للمتخرجين والمتخرجات نقاط مهمة بعد التخرج

[Traveller]

سلام عليكم ورحمة الله وبركاتة
اول شي الف الف الف مبروك لك خريج او خريجه وعقبال الجميع يارب:(6):

في اشياء ابي اتكلم عنها تفيدنا كمتخرجين وانا اشوفها جدا مهمه

وهي كالاتي:-

1_ طباعــة التوصيـــات الالكترونية ويفضل مواد التخصص والدرجة الممتازة.

2_ اختبــار قدرات الجامعين <<<للماجستير وبرضه اختبار المعلمين والتخصص <<كلنا نعرف انه الوظائف التعليمية لا تشملنا لاننا انتساب والبعض بيقول ليش نختبر واحنا اصلا ماراح نترشح للوظائف التعليميه ؟!!!!!!!!!!
بقول لكم ليش اول شي الواحد مايدري وش يصير في يوم وليلة يتغير كل شي ويمكن يصدر قرار بمواساه شهاده المنتظم بالمنتسب وكذلك تخصصنا احنا تربية خاصه مجالنا تدريس المجال الاكبر والمناسب لنا هو تدريس بعكس التخصصات الثانية وبرضه يمكن يكون في استثناء لنا والله يسهل امورنا

تقريبا هالشيئين المهمة ولي عودة لكم وح اتواصل معكم و ح انزل مواضيع اول باول بخصوص مابعد التخرج وباذن الله

[إحساس مرهف]

جزاك الله خير ��

[ريفان بنت راكان]

الحين التوصيات لاسوينا طباعه تنقص عدد التوصيات
بس ماتنطبع معي شالسالفه ؟
تتأكد عندهم ولا الخلل عندي لازم تنطبع ع اوراق ��

[Traveller]

جزاك الله خير ��

وياك يارب

الحين التوصيات لاسوينا طباعه تنقص عدد التوصيات
بس ماتنطبع معي شالسالفه ؟
تتأكد عندهم ولا الخلل عندي لازم تنطبع ع اوراق ��

المفروض تتاكدين من ان الطابعه شغالة الحين اعطت امر انه اخترتي التوصيه وطبعتيها وخلاص وشي اكيد راح ينقص عدد التوصيات حتى قبل ماتختارين التوصيه موضعين فوق ومنبهين على التاكد من توصيلات الطابعه , تواصلي مع الاداره واشرحي لهم الوضع بالتوفيق

[ريفان بنت راكان]

يالله اجل جبت العيد وش السسواة ����������
ياووويل حالي ،، اكلم مين اتواصل مع مين ؟

[انفاس نجد ..]

معليش مافهمت قصه التوصيات ممكن تفهموني

[Traveller]

يالله اجل جبت العيد وش السسواة ����������
ياووويل حالي ،، اكلم مين اتواصل مع مين ؟

في الدكتور مصلح وهذا رقمه 0542138338

وعلى التويتر رئيس قسم الخدمات الطلابية ( احمد الشعيبي ) rrr898@


الهاتف المجاني
8003030308
من الاحد وحتى الخميس من الساعة الثامنة والنصف صباحا وحتى الساعة الرابعة عصر

معليش مافهمت قصه التوصيات ممكن تفهموني

هي توصية من دكتور درسلنا مقرر ولو تلاحظين اللي بيكمل ماجستير طالبين توصية اقل شي من دكتورين

المهم ادخلي الخدمات الطلابية تحصلينها تحت في الركن الايمين ايقونه اسمها توصية الكترونيه

[a8wa shi]

طيب ممكن اعرف متى نستلم وثائقنا !؟

[Traveller]

طيب ممكن اعرف متى نستلم وثائقنا !؟


تتاخر شوي استلام الوثائق يمكن تصل الى شهر شهرين ثلاثه والله يسهلها

[ام نواف 5]

الله يجزاك خير

وربي ييسرها بذن لله ..

[MEMOOOOO]

الله يعافيك بخصوص اختبار الجامعيين وكفايات متئ بتكون ؟
وانا سالت وحده مختبره كفايات تقول لازم تسجلين بجداره اول !!!
اتمنئ تفهمني الله يخليك ..

[Traveller]

الله يجزاك خير

وربي ييسرها بذن لله ..

وياك يارب , والله يوفق ويسهل لكل طالب وطالبه

الله يعافيك بخصوص اختبار الجامعيين وكفايات متئ بتكون ؟
وانا سالت وحده مختبره كفايات تقول لازم تسجلين بجداره اول !!!
اتمنئ تفهمني الله يخليك ..

لا يااختي مو لازم تسجلين في جدارة , سجلي في موقعهم ( فياس) سجلي اختبار المعلمات العام والتخصصي لاتنسينه يعني تسجلين اختبارين , بالتوفيق

[HANOUFA]

لوسمحتو اللحين اطبع التوصيات واخلي الدكاتره يوقعون قبل لانستلم الوثيقه
والا كيف

[Traveller]

لوسمحتو اللحين اطبع التوصيات واخلي الدكاتره يوقعون قبل لانستلم الوثيقه
والا كيف

مجرد ماتطبعين التوصيه خلاص مايحتاج توقيع الدكاتره لانها مختومه لو طبعتي بالملون بتلاحظين الختم بالتوفيق

[ريفان بنت راكان]

من معلوماتي اللي وصلتني من احد عمادة التسجيل
انو جداره لايحق لنا التسجيل فيها لأننا طلبة انتساب
وش السواة ؟؟

[Traveller]

من معلوماتي اللي وصلتني من احد عمادة التسجيل
انو جداره لايحق لنا التسجيل فيها لأننا طلبة انتساب
وش السواة ؟؟

نختبر اختبارات القياس هذا اول شي نسويه ولما نستلم الوثيقه يحلها الله

حاليا الدكتور ال فهيد استبعد المنسبين من جميع الوظائف التعليميه يقول انهم ضعيفون ولا يصلحون ان يكونوا معلمين مع انه ودي انه جاء وشاف بعينه دراستنا كيف انها شامله جميع النواحي مثلها مثل الانتظام واقسم بالله فيه طلبه في الانتساب افضل بكثير من حقين الانتظام وغير كذا اختبار القياس مقياس لقدرات الطلبه , اتوقع ح يوصل لقناعه ان قراره هذا ضعيف وليسنا نحن الضعيفون كما يقول!!

عموما اللي علينا نسويه نختبر اختبار المعلمين عام وتخصصي وبعدها نشوف وش نسوي , وزير التعليم الجديد ح يصر قرارات نمتى يكون من ضمنها الغاء استبعاد طلبه الانتساب من الوظائف التعليميه والله يسهل الامور

[نوتلا]

بنات ليش. ما نجتمع. ونرسل ايميل. ل وزير الجديد

@AzzamAlDakhil: حرصاً على حصر طلباتكم وتبويبها وعدم**فقدان شيءٍ منها،
أدعوكم مشكورين للتواصل معي عبر العنوان الآتي:

AzzamAlDakhil@moe.gov.sa


انا متخرجه بس ماقدمت على جداره كنت استنى اختبر قياس لعلى يتغير النظام
متفائله خيرر

[Traveller]

بنات ليش. ما نجتمع. ونرسل ايميل. ل وزير الجديد

@azzamaldakhil: حرصاً على حصر طلباتكم وتبويبها وعدم**فقدان شيءٍ منها،
أدعوكم مشكورين للتواصل معي عبر العنوان الآتي:

azzamaldakhil@moe.gov.sa


انا متخرجه بس ماقدمت على جداره كنت استنى اختبر قياس لعلى يتغير النظام
متفائله خيرر


تم الارسال له , بعدين على ذمه صحيفه سبق يقولون موضوع المنتسبين كان من ضمن المواضيع اللي ناقشها الوزير الجديد والله يسهلها

واتمنى من كل خريج او خريجه يرسلون لايمليه وان شاء الله يكون في تجاوب