معقوله ولا ماده انجح فيها وش هالتحطيم

[ابو أريام]

شوفوا بانفسكم:Cry111:

[عهووودهـ]

لاحول ولاقوة الابالله
ليش ماكنت تذاكر؟!
ماني عارفه ايش اكتب بس صدعت
الله يعينك

[كاشف الاسرار]

:Cry111::Cry111::Cry111::Cry111::Cry111::Cry111:


معقولة!!!

[HEMO-999]

أرفع تظلم على كل المواد ,, والله يعوضك كل خير إن شاء الله وكل شي مكتوب لك وأنا أخوك والقادم أفضل لا تيأس من هذا الشي ,, أنا دخلت إدارة أعمال أول ترم وحولت علم اجتماع وخدمة اجتماعيه والحين رايح الترم السابع وليوم نجحت في 9 مواد وهذا بسبب المثابره والصبر وفوق هذا عسكري وعندي عائله وضروف ما يعلم فيها الا الله سبحانه وتعالى , أتمنى أنك ما تحزم وتحاول بكل جهد وقوه وارفع التظلم على كل ماده في ايقونة التظلمات الموجوده الحين في الخدمات الطلابيه وربي ييسر لك امورك وييسر امور الشباب والبنات المكافحين مثلك ومثلي إن شاء الله , تحياتي لك أخوي .

[Alotaibi6]

شكلك ماكنت تذاكر !!!

[توتا ♥]

اضغط عليها مرتين وراح يجيب لك درجتك بالاختبار ودرجة المشاركات
اذا الغلط بدرجة المشاركات ارفع تظلم الايقونه مفتوحه

[Loli ahmed]

الترم الجاي لازم تشد حيلك تعوضها بإذن الله

[هادي القحطاني]

ربي يعوضك خير ي ابو اريام

[نُـوْوتْ]

أبو أريام يمكن ماخذ صفر في المشاركة اضغط ع كل مادة وشوف كم جايب بالمشاركة

إذا كلها أصفار يعني بتتعدل وبتكون ناجح ويارب تكون كذا .. أما لو كلها 30 راجعهم إذا متأكد من نجاحك

ع فكرة لو درجات المشاركة كلها صفر قدم اعتراض طبعا .. ويارب تكون ناجح

[Bandar1409]

حبيبي كلها سمستر لاتكبر الموضوع ولاتندم على اللي راح .، راحت سنين واحنا ماندرس وهذا احنا عايشين ورجعنا كملنا دراستنا فما بالك ب 4 شهور بس .. اشوف انها مو كثيرة مقارنة بالسنين اللي مادرسناها .، شد حيلك في السمسترات الجايه وبأذن ربك يسهلها وتفرح بالشهاده ،، خليك ايجابي :)

[رَاء.]

لالالا هذا خطأ ما حسبوا المشاركة والله اختي زي كذا بالضبط

[noofi]

نفسسسك طلع ماعندي فصليه كلها صفر ربك يستر بس

[m__f_s]

شد حيلك بالسمسترات الجاية
وان كانك مظلوم ارفع تظلم والله يعوضك

[Mr.Nasser]

الله ييسر امرك

[Olay]

لا تتحطم أنا تركت الثانوية والحين مستوى 7
اخوي تخرج من الثانوية دخل اول ترم جامعه رسب بكل المواد زيك تحطم والغاز رجع يدرس
استمر

[aljori999]

^ بتعوضها بالسمستر الثاني ان ششاء الله

الله ييسر أمورك:106:

[جديد عن بعد]

شف درجات المشاركة

[تركي الشعلان]

حبيبي كلها سمستر لاتكبر الموضوع ولاتندم على اللي راح .، راحت سنين واحنا ماندرس وهذا احنا عايشين ورجعنا كملنا دراستنا فما بالك ب 4 شهور بس .. اشوف انها مو كثيرة مقارنة بالسنين اللي مادرسناها .، شد حيلك في السمسترات الجايه وبأذن ربك يسهلها وتفرح بالشهاده ،، خليك ايجابي :)

كلام جميل ..

[ابو نوني]

احتمال كبير ما حسبوا لك درجات المشاركة

[Shoroq]

أنا زيك معطيني بكل المواد صفر لدرجه المشاركه وقدمت اعتراض وان شاءالله بتتعدل أنا حليت وكل شي

[basel2006]

شيك ع درجات المشاركة وطنى عليك

ان شاء الله يكون في خطاء ويتعدل

[عادل بن عبدالله]

ماهي نهاية العالم

شوية مذاكرة قبل الاختبارات وصدقني راح تمشي الايام مثل شربة الموية

معوض خير يا رب

[الطرف الحنون 3]

هي النتائج طلعت والا ايش ...

[جمال الروح2]

يمكن الدرجات المشاركه

[البنت المنكوبة !]

يووهه الله يعينك
انا لو ماده وحده
انجن

[جمال الروح2]

الله يجبر بخاطرك :sm1:شي يقهر لكن الله يعطيك خير منها

[BrOwN..SuGaR]

ان شاء الله تتعوض , اتوقع مثل ماقالو الأخوان , عندك نقص في درجات المشاركات.. شكلهم ماحسبوها لك.. :verycute:

[MUHAMMD]

تتعوض ان شاء الله ، مثل ماقال احد الاخوان فالردود حنا قعدنا سنين مادرسنا ، انا عن نفسي اخذيت اجازه من الدراسة لمدة 14 سنة هههههه ، والسبب ان اول ترم لي فالجامعة (منتظم) كانت نتيجتي مثل نتيجتك بالضبط

قلت ياولد اسحب بلا دراسة بلا كلام فاضي (جهل) ، لو اني مكمل كان معي دكتوراه الحين وادررسكم في جامعة الفيصل هههههه

[ESBLONZ]

انا حصل لي زيك الترم اللي طاف .. وقدمت تظلم ومشت اموري .. لانهم حطولي صفر في كل المشاركات واتوقع انت كذا ...

[hadi mosa]

الحمدلله يالله على المستوى الرابع

[شئون الموظفين]

حصلت على انذارين في بداية دراستي وهبط المعدل حتى واحد ونص ولكن عزمت واصريت اني الغي الانذارات وفعلا ذاكرت واجتهدت وكنت اذاكر قبل الاختبارات باسبوعين الى ثلاث اسابيع علي الاقل وقبل الاختبار بيوم اركز على الاسئلة للاعوام الثلاثه السابقة بالاضافة لملخصات بعض الاخوان الله يوفقهم واستطعت بفضل الله الغاء الانذرات وانا الان طالع للمستوى السادس ومعدلي 2.80 وبأذن الواحد الاحد عندي اصرار اتخرج اقل شي بــــ 3 من 5 ,, لذلك لا تيأس وشد حيلك

[ريتــآن]

الحمدلله على كل حال لكل مجتهد نصيب

[AbAdY.KSA]

أبو اريام معوض خير

شف حجم التشجيع في الموضوع

الكل اضاف من واقع تجبرته وعايش أجواء الجامعة

إنسى اليأس وفالك الشهادة بإذن الله

من توكل على الله كفاه

[آنسه منشن]

انا حصل لي زيك الترم اللي طاف .. وقدمت تظلم ومشت اموري .. لانهم حطولي صفر في كل المشاركات واتوقع انت كذا ...



طيب متى عدلوا درجاتك !!

لأن انا صار لي كذا

[طلال الشمري]

الله يعوضك
اول ترم صار علي كذا لا تيأس
وانا الان الحمد لله تخرج هذا الترم
والله يوفقك
اهم. شي خل عزيمتك قويه

[عزيز مجد]

درجات المشاركات عندك كم يمكن انها لم ترصد لك

اضغط على كل مادة وتطلع لك درجات الفصل والمشاركات

[عزيز مجد]

حصلت على انذارين في بداية دراستي وهبط المعدل حتى واحد ونص ولكن عزمت واصريت اني الغي الانذارات وفعلا ذاكرت واجتهدت وكنت اذاكر قبل الاختبارات باسبوعين الى ثلاث اسابيع علي الاقل وقبل الاختبار بيوم اركز على الاسئلة للاعوام الثلاثه السابقة بالاضافة لملخصات بعض الاخوان الله يوفقهم واستطعت بفضل الله الغاء الانذرات وانا الان طالع للمستوى السادس ومعدلي 2.80 وبأذن الواحد الاحد عندي اصرار اتخرج اقل شي بــــ 3 من 5 ,, لذلك لا تيأس وشد حيلك

يمديك ترفع معدلك فوق 3 الى 3.50 بس بشرط تسجيل الصيفي لانه يرفع المعدل ولايحسب ضمن الالترام

[إبو هلا]

ابو أريام الله يعينك ولكن لا تسكت فيه غلط واضح

كل المواد !

لا حول ولا قوة الا بالله

شد حيلك وانا اخوك والأمر بسيط تأكد من الجامعه وتزين الأمور ولكل جواد كبوه

ولا تضيق الا على الرخوم ، والله انه ضاق صدري يوم شفت نتيجتك

بس أنا متأكد فيه شي غلط

[سبسر]

تطبيق الجوال ما يظهر الا درجة الاختبار فقط
ما يظهر درجة المشاركة معروف من اول

بكره شيك على الخدمات الطلابية وبتحصل محسوبه لك المشاركة
وامورك ان شاء الله تمام

[RIBERY7]

خذ العلم او خله

خذلك 12 ساعة وابعد عن المواد الصعبة اهم شي جب بهن كلهن a+

[tad400]

تطبيق الجوال ما يظهر الا درجة الاختبار فقط
ما يظهر درجة المشاركة معروف من اول

بكره شيك على الخدمات الطلابية وبتحصل محسوبه لك المشاركة
وامورك ان شاء الله تمام

غلطان اخوي اعمل كلك او اضغط على الماده تطلع لك التفاصيل وشكرا

[نواف الكويس جدا]

تأكد من درجات المشاركة ان شاء الله انه خطأ تقني

[ترحيب]

معوضً خير.

[Goli5]

اخوي ابو اريام فيه شي غلط قد يكون درجات المشاركه م اضافوها لك لازم تتاكد من هالشي

على العموم اخوي ليست نهاية العالم شد حيلك وتوكل على الله وصدقني لازم تكون عندك عزيمه