ظلم

[الشمالي دوت كوم]

السلام عليكم ورحمه الله وبركاته
أنا حملت 3 مواد بسبه درجات المشاركه لانهم حاطين لي كلهم صفر وانا متأكد انهم كلهم 30 ورفعت تظلم للجامعه قبل امس والله العظيم ظلم ماده وحده اخذت فيها بالورقه 59 يعني درجه وحده للنجاح. في امل يرجعون لي درجات المشاركه والله انرفع ضغطي من جامعه الظلم المشكله مو اول مره يسوون فيني الحركه انا الحين رايح لمستوئ سادس علم اجتماع ومن اول ترم ماعمري اخذت درجات المشاركه كامله بما اني احلهم اول بأول. ياليت تفيدوني :Cry111:

[huynh]

غريبه ليش طيب اذا ع النسخ واللصق انا انسخ والصق وماخصمو الحمد الله
انت تاكد من ايش السبب ولاتسكت ابد حقك خده بيدك ولاتنسى صلاه الوتر

[*سوسن *]

نصيحه ارسل لإيميل د. الفريدان شخص جدا رائع ويرد ويوضح الأمور الله يوفقه كم مره تكون عندي مشكلة ويحلها ،، راسله الان ،، الله معاك !!

[ســــلآف]

انت تقدر تروح لهم للجامعة لا تسكت ابداااا
هم اذا تعودون ينقصون احد خلاص أخذوها عاده
ولا الكل ينسخ ويلصق... والفريدان لا ترسل له رح بنفسك
ما راح ينصفك ابدا بالايميل ... انت تدرس بفلوسك وراتب الفريدان وكل الطاقم الظلمه
انت وانا وغيرنا جالسين ندفعه له
ولا بيكون جالس يرعى غنم بالربع الخالي

والله يووووفقك

[ابوباني]

أخي الكريم انت تحل بنفسك او تحل عن طريق المكتبات .

اذا بنفسك ومن جهازك رح بنفسك للفريدان ماينفعك الايمل .

اذا غير ذلك الله يعينك تحمل اعادة الترم كامل ..............

نفس حركتهم العام ......

[*سوسن *]

[quote=ســــلآف;11957566]انت تقدر تروح لهم للجامعة لا تسكت ابداااا
هم اذا تعودون ينقصون احد خلاص أخذوها عاده
ولا الكل ينسخ ويلصق... والفريدان لا ترسل له رح بنفسك
ما راح ينصفك ابدا بالايميل ... انت تدرس بفلوسك وراتب الفريدان وكل الطاقم الظلمه
انت وانا وغيرنا جالسين ندفعه له
ولا بيكون جالس يرعى غنم بالربع الخالي

والله يووووفقك



غريبة ياسلاف هذا اسلوبك أنت جميلة ** وش يرعى غنم وما غنم عن جدا انا تلخبطت عندي كل المشاركات في الخارطة ولا حسبت.. وراسلته ورد علي مباشرة وتم التعديل ,, واخذت 30 بجميع المواد ,,

[محمد السكني]

يرعون غنم !!!!
كلهم دكاتره ماقفت علينا ويرعون غنم
اجل حنا وش نسوي
لا والله حنا اللي لولاهم بنرعى غنم وحنا بدون شهادات

[اخصائي اجتماعي1]

انا اشوف انك تروح للجامعه وتقابل مدير الجامعه
اما الفريدان من واقع مقابلتي له في مكتبه الله لايبيض وجهه مع انه ماراح يبيض وجهه يوم تبيض وجوه وتسود وجوه... فهو غير متعاون وسيئ جداً واصلاً اول ماتشوفه تصاب بالكآبه مشكلتي هو ونظامه التعبان من تسبب بها ومع ذلك لم يتعاون معي باي شكل من الاشكال وحسبي الله فيه ونعم الوكيل

[أسير الصمت 999]

انا حصلت معي نفس المشكلة الترم اللي فات ماعطوني ولا درجة بجميع المشاركات ..


وسويت اعتراض انا وزملائي ردوا علينا قالوا انتم تدخلون من اتصال واحد مجموعة اشخاص اكيد معطين ارقامكم السرية مكتبة وهم ينزلون المشاركات ويحلون لكم ..


