ماقدرت انزل الا 18 ساعه

[Rakan2]

السلام عليكم ورحمة الله وبركاته
سؤال للي يقدر يفيدني
انا إن شاء الله اخر ترم ونزلت 18 ساعه وبقى مادتين 6 ساعات اهل اقدر اضيفهم او فيه طريقه لان الترم اللي راح فتحو لنا مره ثانيه ياليت تساعدونا.

[عبدالعزيز123]

وعليكم السلام ورحمة الله وبركاته

سجل 18 ساعة هاللحين والـ 6 ساعات الباقية لازم تكلم الجامعة او تراسلهم ويضيفونها لك ان شاء الله

وهذي هي الفترة الثانية للتسجيل الفترة الاولى انتهت

[Rakan2]

طيب الله يعطيك العافية كيف اتواصل معهم

[ام جوانااا]

نبي رقم التواصل تكفووون انا باقي لي 7 مواد والنظام ماقبل ال 6 وباقي لي ماااده

[Şђάğάβ]

انتظرو يوم يومين التسجيل مفتوح لين تاريخ 12 هجري
وذا الوضع طبيعي من الترم الى راح وهم مطلعين عينا ليين مافتحو التسجيل لاكثر من 18 ساعه

[روني قادم]

طيب وانا كدالك باقي لي 19 ساعة والنظام ما قبل غير 17 ساعة ومكتوب الحد الاقصى 18 ساعة ويش العمل يا شباب انقدونا وبقي لي مادة واحد من 2 ساعة الفزعة ارجوكم مصيبة ترم واحد على علشان مادة من 2 ساعة

[أبو نواف 100]

نفس الوضع .. كلنا باقي لنا مواد ماسجلناها .. لكن نبي احد يساعدنا للتواصل عن طريق التلفون .. لان الاميلات لو نموت ماردوا علينا .. للأسف ..

[btbt]

جامعة الملك فيصل
عمادة التعلم الالكترونى و التعليم عن بعد
ص.ب 400
الأحساء 31982


الهاتف المجاني
8003030308
من الاحد وحتى الخميس من الساعة الثامنة والنصف صباحا وحتى الساعة الرابعة عصرا
ملاحظة: لاتوجد ارقام هاتف ثابت او جوال خاصة بالطلبة تتبع للعمادة غير الهاتف المجاني والعمادة غير مسؤولة عن اتصالات الطلبة على ارقام اخرى تابعة للجامعة

كما يمكنك ارسال استفسارك عن الشؤؤن المالية او الاكاديمية أو أي مشكلة تواجهك عبر ايقونة الاستفسارات
الموجودة في الخدمات الطلابية أو بوابة التعليم عن بعد وسيتم الرد عليك بأسرع وقت ممكن وبحد أقصى ثلاث
أيام عمل



​​​​​​

[Rakan2]

الله يسهلها يارب

[عويشق]

الرقم مشغووووووووووووووول طول اليوم