروا يمسكون طابور وكل واحد يسوي كذا

:41jg:


هههههههههههههههه ياليت اتمنى

[فيينا]

الحمد الله والشكر طلعت راضيه عن مستواي اليوم الحمد والشكر لله وحده ،، والله يوفقنا في باقي المواد

[صباالظهران]

اي والله ثقيل فكرت انابس حاسة بهالشي
اثاري فيه معي جماعه الله المستعان
راح الممتاز الله يجيب العواقب سليمة يارب

[KBJ911]

وينك يا عمار اشتقنا لك

هههههههههههههههههه

[نهرالعطا]

وينك يا عمار اشتقنا لك

هههههههههههههههههه



لا حول ولا قوة الا بالله
اللهم أجرني في مصيبتي واخلفلي خيرا منها

وهذا انا مختمه المادة قبل شهر وحالة اسئلة الاختبار
وعملت ملخص بتقارير ملونه مشروحه لطالبه اخرى وبينت لها اهم النقاط

لو اني ما فتحتها الا ليلة الاختبار ايش بيكون

هذا كله عشان المكافاءه صرفت لي

حسبي الله ونعم الوكيل

كسرو خاطري فيها


وبلاخير ما قول غير يارب لا تضيع لي تعب

[آلله يسهلهآ]

الحمد الله والشكر طلعت راضيه عن مستواي اليوم الحمد والشكر لله وحده ،، والله يوفقنا في باقي المواد

الله يزيدك من فضله و علمه

[نهرالعطا]

الاختبار دقيق ومن بين السطور الحمد لله متأكده من 20 سؤال :119:

بس كله كوم والبنت اللى بكت بالقاعه كوم ثاني طلعت المسكينه مختبره الماده ثالث مره :icon9:

ماهذا يا دكتور حليمه > فيس سلوى المطيري :017:

وانا شفت بنات جدد اول مرة اطالعهم
ونظرية الترجمه فوق 14 طالبه

ما ادري هل هم حاملينها او مأجلينها

ياربي لا تجعلنا في موقفهم

[آلله يسهلهآ]

وينك يا عمار اشتقنا لك

هههههههههههههههههه

هههههههههه الشكوى لله يا رفيقي
عندي عمار أهون أقل درجه لي عنده a
هذي يمكن الماده اللي بعيد فيها

[آلله يسهلهآ]

لا حول ولا قوة الا بالله
اللهم أجرني في مصيبتي واخلفلي خيرا منها

وهذا انا مختمه المادة قبل شهر وحالة اسئلة الاختبار
وعملت ملخص بتقارير ملونه مشروحه لطالبه اخرى وبينت لها اهم النقاط

لو اني ما فتحتها الا ليلة الاختبار ايش بيكون

هذا كله عشان المكافاءه صرفت لي

حسبي الله ونعم الوكيل

كسرو خاطري فيها


وبلاخير ما قول غير يارب لا تضيع لي تعب


الله لا يضيع للجميع تعب
وكلي أمرك لله
و الله بيرزقك فوق ما تتمنين و ترضين

[KBJ911]

لالا لالالا تفائلوا بالخبر تجدوه

ان شاء الله كلنا نعديها..... ولا نحلم بحليمه

[so0o]

اليوم اول مرا يفتشون ع البنات ويشيكون اذانهم :biggrin: للمتحجبات بالقاعه ماره عليهم حالات غش بالسماعات

شكل المقال مططلع عيون العالم من يوم يومه :139:

[آلله يسهلهآ]

وانا شفت بنات جدد اول مرة اطالعهم
ونظرية الترجمه فوق 14 طالبه

ما ادري هل هم حاملينها او مأجلينها

ياربي لا تجعلنا في موقفهم



انا مثلك لاحظت ان العدد كبير
المركز اللي اختبرت فيه قاعتين فيها مادة نظرية الترجمه
و الثانيه 8 طلاب بس عندهم ماده ثانيه

[SAMAH SA]

فيه اسئله مو موجوده بالمحتوى ولا شلون ذا Deyden انا ماشفته بالمحتوى و حق نيومارك جايب سؤالين عنه بس مو نفس اللي بالمحتوى

[نهرالعطا]

انا مثلك لاحظت ان العدد كبير
المركز اللي اختبرت فيه قاعتين فيها مادة نظرية الترجمه
و الثانيه 8 طلاب بس عندهم ماده ثانيه

لا حول ولا قوة الا بالله
امكن حاملينها
لو انا عنهم ااجلها الين يتغير الدكتور
الله لا يجربها علينا
يارب وفق كل مت تعب وسهر

[آلله يسهلهآ]

فيه اسئله مو موجوده بالمحتوى ولا شلون ذا deyden انا ماشفته بالمحتوى و حق نيومارك جايب سؤالين عنه بس مو نفس اللي بالمحتوى

مدري اذ بالمحاضرات الاخيره لاني مدري وش مكتوب فيها اصلا
و مشيت على شختك بختك يا تصيب يا تخيب
إن شاء الله ما يحملها أحد و نفرح كلنا بالنجاح
أنا استأذنكم
" سبحانك اللهم و بحمدك لا اله إلا أنت استغفرك وأتوب إليك "

[sh123]

الله لا يوفقه وبس .

