رفض طلب توسعة شعبه

[Ghada92]

انا مسويه طلب توسعة شعبه لماده مهمه لازم اخذها هالترم
ومن يوم الخميس عاد تو المشرفه اليوم الاثنين ترد علي بالرفض
حسبي الله ونعم الوكيل

وش سبب الرفض الحين وايش اسوي ؟؟
فيه احد داوم اليوم وسعوا له ؟؟
لو رحت يوافقون يسوون لي توسعه ولا يقولون خلاص جاك رفض ؟

[فاطمة ،]

قرأت معلومة تقول أن المشرفة مالها إلاّ صلاحيتين
الموافقة على المنذر أكاديميًا وحاجة ثانية نسيتها بس مو توسعة الشعب
هم أتوقع يسوون حصر لعدد الطلبات ويرفعونها للقسم، وبعد كذا يوافقون أو يرفضون
راجعيهم وشوفي وش يقولون لك، الله ييسر لك

[Student re]

اكيد لازم تروحين لهم و تطبعين جدولك و توضحين لهم انه مافي مجال إلا هالشعبة

موفقه

[الانتظاار]

مثلي الترم اللي راح رفضوا التوسعة حسبي الله عليهم >< !
بس عاد انا ما افادوني بشي قالوا لو انك بتتخرجين بنسجلها ليتهم يساعدونا لو راجعناهم الا زحمة ومافي تنظيم وترجعين وانتي موب مستفيدة شي اليوم بنات راجعوهم عشان توسعة لتفاضل 3 رفضوا !! قالوا لهم قسم الرياضيات اولى :007:
هذا ما يمنع انك تراجعيهم احتياطا ممكن يفيدوك ويكون وضع المادة اللي تبيها يسمح بالتوسعة
موفقةة :004:

[احلام صاعده]

انا كنت طالبه توسعه شعبة لتفاضل 3 واليوم اشيك انه رفضو التوسعة
دوامت ماستفدت أي شيء يقولون الاولى اللي ماتسجلت لهم مواد ومدري ايش !!؟
طيب ايش الحكمة من وجود توسيع شعبة بالنظام وبالنهاية رفض
شيء لايطاق جد وحتى تجاوز متطلب ماتقدرين مستوى اعلى منك ماتقدرين تسجلين
حاطين لنا خيارات بالموقع بس تسكيت :(

[مرام يحي]

فيه شعبه راح تفتح لماده تفاضل 3 اللي تبي تكتب اسمها الكامل لي مايحتاج تدوام

[Ghada92]

جزاكم الله خير على الرد جميعاً

وما اقول الا حسبي الله ونعم الوكيل
داخلين جامعه ننذل بدل ماندرس
صار الواحد يكره الاجازه لانه يشيل هم النتايج وبعدها التسجيل
صا لي فتره تعذبت بالزياره وكل ترم اخذ ثلاث مواد
ويوم حولت اكلتها بسالفة تقفل الشعب وماسجلت الا 4 مواد بس
حسبي الله ونعم الوكيل
حسبي الله بس