ربنا ع المفتري والظالم ..شويت فضفضه مع توصيه بتقديم شكوى

[طلال حايل]

:24_asmilies-com: اذا فيك نوم او تعبان او تبي تذاكر ومو فاضي لي انا وسوالفي انزل واقراء اخر سطر هو زبدة الموضوع وعشان ماتتعب بجيب لك اخر سطر هنا ~~> ( قدم شكوى على اختبار الانشاء والتعبير اذا تشوف ان الموضوع جد فيه ظلم ) <~ هذي الزبدهـ.. خلاص روح ... وش تنتظر خذيت الزبدهـ روح شف لكـ شغله ... هاهـ رحت ايون كويس الحين حاب افضفض بس ... اثر الشعب كله متدمر من مادة الانشاء والتعبير
يا ربي لك الحمد توي ارتاح <~ نظام يا نحمل الماده جميع او ننجح جميع :(284):
والله انا بالنسبه لي ورقة الاختبار كانت صدمه لي تخيلو كنت متأكد من اني على الاقل بجاوب اقل شي على 35 سوال صح 100% لكن لما شفت الاسئله صراح اول مرهـ بحياتي احس اني كرسي درج طاوله اي شي جماد ... و اول مرهـ العب حقرا بقرا بالاجابات كلها ... و اول مرهـ اطلع من الاختبار اخر طالب مو بس بالقاعه بالمدرسه كلها ولولا ان المراقب سحب ورقتي غصب كان للحين جالس احل .. لكن بعد ماطلعت قلت اكيد ان الملخص الي معتمد عليه انا مو نفس المنهج .. لكن قلت الحمد لله انا سويت الي علي واجتهدت ومراح اتضايق اذا حملت الماده لاني متأكد اني ماقصرت .. لكن لما دخلت المنتدى وشفت ان الاغلبيه متضايقين من الاختبار عرفت ان الموضوع مو منا من هالدكتور الي مايعرف يمزح >>شويت رحمه ياراقل
أوصيكم وأوصي نفسي بتقديم شكوى على هالدكتور والي يمدح الدكتور ويقول انه ماقصر اشكـ انه هو نفس الدكتور يخش بنكات ويرفع بنفسه ههههههههههه.. جد للامانه الموضوع ماينسكت عليه والي يقول ان الدكتور معنا الترم القادم وراح يتشدد علينا اقوله لاتخاف وهو في اشد من الاختبار الي طاف

بالنسبه للمراقبين ياخي بعضهم جلطات :139:
با اختبار مادة القراءة والمطالعة
اول ماسلمونا الاوراق يناظر فيني مراقب من بعيد وناظرت فيه وهو يبتسم<~ تعرف هذيكـ الابتسامه حقت شوفني انا براقب عليكم .. ايون هذي هي نفس ابتسامته المهم وانا ابتسم هذيكـ الابتسامه حقت يالله ياحظنا انت مراقبنا لهذا اليوم .. المهم بعد خمس دقايق من بداية الاختبار جاء فوق راسي
قال : هااهـ كيف الاسئلة
قلت : والله لسى ماقريتهم كلهم والى الان الوضع طيب <~ طبعاً اتكلم وانا مبسوط لاني توقعت انه يبي يغش لي :biggrin:
راح وبعدها بمدري كم وقت جاء فوق راسي
قال : ترا باقي 1:00:00 حل لايخلص الوقت عليكـ
قلت : اوكيه هذا انا احل ان شاء الله بخلص قبل ينتهي الوقت :(204):
وجاني بعدها بشوي
قال : حل بسرعه ترا باقي 50:00 دقيقه
قلت : طيب هذا انا احل مراح ينتهي الوقت وانا ماخلصت :119:
جاني بعدها
قال : ترا باقي 35:00 دقيقه حل قبل يحجر مخك وتنسى كل شي
قلت : الله يجزاكـ خير ترا يبي يتشتت تفكيري اذا كل شوي تبي تذكرني بالوقت :000:
قال : طيب خذ راحتكـ <~ بس شكله مدري عبيط او يستعبط ويمر من عندي بدون مايوقف وهو يمشي يقول 25 يقصد باقي 25 دقيقه وشوي يمر يقول 20 وبعدها رجع وقف عندي
قال : باقي 10:00 دقايق
قلت : والله اني ضعت وضيعت وتشتت فكري وتركيزي بسبب تذكيرك لي بهالوقت :007:
قالت : اسف ويعلم الله لو ماشفت انك كفو وتستاهل وشكلك محترم ماكنت كل شوي اذكرك بالوقت ... وان ماخاب ضني انت من القبيله الفلانيه ياخي دمكم واضح .. هالنصاب مسوي يعرف اصل الشخص من دمه واسمي واصلي مكتوب بالورقه قدام عينه <~ المهم انه معتبر الموضوع فزعه ياعلكـ ماتفيد انت وفزعتكـ.. واغلب الاسئله حليتها بدون تركيز عشان الوقت
... انا من شفت وجهه ماشفت خير قسم احس الوقت يمشي بسرعه ...
لذالكـ اتمنى ان الجامعه تنبه المراقبين لعدم التحدث مع الطلاب اثناء الاختبار <~ مع اني اشكـ بوضعه لان حركاته كثير ونظراته مو طبيعيه واحس انه يستخدم ممنوعاات وشكلها مسكت معه علي بالغلط
لذالكـ احذركم اذا ابتسم لكـ مراقب عطه النظرهـ الي وش يبي هذا.. لاتتوهقون مثلي