[المـ ج ـتهده]

حسبي الله ونعم الوكيل

اختبار تعجيزي ...

اتوقع اني حملت الماده ... يا رب لا تخيب تعبنا وفرحنا بنجاحنا

[5alid05]

هالاستاذ يتفنن بتشبيه الخيارات وجعلها متشابهه عشان نلخبط

ازين سؤال حق اللي يحبها وتحبه وبعيره يحب ناقتها

جوابها الخيار الاول

ليته مشى على نفس بساطة هالسؤال ويسهل على المسلمين
الله يعديها على خير بسس .. موفقين

[ABO-NAYEF]

بصراحه أنا تعبت في المذاكرة ولكن للأسف الأسئلة صعبه جدا من بين الأسطر والمادة ثقيلة دم يبيلها مذاكرة من اول وليس فقط أيام الاختبار وهذا الخطأ الي ارتكبته ،، اسأل الله لنا جميعا النجاح والتوفيق ،،

[زنجبيل]

بالنسبه لي من يوم شفت اسم جده حليمه غسلت يدي من يوم دخلت هالجامعه الى اليوم ماشفت واحد طريقته بالاسئله مثل ذي تعقيدا

[ابومطحس]

الاختبار صعب جداااا من بين السطور بس ابي النجاح يارب توفقني وادعواتكم

[5alid05]

بالنسبه لي من يوم شفت اسم جده حليمه غسلت يدي من يوم دخلت هالجامعه الى اليوم ماشفت واحد طريقته بالاسئله مثل ذي تعقيدا

ياخي طريقته تحسسك انه حاقد وناوي يستقعد :007:

الله يهديه والا يقلعه عنا

[dafoor]

يا دافور ترى ما استهبل
فعلا الناقة ترجمتها she-camel وتقدر تبحث وتتاكد
لا تستهزء وخذها معلومة

اعوذ بالله ان اكون من المستهزئين واعتذر ولو ما كان مني خطيه



الجواب الصح من غير she لان التانيث في اللغة الانجليزيه فقط في االضماير

مافي جمل وناقه اذا فيه جمله وجملها his camel or hre cmael ;كلمة جمل

ماتغيرت الي تغير ضمير ملكية الغائب

[مـرسال]

هالاستاذ يتفنن بتشبيه الخيارات وجعلها متشابهه عشان نلخبط

ازين سؤال حق اللي يحبها وتحبه وبعيره يحب ناقتها

جوابها الخيار الاول

ليته مشى على نفس بساطة هالسؤال ويسهل على المسلمين
الله يعديها على خير بسس .. موفقين

والله يا أخوي ما ودي أصدمك بس الجواب هو كلب مو الخيار الاول
هههههههه انا للحين مو مستوعبه والله:Cry111:

[Elmo English]

صعب صراحة، كم سؤال جاوبت عشوائي

[Khaled.SU]

والله يا أخوي ما ودي أصدمك بس الجواب هو كلب مو الخيار الاول
هههههههه انا للحين مو مستوعبه والله:Cry111:

ههههههههه حرام عليك كان خليته ينبسط :biggrin:

[leatk t7s]

ـآمممممممممممممم.. حسبي ـآللة عليك يـآحمد حليمة..ونـ‘عم ـآلوكيل..

مـأدري وش يحس فية هـآلشخص حرـآم كلمة دكتور فية شخص .....ـآلخ...؟؟؟

لو مصطفى كان من بين الطلبة.. ـإحسـآسي رـآح يجية جلطة.....

فمـآ بـآلك عـآلم ـآلذرة ـآلي هو ـآنـآ وش بيصير لي.. قـآعد يطنز :)

من جد شر ـآلبلية مـآيضحك.. مرة ثـآنية حسبي ـآللة ونـ‘عم ـآلوكيل فية..

