قررت أخذ الترم الثامن قبل السادس .. شرايكم ؟

[Sutho]

السلام عليكم ورحمة الله وبركاته
أخواتي وأخواني أنا بحاجة لمشورنكم بارك الله فيكم
نظراً لرسوب أعداد مهولة من الطلبة والطالبات في مشروع التخرج بالترم الثامن وتأخرهم عن التخرج ترم كامل بسبب مادة وحدة
فكرت أني أخذ هالترم مواد الترم الثامن بدل من الترم السادس وأأجل دراسة الترم السادس للترم الأخير ..
بحيث لو رسبت بمشروع التخرج أو بالإحصاء الترم الجاي " لا قدر الله " يكون معاي آخر ترم أقدر أضيف المادة وأعيدها ..
وش رأيكم خاصة الأخ الجارح الله يعطيه العافيه ..

[نورة بنت فهد]

وعليك السلام والرحمات من الله ،،، اجمل مافي الجامعه تقدرين تنزلين جدولك حسب هواك ،،،،
طيب وهذا رائيي ،،،، دام انتي شايله هم مشروع التخرج والاحصاء ،،،، نزليهم الان مع مقررات سادس مع تاجيل علم البيئه وعلم الاعلام لانه لازم تاخذين مقرر تصميم اابحوث لانه متطلب لمشروع التخرج ،،،، وخلي التدريب الميداني مع ميداني 3 في ثامن ونزلي بداله المشكلات الاجتماعيه من سابع ،،،، وبيكون عندك فرصه للتعويض لو اخفقتي بالمقررات هذي
وباذن الله امورك طيبه وبتعدينها بتفوق ،،،، اماانه عليك تفائلي ،،،،
وانتظري الجارح يقول رائيه ،،،،، بالتوفيق حبيبتي ♡

[m-lulu]

وعليك السلام والرحمات من الله ،،، اجمل مافي الجامعه تقدرين تنزلين جدولك حسب هواك ،،،،
طيب وهذا رائيي ،،،، دام انتي شايله هم مشروع التخرج والاحصاء ،،،، نزليهم الان مع مقررات سادس مع تاجيل علم البيئه وعلم الاعلام لانه لازم تاخذين مقرر تصميم اابحوث لانه متطلب لمشروع التخرج ،،،، وخلي التدريب الميداني مع ميداني 3 في ثامن ونزلي بداله المشكلات الاجتماعيه من سابع ،،،، وبيكون عندك فرصه للتعويض لو اخفقتي بالمقررات هذي
وباذن الله امورك طيبه وبتعدينها بتفوق ،،،، اماانه عليك تفائلي ،،،،
وانتظري الجارح يقول رائيه ،،،،، بالتوفيق حبيبتي ♡


زي ما قالت لك اختي نوره :(204):

الله يستر بس من مشروع التخرج العام ماسمعنا في رسوب
السنه هذ :41jg:

:hhheeeart4:

[MrsOmsultan]

بخصوص ترتيب جدول من المستوى الثامن اجدها فكره جميله لكن قبل كل شي اوصيك اخوي بالاسخاره فالخيره دائما بما يختاره الله وبالتوفيق ان شاء الله
وبمناسبة هالموضوع احب استفسر من الجميع بخصوص التدريب الميداني كيف اسجل فيه وعند جمعها مع بعض التدريبات بترم واجد هل يكون فيه مانع اقصد هل راح ياثر علي رجاء من عندها او عنده رد لاستفساري يفيدني وشاكره لكم مقدما

[نورة بنت فهد]

بخصوص ترتيب جدول من المستوى الثامن اجدها فكره جميله لكن قبل كل شي اوصيك اخوي بالاسخاره فالخيره دائما بما يختاره الله وبالتوفيق ان شاء الله
وبمناسبة هالموضوع احب استفسر من الجميع بخصوص التدريب الميداني كيف اسجل فيه وعند جمعها مع بعض التدريبات بترم واجد هل يكون فيه مانع اقصد هل راح ياثر علي رجاء من عندها او عنده رد لاستفساري يفيدني وشاكره لكم مقدما

