المساعد الشخصي الرقمي

مشاهدة النسخة كاملة : استفسار عام جايينكم ضيوف من مستوي ( خامس )


عبدالعزيز الوائليstc
2014- 12- 29, 11:52 PM
السلام عليكم
وعسي الله يوفقكم في مامضي من اختباراتكم
وفي مستقبل اختباراتكم
عندنا استفسار الله يجزاكم خير حابين نعرف منكم

صعوبة المواد من الاصعب الي الاسهل
وش تنصحون دفعتنا ناخذ من المقررات وايش نخلي؟

ومن ناحية الدكاتره منو اللي مصعب المواد ؟
ومين الدكتور المتساعد ومين الدكتور الصعب

واذا فيه نصايح حابين تقدموها تفضلوا


ولكم من اخوانكم واخواتكم في المستوي الخامس
الدفعه المتهوره كل الشكر والتقدير لما سوف تقدمونه لنا

<<أبوفيصل>>
2014- 12- 29, 11:58 PM
نصيحة مادة مبادئ التوريد لا احد يقربها وجهاد عفانة موجود أني لك من الناصحين

<<أبوفيصل>>
2014- 12- 29, 11:59 PM
ابي عنوان العميد ايميل

joker75814
2014- 12- 30, 12:00 AM
وعليكم السلام ورحمة الله وبركاته

والله يحييكم في المستوى السادس


بالنسبة لمواد المستوى تحتاج الى تركيز فقط لا غير

الصعوبة بتكون على الشخص اللي مو مهتم

اما بالنسبة للمستوى اعتبر موادهـ سهله مع العلم بأني لم أذآكر المواد الا ليلة الأختبار


وكانت درجاتي ولله الحمد حلوهـ


الشخص اللي راح يهتم اضمن له يجيب معدل ٥ من ٥ فيه لسهولته

الله يوفقكم والله يوفقنا في المستوى السابع

MY WORLD
2014- 12- 30, 01:59 AM
مع الاخ الي يقول انها ماهي صعبة مستوى سادس ان شاء الله خفيف
بس فيه مواد يبي لها تركيز اكثر مثل النظم المتكامله والتوريد بسبب دسم المادة وتشعبتها ولكن الحق لوجه الله
ماشفت امتحان صعب وماني من الناس الي ادرس المواد وكل دراستي كوكيز قبل الامتحان بيوم او يومين وما ابحث الا عن درجه النجاح
للحق اقولكم المهم التركيز والله يوفق الجميع

ifofah
2014- 12- 30, 03:28 AM
<<<< وحدة ماخذه مادتين من مستوى سادس يقالها صارت منهم
هههههههههه

أنا أعتبر مادتي إدارة المعرفة و القانون التجاري من أجمل المواد في مستوى سادس
و أشوف أقل من a+ فيهم حرام

تونتي تو
2014- 12- 30, 03:47 AM
خذ المستوى كامل مقدور عليه
ولو حبيت تضيف مادة عامه عشان تدف نفسك يكون افضل
ترتيب المواد من الأصعب إلى الأسهل بالنسبة لي
التوريد
النظم المتكاملة
ادارة المعرفة
القانون التجاري
الادارة العامة

وفالكم التوفيق

عبدالعزيز الوائليstc
2014- 12- 30, 07:00 AM
اشكركم جميعاً ع تواصلكم

وفالكم a+يارب

abusoud
2014- 12- 30, 07:07 AM
بكل صراحه من اسهل المستويات التي مرت علي
ما عدا التوريد رغم اني حليت كويس فيه
بس كان هو كان عليه لغط كثير بسبب الاسئله انها جديده
ونصيحتي خذها كلها ولو تقدر ضيفي عليها ماده لان حرام المستوى هذا تاخذ 15 ساعه فقط
واتمنى لي ولكم التوفيق

