تنبيه وتذكير للطالبات حول التقيد باللباس الجامعي اثناء تأدية الاختبارات النهائية

[DL_ASCS]

الاخوات طالبات التعليم عن بعد - كلية الدراسات التطبيقية وخدمة المجتمع

السلام عليكم ورحمة الله وبركاته ... وبعد

نود تذكير الاخوات الطالبات بضرورة الالتزام باللباس الجامعي ( تنورة طويله وبلوزه )

ويمنع لبس العباءه اثناء تأدية الاختبار , وسنضطر اسفين لمنع كل طالبة لا تلتزم بذلك .

مع امنيات التوفيق للجميع

[joOdy.dk]

ياصبر الارض !

وش دخل الاختبار بالبس
عادي الجوال يدخل بس العبايه قضيه لو لبسناها :|

[غلا حسين]

بعض البنات يبالغون في اللبس ( الغير محتشم و الضيق ) عشان كذا يمنعون هاللباس و لو هم انتظام مستحيل يداومون ب بنطلون مثل م يسوون بعض البنات ..
بالنسبه للجوال وجوده عادي بما انو في شنطه او جيبك وقت وجود الاوراق..

استهتار بعض البنات مبالغ فيه بشكل كبير ...

[اهلاوي ملكي]

الحق احق ان يتبع , واحترام القوانين واجب ولا عمت الفوضى
ويجب ان نفرق بين مكان للعلم والتعلم وبين مكان للوناسه والافراح
فيه وضوح بالامر اسمه ( اللباس الجامعي ) اذا لماذا التمرد على النظام
فاما اتباعه اوتركه وتحمل مايترتب عليه من نتائج والعاقل خصيم نفسه
انا مع تطبيق النظام في كل نواحي الحياة اذا لم تكن القوانين جائرة
اقول قواكم الله بس ضبطوا لنا نظام الايكو للتيرم الرابع لان اللي حصل
هذا التيرم غير مقبول وخلوا عنكم التنانير وركزوا على الاهم واتركوا القشور

[amal s]

ماله داعي ..
الله يعيننا على الكشخه :)

[wa3ad2006]

فعلا مفروض الالتزام
يعني الى اليوم يجون ببنطلون وكأنه اول مره يدخلون جامعه
مو معقول ماعندها تنوره لو وحده عالاقل تلبسها بالاختبار !'

[Mesho86]

فعلا مفروض الالتزام
يعني الى اليوم يجون ببنطلون وكأنه اول مره يدخلون جامعه
مو معقول ماعندها تنوره لو وحده عالاقل تلبسها بالاختبار !'

هههههههه انا وحده ماعندي تنوره

بس مو منطق يمنعون لبس البنطلون ونص البنات تنانيرهم قصيره !!!!!


ودي اسأل هالبنات ماشاءالله عليكم ماتبردوووون ؟:hhheeeart4:

[wafa']

هم حطو هالنظام من شي شافوه فيه بنات وبكل صراحه لبسهم ضيق وغير لائق والي م عندها تنوره الله لايهينها تروح تشتري وحده للااختبارات ولاتلبس البنطلون الضيق الله يجزاكم خير :icon1:

ويظل اسمه اللبس الجامعي تنوره وبلوزهه:119:

[نوهآ.]

انا صراحه مو ضد ولا مع :(269):

صح اني مع اننا نقعد بالعبايه اريح من الكشخه :icon9:

بس ضد صراحه اللي اشوفه من البعض

صراحه الواحد يستحي يلبسه ببيتهم فما بالك قدام بنات و ساعات حريم كبار :Looking_anim:

الله يقويكم و انا مع اخ اهلآوي ياليت نشوف الاشياء الاهم علماً بأنه هذا القانون لايستهان فيه ابداً :smile:

بس في اهم من كذا :bawling:

موفقين جميعاً :love080:

[ام سلطان الشمري]

طيب مع احترامي للكل العبايه شنو فيها علشان يمنعون نلبسها يعني العبايه استر من اللبس الثاني ولو جينا وقت الجد بروح اشتري تنوررة علشان اداوم فيهااا ... خلاص العبايه ستر واللي تلبس شي ضيق او بنطلون هذي المفروض تمنع من الاختبارا مو اللي لابسين عبايات وهذي وجهة نظري

