المواد العامة

[نادرة الوجوود]

السلام عليكم ورحمة الله وبركاته
ايش هي المواد العامة الي اقدر اختارها بدون ما اتخصص وشنو اسهل المواد
عشان ارفع معدلي ابي مواد سهله وتنصحوني بايش
ومتى يفتح تسجيل المواد
الله يجزاها خير ويسعدها الي بترد علي :004:

[sparkel]

نفس سؤال انا بعد يارب يفيدوننا

[HELIUM]

كل المواد العامه تقدري تاخذيها
وبما انك تبي ترفعي معدلك انصحك بانجليزي عام ومبادئ في الحاسب
كل مقرر منهم له ثلاث ساعات .. لو تجيبي فيهم a او b+ يرتفع معدلك بشكل ملحوظ
غير انهم مواد حلوه وممتعه
وانصحك برضو بنظام سياسي او اجتماعي .. مواد خفيفة وثقافة حلوة

متى تقدري تسجلي في من المواضيع المثبته اعتقد عن موعد تسجيل المواد لمستواك
عموما مش قبل الخميس الجاي

الله يوفقك ��

[sparkel]

اختي طيب ايش فرق مواد من خارج الكلية ومواد عامه احس اللي من خارج الكلية اسهل هل اسجل فيها كلها ولابعضها ؟؟

[sparkel]

اليوم فتح تسجيل للتخصص وبعض البنات سجلوا كيف يعني تسجيل المواد للمستوى احنا تحضيري :(

[Dodx]

اللي مارح يتخصصون موادهم تسجلونها يدوي بالكليه ، الله يعينكم

[HELIUM]

ما به فرق على ما اظن
تسجلي مواد من هذا او ذاك راح تاخذيهم بالكلية
وما عليهم متطلب
من ناحية اسهل واصعب برضو ما احس في فرق
لسى ماخذه مبادئ حاسب والحمد لله درجتي كويسه وهو ممتع
وكله اشياء سهله
والاحصاء مثل ما سمعت انه سهل
والمواد العامه من خارج الكلية برضو ما فيها شي معقد

هي اساسا مواد عامه ومن اسمها ثقافة عامه .. بالعادة تساعد في رفع المعدل

[HELIUM]

اليوم فتح تسجيل للتخصص وبعض البنات سجلوا كيف يعني تسجيل المواد للمستوى احنا تحضيري :(


ايوه .. لانهم من مستويات اعلى
انتي بما انك تو مخلصه تحضيري فتعتبري مستوى ثاني
ومشان تعرفي انتي مستوى كم
خدمة ذاتية ... خدمات الكترونية .. اخرى .. المستوى الاكاديمي

[sparkel]

شكراًالله بسعدك ويوفقك لاكن هم زميلاتي مو من مستوى اعلى نفسي طالبات تحضيري

[HELIUM]

:| حبي لك الي اعرفه انو مستحيل طالبات تحضيري يسجلون الان

[Student re]

انصحك كتابة و تعبير مادة سهلة جداااااااااااااااااااااااااا
و حاسب بعد
سياسي و اقتصادي يبيلهم همه و دكتورة جيدة عشان تاخذين الفل مارك
نظام اجتماعي سهل مررررررررررررررررره
احصاء حلوو
موفقة

[sparkel]

مشكورين حبيباتي طيب من تعرف كيف اسجل المواد العامه

[نادرة الوجوود]

مششكورين حبيباتي اللي ردو الله يوفقكم وينولكم مرادكم
بس ليه تسجيل المواد العامة يدوي بالكلية =(
والي تعرف متى يبدا التسجيل ترد علي الله يسعدها

[Mulli]

يعني ماتنزل المواد العامه ونسجل حنا لازم بالكليه متأكدين :(
طيب متى تسجيلها ووين بالكليه :(

[ZAR]

طيب بنات انا معدلي 2.59 هل اقدر اتخصص اللي ابي
واذا مثلاً م تخصصت وسجلت مواد عامه اقدر اتخصص تخصص من التخصصات اللي درستهم ف الترم الاول
ردوا علي الله يسعدكم😭