بالنسبة لمادة
استماع واستيعاب ... و الاخلاق الاسلامية ... الانتر نت والاتصالات ... التركيب اللغوي
اشكر جميع الدكاترهـ لهذهـ المواد وبيض الله وجيهكم شرح ممتاز واختبار مناسب جداً
وبالنسبة لمادة
القراءة والمطالعة ... الدكتور ماقصر شد حيله بالشرح وعطانا محاضرات اضافيه لكن للامانه الاختبار كان صعب نوعاً ما
وبالنسبة للمادهـ الي ماتتسماش :biggrin:
الانشاء والتعبير ... صراحه هي نوع من انواع الجحيم التعليمي والاحباط ياليت الدكتور اذا شاف انه غلطان يبحث عن حلول مناسبه ترضي الطرفين حنا نكد ونجتهد ونتعب ونسهر وهو بكل سهوله يضيع تعبنا ياخي ماتبينا ننجح قول تراك دكتور مافيه احد بيحاسبكـ بس لاتخلينا نتعب كذا

وبالنهاية
الموضوع كله هذرهـ وقرقرهـ وتفريغ مافي داخلي لان هاليومين ماعندي احد اسولف له قلت اسولف لكم
ولاتنسون الشششكوى درعمو عليهم

( قدم شكوى على اختبار الانشاء والتعبير اذا تشوف ان الموضوع جد فيه ظلم )
ومع السلامه

[العمدهـ]

كل شخص يدور عذر عشان يرضي ضميره للاآمانه انا ماذاكرت لكن راجعت بعض الملخصات قبل الاختبار بيوم وفهمت الطريقه والحمدالله راضي عن حلي لكن عندي اغلاط وانا واثق من ذلك
الاسئله كانت واضحه وطريقه الاسئله لازم تكون كدا وبذا الطريقه صح في صعوبه انك كل شوي تقلب بالصفحات لاكن الحمدالله على كل حال و للآمانه ادا بتظلم راح اتظلم على الوقت الي هي ساعتين ليش ما كانت اكثر !! اما الاختبار انا اقول انه كان ممتع وشيق وسهل ممتنع ..
قل الحق ولو على نفسك
شكرا للجميع وسامحوني على الصراحه

[gohr]

كل شخص يدور عذر عشان يرضي ضميره للاآمانه انا ماذاكرت لكن راجعت بعض الملخصات قبل الاختبار بيوم وفهمت الطريقه والحمدالله راضي عن حلي لكن عندي اغلاط وانا واثق من ذلك
الاسئله كانت واضحه وطريقه الاسئله لازم تكون كدا وبذا الطريقه صح في صعوبه انك كل شوي تقلب بالصفحات لاكن الحمدالله على كل حال و للآمانه ادا بتظلم راح اتظلم على الوقت الي هي ساعتين ليش ما كانت اكثر !! اما الاختبار انا اقول انه كان ممتع وشيق وسهل ممتنع ..
قل الحق ولو على نفسك
شكرا للجميع وسامحوني على الصراحه

