تقديم طلب معادلة مقررات

[miss princess]

السلااااام عليكم
المهم مبرووك خلصنا من الاختبارات :d5::d5:
الحين عاد ما بنشوووف غباركم هنا :53::53::53:
المهم شلون اقد طلب معادلة مقررات يبدأ التقديم من بكره و ينتهي 20/3/1436
الايقونه ما فتحت عندي ؟؟

[sose11]

ايش هي المواد اللي بتعادلينها
وهل هي من نفس الجامعه ولا من برا

[ساندريلا2222]

كيف طريقة معادلة المواد يليت الطريقة اذا تكرمتوا

[فرفوشه ومبسوطه]

الجامعه تعادلك على طول

[فهد الظهران]

سبق وانا عادلت 10 ساعات
وطريقة المعادلة
انتظر وقت المعادلة اللي الجامعة مقررته في التقويم الدراسي

بعدها بتفتح الايقونه

ارفق الشهادة الدراسية اللي حصلت عليها
مع الكشف حق المواد وحق الدرجات

بعدها تختار المواد اللي تبي تعادلها وكلن حسب اختصاصه

لكن بشكل عام

اطلب معادلة الانقليزي و مهارات اتصال و حاسب الي واي مادة دينيه
( حسب احصائيه سويتها هذي اكثر المواد اللي عادلوها فحرص تطلب معادلتها )

واي مادة تشوفها درستها اطلب معادلتها

كيف تعرف المواد رح لجدول مستوى ثاني وثالث ورابع وشيك واي مادة
تشوف انك درستها او شبيه لدراستها طالب بمعادلتها


طبعا نصيحة اخيره

*-حاول تعادل اكبر عدد ممكن لكن بالشي المعقول( لان الجماعة كحد اقصى تعطيك 15 ساعه)
انا عادلوا لي 10 ساعات وكنت استحق اكثر

*- المواد اللي تطلب معادلتها لاتنزلها في جدولك الترم الجاي لان احيان دراسة طلب المعادلة يطول
فالخوف والمصيبه تصير هنا تطلب معادلة مادة والربع طولوا بالرد
وبعدين تنزلها في جدولك
وتدفع فلوس وتدرسها وبعدين تلقاهم معادلينها لك

الا اذا انتهت المعادلة وعرفت وش صار على طلبك ذاك الوقت خذ اللي تبي

انا اذكر لما طلب معادلة طولوا مره علي بالرد ورحت لمواد مستوى ثالث واخذتها وتركت مواد مستوى ثاني لان اكثر مواد طالبت معادلتها



بالتوفيق لكم ببداية مشواركم :rose:

واي استفسار اسالوا

[miss princess]

اخ فهد انا عندي دبلوم ادارة مستشفيات من معهد الاداره شهادتي مترجمه
حابه اعرف الشهاده ارسلها لها و لا تنرفع من الموقع ؟؟

[فهد الظهران]

اخ فهد انا عندي دبلوم ادارة مستشفيات من معهد الاداره شهادتي مترجمه
حابه اعرف الشهاده ارسلها لها و لا تنرفع من الموقع ؟؟

ماترسلين شي نهائيا

كل شي ترفعينه للموقع
ترفعين الشهادة
والكشف حق المواد اللي يجي مع الشهادة

وفي شروط مدري تغيرت او لا

انو المادة لازم تاخذين فيها اقل تقدير جيد مرتفع عشان تعادليها
لكن ممكن تغيرت وقت رفع المعادلة بتوضح معك كل الامور

شهادة مستشفيات

اتوقع يعادلون لك انقلش وطلب مواد دين
ورياضات اذا عطوكم رياضيات
وكذلك حاسب الي

[miss princess]

مشكووور اخ فهد
انا اخذت انقلش سنه تحظيريه بس مو مسجل بالشهاده ):
اخذت سلوك تنظيمي ..احصاء ..اداره ..اخلاقيات ..جوده
بس كلا المواد مرتبطه بالمستشفيات يعني مثلا اسم الماده ادارة الجوده بالمستشفيات .. الاداره الصحيه
تتوقع يعادلون اللي كذا !!

[بودنيال]

طيب بعد مادخلت على الموقع ماحصلت الا 8 خانات للمواد اللي تبي تعادلها هل هذا يعني الحد الاقصى فقط 8 مواد ولاكيف ؟

[rolze]

مافهمة شي ياجماعه وش نعادل
ترانا مستوى اول الي فاهم يوضح لي وشكرا وش فايدتها

[ام حمودي !]

انا اخدت دبلوم حاسب الي و فيه مادة الانجليزي والرياضيات ماادري ينفع

[فهد الظهران]

مشكووور اخ فهد
انا اخذت انقلش سنه تحظيريه بس مو مسجل بالشهاده ):
اخذت سلوك تنظيمي ..احصاء ..اداره ..اخلاقيات ..جوده
بس كلا المواد مرتبطه بالمستشفيات يعني مثلا اسم الماده ادارة الجوده بالمستشفيات .. الاداره الصحيه
تتوقع يعادلون اللي كذا !!

مو خسرانه شي كلها ماسح ضوئي وطلب على الموقع
وجربي وارفعي طلب معادله واللجنه هي اللي تقرر وترد عليك


ولو عادلوا لك تدخلين بعدين على السجل الاكاديمي تلقين المواد عازلينهم على جنب :biggrin:
وكاتبين عليهم مواد تم معادلتها

مثل الصوره المرفقه
هذي المواد اللي عادلوها لي مهارة وانقلش وتقنية ورياضيات

طبعا المادة الاخيرة هذي عادلوها للدفعات القديمه وانتم الله يعينكم على دراستها لانهم حطوها بدل الرياضيات 2 اللي درسناها


بالتوفيق لك

[فهد الظهران]

طيب بعد مادخلت على الموقع ماحصلت الا 8 خانات للمواد اللي تبي تعادلها هل هذا يعني الحد الاقصى فقط 8 مواد ولاكيف ؟

نعم نعم بو دنيال
هم لهم حد اقصى بطلب المعادلة

واصلا مايعادلون لك الى فقط 15 ساعه
ونادرا ماتلقى احد عادلو له 15 ساعه
لان جامعتنا الموقرة تبحث عن الدراهم

اكثر الشباب اللي اعرفهم كان
متوسط معادلتهم للمواد من 9 الى 12 ساعه
ماعرف احد عادلوا له 15 اللي هو الحد الاعلى


لكن مازلت اقول اللي دارس قبل الجامعة في اي كلية او معهد يرفع معادله لانها بتفرق معه كثير

[فهد الظهران]

مافهمة شي ياجماعه وش نعادل
ترانا مستوى اول الي فاهم يوضح لي وشكرا وش فايدتها

الدعوة بسيطة

المعادلة تخص الطلاب والطالبات اللي سبق لهم درسوا في (معاهد او كليات او جامعات )غير جامعة فيصل

يطلبون معادله

وشهي المعادلة : بشكل مختصر المواد موجودة في جامعة فيصل وسبق ودرستي مواد تشابها في (الجامعة او الكلية او المعهد القديم) تطلبين انهم يعفونك منها
تستفيد توفير وقت وتوفير فلوس

واللي جاي بقراطسيه من الثانوية
لا يشغل باله في موضوع المعادلة نهائيا لان ماتنطبق عليه

[فهد الظهران]

انا اخدت دبلوم حاسب الي و فيه مادة الانجليزي والرياضيات ماادري ينفع

هو في لجنه تقرر
هل المعهد اللي درستي فيه معتمد غير معتمد
مدة الدراسة

لهم امور يمشون عليها في المعادلة

لكن انت مو خسرانه شي اطلبي المعادله
ان نفعت كان بها مانفعت ماخسرتي شي

[ام التؤام1980]

اه مره حلو انا عندي دبلوم ودرست الرياضيات والانجليزي علي مستويين ودرست الحاسب بانواعه عساهم يعادلونه ويشيلون عني الف شكر علي التذكير

[ghost1991]

طيب واللي دارس بسوريا وما عنده اثبات انه كان بجامعة هناك لان الاوراق كلها
تكون راحت

[شوراي]

هل المعادله تؤثر على المعدل حيث ان درجاتي في السابق متدنيه

[sado-moon]

حتى انا مو فاهمه شي ارجو التوضيح وش يعني معادلة الله يجزاكم ىخير

[الفراشه المضيئة]

طيب اخواني انا درست دبلوم حاسب الالي من كليه المجتمع
وعندي مواد درستهم تشبه المواد هنا وكان معدلي 3.04 من 5 هل ينفع ارفع شهادتي يقبلونها مثلا

[فهد الظهران]

طيب واللي دارس بسوريا وما عنده اثبات انه كان بجامعة هناك لان الاوراق كلها
تكون راحت


اذا ماعندك اي اثبات كيف بترفع الاوراق

والله يرجع سوريا مثل ماكانت

[فهد الظهران]

هل المعادله تؤثر على المعدل حيث ان درجاتي في السابق متدنيه

لا ابدا ماتاثر على المعدل

هم يعفونك عن المادة اللي درستيها سابقا
وتطلع من عدد الساعات اللي بتاخذينها من جامعة فيصل ولا تدخل في الحسبه نهائيا

[فهد الظهران]

حتى انا مو فاهمه شي ارجو التوضيح وش يعني معادلة الله يجزاكم ىخير

هذا رد لي سابقا عن سؤالك

الدعوة بسيطة

المعادلة تخص الطلاب والطالبات اللي سبق لهم درسوا في (معاهد او كليات او جامعات )غير جامعة فيصل