ياااثر عليك من اي نااحيه ،،،،، ابد مافيه تااثير ،،،، حلو تسوينها بمدرسه وحده بما انه كل مقرر دكتورها غير
بالتوووفيق

[الجــــ@ـارح]

عليكم السلام ورحمة الله

اختي انا ما انصحك تاخذي مواد ثامن الان ,

خليك ماشية على الخطة واخذ مواد سادس مع اكبر عدد ممكن من الساعات

مشروع التخرج نعم فيه طلبه حصلو على درجات 1 و 31 و 97

وكثير اعرفهم اخذو 95 لانهم مشو مع الدكتور بالطريقة الصحيحه لكن الشخص الي بيعتمد على

النسخ والصق من النت لو ياخذ ترم عاشر راح ياخذ 1 في مشروع التخرج

طبعا مشروع التخرج له متطلب في مستوى سابع ماده لازم تاخذيها اول ,

كذالك مادة علم اجتماع التنظيم لها مطلب في سابع مادة التغير الاجتماعي

وانتي الراي الاول والاخير لك ,,,

[Sutho]

مشكورة نورة حبيبتي
مشكورة أم سلطان

أخوي الجارح طيب أنا سبق وأخذت العمل التطوعي أفكر أخذ بداله التدريب الميداني ٣ مع الميداني ٢
وأحذف علم اجتماع البيئة وأخذ بداله الإحصاء
وش رأيك يا أخوي ؟

[الجــــ@ـارح]

مشكورة نورة حبيبتي
مشكورة أم سلطان

أخوي الجارح طيب أنا سبق وأخذت العمل التطوعي أفكر أخذ بداله التدريب الميداني ٣ مع الميداني ٢
وأحذف علم اجتماع البيئة وأخذ بداله الإحصاء
وش رأيك يا أخوي ؟


اختي التدريب الميداني 3 ماده بدون اختبار واشوف اخذها في المستوى السادس غلط

لان المستوى السادس فرصه لاخذ عدد اكبر من الساعات للتخفيف من مواد سابع

الاحصاء اكبر غلط ان الطالب يسجله مع 9 مواد وجهة نظري ان الاحصاء يبقى في سابع

وتخفيف مواد سابع وسحب مواد من سابع في سادس

مادام اخذتي العمل التطوعي اقترح عليك تسجلي مواد سادس كلها وتضيفي ماده من سابع مكان التطوعي

وتاخذي الارشاد والتوجيه من سابع

راح يكون سابع عندك فقط 7 مواد من ضمنها الاحصاء وانتي استخيري وشوفي المناسب لك

ولا تترددي لان التردد هو الي يسبب لك تشتت

ولا فيه شي صعب مع المذاكرة ولا فيه شي مستحيل

[عضو محذوف]

ما انصحك ولا تخافين من ماده وتخلينها عقبه قدامك ولا تقيسين رسوب البعض عليك (من توكل على الله . فهو حسبه)وبعد (لكل مجتهد نصيب) والله مايضيع احد ان شاءالله

[نورة بنت فهد]

ما انصحك ولا تخافين من ماده وتخلينها عقبه قدامك ولا تقيسين رسوب البعض عليك (من توكل على الله . فهو حسبه)وبعد (لكل مجتهد نصيب) والله مايضيع احد ان شاءالله

الله اكبر عليك ،،،، شاطره ياابنت ،،، الله لا يضيع لكم جهد ولا تعب ،،، وفالكم الفل مارك
همسسسسسسكي :rose:

[عضو محذوف]

الله اكبر عليك ،،،، شاطره ياابنت ،،، الله لا يضيع لكم جهد ولا تعب ،،، وفالكم الفل مارك
همسسسسسسكي :rose:
هههههههه شكرا ع الورده :hahahahahah:

[بدر البدراني]

شوفي اذا متخوفه من مشروع التخرج خوذيه عادي ان شالله مايخوف وموبشرط تأخذينه مع مادة تصميم البحوث انا استفسرت من الجامعه وقالو عادي ممكن تاخذ مشروع التخرج لوحده واستمري على مواد سادس الله يوفق الجميع

[نورة بنت فهد]