ياجال قل انك حفظت الملخصات قبل الاختبار ومشت معك وخل عنك الفلسفه :53:

[دوسريه كفو]

اقول ترى توني مشتكيه فالأيقونه حقت الملاحظات
هالدكتور عيد بي قبل حلي
ينطبق عليه المثل اللي يقول (جا يكحلها ،عماها

ليتكم ماتمدحون واجد ،امحق فزعه

[العمدهـ]

ياجال قل انك حفظت الملخصات قبل الاختبار ومشت معك وخل عنك الفلسفه :53:

:119: :119:

[طلال حايل]

كل شخص يدور عذر عشان يرضي ضميره للاآمانه انا ماذاكرت لكن راجعت بعض الملخصات قبل الاختبار بيوم وفهمت الطريقه والحمدالله راضي عن حلي لكن عندي اغلاط وانا واثق من ذلك
الاسئله كانت واضحه وطريقه الاسئله لازم تكون كدا وبذا الطريقه صح في صعوبه انك كل شوي تقلب بالصفحات لاكن الحمدالله على كل حال و للآمانه ادا بتظلم راح اتظلم على الوقت الي هي ساعتين ليش ما كانت اكثر !! اما الاختبار انا اقول انه كان ممتع وشيق وسهل ممتنع ..
قل الحق ولو على نفسك
شكرا للجميع وسامحوني على الصراحه

الله يوفقك ومن نجاح الى نجاح ان شاء الله .. انا ماعندي مشكله بصعوبة الاسئلة بالعكس هذا الشي الي الكل يبي يتوقعه في اي مادهـ ... انا مشكلتي مع الاسئله هل هي فعلاً معنا بالمنهج او لا هذا الشي الي يخلني اقول ضروري نقدم شكوى ... لكن اذا الاسئله من نفس المنهج للامانه كانت صياغته للاسئله شي خرافي وغريب واذا انت ساعتين مذاكر يعلم الله اني قبل الاختبار بتقريباً 16 ساعه متواصله وانا اذاكر من الساعه تقريباً 12 من منتصف الليل الين بكرا الساعه 2 قبل الاختبار بساعه وانا مع هالمادهـ غير اني مراجعها هي وباقي المواد بشكل مكثف .. لكن قدر الله وما شاء فعل والحمد لله على كل حال

[طلال حايل]

ياجال قل انك حفظت الملخصات قبل الاختبار ومشت معك وخل عنك الفلسفه :53:

انا حافظ الملخص قلباً وقالباً .... ليت الموضوع موضوع حفظ كان ماقلنا شي لكن اعتقد ان الاسئله ماقد مرت علي لا في صياغتها ولا في محتواها لاني حفظ وفاهم المادهـ من الملخصات ..

[طلال حايل]

اقول ترى توني مشتكيه فالأيقونه حقت الملاحظات
هالدكتور عيد بي قبل حلي
ينطبق عليه المثل اللي يقول (جا يكحلها ،عماها

ليتكم ماتمدحون واجد ،امحق فزعه

ان شاء الله يشوفون لنا حل مع كثرت الشكاوي وهو يبي يتلفت لحاله :no:

[شاري مزاجه]

بخصوص حركات المراقب معك .. تقدر تقدم عليه شكوى في ايقونة ( تقييم مركز اللأختبار ) وتكتب جميع ملاحظاتك


اما بخصوص مادة الإنشاء والتعبير

تم تقديم الشكوى بهذه الصيغه :


السلام عليكم ورحمة الله وبركاته

اتمنى انصافي في مادة الانشاء والتعبير 1
حيث ان الاختبار تركز فقط على حروف الجر
وبشكل مكثف مما يجعل الطالب يتشتت في الاجابات
الماده جميله وتتحدث بشكل عام عن القواعد الخاصه ب اللغه الانجيلزيه لكن للأسف ان الدكتور ركز على جانب
وترك 97% من المنهج والتركيز على اشياء لم يتم شرحها وليس من المعقول اختزال مادة الانشاء والتعبير بهذه الطريقه التي لاتمثل الهدف من الماده وكما تعلمون ان الماده مدتها 3 ساعات مما يعني انها ستؤثر بشكل سلبي او ايجابي
في معدل الطالب .