[منتسب شبابي]

بالنسبه للسؤال المكرر من صالحنا لانه واضح وسهل جوابه اتوقع d نموذج سي

[aljohara12]

ليش مركزين علي الكلب كثير انا اعتقد الاجابه الحصان ،،، ،،،،،،والله اعلم

[5alid05]

والله يا أخوي ما ودي أصدمك بس الجواب هو كلب مو الخيار الاول
هههههههه انا للحين مو مستوعبه والله:cry111:

وش دخل الكلب بالبعارين :017: حسبي الله ونعم الوكيل

جعل يبرك عليه بعير :017:

[Mark Twain]

هههههههههههههههههههههههههه

[االشوق]

عطونا صيغة للتظلم

بعد التصحيح حملت الماده :Cry111::Cry111::Cry111:

[ملاك ذوقي]

هههههههههههههههههه حلوه جعل يبرك عليه بعير

بس من جدكم الاجابه الي فيها دوق وش العلاقه بالله

الشعر بالانجليزي ضايع يقطعونه ولا عاد يترجمون الله يخلف ههههههههههههههههههه

الاختبار راح للاسف نفس المقال الله يعدي هالاختبارات مثل ما نتمنى ويوفقنا يارب

[مريم عمر]

فوق ان الاسئله يبي لها تركيز جلست جنبي وحده تطلع اصوات قلبت راسي استغفر الله كل شويه تقول وخخخ اكخكخ احم احم قمه الازعاج ماتحاسب ان فيه ناس غيرها تختبر والله بدون مبالغه كل نص دقيقه تطلع صوت وبقوه يوصل لاخر القاعه ماقدرت اركز بسببها 😞 وانا والله لجيت امسح احاول ماطلع صوت المساحه وهي الاخت اخذه راحتها اخخخخخخ كخخخخ احم احم :sm5:

[ريم العمادي]

ليش مركزين علي الكلب كثير انا اعتقد الاجابه الحصان ،،، ،،،،،،والله اعلم



وأنا بعد كان جوابي الحصان

لأن تذكرون يوم قال بالمحاضرة إن الصيف بالدول الغربية أقرب للربيع بالدول العربية لأنهم يتشابهون بالشكل والمضمون
والحصان والجمل يتشابهون بالشكل أكثر من الكلب والجمل
والحصان يعيش بالبرية والجمل يعيش بالبر لكن الكلب يعيش عندهم بالبيوت
والحصان في منه المذكر والمؤنت بس الكلب صحيح منه بلغتهم المذكر والمؤنث بس بالعامية يسمونهم كلهم دوغ
والجمل يركبونه والحصان يركبونه بس الكلب لا
والجمل كان عند العرب من قرون والحصان نفس الشي بالنسبة للغرب
ترى المقارنة متعوب عليها يعني ما جبت الإجابة من فراغ :d5:

يعني أنا ما أشوف إن في أي شبه بين الكلب والجمل

إي والله على كيفكم على طول قلتوا دوغ

[Sitah.Alotaibi]

حسبي الله وكفا


مادة غثيثة

[SAMAH SA]

وأنا بعد كان جوابي الحصان

لأن تذكرون يوم قال بالمحاضرة إن الصيف بالدول الغربية أقرب للربيع بالدول العربية لأنهم يتشابهون بالشكل والمضمون
والحصان والجمل يتشابهون بالشكل أكثر من الكلب والجمل
والحصان يعيش بالبرية والجمل يعيش بالبر لكن الكلب يعيش عندهم بالبيوت
والحصان في منه المذكر والمؤنت بس الكلب صحيح منه بلغتهم المذكر والمؤنث بس بالعامية يسمونهم كلهم دوغ
والجمل يركبونه والحصان يركبونه بس الكلب لا
والجمل كان عند العرب من قرون والحصان نفس الشي بالنسبة للغرب
ترى المقارنة متعوب عليها يعني ما جبت الإجابة من فراغ :d5:

يعني أنا ما أشوف إن في أي شبه بين الكلب والجمل

إي والله على كيفكم على طول قلتوا دوغ



ههههههههههههههههههه دايم ردودك تعجبني طبعا انا مثلك حطيت حصان :cheese:

[Mark Twain]

الغرض من التعليم ورؤية face الدكتور 18 مرة في المحاضرات هو أن تصل المعلومة ويفهمها الطالب بكل بساطة وأريحية

وأن يتم طرح الأسئلة في الاختبارات على مستوى ما تم تقديمه في المحاضرات ال18 والتي كان يحاضر فيها بالساعات والساعات

أما أسلوبه في طرح الأسئلة يسمى بالتعجيزي وهذا أسلوب قديم ومبتذل ولم يعد يستخدم في أرقى الجامعات

ولا يقدم عليه إلا من به شيء في نفسه.

[Sitah.Alotaibi]

https://books.google.com.sa/books?id=qsaragaaqbaj&pg=pa109&lpg=pa109&dq=i+love+her+and+she+loves+me++and+his+he+camel+l oves+her+she+camel&source=bl&ots=dfqg9zabui&sig=2hoqnnf-oy1jb0e97zs7g3ds-tg&hl=en&sa=x&ei=asecvks9nmf2o6z6gpgl&ved=0cbsq6aewaa ترجمة بيت الشعر

طيب وش قصة الكلب والحصان

[Ali Alkhawari]

السلام عليكم فعلا اسئله صعبه وتعجيزيه ما ادري اش يبغى الدكتور اخاف احد مزعله

[raraalshrey]

الدكتور يقولو معنا المستوى السابع :mh12:

[المعيده ساره]

وش دخل الكلب بالبعارين :017: حسبي الله ونعم الوكيل

جعل يبرك عليه بعير :017:

اميييين ويدهكه دهك يفتت عظامه الاهبل ..

[STORY END]

كيف نشتكي على الدكتور؟
يستهبل علينا جايب لنا بيت شعر ماله حل اكيد
وبعدين وش دخلنا في محمد علي وتاريخ مصر شايفنا مصاريه ؟

[المعيده ساره]

وأنا بعد كان جوابي الحصان

لأن تذكرون يوم قال بالمحاضرة إن الصيف بالدول الغربية أقرب للربيع بالدول العربية لأنهم يتشابهون بالشكل والمضمون
والحصان والجمل يتشابهون بالشكل أكثر من الكلب والجمل
والحصان يعيش بالبرية والجمل يعيش بالبر لكن الكلب يعيش عندهم بالبيوت
والحصان في منه المذكر والمؤنت بس الكلب صحيح منه بلغتهم المذكر والمؤنث بس بالعامية يسمونهم كلهم دوغ
والجمل يركبونه والحصان يركبونه بس الكلب لا
والجمل كان عند العرب من قرون والحصان نفس الشي بالنسبة للغرب
ترى المقارنة متعوب عليها يعني ما جبت الإجابة من فراغ :d5:

يعني أنا ما أشوف إن في أي شبه بين الكلب والجمل

إي والله على كيفكم على طول قلتوا دوغ




ولاتزعلين عمرك يابعدي لو تبين ذيب ولايهمك بتصير ذيب ...
..
ذيب ياكله هالحليمه ليته يقراء كلامي ...

[Sitah.Alotaibi]

الدكتور يقولو معنا المستوى السابع :mh12:

ان شاء الله انه ذاك الوقت يتغير ذا الدكتور

[مـرسال]

وش دخل الكلب بالبعارين :017: حسبي الله ونعم الوكيل

جعل يبرك عليه بعير :017:


هههههههههههههههه من جد

[شرواك]

حسب كلام الاخت هايدي عن سؤال البعير والتسلب


‘موما و انا بفرفر في النت لقيت ترجمة "احبها و تحبني و يحب ناقتها بعيري" موجودة في كتاب الترجمة الابداعية المستوى الثامن و اللي يدرسها دكتور حليمة الله يستر منه الدكتور قال صراحة انها بتيجي في الاختبار اذا صدق الاجابة هي
احبها و تحبني و يحب ناقتها بعيري " Love me ,love my dog
طبعا هتقولوا لي كيف جات ببساطة الناقة و البعير ما هي معروفة عند الاجانب و الحيوان اللي معروف وله تقدير عند الاجانب هو الكلب ... الصفحة اخذتها من الكتاب

[ابونايف//]

بصراحه اسوى مادة صعبة جدا الله يعديها لنا على خير

[شرواك]

من شفت بيت الشعر بلا تردد دورت التسلب

ولا ادري ايش موجود بالجمله والله

[المعيده ساره]

اشعر بغصه
خاطري انزل السوق واتقضى وماخلي على قلبي شي يمكن الغصه تروح ...

[ryamz1]

فيه تظلم .. ارفعوووه معانا ..