هنادي خالد
2014- 12- 30, 11:13 AM
جميل جميل

ربي يسره يارب

بس برتاح فترة وابدء اخذ فكره عن المواد

عايض المشعلي
2014- 12- 30, 11:14 AM
يعطيكم العافية على الإفادة واتمنى لك التوفيق جميعا

حنان القحطاني
2014- 12- 30, 11:20 AM
حلو

أمنية أحمد
2014- 12- 30, 12:36 PM
نصيحتي لدفعتي الرائعة أنها تاخذ الخطة كاملة و تبدأ تفصفص المادة من حذافيرها و لا تأمن جانب الجامعة فربما هذا العام تساهلت باختبار الترم القادم تجيب المستحيل لذلك أكرر فصفص فصفص فصفص المنهج كامل و لا تعتمد على اسئلة فقط

moubark
2014- 12- 30, 12:54 PM
تعالو يامتهوريين. انا ماخذ اربع مواد
نظم متكامله ماده غثه لاكن الدكتور بيضها معنا
معرفه الله يجزاه الخير

تورييد ياخوان ماعليكم من الي يسبها له طريقة الدكتور ونبه عليها في المباشره تفهمها ما تقل عن a. ماقصر

قانون اسمه عمر السعيد والله يجعله طول حياته سعيد


تصدقوني اذا قلتلكم المستوى هذا رفع معدل

بس انا لاحظت شي في الاختبارات مو كل مره تسلم الجره

بالتوفيق للجميع

السهل_الممتنع
2014- 12- 30, 02:49 PM
الله يعطيكم العافية

موضوعكم يشجع خصوصا الكورس الثاني جدا قصير وانا عن نفسي الكورس هذا مع المستوى الخامس اخذت ادارة المعرفة والحمدلله ماطلع من المحتوى والاسئلة السابقة

عبدالعزيز الوائليstc
2014- 12- 30, 04:02 PM
جميل التفاعل من الجميع
يداً بيد

والتوفيق حليفنا جميعاً


اشكر لكم تفاعلكم يامستوي سادس من معلومات

لكم مني ومن اخوانكم واخواتكم في مستوي خامس
الدفعه المتهوره كل الشكر والتقدير

ولا نستغني عن تفاعلكم

صدز:)
2014- 12- 30, 05:07 PM
ان شاء الله بأخذ كل مواد المستوى وبضيف عليها ماده ان الله احيانا

iMaybe
2014- 12- 30, 05:51 PM
فيه موضوع مثبت بالقسم راح يفيدكم أكثر عن انطباع طلاب هالترم عن المواد

وموفقين يارب , يعني نشيل عفششنا !

أبوسلطاان
2014- 12- 30, 05:57 PM
ماشاء الله


ماأسرع جيت هنا ياعبدالعزيز




0
0


الله يوفق الجميع

الوردة الخجولة
2014- 12- 30, 08:24 PM
انا بفكر اخذ النظم و المعرفة و القانون واجل ادارة عامة و توريد

وبضيف الكترونية وقضايا

ولكن تحت الدراسة

حفراوي مجتهد
2014- 12- 30, 09:01 PM
الحمد لله ردود الزملاء تبشر بالخير بإذن الله بأخذ الخطه كامله ويمكن أضيف عليها ماده سادسه

متوكلة على الله
2014- 12- 30, 09:24 PM
الله يبشركم بالجنة

فعلا اعطيتونا حماس للفصل الجديد

clover
2014- 12- 30, 09:37 PM
مستوى سادس فررررصه للي يبي يرفع معدله

مع ان الطالب كل ماقرب ع التخرج التراكمي مايتاثر كثير

نصيحتي لكم تاخذون مواد مستوى سادس كلله و تضيفون ماده ثانيه من اي مستوى

للامانه انا مااضفت اخذت 5 مواد بس

بالنسبه للاداره العامه السنه اللي راحت ماكان يكرر الا حق النجاح
بالنسبه لهالترم كررها كلها