المهم فهمناهم انه نحن موظفين ولدى كل شخص جهاز خاص فيه وليس داخلين من جهاز واحد ولاكن الشبكة وحدة ومربوطين في اتصال واحد .

قالوا كل المكاتب لديهم عدة اجهزة وياخذون فلوس .

المهم تأكدوا انه كلامنا صحيح واعطونا تحذير بعدم الدخول مره ثانية من موقع العمل قالوا ادخلو من اجهزتكم الخاصة بالبيت .. حسبي الله عليهم رغم انه عندنا وقت فراغ بالعمل مانقدر نحل واجباتنا الا بالبيت

انت اتصل فيهم وشوفوا شنو المشكله لايكون حصلك مثل ماحصل لنا بالترم اللي فات .

ولاتسكت عن حق من حقوقكـ حتى لو تروح للجامعة وتقدم شكوى رسميه

[عزتي بشموخي]

الله يستر علينا منهم ويكفينا شرهم

[تاج راسي امي]

الفريدان خرب مو مثل اول ماكان عميد و صرت ارسله سؤال يرد بجواب غير عن السؤال

ياليته يرجع مثل اول مره كان متعاون

[al shamrani]

انت تقدر تروح لهم للجامعة لا تسكت ابداااا
هم اذا تعودون ينقصون احد خلاص أخذوها عاده
ولا الكل ينسخ ويلصق... والفريدان لا ترسل له رح بنفسك
ما راح ينصفك ابدا بالايميل ... انت تدرس بفلوسك وراتب الفريدان وكل الطاقم الظلمه
انت وانا وغيرنا جالسين ندفعه له
ولا بيكون جالس يرعى غنم بالربع الخالي

والله يووووفقك

سلاف هدي اعصابك شوي

شمالي انت كنت تجواب على المشاركات والواجبات من جهاز واحد او اكثر من جهاز
لانهم المستوى الي فات حذروا ان الطالب يستخدم اكثر من جهاز او ان الجهاز الواحد يستخدم اكثر من حسابين للطلبة
عشان موضوع المكتبات الي تساعد الطلبة .

[نونه2013]

اشدخلهم نسخنا لصقنا شبكه عمل شبكة بيت مالهم شغل لهم نحل وبس وتوصلهم حلولنا قد سلط علينا من لا يرحم وعساى تتسلط عليهم ادارة ماترحمهم
حتى الدكاترة نفس المحاضرات يعيدون تسجيلها لنا ليش ماحاسبنهم ونقولهم ليش تنسخونها والا الحساب يوم الحساب ياسادة

[messo]

انا نفس الحاله حملت ماده جبت فيها 56 والمشاركه عطوني 20 وانا متاكده اني جبت 30 كلها حليتها يعني المفروض ماحملتها بس حسبي الله ونعم الوكيل

[smal]

وانا حصلت معي نفس المشكلة ولم يتم احتساب درجات الفصلية لجميع المواد ورفعت تظلم وانتظر الحل رغم اني جبت درجات ممتازة في المتحانات النهائية يجب ان لا نسكت علي هذا ونجد حل ومن ظهور النتائج وانا احاول الاتصال والوصول لاحد المسئولين اكلمه بدون جدوي ومدري ايش اعمل من عنده حل ياريت يوجهنا جزاه الله كل خير

[N O R Z]

اخوي اتوقع انك اذا تحل المشاركات بالمكتبه فطبيعي ينقصونك
واذ كان معك احد بالبيت بنفس الجامعه
رح يكون نفس رقم الشبكه ومابيعطونك درجاتك كامله
هذا تعبك وجهدك لازم تاخذه
موفق

[totah talal]

الحق حق ولازم ينقال انا ولله الحمد درجاتي كامله لكن مايمنع اني اسكت عشان درجاتي كامله وغيري انظلم يعني خلاص مالي شغل ..

قسم بالله نظامهم وقرارهم زفت اولا .. درجاتنا نقعد ع اعصابنا اسابيع ننتظرها ليش ؟؟ وش العذر ؟؟

جامعات غيرنا ماشااء الله تطلع نتائج موادها اول باول .. هذا اولا ..

ثانيا .. مسأله ممنوع مكتبه تساعد ممنوع تدخل من نفس شبكه خير وش عليهم وش دخللللهم اصلا

في كل الاحوال احنا قاعدين نحل ونتعب وحتى لو مانتعب احنا سوينا اللي علينا وحلينا واجباتنا

فرضا لاسمح الله مرضت جهازي تعطل اي شي صار لي وانجبرت اعطي احد رقمي السري ودخل من شبكه

ثانيه يعني ايش ماتنحسب لي مثلا ..

ذبحونا بالانظمه اللي اربع وعشرين ساعه معلقه سنه لين تطلع نتايجنا وسنه ثانيه لين يطلع المعدل

حتى لو فيه ميه برنامج يطلع المعدل مفروض الجامعه تنزله وسنه لين تنزل المحاضرات لازم مايرتاحون لين

يدشونها لنا في اسبوع مليون محاضره ..

بكيفي مكتبه تساعدني صديقتي تساعدني جدتي تساعدني هذا شي محد له خص فيه من ناحيه

قرارت الجامعه الفنانه هذي حسبي الله ونعم الوكيل والله ينصف كل من تعب واجتهد وفالاخير نهبو درجاته واهملوها بعذر انه ليش دخلت من شبكه مدري من لاب ثاني والا مكتبه ..

حتى مراكز الاختبار زي الزفت .. اهمال واستهتار وين المشكله لو حطونا بمكان نظيف ..

موب في ساحه المدرسه .. مدرسه متوسطه بعد ...

اعتذر عن الاطاله بس منفقع قلبي ومرتفع ضغطي منهم جدا ...

[ســــلآف]

والله زميلاتي كلهم يحلون من شبكه واحدة ودرجاتهم كامله كل سنه ونسخ ولصق
بس هم ياخذون عشوائي ... بس ما معكم الا الصبر

[أسير الصمت 999]

والله زميلاتي كلهم يحلون من شبكه واحدة ودرجاتهم كامله كل سنه ونسخ ولصق
بس هم ياخذون عشوائي ... بس ما معكم الا الصبر


سلآف انصحي زميلاتكـ لا عاد يحلون من شبكه واحده او يسوون قص ونسخ ..

الجامعة مالها امان وعلى ماقلتي يختارون عينات عشوائي وربما السنه القادم ياقع الاختيار العشوائي على زميلاتكـ


لانه الجامعة وضعت تعليمات عدم النسخ والصق او دخول من كذا جهاز وهالاشياء تكون من صالح الجامعة وضدنا اذا لم يحتسبون الدرجة كامله لانه وضعوا التعليمات لنا ولابد تنفيذها ..

المهم اللي سلم واخذ الدرجة كامله يحاول تنفيذ تعليماتهم ويبعد اي شي يشوف انه يأثر عليه حتى لايكون للجامعة حجه علينا .

والله يحفظ الجميع

[ســــلآف]

سلآف انصحي زميلاتكـ لا عاد يحلون من شبكه واحده او يسوون قص ونسخ ..

الجامعة مالها امان وعلى ماقلتي يختارون عينات عشوائي وربما السنه القادم ياقع الاختيار العشوائي على زميلاتكـ


لانه الجامعة وضعت تعليمات عدم النسخ والصق او دخول من كذا جهاز وهالاشياء تكون من صالح الجامعة وضدنا اذا لم يحتسبون الدرجة كامله لانه وضعوا التعليمات لنا ولابد تنفيذها ..

المهم اللي سلم واخذ الدرجة كامله يحاول تنفيذ تعليماتهم ويبعد اي شي يشوف انه يأثر عليه حتى لايكون للجامعة حجه علينا .

والله يحفظ الجميع


كلامك عين الصوووواب ولانك مجرب نصحت وانا اتقبل نصيحتك برحابة صدر
وفقك الله وسدد للخير خطاااااااااك وبإذن الله انصحهم رغم اني متاكده لا فائدة منهم :41jg:

[يالله عونك]

انا اتوقع الشبكه مالها دخل اتوقع يتكلمون عن الجهاز مثلا اذا حلو طالبين من نفس الجهاز كذا ماتنحسب لهم لكن اذا كل واحد من جهاز لكن الشبكه وحده اتوقع تنحسب لهم الدرجه

[smal]

انا حليت من البيت وما احد يستخدم الشبكة غيري لكن الله لا يوفقهم

[نبعة الريحان]

راجع الجامعه اكيد في خطا
وان شاء الله تتسهل امورك