يطلبون معادله

وشهي المعادلة : بشكل مختصر المواد موجودة في جامعة فيصل وسبق ودرستي مواد تشابها في (الجامعة او الكلية او المعهد القديم) تطلبين انهم يعفونك منها
تستفيد توفير وقت وتوفير فلوس

واللي جاي بقراطسيه من الثانوية
لا يشغل باله في موضوع المعادلة نهائيا لان ماتنطبق عليه

[فهد الظهران]

طيب اخواني انا درست دبلوم حاسب الالي من كليه المجتمع
وعندي مواد درستهم تشبه المواد هنا وكان معدلي 3.04 من 5 هل ينفع ارفع شهادتي يقبلونها مثلا

ينفع ليش لا ارفعي طلب معادلة واختاري المواد اللي تشبه المواد اللي درستيها في كلية المجتمع

طبعا معدلك النهائي ماله دخل نهائيا في حسبة المعادله

اهم شي تكوني جايبه اذا ماني غلطان في المادة جيد مرتفع او جيد جدا لاني والله ناسيه الحين بس الشروط تلقينها وقت المعادلة

[فااطمه الشهري]

انا عندي سوال هم طالبين صوره من سجل الاكاديمي مختوم ...وكمان توصيف للمقررات .. انا عندي السجل ومختوووم بس التوصيف المقررات ما عندي ...والكل يقول اطلبيها من الجامعه الي كنت ادرس فيها ...المشكله الجامعه الي كنت ادرس فيها بشقراء وانا حاليا ساكنه بخميس مشيط .. والحل كيف اجيب توصيف من الجامعه بشقرراء:mad:

[Mohmad mhdi]

السلام عليكم اخواني واخواتي
حاب استفسر واذا في احد يعرف او عادل هو مواد من جامعة الملك عبدالعزيز يكون احسن
لانه انا جبت الشهادة وموقع عليها وباللغة الانجليزية
ومان جبت بما يسمى توصيف المواد عليهم ختم من دون اسمي عليهم
هل هذا يكفي ارجوا الأفادة
ولكم جزيل الشكر

[العفوي]

شباب انا معاي دبلوم حاسب الي ( تقنية البرمجة) سنتين ونص

من معهد خاص بفلوس

واجتزت الاختبار الشامل حق المؤسسة لتعليم والتدريب

لان قالوا شهادتك ماتعتمدها لين تنجح باختبار المؤسسة

والحمدللة نجحنا ،


هل يعادلون لي شهادتي !


الي يعرف ياليت يفيدنا ،


وجزاكم الله خير ،

[snow@white]

لو سمحت اخ فهد

كيف طريقة رفع الاوراق مني فاهمه ماسح ضوئي
كيف بنزلها ع اللاب و بعدين ارفعها لطلب معادله ممكن تشرح لي ؟؟

انا عندي كشف بمواد درست سنتين انتظام في جامعة عبدالعزيز
لكن ما اخدت شهاده لان ما كملت دراسه
بجرب اذا ينفع يتعادل شي من المواد

ياريت ترد علي قبل ينتهي وقت طلبات المعادله

[- I Can]

فهد الظهرآن الله يعطيك العافية بس حبيت اسالك كذا سؤال :


كيف الطريقة ، ووش الاوراق المطلوبه وكيف ارسالها؟

+

هل لازم اكون ناجحه بالمادة اللي برفعها ولا عادي؟



:icon19:

[مطّلع]

http://www.ckfu.org/vb/t542157.html

شرح كامل عن طريقة المعادلة للمواد... طبعا بغض النظر عن تاريخ التقديم لأن صاحب الموضوع كان يتكلم عن الترم الثاني من العام الهجري الماضي لكن الطريقة والخطوات نفسها... بالتوفيق للجميع

[- I Can]

جزاك الله خير مطلع .. رديت عن فهد الظهرآن بكل مايشمل عن المعادلة : )


الله يعطيكم العافييية

[snow@white]

الله يعطيك العافيه مطلع

جزاك الله خير :icon19:

[hanadi1]

اقدر اعادل دبلوم محاسبه من التقنيه ؟

[ahlamq]

طيب في القائمة الموجودة في أيقونة معادلة المقررات أسجل مسمى المقررات اللي بسجلي الأكاديمي حق كليتي السابقة ولا اسجل مقررات جامعة فيصل :sm5:

[ahlamq]

وإذا كان الماده اللي بعادلها مكونة من جزئين كيف أسجلها

زي ثقافة اسلامية 1 وثقافة إسلامية 2
ولغة إنجليزية عامة ولغة إنجليزية تخصصية
كيف أسجلها :icon9:

[zin2014]

من أجيب توصيف المقرارت ليي أكثر من 13 سنة متخرجة من جامعة الملك سعود