[نهرالعطا]

حسب كلام الاخت هايدي عن سؤال البعير والتسلب


‘موما و انا بفرفر في النت لقيت ترجمة "احبها و تحبني و يحب ناقتها بعيري" موجودة في كتاب الترجمة الابداعية المستوى الثامن و اللي يدرسها دكتور حليمة الله يستر منه الدكتور قال صراحة انها بتيجي في الاختبار اذا صدق الاجابة هي
احبها و تحبني و يحب ناقتها بعيري " Love me ,love my dog
طبعا هتقولوا لي كيف جات ببساطة الناقة و البعير ما هي معروفة عند الاجانب و الحيوان اللي معروف وله تقدير عند الاجانب هو الكلب ... الصفحة اخذتها من الكتاب

Gender is a grammatical distinction according to which a noun or
pronoun is classified as either masculine or feminine in some language.
تحديد الجنس هي عمليه نحوية تم يز الإسم أو الضمير ما إذا كان ذكر اً أم أنثى في لغة ما .
English does not have gender for second person pronouns like
Arabic أنت / أنتِ and does not have gender for جمل/ ناقة
في اللغة الإنجليزية لا يوجد تحديد نوع الجنس في ضمائر المُخاطب كما هو الحال في ضمائر
المخاطب في اللغة العربيه ) أنت / أنتِ ( كما لا يوجد تحديد لجنس الجمل كما هو الحال عندنا
في )جمل/ناقة(.

هذا في ملخصنا
لسى ما وصلنا لمرحلة المستوى الثامن حتى انه يختبرنا فيه

[شرواك]

اشعر بغصه
خاطري انزل السوق واتقضى وماخلي على قلبي شي يمكن الغصه تروح ...

ههههههههههههههههههههه

السوق فارج الهموم عندكم

حتى اذا مرضتوا السوق عافيه لكم


الله يهنيك ويوفقك يارب

[نهرالعطا]

ولاتزعلين عمرك يابعدي لو تبين ذيب ولايهمك بتصير ذيب ...
..
ذيب ياكله هالحليمه ليته يقراء كلامي ...

تذكرت ذئب البحتري

الله يوفقك يا دكتور جزاء المصاروة

[Mr.kook]

الامتحان برأيي يعتمد على الفهم والحفظ
اذا انت معتمد على الحفظ فقط مثلا تحفظ التعريف وغيره نصاً راح تدج واذا فاهم حفظك ماراح ومركز على السؤال تصير الدعوه سهله

بالتوفيق للجميع وان شاء الله كلنا نحصل مايرضينا

[سنيوريتـا]

والله يا أخوي ما ودي أصدمك بس الجواب هو كلب مو الخيار الاول
هههههههه انا للحين مو مستوعبه والله:Cry111:

انت من وين طلعت لي بالكلب :Cry111:
الخيار الاول هو الاصح لاعاد انا متاكده <<<<<:Cry111:

[مزاجي مجنون]

لا لا ماكان صاحي الدكتور والله اعلم كانو احد جالس جنبو وحاقد عالسسسسسسسسسعودين ويقول زيد وهذا يحط من كثر الحقد كرر السوال مرتين عسااااا مو ناقه الا كوووومه نياق تفقع ررررراسه هالمصري المروح

[STORY END]

هذا نص شكوى ارسلتها للجامعه

"هناك اخطاء كثيرة في الاسئلة بعضها مكرر وبعضها يملك إجابات مكرره وبعضها لا يملك اي اجابه صحيحه.
ايضا في احد الاسئلة وضع الدكتور بيت شعر كان قد ذكره كمثال غير محلول. بالتالي هذا السؤال لا يملك اي اجابه اكيده يستطيع ان يتفق عليها جميع الطلاب.
ايضا محتوى المنهج يتطرق فيه الدكتور لشيء من تاريخ مصر.
ولا اعلم مالهدف من اقحام التاريخ المصري في منهجنا.
اتمنى اعادة النظر في محتوى المادة والدكتور المعني بها وشكراً.


بيت الشعر يقول : احبها وتحبني ويحب ناقتها بعيري ماهي الترجمة الصحيحه لهذا البيت؟ "


تم الإرسال بواسطة iPhone بإستخدام Tapatalk

[ناني93]

بترفعون تظلم ولا ؟؟
انا رفعت والله
تنبيه:

السؤال المكرر ما اوصيكم قدموا اعتراض عليه الان نضمن ع الاقل 1,4

ورقم السؤال 7 و 9 نموذج a
اي اكيد انا عندي سؤالين متكرره الورد فور وورد والثاني اجابته ايدياز :060:
فيه تظلم .. ارفعوووه معانا ..

انا رفعت تظلم كتبت ان فيه سرالين متكرره وهالشي شككنا وشكل ضغط علينا :icon120: خصوصا ان الفقرة ب1،4 يعني موع الاسئلة 6درجات تقريبا و6درجات ممكن تخسف بمعدلنا وتبعدنا عن النجاح (على اساس اننا ضامنينه مع الدكتور 😔).. وكتبت ان الدكتور اسئلته كانت مفتقرة للوضوح لدرجة صعب جدا الاقرار بالاجابة وانه حتى خارج قاعة الامتحان بعد الاحتبار لم نصل لإحابة محددة

[samar86]

لما الدكتور يصرح في محاضرة مسجلة قبل سنتين انه مارح يجيب ناقتي وبعيري
وينسى كلامه اللي سجله "قبل سنتين" ويجيب السؤال هذا ظلم واجحاف
شيئ ينرفز .. الحمدالله ع كل حال

[مزاجي مجنون]

من قوه مافسلعت فيني الاسئله نسيت نفسي وتربعت عالكرسي فقع مخي اول مرا اطلع من اختبار واشرب شاهي وانا كيفي مو شاهي ضيع حتى الكيف حقي :(

[ناني93]

كيف نشتكي على الدكتور؟
يستهبل علينا جايب لنا بيت شعر ماله حل اكيد
وبعدين وش دخلنا في محمد علي وتاريخ مصر شايفنا مصاريه ؟

انااخترت الكلب وبعدين غيرته ل she camel😭 وموعارفه ايهم صح..،وسؤال محمد ععلي مو ارفه ايهم صح بعد...:Cry111: للامانه اول مره اعتمد طريقة الاختيار بالقرعه :Cry111::verycute: شي مخزي جدا بالنسبة لي ماعمري وصلت لهالمرحلة ..:eek: مره احط اوزع حروف الاستغفار واخر حرف احطه الاجابة ،ومره حروف اسمي،ومره اسم ولدي ،و و :Looking_anim: كسرت خاطر نفسي جاني صداع وغثيان وكل شي :(177):

[lavender faris]

ممكن نراسل الدكتور ونساله عن بيت الشعر
اما كلب ذي ما تدخل المخ ابدا

ووش دخلنا اذا ماعندهم ناقة وليه نترجم لهم اصلا
على كذا مافي اسم حليمة بالانجليزي بترجمه ح....

[lavender faris]

وانا لحد الحين اقول she-camel
حسب معلوماتي
وحسب بعض تفسيرات القران المذكور فيها ناقة سيدنا صالح مترجمة she-camel

والسلام خير ختام

[Sitah.Alotaibi]

من الذهول طلعت من القاعة من دون شنطتي ما تذكرت الا بعد ما طلعت :verycute:

[نقية]

لو يفكنا بس من ترجمة الابيات يسوي خير ..حنا وين وترجمة الابيات وين ..مافهمنا معناها بالعربي نفهمها بالانجليزي

[شرواك]

من الذهول طلعت من دون القاعة من شنطتي ما تذكرت الا بعد ما طلعت ولا بعد ناسية قلمهم في يدي و ارجع لهم وارمي عليهم قلمهم و اللي في القاعة بس يناظروني :(107)::(107):


انتي لو تقرين جملتك هذي بتعرفين انك للان رايحه فيها هههههههههههه

[lavender faris]

http://www.oneummah.net/quran/book/91.html

مهم تشوفوا الترجمة لتستفيدوا

[Sitah.Alotaibi]

انتي لو تقرين جملتك هذي بتعرفين انك للان رايحه فيها هههههههههههه

حالة الذهول لازالت مستمرة :5aga::5aga:

[SAMAH SA]

ممكن نراسل الدكتور ونساله عن بيت الشعر
اما كلب ذي ما تدخل المخ ابدا

ووش دخلنا اذا ماعندهم ناقة وليه نترجم لهم اصلا
على كذا مافي اسم حليمة بالانجليزي بترجمه ح....

ما تشوفينه بعض المحاضرات يقول هليمه :5aga: هليمه مين و الناس نايمين :41jg:

[ناني93]

انتي لو تقرين جملتك هذي بتعرفين انك للان رايحه فيها هههههههههههه

هههههههههههههههههه حرام عليك خلنا نحزن لاتضحكنا 😂 الله يسعدك

[Sitah.Alotaibi]

ما تشوفينه بعض المحاضرات يقول هليمه :5aga: هليمه مين و الناس نايمين :41jg:

:hahahahahah::hahahahahah:

[SAMAH SA]

سرنديب ههههههههههههههههههههههههههههه

[شرواك]

ما تشوفينه بعض المحاضرات يقول هليمه :5aga: هليمه مين و الناس نايمين :41jg:

اماااااا هليمه

هذا مررريض:(284):

:lllolll:

[Sitah.Alotaibi]

هههههههههههههههههه حرام عليك خلنا نحزن لاتضحكنا 😂 الله يسعدك

:Cry111:

[شرواك]

هههههههههههههههههه حرام عليك خلنا نحزن لاتضحكنا 😂 الله يسعدك

امين واياك

تعرفين اعراض الصدمه احيانا ماتجي مباشره
للان باقي مبسوط ماجات اعراض الاختبار

تبين الجد اليوم موضوع الانطباع انواع الضحك على الصدمات

اللي عامله نفسها غلبانه وتبي احد يحن عليها بالاختبار

واللي بتطلع للسوق تفرغ شحناتها السلبيه

واللي طلعت من شنطتها وتركت القاعه

ههههههههههههههههه

الله يوفق الجميع ونرفع الانطباع كذكرى نضحك على بعض الصدمات وقت النتائج

[KBJ911]

.............

[KBJ911]

مواقع تثبت ان الصحيح هو she-camel

ومترجم من القران لناقة سيدنا صالح

http://quran.com/search?q=she+camel

http://www.islamawareness.net/Prophets/salih.html

http://www.playandlearn.org/reader.asp?Type=Books&fn=123

[lavender faris]

شرواك ذكرى حلوة للي بيعدي
بس اللي حاملها بينتحر !

[فهد الحميدي]

مادة غثيثه ودكتورها غثيث

[ناني93]

شرواك ذكرى حلوة للي بيعدي
بس اللي حاملها بينتحر !

يا رب نعدي كلنا

[اميرة مميزه]

ليش والله ليش اسئله خارج المنهج كل هذا حقد علينا هذا يبي احد يدعي عليه :(

[zahra alabdly]

والله ي ان جاتني حاله ابي السوق بس أخخخخ ماكان معي الا 100 ريال .. :sm5:
وإلا كان نزللللت فيني كميه حقد ابي أطلعها :41jg:
الصدق ان اختبار الترم إذ اخف من اللي قبل .. الترم الي قبل حملتها من الصعوبة بس مازال إذ الدكتور يستلعن .. :119:
لازم يتقلع من الجامعه او يشوفون له حل مسسستحيل أكمل معه شرح خايس وأسئلته تعجيزية :007:

[آلله يسهلهآ]

دخلت الاختبار و انا ما انهيت مذاكرة الماده
و توقعت إني الوحيد اللي جاب العيد بسبب الإهمال
دخلت أقرا انطباعاتكم قلت من شاف مصيبة غيره هانت عليه مصيبته
الأغلب تعب لشهر أو كم اسبوع وهو يذاكر و بالاخير ما كان راضي ابداً
الله يعوضنا من عنده و يرزقنا من خيره و يمن علينا بفضله و يفرحنا بالنجاح

[صبا الشرقية]

الاختبار زفت

[hm.r]

يااااااارب تكون هذي الاجابه انا حليتها نفسك

أنا كمان حليتها كذا ان شاء الله صح :16.jpg:

[Sitah.Alotaibi]

ليش والله ليش اسئله خارج المنهج كل هذا حقد علينا هذا يبي احد يدعي عليه :(

الظاهر انه يبي :139:

[روى نجد 1]

السلام عليكم ..
انا حاملة المادة اختباري زي المستوى الماضي خربطت كثير وزيدو عليها جاية متأخرة نص ساعه ومالحقت اقرى و احل العشر الاسئلة الاخيرة زين متوترة و مستعجله لايروح على الوقت وجاني احساس يوم انتصفت بحل الاسئلة ماودي اكمل ودي اظلل كذا .. بدون اقرى الاسئلة مليت منها ذى المادة
انا ابي كل الاخطاء حقت نموذج سي علشان نرفع تظلم

[hm.r]

الاختبار متوسط يميل الى الصعوبة ومع كذا اشوفه احسن من اللغويات التطبيقية :(177):
ان شاء نعديها ونفتك منها

[Sitah.Alotaibi]

يجب ان يخرج هذا الدكتور من الجامعه نحن طلاب و من حقنا ان نطالب بمستوى تعليمي افضل مع دكاتره اكفأ وثقات و يشرحوون زين

[e5tna8]

ورفعنا التظلم وإن شاء الله ما يروح تعبنا

[asoom1]

صعبه صععععبه + اسئلة من خارج المنهج + اسئلة مكرره

[Ro0u7]

انطباعات اكثر الطلبه متجهه الى عشق النآقه والجمل وتركوو الاهم الاسئله من خارج المحتوى الله لايشغلنا الافي طاعته عموما الاختبار متوسط بما ان الماده دسمممه لم يتعمق كثيرا اسلوبه سئ جدا في نظام السؤال والاختيارات متقاربه رجعت حليمه لعادتها القديمه وتشكرات والقادم ان شاء الله افضل للكل

[حكاية2012]

الاختبار متوسط الصعوبة..حليت بس الاسئلة المكرره
ولا فيها كم خطأ....لخبطنا ب الحيــــل في بعض الاسئلة:mad:
تفائلوا بـالخير تجدوه...ربي لايخسر لنا تعب
والله يعوضنا بـ المواد الجاية...ويعدينا هالسمستر ع خير
بـــــــ التوفيق للـــــــجميع

[leatk t7s]

تـــنــويــ‘ـة لمن يـ‘همة ـآلـأمر..

