تسجيل الدخول

مشاهدة النسخة كاملة : سؤال سريع من فضلكم, هل يوجد انتساب آخر الآن؟

متعلم
2010- 2- 27, 09:22 PM
بغيت اكمل الترم الثاني في اي جامعة أخرى انتساب ؟ هل يوجد اي جامعة انتساب للترم الثاني؟
RDOC
2010- 2- 27, 09:42 PM
حسب علمي جميع الجامعات بدأت الدراسة ولايوجد تسجيل حالياً .


كل التوفيق
قمر شمر
2010- 2- 27, 10:58 PM
انتظري لترم ثاني وحولي علي جامعة عبد العزيز
بس اشوف نفس شي وهنا اصرف
الصقر 8
2010- 2- 27, 11:21 PM
الي اعرفه

جامعة الامام محمد بن سعود

فيها انتساب والتسجيل للمستجدين يكون مفتوح فترة طويلة لان اول ترم دورة تأهيلية
متعلم
2010- 2- 28, 12:04 AM
قمر شمر انا رجال : ايش اللي انتظري
متعلم
2010- 2- 28, 12:05 AM
ودي ادرس من أول علشان الدرجات تكون احسن؟!
متعلم
2010- 2- 28, 12:13 AM
انا مقهور على درجاتي اللي راحت سدى! وأصلا أنا أخطط للأنتظام في أي جامعة جديدة تفتح , بس أقول بعد سنه أو سنتين يمكن يفتحون جامعة فيها تخصصات متعددة و تكاليفها معقولة . يعني عشر آلاف السنه . وبدال ماني فاضي ادرس وبعدين اعادل اللي اعادله . وش رايكم ؟؟ شاكرا لكم تفاعلكم !!
قمر شمر
2010- 2- 28, 12:19 AM
اولا انتظام ما اتوقع يمديك لاكبر سنك
ثانيا في جامعة الامير محمد سنه 45 الف
العربيه المفتوحه 14 الف سنه او ع حسب ساعات
رابعا مانتبهت انك انت لي كاتب الموضوع انا قريت الموضوع ورديت ع بالي بنيه


وصصراحه من سيرتك العلميه انت غير مستقر في وضعك العلمي وذا سبب للي مخليك ماتتقدم انا مادري عن ظروفك
بس دايم تقول درست وكنت دافور
ولحين تبي تنقل
اقول استخير يمكن تتعدل احولك
متعلم
2010- 2- 28, 12:47 AM
شكرا على المشاركه ياقمر والاعتذار ! بس احنا ليش دايما ندر س تخصص ما نرغبه ؟ بس علشان الوظيفه؟!
يعني انا صح كبير شوي بس لازم ادرس . اما من ناحية غير مستقر صح بس الواحد يعدل نفسه , ما عمرك سمعتى عن دورات تحسين الذات ! وتغير الواقع بشكل جذري !
الجامعات هذي غاليه حقت عيال نعمه مره والمفتوحه كنت فيها ترم وماتسوى لأن ماهي قويه ولا فيها تخصص ارغبه , لو فيه تخصصات علميه قويه كان حلو , مثل نانو تكنولوجي او احياء كيمياء أو غيره لأني كنت تخصص علمي وطورت نفسي رغم اني كنت متعقد من الرياضيات صرت احبها سلام
متعلم
2010- 2- 28, 12:48 AM
شكرا ردوك وصقر على النصائح المفيدة , ما خذها في الاعتبار . سلام
محمد حمد
2010- 2- 28, 03:41 PM
مثل ماقال اخوي جامعة الامام
متعلم
2010- 2- 28, 06:59 PM
تصدقون؟ زميلي في العمل في جامعة الامام وشهادته مليانه a+ هههههههههههه مدري يساعدونهم الظاهر !
أنا بالنسبة لي استخرت الله وسجلت ترم ثاني هنا , 18 ساعة .