والماده حلوه والدكتور مايتعمق واسئلته مرره واضحه

و ادارة المعرفه نفس دكتور الاداره العامه
والماده خفيفه ومفهومه

النظم المتكامله ماده شوي ثقيييله اللي بيذاكرها مره مراح يفهمها ومراح يبلعها
يبي لها مذاكره قبل الاختبارات ع الاقل نص الماده
و دكتورها منزل لمحاضره 10 و 11 اسئله عليها ويجيب منها مايطلع منها
و الدكتور يكرر الاسئله حق الاترام السابقه مايكرر حق ترم واحد
بس لاتعتمدون عليها يمكن يغير عليكم


والتوريد ماده ثقيييله ودكتورها كوويس عكس ماسمعت عنه
قبل مااختبرها قريت انطباع الطلاب وكلهم يقولون معقد واختباره صعب
بس بعد ماختبرت مادته وشفت طريقة اسئلته عرفت ان كل من يقول صعب ومعقد هذا مافتح الماده او فتحها تصفحها بس او اعتمد ع اسئلة الاترام السابقه
الدكتور للامانه يكرر الاسئله ويجيبها طبق الاصل بس الاجوبه يغيرها
ويجيب كم سوال جديد يمكن 5 اسئله
واللي بيعتمد ع الاسئله يذاكر الاجوبه الثانيه حقت نفس السوال

و اخر شي

القانون التجاري ماده خفيفه وممتعه والدكتور الله يوفقه
ساعدنا كثير بالمحاضره المباشره 4 و عطانا امثله وجاب منها بالاختبار
واسئلته واضحه و مايتعمق ابد

اللي يبي يرفع معدله هذي فرصته بمستوى سادس


و اخيرا الله يوفقكم ويسهله عليكم يااااارب

ثلاثيني منتسب
2014- 12- 30, 10:29 PM
انا جيت

هلا بالعيال

يادفعة المتهورين

الى مستوى 6 لا رجووووع

العرااااب
2014- 12- 30, 10:31 PM
سيم سيم خطه
مافي تحركي
نقود نقود
لو هي على البنك
كان معروف

ههههههههههههههههههه

عِصآميهة
2014- 12- 31, 03:19 AM
آن شاءالله ع الخطةة بدون آضافةة

بس آن شاءالله م يصير تغير ف الدكاترة ونبلش ف مادة مثل كل ترم :16.jpg:

waleed4565
2014- 12- 31, 06:57 AM
بحول الله بنزل الخطه كامله من جد تحمست وبنزل معاها الموارد البشريه الدوغان الي اعدمنا الله لا يسامحه وين ماراح

شمالي40
2014- 12- 31, 08:33 AM
الله يعطيكم العافيه ريحتوني واطمانيت كنت منزل موضوع بيغير التخصص بس بعد ردودكم على هالموضوع
صار عندي دافع اول كنت خايف ينزل المعدل بزيادة الحين ارتحت الله يوفقنا جميع

7amood
2014- 12- 31, 11:48 AM
<<< جاي يحوس مع اهل دفعته

SHO SHO SHO
2014- 12- 31, 03:07 PM
انا ودي اعرف الخطه الاساسيه تبع مستوى سادس
وبالتوفيق للجميع

نسر القمم
2014- 12- 31, 04:13 PM
بيض الله وجهك يبو اريام... مستوى 6 يبشر بالخير الحمد لله
جزاكم الله خير على الافادة

سامية الروقي
2014- 12- 31, 04:14 PM
على الخطه مع اضافة الكترونيه

Velvet Eyes
2014- 12- 31, 05:45 PM
انا ودي اعرف الخطه الاساسيه تبع مستوى سادس
وبالتوفيق للجميع


تفضلي :16.jpg:

نوونه77
2014- 12- 31, 08:17 PM
مرحبا فيكم في مستوى سادس المستوى هذا مافيه اختلاف ابدا عن مستوى خامس كلها مواد نظريه وحلوه وعندي احلى من مستوى خامس بس نصيحه اللي مخطط ياخذ مهارات اتصال هالترم لاياخذها والزول موجود حسبي الله عليه ماده سهله وكانت في قمه الصعوبه بالاسئله باقي المواد كلها جميله والدكاتره ماقصروا وكانوا اجمل بس مادة مبادئ التوريد يبيلها متابعه اول باول للدكتور جهاد عفانه وماده الاداره العامه ومبادئ المعرفه للدكتور الجيزاوي قمه الروعه والدكتور ماقصر الله يجزاه خير ونفس الشي مادةالقانون التجاري للدكتور عمر السعيد الله يوفقه وماده النظم المتكامله للمؤسسات للدكتور احمد الشريف ماده صعبه ودسمه شوي بس الدكتور ماقصر الله يعطيه العافيه هذي موادي لمستوى سادس مع اضافه مهارات اتصال الله لايسامح الدكتور

سوسو 11 11
2014- 12- 31, 09:15 PM
المواد سهله وجميله والدكاتره متعاونين ومسهلينها الحمدالله
لكن بااختصار الي يذاكر بيحل بسهوله والي مايذاكر بيشوفها صعبه

سلفر2
2014- 12- 31, 10:26 PM
الله يعطيكم العافيه على تفاعلكم


ويعطيك العافيه عبدالعزيز على طرح الموضوع

تركي العياش
2015- 1- 3, 02:45 PM
اشكر اخي وحبيبي عبدالعزيز الوائلي على هذا الموضوع الذي يستطلع فيه آراء زملاءنا في المستوى السادس عن طبيعة المواد التي سبق وان درسوها في هذا المستوى كما ان الشكر موصول لهم على حسن الضيافه ورحابة الصدر وتقديم كل مابوسعهم لإطلاع زملاءهم على مواد المستوى السادس

وهــم !!
2015- 1- 3, 04:23 PM
http://www.ckfu.org/vb/11892254-post32.html
هذا ردي في احد المواضيع
تجده في قائمة المواضيع المثبتة ,,

موفقين يآرب

ibrahim77177
2015- 1- 3, 06:26 PM
حياكم الله اخوني
المواد لا يوجد فيها صعوبه عدا مادة مبادئ التوريد وما هي صعبة قد ما يبيلها تركيز بس

الله يوفقكم

عبدالعزيز الوائليstc
2015- 1- 4, 01:44 AM
الشكر لله
ولكل من شارك في هذا الموضوع

احنا دفعة المتهورين

بس من ردودكم الحلوه

راح نخلي التهور لمستوي سابع

ونخلي مستوي سادس ( استراحه محارب )

طموح شايب
2015- 1- 4, 09:51 AM
يا متهورين مالكم صاحب تجون هنا وما تعلموني
تخلوني لوحدي اتسدح بين ثلاث مستويات

آن شاءالله ع الخطةة بدون آضافةة

بس آن شاءالله م يصير تغير ف الدكاترة ونبلش ف مادة مثل كل ترم :16.jpg:

دفعتنا معروفة بدفعة التجارب والتغيير
المستوى الثاني غيروا الخطة
الثالث غيروا الدكاترة
الرابع شالوا مهارات البحث وجابوا اساسيات البحث
الخامس غيروا دكتور النقود
السادس ؟؟؟؟؟؟

<<< جاي يحوس مع اهل دفعته

معك واحد معزز

الشكر لله
ولكل من شارك في هذا الموضوع

احنا دفعة المتهورين

بس من ردودكم الحلوه

راح نخلي التهور لمستوي سابع

ونخلي مستوي سادس ( استراحه محارب )

شكرا اخي عبدالعزيز على الموضوع

ولكن يا خوفي المحارب يبطي في الاستراحة

المحارب لا تعطيه فرصة يتنفس خله على نفس الدعسة :biggrin:

لأنه يشتغل ع الديزل :019: