يرجى المساعدة للضرورة قسم الانجليزي المستويات المتقدمة تسجيل المواد

[Hala A]

السلام عليكم
انا قسم انجليزي مستوى خامس خلصت كل مواد الاربع مستويات الاولى واخدة كمان مادة من خامس
المهم دحين رح اسجل مواد للترم الخامس
اناحاسة اني مرة طفشت والمشي عالخطة تعبني ودايما اوصل لاخر ايام اختبارات اكون خلاص طفشانة واجيب أسوأ الدرجات في اخر اختبارات
دحين انا عارفة حتقولوا عني مجنونة بس انا نفسي الترم الجاي اخد نص مواد خامس ونص مواد سادس بحيث اني اخد 8 مواد 4 من خامس و 4 من سادس عشان اختبرها كل يوم مادتين واخلص في اربع ايام
يلي بدي مساعدتكم فيه هو اش هي مواد مستوى سادس يلي تعتمد على مواد من خامس بليييييييز افيدوني عشان اعرف كيف اختار
بليز يلي عنده فكرة اش المواد من سادس يلي لازم اكون اخدة من خامس قبلها يقلي
وشكرا كتير لكل مين يساعدني

[علمتني الحياه]

عليكم السلام

اهم شي الله يسلمك انك تكوني مقتنعه بالخطة اللى راح تحطينها وموضوع بين كل مادة يومين مره كويس وفيه راحه لجهد الاختبار اللى قبل .

راح انزل لك هنا رابط خاص بموقع الجامعة عن الاختبارات وارقام crn ياليت تتصفحيه عشان قرارك يكون على خطا سليمة
بالتوفيق
http://www.ckfu.org/vb/t650562.html

[المثابر111]

امشي على الخطة بدون لخبطة
الجامعة أعرف بتدرج المواد والمتطلبات
وعشان ما يصير فيه تعارض في المستويات القادمة
أما حكاية مادتين في نفس اليوم اشوفها صعبة جداً
وراح ينزل معدلك ....

[Hala A]

انا مقتنعة تماما بالخطة هادي بحيث اني بين الاختبارات حيكون عندي اربع ايام تقريبا اروح اختبر مادتين وارجع وهكذا بس نفسي اعرف اش المواد في سادس يلي تعتمد على مواد قبلها

[فنوُ *]

ببتتبعي الا اذا بتذاكري من اول و لغتك ممتازة براحتك يا خية
اهم شيء الاقتناع
بس تعب عليك مرا

[Hala A]

انا الحمدلله لغتي طيبة ومقتنعة بس سؤالي اذا احد يعرف اش المواد في سادس يلي تعتمد على مواد قبلها يفيدني وشكرا لمروركم

[Samd]

الله يعينك ويوفقك

بسألك أختي انا الآن مستوى ثاني ويعادل ثلاث مواد من المستوى الثاني وأريد أضيف مواد من مستويات متقدمة بدل المواد الي طلبت معادلتها ايش تنصحيني اخذ ابغى مواد سهله طبعاً المواد الي طلبت معادلتها هي إنجليزي كتابه وقراءه وقراءه ومحاثه ايش تنصحيني بمواد من المستوى الثالث والرابع تكون سهله والأسئلة حقتها مكرره من الأعوام السابقة

[o_lg_ll]

وعليكم السلام


مثل ماعرفت سابقاً وشفت من نأس كثيره مافيه شي أسمه اعتماد

شفت نأس حايسه جدولها حوس تقول جألس يلعب ورقة هع

شوفي اي مادة تبين تدرسينها ونزليها وخلاص

شيلي من رأسك فكرة مادة متطلب الخ الخ

انتي في جامعة وبراحتك لنا أنتي الى راح ترتبين موادك بنفسك والجامعة مالها شغل فيك

قدمتي مادة اخرتي مادة خذتي مادة رقم 2 قبل رقم 1 الخ الخ


وفوق كذا لو منتي مستعجلة على التحرج عادي جداً تخلين دراستك 9 مستويات او 10 مستويات ...

[o_lg_ll]

الله يعينك ويوفقك

بسألك أختي انا الآن مستوى ثاني ويعادل ثلاث مواد من المستوى الثاني وأريد أضيف مواد من مستويات متقدمة بدل المواد الي طلبت معادلتها ايش تنصحيني اخذ ابغى مواد سهله طبعاً المواد الي طلبت معادلتها هي إنجليزي كتابه وقراءه وقراءه ومحاثه ايش تنصحيني بمواد من المستوى الثالث والرابع تكون سهله والأسئلة حقتها مكرره من الأعوام السابقة

من بعد اذن صاحبة الموضوع

باين عليك تبي تريح رأسك في هالمستوى

على العموم


مواد من مستوى 3

اخلاق اسلامية

انشاء وتعبير 1 <<< دكتورها روعة ومن الاخير راح يساعدكم وانتي افهميها

انترنت واتصالات << هذا اذا تعرفين اختصارات الكمبيوتر واشيا بديهية جداً في الكمبيوتر


مواد مستوى 4

حاضر العالم الاسلامي

انشاء وتعبير 2 <<< دكتورها روعة ومن الاخير راح يساعدكم وانتي افهميها نفس دكتور الانشاء وتعبير 1

استماع وتحدث <<< هذي المادة يشغلون لك شريط مسجل ويتكلم الدكتور ويقولك السؤال واجوبة وانتي تختارين وشي سهل جداً

ويقولك قصة وانتي تستخرجين من هذي القصة اجوبة

مثلاً عمشة اخت زليخة كانو رايحين شارع الشانزيلزيه وهم طبعاً كذابين في الاخير راحو سوق الصواريخ او البطحاء

بعدها يسألك الدكتور يقولك زليخة اخت مين ؟؟

وين راحو في الاجازة ؟؟

بس هذا المادة


جدول الاختبارات النهائية رفعته لك في المرفقات ورتبي اختباراتك النهائية عليه

وانتي براحتك تاخذين مادتين في يوم واحد الخ الخ

بس انتبهي تاخذي مادتين في يوم واحد و في وقت واحد ...

[Hala A]

يعني مثلا مادة لغويات تطبيقية من سادس ما تعتمد على مادة الصوتيات من خامس ومادة ترجمة الانماط النصية من سادس ما تعتمد على نظرية الترجمة من خامس
انا خايفة تطلعلي مادة زي كده وتلخبطلي ام الجدول كله

[Hala A]

بالنسبة لاسهل المواد من مستوى ثالث ورابع فهي : التركيب اللغوي ، استماع واستيعاب ، انشاء وتعبير ، النثر الانجليزي ، استماع وتحدث ، انترنت واتصالات
اما اسهل الاختبارات فهي كانت التركيب اللغوي ( اسهل اختبار مر عليا في حياتي) ، استماع واستيعاب، انشاء وتعبير ١ ، النثر الانجليزي ، انترنت واتصالات
بالنسبة لمادة استماع وتحدث هي سهلة بس شريط الاختبار كان سيء جدا وما فهمنا شي من كلام الدكتور واختبار انشاء وتعبير ٢ الدكتور ما جاب شي من المحتوى مرررررررررررة
رأيي تأخذ التركيب اللغوي واستماع واستيعاب وانترنت واتصالات او انشاء وتعبير ١ كلها حلوة وسهلة
وبالتوفيق يارب

[Hala A]

وكمان مادة القواعد والمنظومة النحوية كانت دراستها صعبة شوي بس اختبارها كان روووووووووعة

[-كبرياء-]

نصيييحه اخت -- خخذي كل مستوى بمستواها بس اذا تبغين تضفين مواد من المستويات الجايه خذي اما مستوااك خذيه كاامل -- بدون نقص -- عشاان التعاارضات بعدين -- صديقتي كانت ما تخذ كل المواد والحين اغلب موادها تتعارض بوقت الاختبار --

[o_lg_ll]

قلت لك الى عندي وانتي براحتك

واذا تبين تطمانين اكثر شوفيلك احد حايس في الجدول عن تجربة وراح تقتنعين بنفسك

والافضل تفتحين موضوع في نفس اقسام الانجلش مدام تخصصك انجلش



اهم حاجة ترتبين جدولك فقط عشان مايكون في تعارض في الاختبارات النهائية فقط لاغير

ارفقت جدول الاختبارات النهائية ورتبي عليه موادك سواء الان او للمستقبل

وهم الجامعة مايغيرون ترتيب مود الاختبارات النهائية الا بالنادر والنادر جداً

[Hala A]

مشكورين جميعا وبالنسبة للتعارض متأكدة باذن الله ما حيكون عندي تعارض

[Loli ahmed]

السلام عليكم
انا قسم انجليزي مستوى خامس خلصت كل مواد الاربع مستويات الاولى واخدة كمان مادة من خامس
المهم دحين رح اسجل مواد للترم الخامس
اناحاسة اني مرة طفشت والمشي عالخطة تعبني ودايما اوصل لاخر ايام اختبارات اكون خلاص طفشانة واجيب أسوأ الدرجات في اخر اختبارات
دحين انا عارفة حتقولوا عني مجنونة بس انا نفسي الترم الجاي اخد نص مواد خامس ونص مواد سادس بحيث اني اخد 8 مواد 4 من خامس و 4 من سادس عشان اختبرها كل يوم مادتين واخلص في اربع ايام
يلي بدي مساعدتكم فيه هو اش هي مواد مستوى سادس يلي تعتمد على مواد من خامس بليييييييز افيدوني عشان اعرف كيف اختار
بليز يلي عنده فكرة اش المواد من سادس يلي لازم اكون اخدة من خامس قبلها يقلي
وشكرا كتير لكل مين يساعدني


حبيبتي بس أنا اللي فهمته من كلامك إنك تقصدين مادة مشابهة أو استكمال لمادة تكون في المستوى اللي قبلها؟ كذا قصدك صح

وإذا تقصدين كذا وتكون في يوم واحد
أشوف أن مافي مادتين من المستوى الخامس والسادس في نفس اليوم استكمال لبعضهم إلا كم مادة.

مثلا:
عندك الصوتيات والنظام الصوتي من 5 والنحو والصرف من 6 تعتبر كلها مواد تعتمد على الفهم وفيها من بعض وبعيدة عن الأدب والشعر والرواية وهكذا

وعندك مقال من 5 ولغويات تطبيقية من 6 بس ما أذكرهم بالضبط صراحة عشان أفيدك يمكن غيري يفيدك عن طبيعة المحتوى إذا فيه من بعض لان ما اذكر بالضبط وما أبغى ألخبطك

نظرية الترجمة من 5 والرواية الحديثة من 6 أيضاً نفس اليوم ومواد مو بعيدة عن بعض كثير

والباقي ما أشوفهم استكمال لبعض.. طبعًا أتمنى أكون فهمت اللي تقصدينه
وفي النهاية انتِ حطي الخطة اللي تعجبك وتريحك المهم ما يكون عندك تعارض

بالتوفيق. :106:

[Hala A]

شكرا كتيييييييير ايوه انتي فهمتيني صح يعني انا ابغا افهم اذا مثلا مادة الانماط الصوتية تعتمد على مادة الصوتيات وما يخلوكي تاخدي الانماط الين تخلصي من الصوتيات او مثلا مادة ترجمة النصوص اذا تعتمد على انهاء نظرية الترجمة بالاول
شكرا كتير افدتيني مررررررة يعطيكي العافية