تظلمي يخص الاختبار الذي وضعنا في حيره تشابه الإجابات امام كل تلك الخيارات المقتصره على كم كلمه مكرره واهمال المقرر
بما فيه من معلومات اغلبنا ركز عليها لكنها لم تأتي في الاختبار ..

اتمنى انصافي في شكواي .. ولله الشكوى

ولكم مني جزيل الشكر والعرفان






ملاحظه : الأخوان المثاليين لانحتاج مرورهم في هذا الموضوع

[طلال حايل]

بخصوص حركات المراقب معك .. تقدر تقدم عليه شكوى في ايقونة ( تقييم مركز اللأختبار ) وتكتب جميع ملاحظاتك


اما بخصوص مادة الإنشاء والتعبير

تم تقديم الشكوى بهذه الصيغه :


السلام عليكم ورحمة الله وبركاته

اتمنى انصافي في مادة الانشاء والتعبير 1
حيث ان الاختبار تركز فقط على حروف الجر
وبشكل مكثف مما يجعل الطالب يتشتت في الاجابات
الماده جميله وتتحدث بشكل عام عن القواعد الخاصه ب اللغه الانجيلزيه لكن للأسف ان الدكتور ركز على جانب
وترك 97% من المنهج والتركيز على اشياء لم يتم شرحها وليس من المعقول اختزال مادة الانشاء والتعبير بهذه الطريقه التي لاتمثل الهدف من الماده وكما تعلمون ان الماده مدتها 3 ساعات مما يعني انها ستؤثر بشكل سلبي او ايجابي
في معدل الطالب .

تظلمي يخص الاختبار الذي وضعنا في حيره تشابه الإجابات امام كل تلك الخيارات المقتصره على كم كلمه مكرره واهمال المقرر
بما فيه من معلومات اغلبنا ركز عليها لكنها لم تأتي في الاختبار ..

اتمنى انصافي في شكواي .. ولله الشكوى

ولكم مني جزيل الشكر والعرفان






ملاحظه : الأخوان المثاليين لانحتاج مرورهم في هذا الموضوع



يعطيك العافيه ... قدمت الشكوى عن اختبار الماده وان شاء الله نشوف نتائج ايجابيه ترضي الجميع

[moony5005]

انا بالنسبه لي قدمت شكوى قبل شويات في الايقونه

[MilaFahad]

ياجال قل انك حفظت الملخصات قبل الاختبار ومشت معك وخل عنك الفلسفه :53:
قل خيرا او اصمت
اللي بيعترض يعترض ب ادب زي الاخ طلال:icon1:
واللي عندو راي ثاني خليه يحتفظ فيه لنفسو
وبعدين القسم هذا كلو كان يتكلم عن الاشياء اللي رح تجي ب الاختبار
وجات نفس ماتوقعنا ف اللي ما حل يتحمل شويا ويعترف
انو حامل لنفس الغلط اللي قاعدين تتهمو فيه الدكتور رغم انو ما قصر ..
اعتذر منك طلال:icon1: والله يعوضك خير ماتدري يمكن تجيب درجه حلوه

[scario]

اخوي تقدر ترفع تظلم على المادة وايضا تضيف له المراقب المزعج اللي كل شوي يذكرك بالوقت وتطلب محاسبته رقم المراقب على ورقتك يطلعونه
واتوقع راح يضيفون لك درجات اضافيه بسبب هذا المراقب اضافة لصعوبة المادة واسئلتها اللي تشتت المخ

[شيهانة القحطانى]

يالعمدة هالموضوع للطلبه اللى يبون يرفعون تظلم ايش دخلك بالسااالفه والا بس تدخل تبى تنرفزنا يعننى حليت ومسوى محامى للدكتور ماحد طلب رايك ترى.. هب شحم ولايكثر وياله الباااااب

[*HAN*]