[مهريماه]

ايه واذا بتعدلوا الايكو رفعوا الفيديو بجودة hd

بالتوفيق للبنات اللي بيتوهقوا بالتنانير

[اهلاوي ملكي]

طيب مع احترامي للكل العبايه شنو فيها علشان يمنعون نلبسها يعني العبايه استر من اللبس الثاني ولو جينا وقت الجد بروح اشتري تنوررة علشان اداوم فيهااا ... خلاص العبايه ستر واللي تلبس شي ضيق او بنطلون هذي المفروض تمنع من الاختبارا مو اللي لابسين عبايات وهذي وجهة نظري

ام سلطان العباية ستر وغطاء ومافي مثلها لكن ممكن تخبي البنت فيها ملزمة ماهو براشيم
يعني تحجب اشياء ممكن تستغل للغش وبماانه كله مجمع نسائي لاضير اذا كان اللباس
محتشم والقانون يقول لباس جامعي , واللي تبي الجامعة تعرف لبسها واذا كابرت وركبت البنت
راسها تمنع بكل بساطة وهي الخسرانه جنت على نفسها براقش

[سبحان الله.....]

حياتي ام سلطان ي جدي انتي لازم تشيلين العبايه البسي تنوره واي قميص قدامك عشان ماتنحرميش من الاختبار حبيبه البي
تقبلي نصيحتي واحترامي
اختك نوف العنزي

[سوومآ]

مالهم حق يمنعوناا من اننا نلبس بناطيل وفي لبس عن لبس حنا لما نلبس بنطلون نكون محتشمات في لبسنا يعني جات ع التنوره اغلبية المراقبات الي علينا م ادري هم دكاترة ب الجامعة او اداريات لابسين تنانير اوك بس مع احترامي لهم لبسهم بتنانير مو محتشم يعني حتى التنورة فتحتها لنص رجلها يعني وين الستر البس بنطلون وساترني وساتر رجلي ومدفيني من البرد هههههه احسن من اني البس تنورة كاني مو لابسة شي
وبعدين مالهم شغل في لبسنا احنا نعتبر طلاب في جامعة اهلية وندفع لهم فلوس ومالهم الحق في انهم يتجادلون معنا وبس..

ومشكورين ع الموضوع نزل في وقتهه ...

[ام سلطان الشمري]

حياتي نوف فديتح وفديت نصيحتج ومشكورة ع النصيحه واخوي اهلاوي هم انت الف شكر لك والله يعيني ع التنورة انااا احب اقعد بلبسي كامل بس اكشف الوجه ووالف شكر لاخلا ولاعدم

[wa3ad2006]

هههههههه انا وحده ماعندي تنوره

بس مو منطق يمنعون لبس البنطلون ونص البنات تنانيرهم قصيره !!!!!


ودي اسأل هالبنات ماشاءالله عليكم ماتبردوووون ؟:hhheeeart4:

اذا ماعندك تنوره روحي اشتري
والعبايات افضل انهم يمنعونها لان سهل البنت تحط تحتها اللي تبي من براشيم
اما التنانير القصيره والبنطلونات فهم قاعدين يوجهون الطالبات بس بعض الطالبات اذن من طين واذن من عجين

[wa3ad2006]

مالهم حق يمنعوناا من اننا نلبس بناطيل وفي لبس عن لبس حنا لما نلبس بنطلون نكون محتشمات في لبسنا يعني جات ع التنوره اغلبية المراقبات الي علينا م ادري هم دكاترة ب الجامعة او اداريات لابسين تنانير اوك بس مع احترامي لهم لبسهم بتنانير مو محتشم يعني حتى التنورة فتحتها لنص رجلها يعني وين الستر البس بنطلون وساترني وساتر رجلي ومدفيني من البرد هههههه احسن من اني البس تنورة كاني مو لابسة شي
وبعدين مالهم شغل في لبسنا احنا نعتبر طلاب في جامعة اهلية وندفع لهم فلوس ومالهم الحق في انهم يتجادلون معنا وبس..

ومشكورين ع الموضوع نزل في وقتهه ...

لكل مكان له ضوابط خاصه فيه ولازم اننا نحترمها سواءا ببلاش او بفلوس
ومايعني اننا ندرس بفلوس اننا مانتبع انظمه المكان اللي انتسبنا له

[سبحان الله.....]

حبيبات قلبي افهموها الجامعه مكان محترم لدراسه مو تجين طاقه المكياج كانك حاطه وجهك بطحين وراسمين عليه اطفالك اما بالنسبه للملابس ترى مو بارتي جامعه يابوي
تقبلو مروري وصراحتي اختكم نوف العنزي

[ميم...]

المفروض نختبر بالعبايه ما بيضرهم شي لو جلست بعبايتي
وانا وحده ماعندها ولا تنوووره
وفي بنات اشوف تنورتها شوي و توصل فوق الركبه

نختبر بالعبايه احسن لنا من الاشكال اللي نشوفها
اللي لابسه اشياء تلمع و اللي ضيق واللي قصير
يا زين العبايه

[Mesho86]

اذا ماعندك تنوره روحي اشتري
والعبايات افضل انهم يمنعونها لان سهل البنت تحط تحتها اللي تبي من براشيم
اما التنانير القصيره والبنطلونات فهم قاعدين يوجهون الطالبات بس بعض الطالبات اذن من طين واذن من عجين


خخخخخخخ فاضيه اروح اشتري :sm5: بصير مثل هالبنات الي يلبسون تنانير لنص الساق وتحت الركبه بشوي ....

بجلس ببنطلوني وادفي رجيلاتي من هالبرد والمكيفات الود ودي اجلس بعباتي وطرحتي الجو برد ويشغلون التكييف

بصير مثل باقي الشعب اذن من طين واذن من عجين :(269):

[سوومآ]

لكل مكان له ضوابط خاصه فيه ولازم اننا نحترمها سواءا ببلاش او بفلوس
ومايعني اننا ندرس بفلوس اننا مانتبع انظمه المكان اللي انتسبنا له


اصلن هم ذاليناا بجامعتهم من مجرد م نطلع من الاختبار والدنيا برد مطرودين برا وغير كذا نجي من بدري مشان نراجع او مشان ناس مشاوير السيارة او بيتوهم بعيده يطرو يجو من بدري واذا خرجنا من الاختبارات طردونا برا وزودع الطرده لا كافي ولا بقالة ولا سوق ولا اكل ولا شي بالله لا يتدخلون فينا كلها نجيهم بكل سمستر على نهايته فلا يقعدون يتفلسفون علينا :5aga: ..

[ميم...]

الجو برد و مكيفات و التنوره ماتدفي سيقانا
و مثل ماقالت اللي قبلي من نطلع من الاختبار و احنا مطرودين بالبرد ولا كوفي ولا قهوه ولا شي يدفينا
و مرات يكون الجو هوا و يضرنا و يدخلنا هوا :|
البنطلون استر و ادفى

وانا وحده من اللي اذن من طين و اذن من عجين

[قودي]

يعني بتكلم واتمنى محد يزعل

اول شي ماوقف الموضوع على لبس
لكن الكل ماشي بنظام اللي براسي بسويه
والجامعه صراحه ساكتين كثير

ثاني شي هم قالو لكم شرط ماطرحو راي للتناقش والتفاوض
قال البسو تنورة طويلة وبلوزة وافصخو العبايه .. ماقالو وش رايكم ؟؟

والله اللي تبي الدفا تقدر تلبس تنورة طويلة وتحتها شي يدفيها

اللي يبي حل بيلقى بس كل من يبي يسوي الشي اللي على هواه

واذا على اللي لابسين تنورة قصيرة مافرقت ابد عن اللي لابسه بنطلون كلهم مخالفين

يختي جايه جامعه بتختبرين روقي راسي وامشي عالنظام وش بيضرك

اجي لابسه تنورة وبلوزه وافصخ عباتي قبل ادخل واختبر واطلع والبس عباتي واروح البيت
قسم مانقص مني شي ولا صرت كائن فضائي ولا تغير فيني اي شي
مشيت عالنظام عشان لحد يمسك شي علي


المهم هذي فلسفة وحده مالها نية تذاكر اخلاقيات عمل ولقت شي تتحلطم عليه

وسلامتكم

[ميم...]