ـآممممممممممممم..


تم وبحـ‘مد ـآللةـآلرفـ‘ع و قـ‘صف جبــ‘هت ـآلمدعو علـ‘ية .....

يـآخربيتة ( ـأحمد حليـ‘مة)وش ـآلنحس..:33_asmilies-com:

:cool:



:41jg::41jg:

[صباالظهران]

فوق ان الاسئله يبي لها تركيز جلست جنبي وحده تطلع اصوات قلبت راسي استغفر الله كل شويه تقول وخخخ اكخكخ احم احم قمه الازعاج ماتحاسب ان فيه ناس غيرها تختبر والله بدون مبالغه كل نص دقيقه تطلع صوت وبقوه يوصل لاخر القاعه ماقدرت اركز بسببها 😞 وانا والله لجيت امسح احاول ماطلع صوت المساحه وهي الاخت اخذه راحتها اخخخخخخ كخخخخ احم احم :sm5:

شكلها نفس اللي معي بالقاعه موناقص الاتغني
قرفتني بعيشتي حاولت اركز بس عبث
ويوم المقال نفس الشي كانت تكخكخ ومعها وحده وراي تطقطق بالعلك حسبي الله تبيع طراطيع موجاية تمتحن كيف لها نفس مع المقال تعلك
انا نسيت الهولز بفمي من الصدمة :Cry111:

[صباالظهران]

انا رفعت والله

اي اكيد انا عندي سؤالين متكرره الورد فور وورد والثاني اجابته ايدياز :060:


انا رفعت تظلم كتبت ان فيه سرالين متكرره وهالشي شككنا وشكل ضغط علينا :icon120: خصوصا ان الفقرة ب1،4 يعني موع الاسئلة 6درجات تقريبا و6درجات ممكن تخسف بمعدلنا وتبعدنا عن النجاح (على اساس اننا ضامنينه مع الدكتور 😔).. وكتبت ان الدكتور اسئلته كانت مفتقرة للوضوح لدرجة صعب جدا الاقرار بالاجابة وانه حتى خارج قاعة الامتحان بعد الاحتبار لم نصل لإحابة محددة


قريت الكلام غلط انا للحين مضيعه
سرالين قريتها سروالين :hahahahahah:
والله جنيت من الضحك لحالي :71::hahahahahah:

[نهرالعطا]

شكلها نفس اللي معي بالقاعه موناقص الاتغني
قرفتني بعيشتي حاولت اركز بس عبث
ويوم المقال نفس الشي كانت تكخكخ ومعها وحده وراي تطقطق بالعلك حسبي الله تبيع طراطيع موجاية تمتحن كيف لها نفس مع المقال تعلك
انا نسيت الهولز بفمي من الصدمة :cry111:

ريي يسعدكم ويشرح صدوركم
ردودكم توسع الصدر

[الهادية المهديه]

:تفائلوا باالخير تجدوه

باذن الله نعدي هاالماده

انا لاحظت اسئلة كثيره من خارج المحتوى ومكرره

اش السالفة
لايكون الدكتور كتبها وهو نايم:24_asmilies-com:

[مريم عمر]

شكلها نفس اللي معي بالقاعه موناقص الاتغني
قرفتني بعيشتي حاولت اركز بس عبث
ويوم المقال نفس الشي كانت تكخكخ ومعها وحده وراي تطقطق بالعلك حسبي الله تبيع طراطيع موجاية تمتحن كيف لها نفس مع المقال تعلك
انا نسيت الهولز بفمي من الصدمة :cry111:
ايوه انا في الظهران 2 شكلك معي 😂😂😂

[Sitah.Alotaibi]

قريت الكلام غلط انا للحين مضيعه
سرالين قريتها سروالين :hahahahahah:
والله جنيت من الضحك لحالي :71::hahahahahah:
فقدنا التركيز عقب اختبار الترجمة ....محدثتك ناسية شنطتها في القاعه امشي ما اشوف دربي :060:

[badroon]

Sometimes you’re the windshield; sometimes you’re the bug
;)