نصيحه

[نيف1]

سلام عليكم
مساء/صباح الخير للجميع
وان شاءالله فالكم النجاح جميعا




اللي يسأل عن النتائج راح تكون بعد 20 يوم من اليوم



بحكم تجربتي لأول ترم ومستوى بالجامعه

اشوف فيه ناس بالمنتدى يشتتون تركيز الطلبه بشكل كبير وواضح جدا

لما يشوف تعليق او استفسار يدخل ويفتينا بسطر او سطرين ويمشي

صح غلط ما عنده اي مشكله اهم شيء يكتب ويضيع الطلبه بكلامه

اقرب مثال تعليقات بعض الطلبه على الكويزات وتصحيح الاخطاء يقول فيه سؤال غلط ولا يجيب الحل الصحيح

وهذي مصيبه ممكن يضيع علينا اجابة هالسؤال والسؤال هذا احتمال كبير يكون فيه حمل للماده وممكن تعدي

فيه




نوع ثاني من الطلبه يدخل ويخوف الطلبه عن الماده ويصيبك توتر حتى لو كنت مذاكر




نوع ثالث يقولك انا سمعت الدكتور يقول ماراح يجيب أسئله من الاعوام السابقه!!!!

او الدكتور هذا ماراح يجيب شيء من الاسئله السابقه

او ان الدكتور يغير اسئلته كل ترم

بالله عليكم من وين بيجيب الدكتور اذا كل ترم يختار 50 سؤال خلال اربع اترام بيكون المجموع200 سؤال

من وين بيخترع أسئله جديده اذا كل الاسئله ذكرها بالاترام السابقه ؟

أسئلة الاعوام السابقه ضروريه ولابد منها لمعرفة طريقة الدكتور بالاسئله

واغلب الاحيان يجيبون الدكاتره منها نســــخه كربونيه

بالنسبه للأعتراض على مادة مباديء الاداره او غيرها

من باب اولى اي مستوى يشتكي من ماده المفروض يساعدونهم باقي الطلاب اللي ضامنين الحل ويتضامنون

ويشتكون





الحـــــلــــــــولـــ ســـــــــــهـــــــــــــلـــــــــــه:
لا احد يكتب شيء الا متأكد منه مليون الف مره عشان ما يوهق خلق الله
اذا فيه شيء مفيد للطبه نزل موضوعك
اي ماده صعبه الكل يشتكي
ااذا فيه كويز غلط اكتب الصح



نـــــــــــــصـــيــــــــــحــــه أخـــــيـــره:
اذا جاء ليلة الاختبار وما ذاكرت ابد لا تذاكر الا اسئلة الاعوام السابقه والكويزات وتوكل بالله صدقني بتعدي
لا تيأس ابدا

اللي عنده شيء يضيفه هنا عشان نتلافى الاخطاء مستقبلا لسى ببداية المشوار ورانا مشوار طويل

[noor al3een]

المشكله لما احل الكويزات القى كل كويز له اجابه غير عن الكويز الثاني ساعتها انا كيف اعرف اي كويز اجاباته هي الصحيحة ؟؟

ياليت يركزون اللي يسوون الكويز الله يجزاهم خير لان اغلب مذاكرتي منه واعتمده اكثر شي

[Fdrr]

:d5::d5:

اقسسسسم بالله كلام في الصميم وفي خاطري يجوووول
ووقعت فيه امس جاني رعب لما دخلت المنتدى وشفت الترعيب والتخويف على اني مذاكره الماده
والمشكله معاد ركزت في الاسئله لما سمعتهم يقولون مراح يجب مثلها بيغيرها
والي ضيعني اكثر اختلاف الاجوبه
اليوم في الاختبار ماادري اخط جواب الملخص والا جواب المنتدى ضعت
:000::000:

[نوووسة]

النصيحه جت متاخره مدري وش نقول لك
على العموم يعطيك العافيه
وان شاء الله نتذكرها بالترم الجاي

[نيف1]

:d5::d5:

اقسسسسم بالله كلام في الصميم وفي خاطري يجوووول
ووقعت فيه امس جاني رعب لما دخلت المنتدى وشفت الترعيب والتخويف على اني مذاكره الماده
والمشكله معاد ركزت في الاسئله لما سمعتهم يقولون مراح يجب مثلها بيغيرها
والي ضيعني اكثر اختلاف الاجوبه
اليوم في الاختبار ماادري اخط جواب الملخص والا جواب المنتدى ضعت
:000::000:

الله يعين ويتمم بخير
ويطبقونه الشباب
لأن الوقت طويل الان لحد ما تجي الاختبارات القادمه
يعني يمديهم يعدلون الكويزات اذا فيها اخطاء والخطاء وارد
بس اخطاء المنتدى فادحه

[نيف1]

انا ما قلت هالكلام بالوقت هذا
الا
عشان نتلافاه بالاختبارات القادمه
ويعلم الله قلت هالكلام بالردود على الشباب بالمنتدى
بس ما كتبت فيه موضوع مستقل لا بس ردود
ولا زالت المشكله مستمره
وكل يوم اختبار اقوى من اللي قبله
لكن وش اقول حتى اانا
بس المشوار طويل باقي لنا كثير
باقي 7 اترام
لعلى وعسى يتعدل الوضع ونمشي سوا بالمستويات
ونتلافى الاخطاء
اهم شيء العمل وحنا نعمل والعمل لابد اخطاء
ولا انسى اشكركل من شارك بكويز او اي شيء مفيد

[fakhriyah]

الله يجزاك خير الواحد لازم يعرف أسلوبه في المذاكرة علشان ما يمشي ورا كلام حيى الله

[Reem13]

صراحه الكويزات فيها إغلاط وهذا سبب تشتت عندي وحلول غلط بالاختبارات لدرجة اني استغنيت عنها باختبار الصحه :(

[نيف1]

الله يجزاك خير الواحد لازم يعرف أسلوبه في المذاكرة علشان ما يمشي ورا كلام حيى الله

آمين
وش دخل الاسلوب
نتكلم عن نقاط ضيعتنا بالمستوى الاول
فيه ناس مجبوره تذاكر من المنتدى وكويزاته لعدم توفر ملازم عندهم واخرتها غلط هنا المشكله !