طيب داومنا بالبنطلون و كتبنا مخالفه
وش نهاية المخالفات !!!؟

[Bshayer Saleh]

قانون ماله اي داعي و زي ما يقولون صبه حقنه كله لبن
اللي تلبس تنوره بتلبس تنوره ضيقه و اللي بتلبس بنطلون بعد بيكون ضيق
و يمكن تكون هاللي لابسه بنطلون محتشمه اكثر من اللي بتلبس تنوره لنص الساق و من تجي تطلع برا حدث ولا حرج
و اصلاً على اي اساس صارت التنوره لبس محتشم و البنطلون لبس مو محتشم !!

[الدمعة المبسوطة]

الله يعين .. و يهدي الجميع ...


كل رد من الردود السابقة يبي وقفة طووووويلة ....!!!

يبقى الزي الرسمي و الفخم و المتعارف عليه بالاماكن الرسمية
تنورة طويلة و قميص ...

و
.
اذا ما همتنا قوانين الجامعة ...


غصب علينا نلتزم بقوانين العقيدة ...!!!!!

اذا مافي مشكلة نخالف الجامعة ...
فيه عقاب ينتظرنا اذا خالفنا الفطرة و الدين ...!!

ابونا ادم و امنا حوا عاقبهم الله بكشف سوءاتهما ..!!


اللي تحب التكشف ربما يكون
من ادلة عدم رضا رب العباد عليها .........!


اللهم يا مقلب القلوب و الابصار ثبت قلوبنا على دينك ...


جل الاحترام و التقدير ...

[مهريماه]

المشكلة تتجادلوا على امر محسوم
يعني لو تتحلطموا من اليوم لبكره ماراح يتغير شيء
واذا انتي عنيده الجامعة اعند اليوم مخالفة وبكرة مخالفة لين يوصل لمنعك للاختبار
بس مو لمنعوك تقولي هم ظالمين وتتبكبكي عندنا
ودوروا لي حل ليرفعوا عني المنع
شغل ورعان والله كلها على لبس تنوره
اتمنى يتقفل الموضوع

[آاـحان آاـشوق]

هههههههههههههـ شئ يضحك ويفشل بنفس الوقت

يختي نعرف انك كشوخه وان عندك ملابس ماشاء غير التنوره خخخخخـ

اما اللي محتجه على العباة ..> انا ضد اني ارتز بالعباة وش هو اختبار طقاقات هههههههـ

المهم جيت اضحك ارفهه عن نفسي شوي .. وبالاخر مايصح الا الصحيح
يلا اليوم البسن تنانير غصبن من عليكم :lllolll::lllolll::lllolll:

[ميم...]

الله يعين .. و يهدي الجميع ...


كل رد من الردود السابقة يبي وقفة طووووويلة ....!!!

يبقى الزي الرسمي و الفخم و المتعارف عليه بالاماكن الرسمية
تنورة طويلة و قميص ...

و
.
اذا ما همتنا قوانين الجامعة ...


غصب علينا نلتزم بقوانين العقيدة ...!!!!!

اذا مافي مشكلة نخالف الجامعة ...
فيه عقاب ينتظرنا اذا خالفنا الفطرة و الدين ...!!

ابونا ادم و امنا حوا عاقبهم الله بكشف سوءاتهما ..!!


اللي تحب التكشف ربما يكون
من ادلة عدم رضا رب العباد عليها .........!


اللهم يا مقلب القلوب و الابصار ثبت قلوبنا على دينك ...


جل الاحترام و التقدير ...


احنا ماخالفنا العقيده
و كلنا نعرف الستر و الاحتشام الحمدلله
بس كفايه لما نطلع للشارع نحصل العبايات تطير مع الهوا و السيقان طالعه
او اللي عبايتها مفتوحه

بغض النظر عن هذا كله

كم مخالفه بعدين يصير حرمان !!!