اسئلة اختبارات رفع تظلم للعمادة لمادة نظرية المنظمات [الأرشيف] - ملتقى طلاب وطالبات جامعة الملك فيصل,جامعة الدمام

abood_k

2014- 12- 29, 05:00 PM

لن يستجيبوا لأيقونة التظلم

الأفضل هو التغريد لعميد التعليم عن بعد د. عبدالله الفريدان
https://twitter.com/alfraidan

تغرد الدفعة كلها وبيحس بالإزعاج ويتابع الموضوع

3zoozi2013

2014- 12- 29, 05:00 PM

كل شخص يرفع التظم بطريقته عشان الاداة تنظر بالموضوع بجديه وكتابة عن صعوبة الاسئلة وتشتييت الطالب وجميع المعلومات المهمه لم يتطرق لها التي سبق وتم مذاكرتها وهذا ظلم ولا يصب في مصلحة الطالب ولا يضيف له اي معلومات مفيدة وان الاسئلة من بين السطور وان هذا المستوا يفترض يكون اسهل مستوى خصوصا بانه الثامن واغلب الطلاب خريجين

naif14044

2014- 12- 29, 05:01 PM

حسبي الله ونعيم الوكيل الله لا يبارك فيه

مشاري الطلحه

2014- 12- 29, 05:01 PM

حسبي الله ونعم الوكيل

عبدالحليم حافظ

2014- 12- 29, 05:03 PM

يسعد مساكم ماقول الا حسبي الله ونعم الوكيل حسيت من الاسئله اني بطلع داود الشريان والله كنت داري انه مغقد بس الله يسهل الامور انا نموذج a

مشاري الطلحه

2014- 12- 29, 05:05 PM

مللنا من نجاسة دكاترة الجنسيات العربية
وتصعيبهم للماده
حسبنا الله ونعم الوكيل

أبومعاذ2012

2014- 12- 29, 05:05 PM

بالعكس يا اخوان ماقصر الدكتور والاسئله واضحه ومباشره وفيه اسئله من الاترام اللي راحت

انا معك

ابو طرفة

2014- 12- 29, 05:13 PM

يا جماعة الاختبار صدق عن مقرر نظرية المنظمات ..!؟ :confused:

اعتقد .. بل أجزم أن الأختبار كان عن مقرر مختلف >> "تاريخ المنظمات والمنظرين"

aboody_sy

2014- 12- 29, 05:21 PM

يا جماعة الاختبار صدق عن مقرر نظرية المنظمات ..!؟ :confused:

اعتقد .. بل أجزم أن الأختبار كان عن مقرر مختلف >> "تاريخ المنظمات والمنظرين"

ههههههههههههه حلوه :lllolll::sm12:

ذو الجناح

2014- 12- 29, 05:24 PM

والله ياهووو لعب فينا لعب زعج امنه على اسماء العلماء ،، والله لو اسماء اجدادي ماحقظتهم :(

fandam

2014- 12- 29, 05:25 PM

وين التعقيد بالعكس من اسهل الاختبارات وهالكلام ليس استفزاز
بس والله كل شي من المحتوى

الطرف الخجول~

2014- 12- 29, 05:25 PM

عطونا الاسئله بنسوف عدينا ولا لا

Rooory

2014- 12- 29, 05:27 PM

حسبي الله ونعم الوكيل ... عماده فااااشله من اول مااستلمها الفريدان اول ع ايام عبدالله كانت جداااا روووعه ومالقينا مشاكل وهالسنتين نعاني من الاخطااء الاملائية وتشابه الاجوبه واللف والدوران ونظام يعللللق واخطاء بابخارطه والتحميل مااقول الا حسبي الله ونعم الوكيييل فيهم

اسطوره زمانها

2014- 12- 29, 05:29 PM

حسبي الله ونعم الوكيل

AL RABIE

2014- 12- 29, 05:30 PM

الاسئله كانت مباشرة جدا .. اللي ذاكر من المحتوى واتطلع على اسئلة الاترام الماضيه بيجاوب بشكل سريع ..
نصف القاعه سلموا اوراقهم مع نصف الوقت ..
بالتوفيق للجميع

قاتل العلم

2014- 12- 29, 05:34 PM

الاختبار زي العــــسل

في 3 الى 5 اسئله صعبه من ضمنها التواريخ
والباقي من المحتوى و معظمها من اسئله الاعوام السابقه

صحيح في اكثر من ماده صعبه بس اليوم
اسمحـــــو لي

أبو تركي الرياض

2014- 12- 29, 05:35 PM

فعلا يرجى عدم السكوت
اختبار صعب ومعقد بكل المقاييس

علي بن عبدالرحم

2014- 12- 29, 05:37 PM

حسبي الله عليه عسى الله يعقد اموره يارب مثل ما عقدنا في الاختبار

Assir

2014- 12- 29, 05:39 PM

اولا حسبي الله ونعم الوكيل

ثانيا / المتفلسفين والمطبلين اللي يقولوا اختبار سهل

مو مطلوب رايكم وانا متاكد انكم شختك بختك بالاختبار

وتجي هنا تتفلسف

الله لا يوفقك يالفريدان وهذا توجهك الواضح للاطاحة بمعدلات الخريجين
ولكن اسال الله ان يعجل بزاولك من مكانك انت ودكاترتك

حسبي الله ونعم الوكيل والله يسلط عليكم

علي بن عبدالرحم

2014- 12- 29, 05:41 PM

من جد مركز على اسماء العلماء ليته ركز ع الفايدة اكثر

العالم الفلاني والعلاني هذا بالله استاذ دكتور والله ماعطيه ولا استاذ نعله

مدرك

2014- 12- 29, 05:44 PM

الله يهديك يا ابن حريش :Cry111:

شبنكة حبش

2014- 12- 29, 05:47 PM

نعم الأسئله جدا حلوه لدرجة قاعده تنقط عسل على الطاوله

almeaad

2014- 12- 29, 05:50 PM

نظرية منظمات اكيد راح يجيب اسماء علماء
الاعتراض على التاريخ
اكد في المحاضره المباشره ان التواريخ ليست معنا
انا راح ارفع ملاحظه عل ذالك

امنه العنزي

2014- 12- 29, 06:00 PM

الله لا يعطيه عافيه على هذي الاسئله جاني صداع نصفي من اسئلته

نوآف الريآض

2014- 12- 29, 06:04 PM

من غير المعقول الاحتبار منتهي له ربع ساعه وصاحب الموضوع منزل موضوعه قبل ساعه من الان ..!

Dr. Diamond

2014- 12- 29, 06:09 PM

من جد مركز على اسماء العلماء ليته ركز ع الفايدة اكثر

العالم الفلاني والعلاني هذا بالله استاذ دكتور والله ماعطيه ولا استاذ نعله
أخي علي عدل إسم الوالد أطال الله في عمره لأنه مافي إسم من أسماء الله بالرحم، وإذا ماتقدر تعدله ولا الإدارة، فأحذف الحساب وإفتح لك حساب جديد. فقط حبيت أنصحك وتقبلها مني.

بخصوص الإختبار وبعد ردودكم المخيفة مع إني مانزلتها هالترم وأبنزلها الترم الماضي، وبالإضافة على شكاوي طلبة المستوى الثامن من مادتي "إدارة المشاريع" و "العقود والتفاوض"؛ ما أقول إلا الله يفرجنا منها على خير بس.

وش إسم الدكتور الي إختبركم اليوم؟

vip-1

2014- 12- 29, 06:13 PM

الاسئله كانت مباشرة جدا .. اللي ذاكر من المحتوى واتطلع على اسئلة الاترام الماضيه بيجاوب بشكل سريع ..
نصف القاعه سلموا اوراقهم مع نصف الوقت ..
بالتوفيق للجميع

اتمنى انك تراجع اجوبتك
بالتوفيق

shyoo

2014- 12- 29, 06:22 PM

ما اشوف ان الاسئله صعبه ؟!
كان قبلها جم يوم و الحمد الله قسمت الماده على الايام هذي و مخطط الذهني حق فهد سهل الموضوع وايد
الاسئله حليوه ..
و اسئلتنا اسهل بوايد من الاترام اللي طافت ! :|

asdfg565

2014- 12- 29, 06:29 PM

انا النموذج حقي كأن c. ما اقول الا حسبي الله ونعم الوكيل ..

ابووسعيد

2014- 12- 29, 06:33 PM

الله لايوفق هالماده والله لا ايسعد دكتور لانه حمار اللله ايكرمكم وش دخلنا بالتورايخ هذي قلة حيه عشان يكون هالدكتور دم مادي لجامعه بااسلوبه الحقير

نواف الشهراني

2014- 12- 29, 06:37 PM

حسبنا والله ونعم الوكيل
الاسئلة المعقدة

SOLOIINTER

2014- 12- 29, 06:41 PM

يعطيك العافيه ياسعاده اد عيسى حيرش اسئله كانت في المتناول ولله الحمد
اختبار كان ممتع 90٪ من القاعه خلصوا بنص الوقت

atat

2014- 12- 29, 06:48 PM

اللي ذاكر ملخص فارس العنزي بياخذ 99 من 100 لأن سؤال التاريخ مدري وش موقعة من الاعراب في هالمادة .. كل الطلاب اللي يشتكون من المادة أعتقد أنهم ما ركزوا على أسماء العلماء واسهاماتهم ..

غرور الورد1

2014- 12- 29, 06:49 PM

الاختبار زي العــــسل

في 3 الى 5 اسئله صعبه من ضمنها التواريخ
والباقي من المحتوى و معظمها من اسئله الاعوام السابقه

صحيح في اكثر من ماده صعبه بس اليوم
اسمحـــــو لي

التواريخ مو من الاسئله الصعبة :(177):

فاهمة

2014- 12- 29, 06:49 PM

اقول اي تضلم الاسئل جيد في وضعها
مايستحق الدكتور ذي الدعاوي كلها لكل مجتهد نصيب
من يوم بدينا الاختار وحنا نفتح موضوع تضلم لكل المواد
:139::139::139::139::139::139:

3zoozi2013

2014- 12- 29, 06:50 PM

من غير المعقول الاحتبار منتهي له ربع ساعه وصاحب الموضوع منزل موضوعه قبل ساعه من الان ..!

حياك الله اخوي نواف

احنا في منظقة وانت في منطقة شي طبيعي بيفرق الوقت

ابراهيم 6

2014- 12- 29, 06:51 PM

الأسئلة متوسطة نصف القاعة خرجو قبل نصف الوقت
بعض الناس يهول الموضوع

ابراهيم 6

2014- 12- 29, 06:54 PM

التواريخ مو من الاسئله الصعبة :(177):

اتفق معك الأسئلة ليست صعبة

موني الشمري

2014- 12- 29, 07:03 PM

من جدكم انتمم !! متاكدين تذاكرون شي
كل الاسئله من الاسئله الاعوام الي فاتت
انتم تبون يعطونكم اسئله الاختبارات وتذاكرونها هذا الي تبونه
ابدن الاسئله مافيها اي لف ودوران كانت واضحه

موني الشمري

2014- 12- 29, 07:05 PM

الماده يبيلها مذاككره وتعب والي تعب وذاكر بيجيب كاممل
والي مستهتر بيجيب العيد
هذا شي طبيعي بكل المواد

لولوجده

2014- 12- 29, 07:27 PM

معليش اللي ماحل تمام هذا ماكلف على نفسه يقرأ المحتوى !!!
الاسئله صحيح ماهي مكرره اكن جدا واضحه ومالعب ولا لف ولا دار
يقصد ب .. وحاطط الاجابات !!
مباشره وواضحه حتى الاجابات ماهي متشابهه ولا تلخبط ماعدا اسماء العلماء !!
والله اني مسكت الماده امس وراجعت اختبارات سابقه والحمد لله اغلب الحل من المحتوى
يعني تعتمدوا على الاسئله وتقولوا صعبه !!

shahran

2014- 12- 30, 12:31 AM

أنا من ناحيتي بعد كل الظلم والتعقيد اللي واجهناه هذا الترم سأقوم برفع شكوى !!!!!!!!

ولكن هذه المره سأرفعها لقاضي السماء

حسبنا الله ونعم الوكيل

إذا جـار الوزير وكاتباه وقاضي الارض أجحف في القضاء
فويل ثم ويل ثم ويل لقاض الارض من قاضي السماء

Ndaoo

2014- 12- 30, 01:06 AM

انا اشوف انها اصعب من السنوات اللي راحت عاد والله رحت وانا حافظه المنهج ومتفائله بس مرره ماحليت زين المعدل انخسسسسف :(

حتى آشعآر آخر

2014- 12- 30, 01:34 AM

حسبي الله ونعم الوكيل فيه

انا مو رافع ضغطي الا السوال اللي عن العالم نسيت اسسمه << المهم كان المطلوب ماذا كان يعمل

وش عرفني احنا مركيزين على المنظمه ونظرياتها ماهو على السيره الذاتيه للعلماء لان المادة اتوقع مو تاريخ :000:

نطالب العمادة بالنظر في صياغة الاسئله لانطالبهم باعاده اسئلة الاترام السابقة لكن نطالب بوضوح الاسئلة

ما اقول الا يابخت طالباتي اعطيتهم الاسئله نفسها وقلت هذي اسئلة مراجعه للتمويه :biggrin:

ولا هي نفسسهاا

لان من سهل سسهل الله عليه

هدوءّ ملكةّ

2014- 12- 30, 02:26 AM

انا نموذجي e ... و لاحظت في سؤال مكرر

أبـو آلاء

2014- 12- 30, 02:53 AM

انا نموذجي e ... و لاحظت في سؤال مكرر

السؤال مو مكرر

فيه سؤال يقول حسب وليامسون العقود اللي فيها الاستثمار بخصوصية عالية ويكون قوي التكرار تكون عبارة عن؟؟

والسؤال الثاني اللي في اعتقادك انه مكرر يقول حسب وليامسون العقود اللي فيها الاستثمار بخصوصية متوسطة والتكرار قوي تكون عبارة عن؟؟

شفتي الفرق وين؟

عموماً الاسئلة كانت متوسطة الى سهلة وأخذ في الحسبان اللي ذاكر واللي ماذاكر

لذلك ماله داعي نرفع تظلم بالعكس الدكتور ماقصر

واللي ذاكر كويس ومر على الاسئلة الماضية راح يحل اقل شي 80%

ملاحظ ان مواد السمستر هذا كلها مو عاجبتكم .. مدري كيف تذاكرون؟؟

انا ماذاكرت المادة الا قبل الاختبار بيوم والحمد لله بعد مراجعة الاسئلة في المنتدى مع الحلول وجدت اني حليت 95% منها ولله الحمد

عموماً ربي يوفق الجميع.

أبو تركي الرياض

2014- 12- 30, 03:13 AM

تم رفع هذا الاعتراض

-

اسئله اختبار نظرية المنظمات كانت تميل للتعقيد وقياس مدى الحفظ وليس الفهم.

حيث تم وضع الاسئله بناء على الحفظ .. هل من المنطق ان نقوم حفظ محتوى كامل بعلمائه وماقاموا به وتواريخهم .

اتمنى الانصاف فالحفظ لايعكس مدى فهم الطالب للماده ، خصوصاً ان الماده دسمه في معلومات العلماء ومايتميزون به

شاكر لكم تعاونكم وجزاكم الله خيرا