وانا بعد ودي افضفض

والله العظيم اني فتحت المادة الساعة 8 الصباح من يوم الامتحان
ولانه مايمديني مافتحت الملخص فاذاكرت من شرح وحدة الله يجزاها خير << نسيت اسمها
وسريع سريع قرأت القطع والمراجعه الاضافيه حقته
وانا في الاختبار من شدة الفجعه قلت اكييييييييييييييييد راسبة
لاني مو متخيله انه يجيب بس هذا
وان القطعة كلهاااااا ماضي بسيط
شكنني في نفسي صراحه لانه مستحيل يجيب شي بهالسهوله
طبعا عندي أخطاء في الارتكل
والاسئلة ما كانت شامله للمنهج
بس عندي هذا احسن من لخبطت المضارع التام والمستمر اللي جننتني
وان كان ماعندنا القدرة اننا نحل شي بهالسهولة واحنا تخصص الافضل نحول

[خلود33]

مدرري ع اني ماذاكرت كويس بس احس اني حليت في الانشاء والتعبير احسن من القراءه

القراءه يارب انجح فيهاااااااااا فيس يبكي

[loloback]

اتوقع بيصعب اسئلته المستوى الجاي بسبب هاالهجوم

[روز نجد]

هههههههههههههههه

أضحكتني أضحك الله سنك ،، لله الحمد والمنة أنو حليت بشكل ممتاز باختبار الانشاء

لكن للأمانة الاختبار ما كان شامل للمنهج ... وبالنسبة للي يقول أنو الدكتور أعطانا

الأسئلة أحب أقوله هالكلام غير منصف الدكتور أعطانا محاضرة إضافية كثرت فيها التكهنات على نموذج

الاختبار كيف بيكون لكن مين المجنون اللي بيعتمد على مجرد تكهنات ممكن تصيب وممكن تخيب في منهج

عدد ساعاته 3 ؟؟!! كلمة حق لازم تنقال والله يوفقكم في هالمادة وتعدونها

ويوفقني في مادة القراءات اللي كل ماتذكرتها يصدع راسي


:(117)::(87):

[العمدهـ]

يالعمدة هالموضوع للطلبه اللى يبون يرفعون تظلم ايش دخلك بالسااالفه والا بس تدخل تبى تنرفزنا يعننى حليت ومسوى محامى للدكتور ماحد طلب رايك ترى.. هب شحم ولايكثر وياله الباااااب

كلام جمييل يدل على التربيه ،، شكراا لك :rose:

[شيهانة القحطانى]

يالعمده على حاله حدك لا تغلط ..ولا شكر على واجب حقك وتستاهل اكثر يالأخو

[العمدهـ]

يالعمده على حاله حدك لا تغلط ..ولا شكر على واجب حقك وتستاهل اكثر يالأخو

لا تغلط !!! :119: يا سبحان الله
شر البليه مايضحك
الله يعطيك على قد نيتك

[FTOM]

في البداية حابه أقول اني حليت حلو في اختبار الإنشاء والتعبير يمكن عندي كم غلطة بسيطة بس للأمانة اختباره كان مخيب للآمال يعني انا جلست على المحاضرات المسجلة من 3 العصر الى الى الفجر اليوم الثاني وادون كل كلمة قالها واحفظها من قلب يعني مذاكرة اطمح الى 100 مو النجاح و السلام ...و ذاكرت القطع بس ما حفظتها كصورة .. فعلا حسيت بحسرة وغبنة يعني كرف وسهر وتعب واخرتها تحصر المنهج في حروف وياليت هالحروف ذكرت في المحاضرات يعني قهرررر ..الشئ الثاني اللي يدافع دفاع مستميت عن الدكتور اعرف ناس كثير بمجرد انها خلصت مناقشاتها واجباتها وما تكون متابعةللملتقى تعزل نفسها عن النت وتجلس تذاكر وتقطع نفسها يعني كيف بتعرف ان الدكتور نزل محاضرة اضافية ...ارجع اقول انا باجيب امتياز بإذن الله بس كلمة الحق تقال الاختبار اقل ما يقال عنه مجحف لجهود الكثير..

[شيهانة القحطانى]

:d5::d5::d5: