مذاكرة جماعية التكامل والاشتقاق [الأرشيف] - ملتقى طلاب وطالبات جامعة الملك فيصل,جامعة الدمام

Mas22

2014- 12- 29, 02:08 AM

اذا كانت دالة الايراد الكلي
f(x)=x^2 +10 xفان دالة الايراد الحدي تصبح
الحل:
نقوم بأشتقاق الداله
فتصبح = 2x+10

ممكن تشرحون لي كيف طريقة الاشتقاق ؟؟

السؤال الرابع :
اذا كانت داله التكاليف الحديه
C(x)=2x+10
فأن داله التكاليف الكليه ستصبح ..
X2+10x = الحل
استرجاع المعادله قبل الاشتقاق ا

وكيف ارجع للمعادلة قبل الاشتقاق ؟؟

وهل في طريقة نحل فيها المعادلات بالحاسبة مع العلم اني حصلت زر التكامل بس ماعرفت كيف اكتب المعادلة ؟؟

♥ ησσпị

2014- 12- 29, 02:34 AM

-

شوفي ياقلبي اذا قال لكِ كلي ويبي حدي هذي على طول تفاضل ( اشتقاق ) .
زي هذا المثال : f(x)=x^2 +10 x
الاشتقاق سهل تنزلين الاس قدام x ونطرح من الاس 1 يعني يصير عندنا 2x
اما 10x نفس الطريقه ننزل الاس عندنا هنا 1 فمانكتبه ونطرح من الاس 1 ف يختفي x

اما لو قالك حدي ويبي كلي هنا تكامل ( عكس الاشتقاق ) .
C(x)'=2x+10 زي هذا المثال اعطانا تكاليف حديه ويبي تكاليف كليه نسوي لها تكامل .
التكامل زي ماقلت عكس الاشتقاق ف ايش نسوي ؟ ، هنا طرحنا من الاس 1 الحين العكس
نضيف على الاس 1 ونقسم على الاس الجديد . المثال المكتوب 2x راح نضيف للاس 1
بيصر x^2 ونقسم على الاس الجديد اللي هو ( 2 ) ، 2/2 ف تروح ، نقسم الاس الجديد على
الحد نفسه اللي سوينا له تكامل .
اعطيك مثال ثاني ، لو اعطانا هذي المعادله وطلب تكاملها /
3x^2+8x-6 نجي نمسك حد حد ونسوي له تكامل ،
3x^2 الاس هنا 2 نضيف عليه 1 بيصر x^3 ونقسم الطرف نفسه على الاس الجديد 3 => 3/3 = 1 0 ( x^3 )
8x نضيف واحد للاس بيصر 2 ونقسم على الاس الجديد ( 2 ) =>8/2 = 4 راح يصير ( 4x^2 )
الطرف الاخير -6 فقط نضيف له x يصير ( -6x ) .
بتصير المعادله التكامل / x^3+4x^2-6x
ولو حابه شرح لتفاضل والتكامل بالتفصيل ارجعي لشرح الدكتور احمد فرحان . .
يوصل لكِ المعلومه ب سهوله ،

هذي محاضره التفاضل الرابعه من الدقيقه 31 + المحاضره 5 .
https://www.youtube.com/watch?v=ZLR6L_smknU

وهذي التكامل المحاضره 6 .
https://www.youtube.com/watch?v=XC3oFNvQ_Jg