اسهل طريقه لحل المسائل لمباديء التوريد

[الشمري1]

اسهل طريقه لحل المسائل المساله الاولى اذا جتكم مساله نقطة اعادة الطلب الارقام اللي فيها ثلاث ارقام رتب الاجوبه بترتيب من الاعلى الى الاسفل وعلى طول خذا الجواب الثالث في الجواب الطريقه الثانيه في مسائل التكلفه خذا الجواب اصغر شي في الاجابه او اذا شككت بالاجابه شف التكلفه السنويه مثل 11200ريال على طول تحصلها في الاجابه اصغر وهي 10625 وهذي هي الاختصارات ان شاالله فهمتو
:d5:

[الشمري1]

مبادي التوريد

[مرحبا1]

السلام عليكم يا الشمري منور

ياليت تجيب مثال لنا مع التطبيق وشكراااا

[حمد الدووسري]

ههههههههههههه ياابعد حيي بدال مانفهم المااده ونحفظ نرووح نحلل اسئله الدكتوور شعب ماالنا حل

[الشمري1]

ابشر مثال المساله الاولى سوال اذا علمت بان مخزون الامان يساوي 1350 وحدة وان طول معدل الطلب على المواد يعادل 510 وحدة يوميا .وفي كون المدة الزمنيه اللازمه لوصول المواد من الموردين ثمانيه ايام .فان نقطة اعادة الطلب هي ماعطينا الاجابات 1-2730 2- 5430 3- 10290 4- 11310 انت حاول ترتب من الاعلى الى الاسفل الاجابات 1 2 3 على طول خذا الاجابة الثالثه ان شاالله فهمت

[الشمري1]

اما المساله الثانيه اعطنا سوال اذا كان سعر البيع لاحد المنتجات 37 ريال والتكلفه المتغيرة للوحدة 14.5 ريال والتكلفه الثابته السنوية 11200 ريال فان العائد المنتظر من تصنيع 970 وحدة هو اعطنا الاجابات 1-23720 2-24690 3-10625 4- 24676 على طول خذا اصغر قيمه والا اذا شككت بالاجابه على طول شف التكلفه الثابته قيمته 11200 على طول خذا الاصغر في الاجابه ان شاالله فهمت

[الشمري1]

وللمعلوميه قيسو على جميع المسائل

[الشمري1]

هو قال الدكتور بدون حفظ اهم شي الفهم وخل الحفظ ينفعك يالدوسري

[ميرامار]

مخي مبنجر قصدك ان الاجابه تكوون اعلى رقم واقل رقم ولا

:icon9:

[حمد الدووسري]

هو قال الدكتور بدون حفظ اهم شي الفهم وخل الحفظ ينفعك يالدوسري


ههههههههههههههه يااجعلك تسلم يالشمري


هي مسئله حساابيه ياخوك قانون تحفضه وتطبق فقط


تراء انا ماذاكرت المساائل نهاائياً وبعتمد على الله ثم حلك

[مرحبا1]

ابشر مثال المساله الاولى سوال اذا علمت بان مخزون الامان يساوي 1350 وحدة وان طول معدل الطلب على المواد يعادل 510 وحدة يوميا .وفي كون المدة الزمنيه اللازمه لوصول المواد من الموردين ثمانيه ايام .فان نقطة اعادة الطلب هي ماعطينا الاجابات 1-2730 2- 5430 3- 10290 4- 11310 انت حاول ترتب من الاعلى الى الاسفل الاجابات 1 2 3 على طول خذا الاجابة الثالثه ان شاالله فهمت

واضحه الصورة وشكرا للمعلومه

لكن لو طبقت القانون الطلب يكون سهل وضمون
مخزون الامان + ( حجم الطلب في وحدة الزمن *مدة التوريد )

1350+(510*8)=5430


طبعا ذي * علامة الضرب اقصد فيها

[الشمري1]

ان شاالله تنجح ياالدوسري والجميع انا عارف القانون وعارف الحل يامرحبا بس بعضهم مايحب يحل المسائل هذي افضل طريقه لهم وانتي ماادري وش اسمك ابدي الاعداد في الاجابات من اعلى رقم تنازلي الى اخر رقم وخوذي الرقم الثالث مثل الاجابات اعطنا الدكتور 10 15 17 2 رتيبها من الاعلى الى الاسفل 17 15 10 2 على طول خوذي الرقم الثالث او ماقبل الاخير اللي هو 10ان شاالله فهمتي

[الشمري1]

اسف الرقم 10 اللي هو الرقم الثالث

[الشمري1]

اسف معليش يامير مرا اسمك صعب يبيله مادة ثانيه توريد

[ابو راشد الشمال]

هذه الحل ولا بلاش ههههههههههه
يعطيك العافية ياالشمرررري

[اكسبيريا]

لا توهق العالم ،، الطريقه خطاء

طبقتها الان على نماذج السنوات السابقه وطلعت الاجابات خطاء

لايوجد حل الا بتطبيق القانون

وعموماا المسائل سهله يحتاج لها تدريب بسيط

وان شاء الله يكون الاختبار سهل

[الشمري1]

عطنا اسئله سابقه ورقم المساله

[ناصر آل سلمان]

بنعتمد على كلامك وأنت المسئول :p

[ابوعمار]

كيف:icon120:

[Abaadi]

ياخي طريقتك اصعب من المسائل نفسها
والله سهله المسائل
بس حركوا المخ شوي

[جامع]

مشكور يالشمري بس ترى شرحك غلط انت تقول رتب من الاعلى للاسفل بس انت رتبت من الاسفل للاعلى ارجو انك تراجع طريقتك في مثالك المساله الاولى انت رتبتها عكس كلامك ياليت تحلها زين لاتوهقنا الله يعافيك ويوفقك ترى المخ مايجمع الاختبار باقي له ساعات وانت جالس تتوهنا عيد حل الاسئله بالطريقه اللي قلتها مش عكسها

[mafida3i]

مشكور يالشمري بس ترى شرحك غلط انت تقول رتب من الاعلى للاسفل بس انت رتبت من الاسفل للاعلى ارجو انك تراجع طريقتك في مثالك المساله الاولى انت رتبتها عكس كلامك ياليت تحلها زين لاتوهقنا الله يعافيك ويوفقك ترى المخ مايجمع الاختبار باقي له ساعات وانت جالس تتوهنا عيد حل الاسئله بالطريقه اللي قلتها مش عكسها

هو قصده ان رتب الارقام من الاكبر الي الاصغر
والله يعطيك العافية يالشمري وجعلها في موازين حسناتك

[moubark]

يالشمري كلامك مو مبني على اي اسس علميه تعوذ من ابليس طيب لو غير الترم هذا الارقام وش بتقول وقتها

كل هذا عجز تفهم المسائل تراها سهله

لا تخلي الناس تدعي عليك عقب الاختبار

لا تزعل مني بس جد فكر في كلامي بالتوفيق للجميع

[iAFD]

المسائل سهله كلها 4 او 5 وحلها ابو سطرين ماهي مستاهله انك تضيع درجاتك على الحفظ

[نوونه77]

الله يسهل لك وين مارحت

[صمتيے ‏‏حگآيـہ•]

ماافهمت :(