شوفي اذا متخوفه من مشروع التخرج خوذيه عادي ان شالله مايخوف وموبشرط تأخذينه مع مادة تصميم البحوث انا استفسرت من الجامعه وقالو عادي ممكن تاخذ مشروع التخرج لوحده واستمري على مواد سادس الله يوفق الجميع

يعني ردو عليك ،،،، يغيرون مايعلمون :007:
يعني بتنزل مشروعك هالترم يا بدر

[العاشق لوطني]

انصح باتباع الخطه
بسبب
ان اغلب المواد تكميلي لما سبقها من معلومات فبذلك تسهل المذاكره

[روح الحب]

ياساتر بس
لاتخوفونا
ولاتروحون مستويات اخرى توترون عمركم
خلون بمستوانا وبس
الله يسهل علينا يارب

[بدر البدراني]

الدعوه قناعات بالنسبه لي الحمدالله مخلص الاحصاء الاجتماعي من المستوى الثالث حلو انك تمشي على الخطه بس مايمنع تاخذ الصعب وتخلصه والله يوفق الجميع

[بدر البدراني]

طبعا يالامبراطوره راح انزله المشروع ادعيلي الله يوفق الجميع

[نورة بنت فهد]

طبعا يالامبراطوره راح انزله المشروع ادعيلي الله يوفق الجميع

ماشاءالله تبارك الله ،،،، باذن الله تجتاز بامتياز ،،،، الله يوفقك وياخذ بحثك مكانه بين البحوث المهمه :119:
همسسسسسسسسك :106:

[msrhe]

انا نزلت انقليزي عام وكتابه واجلت علم البيئة للمستوى الثامن وعلم اجتماع الاعلام كذلك ونزلت التدريب الميداني 3 افيدوني الله يحفظكم

[wintr song]

انا نزلت انقليزي عام وكتابه واجلت علم البيئة للمستوى الثامن وعلم اجتماع الاعلام كذلك ونزلت التدريب الميداني 3 افيدوني الله يحفظكم

لا خطاء اخوي تجمع الانجل العام مع الكتابة لان كلهم يبيلهم متابعة وجهد
خل الكتابة في 8 افضل مع اغلب الطلاب وخذ العام هالمستوى .

الله يوفقك

[نورة بنت فهد]

انا نزلت انقليزي عام وكتابه واجلت علم البيئة للمستوى الثامن وعلم اجتماع الاعلام كذلك ونزلت التدريب الميداني 3 افيدوني الله يحفظكم
اخوي اذا انت تشوف نفسك جيد بالاتقلش نزلهم الان ....
او نزل البيئه مع انقلش عام .... وانقلش كتابه في ثامن
ميداني 3 حلو نزله مع ميداني 2 وارتاح منهم
ربي يكتب لك الخير والتوفيق

[Sutho]

الله يعطيكم العافية ويوفقكم ويجزاكم خير ع النصيحة
مشيت ع شور الأخ الجارح واله يوفقنا وإياكم لما يحب ويرضى

[تسجيل خروج]

^


موفقة

[ysssy]

عليكم السلام ورحمة الله

اختي انا ما انصحك تاخذي مواد ثامن الان ,

خليك ماشية على الخطة واخذ مواد سادس مع اكبر عدد ممكن من الساعات

مشروع التخرج نعم فيه طلبه حصلو على درجات 1 و 31 و 97

وكثير اعرفهم اخذو 95 لانهم مشو مع الدكتور بالطريقة الصحيحه لكن الشخص الي بيعتمد على

النسخ والصق من النت لو ياخذ ترم عاشر راح ياخذ 1 في مشروع التخرج

طبعا مشروع التخرج له متطلب في مستوى سابع ماده لازم تاخذيها اول ,

كذالك مادة علم اجتماع التنظيم لها مطلب في سابع مادة التغير الاجتماعي

وانتي الراي الاول والاخير لك ,,,


يعطيك العافية اخوي الجارح انت المفروض اسمك المداوي الله يحفظك ...

ابي نصيحتك لاني مسجل مشروع التخرج هالترم وش الخطوات الصحيحه والي تخليني اعدي المادة ع خير ....