[همس الروح 2015]

والله عندك حق بكل كلمة قلتها انا وقت الاختبارات بطلت ادخل
في المنتدى بسبب كمية الطاقة السلبية اللي تنبعث منه والتوتر
من جد ضيعوا علي اختبار النحووو بسبب مذاكرتي واعتمادي
كلام الاعضاء هنا بعدها تركت المنتدى ما ادخله الا اذا خلصت الاختبار
وبديت اذاكر بمفهومي و الحمد لله باقي المواد مشيت فيها
فالله يخليكم يا اعضاء انتبهوا لكلام الاخ نيف١

[نيف1]

كمبتديء اضطريت اخذ بعض كلام المنتدى
ولكن للآسف ضيعنا في بعض الاختبارات
اقرب مثال اختبار الصحه واللياقه
من كثر الكلام اللي انصب على هالاختبار بطلت اذاكر
قلت ذاكرت او ماذاكرت ماراح اعدي ليش اتعب نفسي
وللآسف صار ثلاث ارباعه من اختبارات الاعوام السابقه
عاد سالفت المواضيع المحذوفه من الصحه سالفتها سالفه يبي لي مجلد
والا سالفة تبديل المحاضرات بالعقيده هههههههههه

[nihaaal333]

صح حتى انا استغربت من الخوف والرعب اللي كانو مسوينه بالمنتدى سالت وحده من قريباتي عن الماده والاختبار اختبرته قبلي قالت سهل جدا والمعادلات مكرره ومايحتاج حاسبه احفظيها وفعلا زي ماقالت سهل ومعادلات مكرره

بعض الناس يحبون الاكشن واستباق الامور كل شي يكون سهل اذا احنا سهلناه وصعب اذا احنا صعبناه ....وكل شخض بذل مجهود مع زملاءه في المنتدى الله يكتب اجره ونبغا نكون يد وحده في الاترام الجايه بالتوفيق للجميع

[تاك تاك]

كلام سليم

ونقاط حكيمة ذكرتها ..

احسنت و جزاك الله خير ،

[نيف1]

آمين
واياكم ان شاءالله

[الطموح القادم]

كلام هادف جزاك الله خير الجزاء وعندي أيضاً إضافة مهمة بخصوص اللي يذاكر فقط ومعتمد على الكويزات واختبارات الاعوام السابقة حيث لابد قبل كل شي وتكون هي الخطوة الأولى المذاكرة من المحتوى الأساسي للمادة نفسها والاطلاع عليها لأنها هي الأساس الذي يساعدك في حل الاخطاء وتصحيحها ايضا لأنك قد فهمت المحتوى المطلوب لذلك سوف تجد نفسك بعد المذاكرة من المحتوى سوف تجيب على الأسئلة بنفسك من غير شك وتصحيحها لنفسك والآخرين فنصيحتي لنفسي قبلكم هو الالتزام بالمحتوى ثم الاطلاع على الاسئلة للاعوام السابقة والكويزات كخطوة ثانية ودعواتي للجميع بالتقدم والتوفيق والنجاح ياحي ياقيوم:):(204):

[مستجده77]

كلامك فيه شي من الصحه لكن اذا بعض الردود خلتك تبطل مذاكره هذا شي يخصك محد يتحمل غلطك بهالشي باالنسبه لي تخويفهم لي من الماده مو من المنتى بس حتى برا المنتدى وكان هذا دافع لي اذاكر كل شي او على الاقل اطلع واتوكل على الله ليتهم خوفوني من الاداره مثل الصحه :cool: .......

[Dr. Sakovezaaúa]

أنا كنت اطلع على أسئلة الأعوام السابقة قبل المذاكرة عشان أعرف أسلوب الدكتور وعلى أيش يركز بعدين امسك المحتوى وأذاكره تمام وآخر شي أراجع من الاسئلة وبالفعل كان فيها أخطاء كثيرة ووالله لو عندي وقت كان دخلت على المنتدى وصححتها بس للأسف مضغوطه جدا وأعترف كنت أذاكر كل مادة في يومها بس الحمد لله كل المواد تمام ما عدا الصحة خبصت فيها :d

[زينب اللمعي]

جزاك الله خيرا .. لكن يا أخي الفاضل الإخوة بيقولوا اللي بيقولوا الدكتور إنه مش هيجيب من أسئلة الماضي و أنا كنت منهم يعني هم حبوا ينقلوا كما ورد من الدكتور و مش ذنبهم إن الدكتور غير كلامه و لا ثبت عليه !!!
بالإضافة يا أخي إن الكويزات اجتهاد شخصي يحمل الصواب و الخطأ .. الأولى بدل ما نطالب اللي بينزلوها بالحل الصحيح نجتهد احنا و نحلها صح لأن مش من المفروض الكل يعتمد ع فرد أو مجموعة معينين .. أما باقي كلامك سلمت يمناك فيه

[anoosaa]

الله يعطيكم العافيه

[aljori999]

لاافض فوك يالطيب
كلااااامك جدا سسسليم :(204):

وأخيرا قلت ششيء مفيد دايم وانت هواش معا خلق الله
<بتنجلد:16.jpg:


...:106: