رسالة أخوية للي يفكر يترك الدراسة من مستوى خامس

[alzadna]

السلام عليكم اخواني جميعا

اخوكم من مستوى خامس وحبيت اوصل رسالة لكم كأخوة واعزاء وكرام فتحملوني شوي


والله كأنها البارحة لما سجلت في الجامعة وبديت الدراسة

وكأنها البارحة لما كنت اختبر لأول مرة زي حالكم وكنت متردد في اكمال الدراسة والصبر والتعب اربع سنين

وياما فكرت اترك الدراسة واريح نفسي مثل ما قد يفكر بعضكم الحين

لكن والله ما اظن فيه قرار اخذته في حياتي اروع وافضل واحسن من مواصلة الدراسة في الجامعة

الان ولله الحمد انا مستوى خامس وكأنها غمضة عين

رغم الاشغال والالتزامات وكوني رب اسرة وموظف وعندي الف شغلة تشغلني, إلا ان الدراسة من بعد ما كانت مصدر تعب وقلق اصبحت راحتي والشي اللي اعوض فيه منغصات الدنيا مع كل نجاح في كل مادة

الرسالة لكل من استثقل الدراسة ومستصعبها

صدقني راح تحبها وتستمتع فيها بس اصبر شوي

اذا مو الترم الجاي يمكن اللي بعده بس بتحبها وتلقى روحك فيها

راح تعطيك دفعة في الحياة وعزة قدام نفسك اولا لأنك جامعي ثم اللي حولك واللي ينظرون لك

وراح تستمتع فيها وتكون مع دفعتك كأنكم عائلة واحدة


كلي امل تتخرجون كلكم وندعوا لكم نشوفك مستوى ثامن

تراها غمضة عين


والسلام عليكم جميعا

[- I Can]

جزاك الله خير على النصحية الرآئعة .. بس وقتها غلط الناس محتاسه هههههه : ):icon19:

[ام التؤام1980]

الله يجزاك الجنة يارب والله اني مستوي اول ومتحطمة وكل شوي اقول بتركها بس من بعد ماقريت كلامك رفعت معنوياتي كثير ياملا العافية يارب وان شاءالله تفرح بتخرجكً

[سامر الليل1]

فديت الشخص المتفائل الي مثلك،

،، الله يسعدك ويديم عليك الصحه والعافية

، ،:106:

[العفوي]

كانك حاس بشعوري،

كنت احسب الدراسة عن بعد اسهل من كذا !


ولاكن يوم جت الاختبارات وتعبتنا نفسياً وجهدياً حسيت بصعوبتها


ان شاء الله اننا نكمل على خير ومانسحب ،


والله يكتب لنا التوفيق والنجاح وتعدي بسهولة ،


والله يريحك ويطمنك على هالكلام ،

وجزاك الله خير ،


وان شاء الله الجميع يتخرج بنجاح وتفوق ،



الله يوفقنا وجميع المسلمين ،

[Mariam shammary]

كلام جميل بسراحه كانك تقرا افكاري انا نفس كذا موظفه وربه اسره وزوجي في مدينه وانا في مدينه واطفالي في المدرسه يحتاجون متابعه وهذا الترم الاول لي بسراحه كنت افكر انسحب بس بعد ما قريت كلامك رفعت معنوياتي كثيررررر ربي يوفقك ويسعدك دنيا وآخره


Mariam alshammary

[فهد الظهران]

الله يوفقكم
وردي هذا تشجيع لكم

للحين بعض ردودي ومشاركتي موجود في ارشف مستوى الأول

والان اني ارى الشهادة قد اينعت وحان قطافها :biggrin:

راحت كانها في غمضت عين
والان خريج

بعض من المشاركات من الارشيف

http://www.ckfu.org/vb/showthread.php?t=267798

http://www.ckfu.org/vb/showthread.php?t=265499

[صدز:)]

اللي يفكر يسحب من الجامعه ب يتحسف بعدين


احتمالية الغاء الانتساب وارده

ومافي امل تكملون الجامعه بأي طريقه لا انتظام يقبل ولا انتساب موجود


يكفي انو ي كثر العالم اللي يبون يكملون ومانقبلو ب الجامعه ومن ضمنهم بنت خالي المسكينه


ف اخزو ابليس واركدو :)

[ahmed4]

الله يعطيك العافيه اخوي ونصيحه تنشرى بفلوس والله يفقك في الدنيا والأخره

[alzadna]

الله يوفقكم جميعا والنصح من الاخ لاخوه ولا اخته واجب

وعقبال ما تقولون مثل هذا الكلام للدفعات الجديدة وانتم قرب التخرج

انها اقرب مما تتصور

[امااااااني]

الله يجزاك خير نصيحه غاليه الله يسهلها علينا يارب

[فـتون]

جزاك الله خير على النصيحه

[هـــديـــل]

الله يسعدك ع هالكلام الجميل...

اتمنى تحقق طموحك..

الله يوفقك ..

[عزيزة بإسلامي]

جزاك الله خير على رفع المعنويات , ولابد من الصبر والتوكل على الله والمثابرة والجد والإجتهاد
وكما قال الشاعر :

لا تحسب المجد تمراً أنت آكله // لن تبلغ المجد حتى تلعق الصبـِرَ

[املي بالله 22]

جزاك الله الف خير

[تومي القحطاني]

*
.

ي أخي انت شخص رائع :verycute:
قسسسسم اني بين وقت والثاني اخش ع ايقونة الانسحاب من الجامعه
كرهت حياتي منها بس من جد اذا بكون مثلك ماشاء الله بكمل وانا مغمضه
الف شكر :106:

[المنصور بالله]

جزاك الله خير

[doodi122]

كلااااامكم يجنن :12::12::12: وربي كنت محبببطه وكلامكم ريحني وحمسسسني كثير الله يسعدكم دنيا واخره

[Rfe3Alshan]

الله يصلحكم جميع ,,

كأني اشوووفكم على جرف مدري دحديره ..

متى ما شفتوا الإختبار صعب او المذاكرة صعبة قلتوا بننسحب :hahahahahah:

مثل ماقال كاتب الموضوع الله يجزاه بالخير .. هي فترة او مرحلة بحياة كل شخص وخل يعتبره ( تحدي ) ..

يعني الشخص يتحدى فيها نفسه او ظروفة ويجتهد .. ولكل مجتهد نصيب بإذن الله ..

طبعا بما إننا في مستوى اول وماكنا فاهمين اي شيء كانت الأمور صعبه ,,

لكن الحين الحمد لله الكل فهم .. رتب وقتك فقط وإجتهد في البداية ترتاح في النهاية ..


ربي يووفق الجميع في كل المستويات ,,

< طبعا الحين حنا مستوى ثاني إن شاءالله :119:

[haya1200]

كلام جميل جزاك الله خير

[قاتل العلم]

السلام عليكم
انا في المستوى السابع
اتذكر اول ترم حملت مادتين محاسبه ورياضيات
بعدها اول شي فكرت انسحب من الجامعه
لولا نصائح الوالده الله يخليها لي
وفعلا كملت ولم احمل اي ماده بعد هالمادتيين ومعدلي مرتفع ولله الحمد

باختصار >>> اصعب ترم هو المستوى الاوال لانك ما تعرف طريقه الجامعه و كيفيه الاسئله

الله يوفقكم جميعا ونصحيه محب لا تفكر تنسحب

[jenan.616]

كلام جميل

جزاك الله خير

[Lotus Flower]

كلام مشجع
ربي يجزاك خير علية .,
وتفرح بتخرجك
ويفرح الجميع بأذن الله بقطف ثمار هالجهد
وهالتعب ..
بالتوفيق يارب ., :rose:

[ابوسعود11]

الله يوفقك ويوفق الجميع يارب

[لولوه حمد]

الله يعطيك العافية .. رفعت معنوياتي:(204):

[خيال السيف]

الله لا يكدر بشر
مواصل مواصل

[hanadi1]

انا مقررة انسحب من الجامعة .. بسبب الشهادة فقط

أسال الله ان يكتب لي الخير وييسره لي ..